Контакт

Економија

Бектеши: Во буџетот има повеќе средства за капитални инвестиции, обновливи извори на енергија и домашниот туризам

Објавено пред

Министерот за економија Крешник Бектеши, денеска на прес-конференција во Владата го презентираше pредлог-буџетот на Министерството за економија за 2022 година.

dobivaj vesti na viber

Министерот се осврна на проектите коишто е предвидено да ги реализира Министерството за економија следната година.

„Како резултат на пандемијата која предизвика здравствено-економска криза во целиот свет и кај нас минатите две години моравме да ги промениме приоритетите и најголем дел од bуџетот на Министерството за економија беше насочен кон поддршка на најпогодените сектори и најпогодените граѓани од пандемијата. Мерките коишто се реализираа низ шест пакети кризни мерки кои го донесовме и кои во голем дел се реализираа преку Министерството за економија го дадоа посакуваниот резултат. Морам да кажам и дека почнувајќи од вториот квартал годинава нашата економија оди во нагорен правец. Следната 2022 година ќе биде година на економско заздравување и забрзување на растот преку инвестиции“, рече Бектеши.

Тој нагласи дека главна карактеристика на целиот bуџет на државата е развојната компонента, со што се обезбедува непречено финансирање на функциите на државата, и силна финансиска поддршка за економското заздравување и забрзаниот, инклузивен и одржлив економски развој. Покрај тоа, како што истакна Бектеши, планирани се повисоки средства за капитални инвестиции, како и активности за подобра ефикасност и ефективност во нивното користење.

Буџетот на Министерството за економија за 2022 година е предвидено да изнесува 1,24 милијарди денари. Од овие средства 151 милиони денари се предвидени за плати и надоместоци на вработените. За капитални расходи се предвидени 733 милиони денари што е за скоро четири пати повеќе споредено со 2021 година, а 214 милиони денари за субвенции.

Во програмата за промоција на обновливите извори на енергија и поттикнување на енергетската ефикасност за 2022 година предвидени се субвенции за граѓаните во вкупна вредност од 80 милиони денари, што е за 30 милиони денари повеќе споредено со средствата предвидени во 2021 година.

И оваа година Министерството за економија ќе покрива дел од трошоците за: Купени и вградени сончеви термални колектори во домаќинствата, за замена на ПВЦ или алуминиумски прозорци во домаќинствата, купување печки на пелети во домаќинствата, дополнителни средства оваа година се наменети и за финансиска поддршка за производство на електрична енергија од повластени производители кои користат премија со оглед на фактот што забрзано се градат фотоволтаичните централи на приватно земјиште за што во изминатите две години беа објавени два огласи од страна на Министерството за економија, а дел од нив се веќе и пуштени во употреба.

За развојот на туризмот, промоција на Северна Македонија на светската туристичка мапа и поддршка на домашниот туризам следната година се предвидени 38.500.000 денари.

Во овој дел подолжуваат мерките за:  поддршка на домашен туризам за работници со ниски приходи, субвенции за туристички цели на селски домаќинства, поддршка на активен туризам, субвенции за дигитализација на туристичкиот сектор.

Следната 2022 година тројно е зголемен буџетот на Министерството за економија за субвенции за приватни претпријатија за што се предвидени 20,8 милиони денари и најголем дел од овие средства или 9 милиони денари се предвидени за имплементација на активности за паметна специјализација.

Во 2022 година зголемен е и буџетот за поддршка на претприемништвото, за што се предвидени вкупно 62,3 милиони денари, додека во 2020 година беа предвидени за оваа намена 50 милиони денари.

За поддршка на претприемништвото во 2022 година ќе биде обезбедена финансиска поддршка за: мерки за поддршка на претприемништвото и мали и средни претпријатија, кофинансирање на проекти за занаетчиски комори и развој и промоција на занаетчиството.

„Со цел за зголемување на безбедноста во сообраќајот на патиштата, како и намалување на загадувањето на воздухот, што е еден од нашите приоритети и оваа година, продолжуваме со мерката за субвенции за вградување на уред на погон на ТНГ метан или друг вид на алтернативно гориво во возилата. За оваа мерка се предвидени 11 милиони денари“, рече Бектеши.

Во Буџетот на Министерството за економија за 2022 година за изградба на гасоводната мрежа се предвидени 625 милиони денари, средства кои што АД НЕР планира да ги обезбеди преку емисија на хартии од вредност по пат на приватна понуда. Ова е неколкукратно зголемување споредено со минатата година кога за оваа намена беа одвоени 140 милиони денари.

