Контакт

Економија

(Видео) Пропадна и втората шанса за финансиска поддршка на авиокомпании, Сугарески вели дека ќе има евтини летови

Објавено пред

Министерот за транспорт и врски, Горан Сугарески, во Владата одржа прес-конференција на која информираше за јавниот повик за финансиска поддршка на авиокомпании. Тој, објаснувајќи ги резултатите од јавниот повик, пред присутните медиуми на прес-конференцијата рече дека и вториот јавен повик за финансиска поддршка на авиокомпании е поништен бидејќи „Визер“, единствениот пријавен кандидат, понудил сите четири дестинации од аеродромот во Охрид да ги воведе во август 2019 година, место како што е обврската предвидена во повикот, две линии да бидат воведени до јануари 2019 година.

,,Владата е посебно фокусирана на развој на воздушниот сообраќај на земјата. Доказ за тоа е континуираниот раст на бројот на патници забележан во последната година и половина. Остваривме контакти со многубројни авиокомпании. Некои од нив успеавме да ги убедиме да ја постават Македонија, односно Скопје и Охрид на нивната мапа на дестинации. Исто толку,  остануваме посветени и во следниот период, со цел да го унапредиме авиосообраќајот на едно повисоко ниво, а на граѓаните и на бизнис-секторот да им обезбедиме широка мрежа на дестинации, согласно со нивните потреби”, истакна тој.

До Министерството за транспорт и врски, до крајниот рок, дванаесетти октомври, тендерска документација достави една авиокомпанија, авиокомпанијата „Визер“.Согласно со утврдените правила, комисијата составена од членови на Министерството за транспорт и врски, на Министерството за финансии, од Агенцијата за цивилно воздухопловство и од Владата, пристапи кон отворање на пристигнатата понуда и разгледување на доставените документи.

Од страна на комисијата, во текот на вчерашниот ден до Министерството за транспорт и врски е доставен  извештај во кој е утврдено дека доставената понуда на авиокомпанијата „Визер“ не одговара со условите и критериумите пропишани во јавниот повик за финансиска поддршка за авиокомпании, информираше Сугарески.

Според него, во јавниот повик предвидено е авиокомпанијата што ќе добие финансиска поддршка да има обврска да почне со оперирање на најмалку 4 нови дестинации од аеродромот „Св. Апостол Павле“ – Охрид, и тоа првите две до 10.01.2019, а останатите две, во рок од една година од денот на склучување на договорот, и истите да ги опслужува за период за кој се доделува финансиската поддршка.

Авиокомпанијата „Визер“ доставила понуда во којашто сите четири дестинации од аеродромот „Св. Апостол Павле“ планира да ги воведе во август 2019 година.

,,Ова е спротивно на еден од клучните критериуми во јавниот повик. Ќе повторам. Во јавниот повик јасно стои дека авиокомпанијата има обврска до 10.01.2019 да воведе две линии од аеродромот во Охрид, и уште две во рок од една година од потпишувањето на договорот. Авиокомпанијата ‘Визер’ понудила четирите дестинации да ги воведе во месец август 2019 година. Поради ова, комисијата констатираше дека условите од јавниот повик не се исполнети и даде препорака овој јавен повик да се поништи.

За оваа фактичка состојба не ми останува никаква друга можност освен доследно почитувајќи ги уредбата и јавниот повик повторно да ја поништам и оваа постапка. Она што сакам да го потенцирам е дека ние како Влада и како Министерство за транспорт и врски остануваме доследни на мерката за финансиска поддршка за авиокомпании кои ќе понудат нови дестинации за македонските граѓани. Да бидам директен. Евтини летови ќе има, и тоа оваа Влада ќе го исполни водејќи сè исклучиво од интересот на граѓаните на Република Македонија, но процедурата и правилата мора да се почитуваат.

Граѓаните да бидат спокојни. Владата процени дека стратешки интерес на Република Македонија е покрај скопскиот аеродром, системски да го развива и охридскиот аеродром. Затоа и во јавниот повик побаравме потенцијални корисници на финансиска поддршка да воведат четири нови линии од охридскиот аеродром во 2019 година. Исто така сакам да нагласам дека средствата се веќе предвидени во буџетите за следните три години, односно 2019-2020-2021 година. Тие пари се на граѓаните и  ќе сториме сè што е во наша надлежност за да овозможиме за овој јавен повик да успее.Но морам да споменам уште еднаш, дека мерката ќе се реализира согласно со јасно утврдени процедури и критериуми и исклучиво во интерес на граѓаните, додаде тој.

