Контакт

Економија

Автомобилите поскапуваат од јануари

Објавено пред

Од 1 јануари 2020 година Европската комисија ќе ги казни производителите на автомобили за секој вишок грам на јаглерод диоксид (СО2) над зацртаниот просек од 95 грама на секој поминат километар. Казната ќе изнесува 95 евра за секој грам.

Ова произлегува од строгата регулатива со која се поставуваат стандарди за емисија на CO2 за нови автомобили и нови лесни комерцијални возила со кои ЕК бара од производителите на автомобили да произведуваат возила што се продаваат на пазарот на ЕУ, а кои од идната година ќе емитуваат 95 грама на километар, додека само 5% од возилата ќе можат да имаат поголема емисија на јаглерод диоксид од планираното.

Сето ова ќе доведе до пораст на цената на новите автомобили бидејќи дилерите нема да можат сами да ја надоместат казната. Според проценката на консултантската компанија „Еулер Хермес“, цената на новите автомобили ќе се зголеми за 2,6% во просек во 2020 година, што е само почеток на порастот на цените, според „Јутарњи лист“.

Просечната емисија на CO2 на нови автомобили продадени во ЕУ во текот на 2018 година изнесуваше 120,6 грама на километар, а доколку е така во 2020 година, производителите ќе треба да платат огромни казни. Експертите проценуваат дека казните се движат од 20 до 35 милијарди евра, а казните ќе се пресметаат врз основа на бројот на продадени, а не произведени автомобили.

Економија

Битиќи: Четвртиот сет мерки ги пресликува барањата на стопанството

Објавено пред

Заменикот на претседателот на Владата задолжен за економски прашања, Фатмир Битиќи, денес одржа работен состанок со претседателот на Стопанска комора на Северозападна Македонија, Неби Хоџа и претставници на компаниите членки на комората, на кои им го презентираше четвртиот сет на мерки за справување со социо-економската криза предизвикана од коронавирусот Ковид 19.

Вицепремиерот рече дека овој пакет од 31 мерка е креиран преку целосно инклузивен процес, а во неговото создавање учествуваа сите релевантни чинители во економскиот живот, како што се стопанските комори, синдикални организации, академската заедница и граѓанскиот сектор. За мерките од четвртиот пакет резервиравме 470 милиони евра, рече Битиќи, при што додаде дека заедно со првите три пакети, обезбедена е соодветна и сеопфатна поддршка.

Мерките се моделирани за да одговорат на реалните потреби на граѓаните и бизнисот, а со нивната имплементација, се очекува да се обезбеди сигурности и ликвидност на компаниите, да се задржат работните места и да се раздвижи домашната потрошувачка, која зафаќа најголем процент од бруто домашниот производ.

Вицепремиерот се осврна на мерката за субвенционирање на плати, како една од најважните мерки кои беа побарани од стопанството, пришто посочи дека во наредните три месеци, помошта за исплата на плата ќе се спроведува скалесто, сoгласно падот на приходите кај компаниите. Како репер за споредба ќе се зема периодот од април-август 2020 година, споредбено со истиот период од лани, а во зависност од намалениот приход има различни суми за поддршка.

Компаниите кои бележат намален приход од 30% до 40%, ќе добијат 14.500 денари поддршка, тие со загуби од 40% до 50%, ќе добијат 15.955 денари поддршка, од 50% до 60%, ќе добијат 17.410 денари поддршка, од 60% до 70% намален приход, ќе добијат 18.865 денари поддршка, оние со приход кој е помал од 70% до 80%, ќе добијат 20.320 денари поддршка, додека наголема поддршка ќе добијат компаниите кои се најпогодени и имаат над 80% намален приход, за што ќе добијат по 21.776 денари поддршка, за секое работно место.

Вицепремиерот посочи дека уште низа на мерки ќе се реализираа за поддршка на стопанството, како што се 100 милиони евра поволни кредити преку Развојната банка на Северна Македонија, пласирани преку комерцијалните банки, намалување на парафискалните давачки за компаниите, грантови за туристички агенции, за ресторани и за игротеки, одложување на плаќања на даноци, намалување на данокот на додадена вредност за одредени производи и други мерки кои значително ќе го олеснат работењето на компаниите во овој период.

Битиќи потенцираше дека преку примерот за креирање на четвртиот сет на мерки, но и претходните три сета, се докажало дека Владата е сериозен и цврст партнер на стопанството и на граѓаните и дека сите мерки ги рефлектираат реалните потреби на сите категории на граѓани и компании.

Прикажи повеќе...