Со овие 625 милиони денари предвидени се меѓу другото: Проект за реализација на гасификација на Република Северна Македонија – фаза 1; Пуштање во употреба на магистрален гасовод во Република Северна Македонија – Делници Клечовце- Неготино (Кавадарци), Неготино (Кавадарци) – Битола и Скопје – Тетово – Гостивар. Предвидени се и идни проекти за изградба национален гасоводен систем; Интерконективни гасоводи со соседните држави; Меѓународни проекти за гасификација и регионална соработка.

Со предложениот буџет за 2022 година се обезбедува и поддршка и развој на малите и средни претпријатија, подобрување на деловната клима и зголемување на конкурентноста, поддршка и развој на енергетиката, поддршка на туризмот и угостителството, раст на инвестициите во енергетскиот сектор, зголемување на користењето на природниот гас и искористување на сончевата енергија во домаќинствата.

Економија

Ковачевски – Павлова: Со проекти од енергетиката, инфраструктурата и животната средина до побрза интеграција во ЕУ

Објавено пред

Претседателот на Владата на Република Северна Македонија, Димитар Ковачевски, денеска се сретна со делегација од Европската инвестициска банка, предводени од заменик-претседателката на банката, Лилјана Павлова.

dobivaj vesti na viber

На средбата присуствуваа и заменик-претседателот на Владата задолжен за економски прашања, координација на економските ресори и инвестиции, Фатмир Битиќи, и министерот за финансии, Фатмир Бесими.

Заеднички беше констатирана досегашната успешна соработка на државата со Европската инвестициска банка, со надеж дека таа соработка ќе се прошири и во други области.

На состанокот се дискутира за поддршката што Европската инвестициска банка ја обезбедува за реализација на клучните проекти во јавниот сектор од областа на патната и железничката инфраструктура, енергетиката, како и проекти од областа на зелениот развој и зелената транзиција на земјата.

Во оваа насока претставниците на Европската инвестициска банка нагласија дека продолжува поддршката на државни проекти, како и на приватниот сектор.

Заеднички беше истакната важноста за реализација на проектот за изградба на гасниот интерконектор со Грција и реализацијата на делницата во земјата, при што беше оценето дека оваа инвестиција ќе придонесе за стабилност во снабдувањето со енергија, што ќе обезбеди раст на земјата и побрза интеграција во енергетскиот пазар во регионот, како и во Европската Унија.

Беше потенцирана и важноста на проектот за изградба на пречистителната станица за отпадни води во Скопје, кој е поддржан и преку инвестициски грант во рамките на Инвестициската рамка за Западен Балкан (WBIF), со што ќе се обезбеди подобрување на квалитетот на условите за живеење на жителите на главниот град, но и пошироко.

Премиерот Димитар Ковачевски на средбата се заблагодари во име на Владата за континуираната поддршка на Европската инвестициска банка на државата, со што оваа значајна меѓународна финансиска институција придонесува во процесот на пристапување на земјата кон ЕУ.

Европската инвестициска банка е активна во Република Северна Македонија уште од 1991 година обезбедувајќи над 1,1 милијарда евра, финансиска поддршка за претпријатијата, како и за проекти од областа на транспортот, енергијата и инфраструктурата.

Прикажи повеќе...

Економија

(Видео) Владата: Обезбедени 70 милиони евра грант од ЕУ за пречистителната станица во Скопје

Објавено пред

Владата на Република Северна Македонија обезбеди 70 милиони евра грант од ЕУ за финансирање на проектот за изградба на пречистителна станица во градот Скопје. Договорот за грант, кој се обезбедува од Инвестициската рамка за Западен Балкан (WBIF), го потпишаа денеска министерот за финансии, Фатмир Бесими, министерката за животна средина и просторно планирање, Каја Шукова, и заменик-претседателката на ЕИБ, Лилјана Павлова. На потпишувањето на договорот присуствуваа и вицепремиерот за европски прашања, Бојан Маричиќ, и евроамбасадорот Дејвид Гир.

dobivaj vesti na viber

Станува збор за средства што се надополнување на обезбедените финансиски средства за реализација на овој проект од страна на ЕИБ во износ од 68 милиони евра и 58 милиони евра од Европската банка за обнова и развој. Вкупната финансиска конструкција за реализација на овој проект, чија имплементација е во надлежност на Градот Скопје и ЈП „Водовод и канализација“ е 197,2 милиони евра.

