Црна хроника
Oграбeн 91 годишен старец, го пресретнале две жени кои му нуделе да купи накит
Деведесет и еден годишниот Д.А. пријавил дека во село Катланово додека се движел кон неговата викенд куќа на стариот пат кон Велес, во непосредна близина на надвозникот на реката Пчиња, од страна на непознато женско лице му била извршена тешка кражба на дрзок начин при што му бил одземен еден машки златен прстен, а сторителката се стекнала со противправна имотка корист од околу 30.000 денари.
„Оштетениот додека се движел го пресретнало возило од кое излегло непознато лице на возраст од 50 до 55 години и му понудило еден прстен на продажба со златна боја, кој пријавителот го купил за сума од 500 денари. Потоа, откако лицето се вратило во возилото, од истото излегло уште едно женско лице на возраст од 55 до 60 години и му понудило на продажба уште три прстени златна боја и една нараквица, на што пријавителот одбил да ги купи бидејќи немал пари. Жената го забележала неговиот прстен на десната рака и му рекла дека сака да го види, по што во еден момент му го извадила од неговиот прст и се вратила во возилото. Двете го напуштиле местото на настанот, притоа оставајќи му ги трите прстени со златна боја и нараквицата“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.