Економија

Вицегувернерката Митреска: Македонската економија ја минува ковид-кризата со посилни фундаменти во споредба со глобалната финансиска криза од 2008 година

Објавено пред

Вицегувернерката на Народната банка, Ана Митреска, учествуваше на 86. издание на „Ист жур фиксе“ – настан во организација на Централната банка на Австрија, кој оваа година, поради околностите поврзани со пандемијата, се одржа во виртуелен формат. На настанот фокусот секогаш е ставен на актуелни теми и прашања за централнобанкарската заедница, а годинешното издание беше на тема „Сѐ за Ковид-19 – геополитички, економски и макрофинансиски перспективи на земјите од Западен Балкан“.

Како говорник на втората сесија на која се дискутира за последиците од Ковид-19 врз макрофинансиската стабилност, вицегувернерката Митреска даде осврт на случајот на македонската економија. Притоа, во рамките на своето излагање, таа укажа на посилните фундаменти и помалите ранливости со кои македонската економија ја минува ковид-кризата, споредено со периодот на глобалната финансиска криза од 2008 година. Според неа, тоа е видливо преку повеќе сегменти, вклучително и преку посилната надворешна позиција на економијата, повисокото ниво на девизните резерви, како и преку отпорноста на банкарскиот систем.

Во своето излагање вицегувернерката стави акцент и на каналите преку кои ковид-кризата се пренесува во домашната економија укажувајќи на каналот на доверба и очекувања како битен фактор за намалувањето на потрошувачката и инвестициите. Понатаму, таа се осврна на каналот на трговските врски и намалената надворешна побарувачка, како фактори што имаат неповолен ефект врз извозот, а во услови на вклученост на економијата во глобалните производствени синџири.

„Сепак, податоците покажуваат дека овие ефекти се краткотрајни и во услови на отворање на економиите тие постепено се исцрпуваат. Всушност, структурата на економијата и на извозната база, во кои доминираат стоките, а не услугите, претставува компаративна предност во овој период, што може да овозможи побрзо закрепнување на кус рок во однос на некои други економии“, посочи Митреска.

Посебен акцент стави и на дознаките, кои со оглед на специфичноста на кризата бележат намалување.

Во однос на монетарната политика и регулаторните промени вицегувернерката посочи дека од почетокот на ковид-кризата Народната банка ги релаксира монетарните услови. Намалувањето на основната каматна стапка, обезбедувањето дополнителна ликвидност, реактивирањето на неконвенционалната мерка на задолжителната резерва, но и овозможувањето регулаторна флексибилност, со цел намалување на финансискиот товар за компаниите и граѓаните, се дел од преземените мерки што Митреска и ги посочи во дискусијата на настанот.

„Целиот овој пакет-мерки овозможи релаксирање на финансиските услови и олеснување на пристапот до финансирање, со што се ублажува ефектот од ковид-кризата врз домашната економија“, истакна вицегувернерката.

На крајот на излагањето таа ја нагласи и исклучително високата неизвесност присутна кај економиите, со оглед на здравствениот карактер на кризата, како и потребата од внимателно следење на сите текови.

Учеството на овој значаен меѓународен настан вицегувернерката Митреска го искористи и за одделни дискусии со свои колеги од регионот и Европа, кои во најголем дел беа фокусирани на размена на искуства од досегашното справување со ковид-кризата.

Прикажи повеќе...

Економија

Бектеши – Галовеј: Обединетото Кралство е втор најголем трговски партнер на Северна Македонија

Објавено пред

Министерот за економија, Крешник Бектеши, денеска оствари видеосостанок со амбасадорката на Обединетото Кралство, Рејчел Галовеј. На состанокот разговараа за економските приоритети на Владата во новиот мандат, економската соработка меѓу двете земји, како и можноста за продлабочување на истата.

Министерот ја информираше амбасадорката за мерките и реформите кои ги спроведе Владата и Министерството за економија за поддршка на економијата за справувањето со кризата предизвикана од Ковид-19, посебно на мерките од новиот четврти пакет кои ќе значат дополнителна поддршка за бизнисот и граѓаните во справување со последиците од пандемијата.

Министерот ја информираше амбасадорката Галовеј дека Обединетото Кралство е втор по големина трговски партнер на Северна Македонија, а вкупната билатерална трговија меѓу двете земји е во континуиран раст во последните неколку години.

Двајцата се согласија дека има простор за продлабочување на трговската соработка меѓу двете земји, пред сè поради присуството на британските инвеститори на македонскиот пазар.

Во делот на енергетиката министерот исто така ја информираше амбасадорката дека во наредниот период Министерството за економија ќе продолжи со поддршка на инвестиции во изградба на капацитети од обновливи извори на енергија, што ќе значи подобрување на целиот енергетски систем во државата.