Според вицепремиерот Маричиќ, овој проект е потврда дека европската интеграција е најдобрата формула за понатамошниот развој на Република Северна Македонија.

„Членството во Европската Унија не значи само исполнување на критериумите од преговарачките кластери и усогласување со законодавството на Унијата. Преговорите со ЕУ имаат цел да ги подобрат условите за живеење на сите наши граѓани“, рече Маричиќ додавајќи дека проектот дава значаен и мерлив придонес за подобрување на урбаната средина на град Скопје за подобрување на квалитетот на услугите за третман на отпадните води и во исполнување на европските стандарди.

Маричиќ посочи дека со ваков тип на проекти ја носиме Европа дома, ги носиме стандардите и начинот на живеење на Европската Унија во нашата земја и во главниот град.

Министерот за финансии, Фатмир Бесими, потенцира дека договорот што денеска го потпишуваме е чекор поблиску на Република Северна Македонија во остварување на ЕУ-перспективата и приклучување во европското семејство.

„Република Северна Македонија ги почна преговорите со ЕУ и активностите на тој пат добиваат забрзана динамика. Паралелно со тоа и реформите за носење на Европа дома на имплементација на европските стандарди во секојднeвието забрзано се одвиваат. Покрај активностите за усогласување со европското законодавство, што е дел од овој процес, активно се работи и на значајни инфраструктурни проекти, кои ќе дадат придонес во севкупниот развој и раст на економијата. Дефинираните стратешки проекти се препознаени од ЕУ за што Република Северна Македонија досега има добиено грантови средства во износ од 462 милиона евра во имплементацијата на 29 проекти, кои имаат проценета инвестициска вредност од 2,6 милијарди евра“, рече министерот Бесими.

Министерката Шукова потенцира дека Владата со овој договор ја затвора финансиската конструкција и овозможува почнување на изградбата на пречистителната станица за отпадните води за град Скопје.

„По обезбедувањето на финансиите, рече таа, останува обврската на Град Скопје да го доврши процесот на експропријација и заедно со Општина Гази Баба да ја заврши урбанистичко-планската документација и потпишување на договорите за градба и надзор од страна на директорот на ЈП ‘Водовод и канализација’. Ова е предизвикувачки процес, кој бара голема координација на сите инволвирани страни. Но, да, ние сме подготвени да го прифатиме предизвикот. Овој проект е над сите политички интереси и императив доколку сакаме да бидеме дел од европското семејство“, истакна министерката за животна средина и просторно планирање, Каја Шукова.

Евроамбасадорот Гир потеницра дека патот кон ЕУ претставува процес на трансформација, но и на подобрување на животот и на животниот стандард. „Инвестицијата на ‘Тим Европа’ во пречистителната станица во Скопје е практичен пример токму за ова. Пречистителната станица ќе може безбедно да ги третира и пречистува отпадните води генерирани од страна на речиси една третина од населението во земјата. Тоа ќе придонесе и за позелена европска иднина на оваа земја“, рече евроамбасадорот Гир.

„Исклучително сме горди што можеме да обезбедиме ваков вид поддршка за Северна Македонија во време на пролонгирана криза и сериозни предизвици. Потпишувањето на овој грант е силен показател за пристапот на ‘Тим Европа’ и заложбата на ЕУ во однос на вашата земја на патот кон европската и регионалната интеграција, во исто време овозможувајќи и подобар животен стандард за сите. Со спроведувањето на овој проект се очекува значително унапредување на животната средина, како и здравствени придобивки, а воедно ќе се придонесе кон заштита на животната средина и достигнување на климатските таргети“, истакна заменик-претседателката на ЕИБ, Лилјана Павлова, надлежна за активностите во Северна Македонија.

Договорот што се потпиша денеска е надополнување на богатото портфолио на инвестиции што се реализирани со поддршка од ЕИБ во износ од 1,16 милијарда евра. 277 милиони евра е вредноста на инвестициите во изградба на модерна транспортна мрежа во земјата, 178 милиони евра за водоводни и канализациски системи и подобар пристап до вода за пиење, како и 64 милиони евра во енергетиката. Во моментот во јавниот сектор се финансираат од страна на ЕИБ проекти во износ од 147 милиони евра, а вредноста на инвестициски грантови од ВБИФ добиени со поддршка од ЕИБ изнесува 82,2 милиона евра. Реализација на капитални инвестиции, кои Република Северна Македонија ќе ја доближат до ЕУ, се меѓу клучните приоритети, а за тоа потврда е испланираната сума за инфраструктурни проекти во буџетот во износ од 800 милиони евра.

