Пратеникот од СДСМ Мухамед Зекири, по завршување на првиот круг од претседателските избори на кои во тесно водство е кандидатот на владејачката СДСМ, Стево Пендаровски, на социјалните мрежи напиша дека ова е горчлива победа, а резултатот треба да биде поука за сите. Тој истакна дека е дојдено време за одговорност на дел од функционерите од СДСМ како и пензионирање на голем дел од политичката елита на Албанците во државата.

-Горчлива победа. Резултатот поука за сите нас. Граѓаните знаат да наградат, а и да казнат. Посебна честитка до гласачите Албанци кои дадоа поддршка за Стево Пендаровски, како и за извонредниот резултат и поддршката што ја доби кандидатот Блерим Река! Граѓаните Албанци јасно демонстрираа дека е дојдено време од политичката сцена да се пензионира голем дел од политичката елита на Албанците во Република Северна Македонија!!!
Време е и за одговорност и на дел од функционери од нашата СДСМ, напиша Зекири на социјалните мрежи.

Вечерва и двете партии, СДСМ и ВМРО-ДПМНЕ прогласија победа. Според последните резултати од ДИК, кандидатот Стево Пендаровски е во водство со 323.040 гласови пред Гордана Силјановска Давкова која од преброените гласови досега има освоено 318.535 гласа. Единствениот кандидат Албанец, поддржан од Алијансата на Албанците и Движењето Беса, Блерим Река, освои 79.787 или 10,58 отсто од запишаните гласачи.

Фирмата „ФИАТ – Крајслер“ (ФАА) објави дека ќе повлече повеќе од 300.000 возила во Северна Америка поради неисправност на менувачот.

Повлекувањето се однесува на компактните автомобили „доџ дарт“ произведени од 2013 до 2016 година со автоматски менувач во шест брзини.

„Поради неисправност, кога возачот ќе се паркира или ќе префрли во друга брзина, може да се случи брзината да не се промени“, соопштија од ФИАТ.

Компанијата исто така порача дека не добиле информации за некоја несреќа или повреда, но ги советуваат сопствениците да го исклучат моторот и да ја подигнат рачната сопирачка пред да излезат од автомбилот.

Продавачите ќе го поправат дефектот без трошоци за сопственикот, а повлекувањето на автомобилите се очекува да почне на 31 мај.

Швајцарскиот производител на часовници Ролекс по четврти пат по ред е прогласен за најпрестижна компанија во светот.Оваа награда се доделува од 1997 година, а листата на 100 најугледни компании е составена од Институтот за репутација од Бостон.
        
И оваа година, Ролекс зад себе ги остави добро познатите компании како што се ЛЕГО, Волт Дизни, Адидас, Мајкрософт, Сони, Канон, Мишелин, Нетфликс и Бош.
        
За да дојдат до овие резултати, истражувачите од Институтот за репутација од Бостон анкетирале повеќе од 230.000 лица во 15 земји низ светот.
        
Компаниите кои се разгледуваат да влезат во листата, обично имаат приход поголем од 50 милијарди долари годишно, присуство во сите анкетирани земји и брендот да го познаваат барем 40 проценти од популацијата.