Прикажи повеќе...

Најново

Регион2 часа

Грчките свештеници загрижени за барањето до Вартоломеј за автокефалност на македонската црква

Грчките црковни кругови ги коментираа барањата на македонските власти до Вселенскиот патријарх Вартоломеј за автокефалноста на македонската црква. „Задната врата“...

Македонија2 часа

Сојузот на средношколците најави бојкот во ноември ако не се дозволи комбинирана настава

Сојузот на средношколците најави бојкот на наставата од ноември доколу во октомври остане стабилна епидемиолошката состојба, а институциите не дозволат...

Македонија2 часа

Милошоски: Пратеничката група на ВМРО-ДПМНЕ ќе гласа против одлуките за вонредна состојба

Заврши координацијата на пратеничката група на коалицијата „За обнова на Македонија“ по што пратеникот на ВМРО-ДПМНЕ, Антонијо Милошоски, информира дека...

Регион3 часа

Албанија го одложи почетокот на училишната година

Албанија го одложи почетокот на училишната година за ноември откога бројот на заразени од коронавирусот во еден ден се зголеми на...

Топ4 часа

Приведена дилерка на кокаин во Тетово

Полицијата приведе 45-годишна жена од Теотово осомничена за продажба на кокаин. Според информациите од МВР, таа ја криела и ја...

Свет4 часа

Гејтс потпиша договор со 16 фармацевтски компании: го зголемуваме производството на вакцини со невидена брзина

Фондацијата на Бил и Мелинда Гејтс потпиша договор со 16 фармацевтски компании за да соработуваат во производството на вакцина против...

Македонија5 часа

Потрошени 6,7 милиони евра за итни набавки за заштита од Ковид-19, најмногу потрошило МВР

За итни набавки за заштита од коронавирусот, во првите шест месеци од кризата биле потрошени 6,7 милиони евра, покажува извештајот...

Македонија5 часа

Филипче на средба со медицинските сестри кои дадоа отказ од Инфективна – се обидел да ги убеди да останат

Министерот за здравство, Венко Филипче, утрово се сретнал со трите медицински сестри од Инфективната клиника кои дадоа отказ. Според објавата...

Свет6 часа

(Видео) Хаотична прва дебата меѓу Трамп и Бајден

Американскиот претседател Доналд Трамп и неговиот противкандидат, поранешниот потпретседател и сенатор Џо Бајден, синоќа ја имаа првата од трите дебати...

Свет7 часа

Премиерот на Ерменија: За конфликтот во Нагорно-Карабах нема воено решение

Премиерот на Ерменија, Никол Пашињан изјави дека за конфликтот во Нагорно-Карабах нема воено решение. Пашињан за телевизијата Русија 1 рекол...

Свет20 часа

Кремљ: Путин планира да се вакцинира со руската вакцина против коронавирус

Рускиот претседател, Владимир Путин, планира да се вакцинира со руската вакцина против коронавирус, рече неговиот портпарол. „Путин планира да се...

Македонија21 час

Алаѓозовски и Поповски именувани за национални координатори во Владата

Владата на денешната седница ги именува поранешниот министер за култура Роберт Алаѓозовски и поранешниот министер без ресор задолжен за комуникации,...

Македонија22 часа

Игротеките почнуваат со работа

Владата на денешната седница го усвои протоколот за работа на игротеките. „Владата го усвои протоколот за работа на игротеките во...

Македонија22 часа

Владата одобри целоднeвна настава во училиштата

По препорака на Комисијата за заразни болести, Владата на денешната седница одобри целодневна настава во училиштата. „Одобрена е организацијата на...

Македонија1 ден

(Видео) Потпишан етичкиот кодекс, функционерите се обврзаа на транспарентно и одговорно работење

На седница на Владата денеска беше потпишан кодексот за етичко однесување на носителите на јавни функции. По тој повод, заменик-претседателот...

Свет1 ден

(Видео) Војската на Нагорно-Карабах соборила два азербејџански хеликоптера

Војската на Нагорно-Карабах собори два азербејџански хеликоптера користејќи ракети „земја-воздух“ – „игла“, објави прес-секретарот за ерменското Министерство за одбрана, Шушан...

Македонија1 ден

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија1 ден

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија1 ден

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Македонија1 ден

(Видео) Затворска казна за Груевски, а условна за Јанакиески и за извршителите во „Насилство во Центар“

Судот изрече казна затвор од 1 година и 6 месеци за Никола Груевски, а за Миле Јанакиески условна казна од...

Досие