Со потпишување на договорот за грант од ЕУ за пречистителната станица денеска се одбележува Светскиот ден на водите.

Прикажи повеќе...

Економија

Рекорд за SEAT: повеќе од 1 милион продадени SUV-возила во светот

Објавено пред

• Arona е најпродаваниот модел од SUV понудата на SEAT кој успеа да надмине милион продадени единици во трите нејзини модели за шест години

dobivaj vesti na viber

• Разновидноста на Arona, теренскиот карактер на Ateca и просторноста и удобноста на Tarraco се клучните карактеристики за нивната популарност

• Во 2021 година, 46% од сите продадени автомобили во Европа беа теренци, 5 процентни поени повеќе од претходната година

Сензацијата на теренците продолжува со полна пареа. Спортско теренските возила (SUV) заземаат поголем дел од пазарот од година во година. Во 2021 година тие сочинуваа 46% од регистрациите на автомобили во Европа, 5 процентни поени повеќе од претходната година. Јасен пример за оваа еволуција на раст е палетата на теренци на SEAT. Во 2022 година ја надмина границата од еден милион во однос на продажбата на нејзините три модели само шест години по лансирањето на првиот. Минатата година, Arona, Ateca и Tarraco веќе учествуваа со 49% од глобалната продажба на брендот, со 192.100 единици. Дизајнот, разновидноста и спортското возење имаат суштинска улога помеѓу причините за нивната популарност.

Разновиден лидер. 1 милионитиот SUV беше никој друг туку SEAT Arona, секогаш во првите редови. Од лансирањето во 2017 година, првиот урбан SUV на SEAT стана најпопуларниот автомобил на марката, со 481.585 продадени единици на глобално ниво. Бестселер во Шпанија во 2021 година, ова е прв пат SUV да го предводи пазарот во земјата. Од своето деби, продаден е близу 98.000 единици во Шпанија. Се издвојува по својот функционален и практичен дизајн, младешкиот и приспособлив имиџ, вредноста за парите, одличните динамични перформанси и технолошката внатрешност, кои го прават удобен, поврзан и многу безбеден автомобил. SEAT Arona се произведува во фабриката Марторел.

Елеганција на сите терени. По него следи робусната SEAT Ateca, првиот SUV во историјата на марката. Компактниот SUV сега е продаден во 435.443 примероци. Неговите елегантни линии и изразито спортски карактер му даваат непогрешлив идентитет, нагласен со неговата верзија со погон на сите тркала 4Drive, една од најефикасните на пазарот. Има голем број следбеници во Германија, каде што продажбата веќе изнесува повеќе од 108.000 единици благодарение на неговото агилно, стабилно и удобно управување во секоја ситуација, што совршено се совпаѓа со неговата надворешно-патна природа.

Голем по дизајн. Покрај него стои SEAT Tarraco. Лансиран во 2018 година, досега на глобално ниво се продадени 88.820 примероци од овој SUV. Тоа беше првиот модел кој беше именуван со гласање од јавноста во кое учествуваа повеќе од 140.000 луѓе. Неговиот дизајн кој го поставува трендот го подобрува неговото присуство. Сепак, она што најмногу го издвојува е неговата пространост, со ергономски седишта и верзија со 7 седишта, со капацитет на багажникот до 1.775 литри со склопени сите редови на седишта. Дополнително, неговата издигната положба му дава практичност без да се загрози неговото спортско управување со голема прецизност во свиоците. Како и кај Ateca, нејзиниот најголем пазар е Германија, каде што се продадени 29.000 единици.

ПР-Текст

Прикажи повеќе...

Најново

Македонија25 минути

Kасами: Тетово е главниот град на Албанците во Северна Македонија

Добредојдовте во главниот град на Албанците во Северна Македонија, напиша на „Фејсбук“ градоначалникот на Тетово oд партијата БЕСА, Билал Касами....

Македонија2 часа

Отчукува часовникот до застарување на делото на Мијлаков – остануваат 16 дена до слобода

Преостануваат 16 дена во кои Апелација треба да донесе одлука за предметот „Титаник 2“, а за на обвинетиот Сашо Мијалков...

Македонија3 часа

(Видео) Со трактори ќе го блокираат патот кон Бугарија кај Страцин, државата не најде решение за пресечениот локален пат

Жителите на кратовското село Страцин следната недела со трактори и автомобили ќе го блокираат патот кон Бугарија. Разочарани се што...

Македонија4 часа

Нова паника: крадец претставен како киднапер на деца во музичкото училиште, објавувачот утврди дека згреши, па се извини

Крадец претставен како киднапер предизвика паника во музичкото училиште „Илија Николовски-Луј“. Фотографија од маж  залепена на влезот од училиштето со...

Свет4 часа

(Видео) Шји на заминување од Москва: Доаѓа промена каква што немало во последните 100 години

Кинескиот претседател Шји Џјинпинг на заминување од Москва му рекол на рускиот колега дека доаѓаат промени. „Доаѓа промена што не...

Топ5 часа

25-годишна девојка починала, а уште едно малолетно лице е потешко повредено кога „мерцедес“ излетал од патот

На регионалниот пат Битола – Кичево, кај местото наречено Белимост, во текот на вчерашниот ден патничко моторно возило „мерцедес“, со...

Македонија5 часа

(Фото) Ниту камион пропаднал ниту има дупка во фонтаната на плоштадот

Во медиумите денеска се прошири вест дека повторно пропаднал камион на плоштадот Македонија. Но, фотографијата е од минатата година кога...

Македонија6 часа

(Видео) Андоновски: Извештајот на Стејт департментот е најкритички, Владата е најкорумпираниот елемент на државата

Последниот извештај на Стејт департментот на САД за заштита на човековите права во Македонија е најкритичниот во последните години во...

Топ6 часа

Странски државјанин прошверцувал над 43 килограми златен накит, цариник осомничен дека му помагал

32-годишник прошверцувал над 43 килограми разновиден накит на влез во земјата на граничниот премин Аеродром Скопје. Основното јавно обвинителство Скопје...

Македонија7 часа

„Казната е потврдена“, Апелација пресуди за мајката што ја продаваше ќерката за секс за 2.000 денари

Нема помала казна за мајката Налиље А. од Скопје, која си ја продаваше малолетната ќерка и ја присилуваше да дава...

Европа7 часа

Рама бара појаснување од ОН: Зошто Белград и Приштина, а не Србија и Косово?

Премиерот на Албанија, Еди Рама, реагира на изјавата на заменик-портпаролот на генералниот секретар на Обединетите нации во врска со постигнувањето...

Свет9 часа

(Видео) Пропагандистот на Путин: Ќе почнеме нуклеарен напад врз земјата што ќе го уапси Путин

Пропагандистот на Путин, Владимир Соловјов, повика да се нападне секоја земја со нуклеарно оружје што ќе се обиде да го...

Свет9 часа

Шојгу до украинските војници: Ќе пројдете како НАТО во Србија

Рускиот министер за одбрана, Сергеј Шојгу, предупреди дека муницијата со осиромашен ураниум сериозно ќе влијае врз здравјето на украинските војници...

Свет9 часа

Расте црниот биланс: најмалку 13 жртви од разорниот земјотрес во Авганистан и Пакистан

Најмалку 13 лица ги загубија животите, а повеќе од 90 се повредени во земјотресот со јачина од 6,5 по Рихтер,...

Европа9 часа

Нуклеарен физичар: Не заборавајте што има Украина потпишано со Кина

Нуклеарниот физичар и поранешен пратеник Тончи Тадиќ ја коментира посетата на кинескиот претседател Шји Џјинпинг на Москва за N1. „Кина...

Европа9 часа

Белгиската полиција убила пациент, кој имал ладно оружје во психијатриска клиника

Белгиската полиција денеска застрела и уби пациент што носел ладно оружје во психијатриска клиника во Брисел, соопшти локалното Обвинителство. Според...

Европа9 часа

Руската Црноморска флота цел на напади со дронови

Руската Црноморска флота во раните утрински часови успешно одби напад со површински беспилотни летала на заливот Севастопол, на Крим, објави...

Европа10 часа

Тајната што Путин ја чува како очите во главата – мрачните детали ги знаат само најверните соработници

Секој потег на рускиот претседател Владимир Путин често е предмет на анализа на западните медиуми. Уште од почетокот на инвазијата...

Македонија21 час

„Навиваше за мене и тогаш кога не требаше, се гледаме стари“, напиша Џамбазов по веста за смртта на Мешковски

Доајенот на македонското глумиште Димче Мешковски почина по долго боледување во својот дом во Лос Анџелес, САД.  Колегите актери преку...

Македонија1 ден

Два месеци се ковал планот за бегство од „Идризово” преку тунел кој бил копан под стари објекти

Затворениците осудени на високи казни со месеци го подготвувале планот за бегството од „Идризово“. Управата за извршување на санкциите информираше...