Економија

ФИТР: 2,35 милиони евра за поддршка на 84 микро и мали стартап-компании

Објавено пред

Заменик-претседателот на Владата задолжен за економски прашања, координација на економските ресори и инвестиции  Фатмир Битиќи, министерот за економија Крешник Бектеши и директорот на Фондот за иновации и технолошки развој Јован Деспотовски, ги презентираа 84 стартап-компании, што ќе добијат финансиска поддршка од ФИТР на јавниот повик „Стартапувај 2“.

Државата во нив ќе вложи 2,35 милиони евра. Во рамките на овој повик, во првиот бран беа поддржани 53 компании, но поради квалитетниот број апликации по препорака на Комитетот за одобрување  инвестиции, беа обезбедени дополнителни милион евра, за поддршка на уште 31 микро и мали стартап-компании. Вкупниот обем на инвестиции изнесува над 3 милиони евра, од коишто 77%, односно 2.35 милиони евра се средства што ги обезбедува Владата во соработка со Светска банка, а 23% од средствата, односно речиси 702 илјади евра се средства коишто ќе ги обезбедат самите компании.

На настанот што се одржа во Музејот на современа уметност, своите искуства и успешни приказни ги споделија Симона Николова од „Уретани“ и Игор Томовски од „Пајл Контрол“, чии компании беа избрани на првиот повик „Стартапувај“. Тие веќе успешно работат и на меѓународните пазари, а за нив поддршката од државата и Фондот била клучна за развој и напредок. Со своите говори ги мотивираа сите да се охрабрат и да аплицираат бидејќи, како што вела,т процесот е транспарентен и беспрекорен, а техничката поддршка од Фондот особено значителна.

Заменик-претседателот на Владата задолжен за економски прашања, координација на економските ресори и инвестиции Фатмир Битиќи е охрабрен од ваквите примери.

„Верувам дека во изминатите три години покажавме и докажавме како треба и како се поддржуваат луѓето кои имаат добри идеи. Го етаблиравме Фондот за иновации како дом за секој храбар, млад човек со конкретна идеја. Во портфолиото на Фондот, само во овие 3 години, заедно со овие кои денес ги објавуваме, поддржани се или ќе се поддржат повеќе од 500 домашни компании, во најголемиот дел станува збор за микро и мали фирми, што е навистина неспоредливо со периодот пред 2017 година, кога беа поддржани само 30-ина компании. Притоа, ова се компании кои ќе реализираат проекти во вредност од 73 милиони евра, вкупен обем на инвестиции, и влог на компаниите и поддршка од ФИТР“, рече во своето обраќање вицепремиерот Фатмир Битиќи.

Министерот за економија, Крешник Бектеши, најави зголемена поддршка и нови владини мерки за стартап-компаниите во иднина.

„Сакам да ви честитам за храброста во овој период да ги почнете со реализација на вашите бизниси со што секако ќе станат вредни не само во нашата држава, преку една ваква идеја со мал труд може да станете големи компании во глобални рамки. Јас сум убеден дека имаме многу млади луѓе кои имаат идеи само треба да ги охрабриме, да им дадеме можност, да не ги спречиме во исполнување на нивните идеи, а на таков начин ќе креираме и подобра економија за нашата држава, но истовремено подобар животен стандард за нашите граѓани ќе креираме подобро платени работни места, а на тој начин ќе направиме поуспешна држава за сите нас, а утре и за нашите деца“, истакна во своето обраќање министерот за економија, Крешник Бектеши.

Тој додаде дека ако пред три години државата не одвојуваше ни 1,5 милиони евра за стартап-бизниси, сега само во период од една година буџетот за оваа намена е зголемен за 10 пати. Според него, ваквите успешни приказни се поттик во иднина да се зголеми буџетот за поддршка на младите за стартап-бизниси.

„Можам да ви кажам само едно големо благодарам, дека се охрабривте и во ова време на криза решивте да инвестирате во својата иднина и развој. Токму вие млади луѓе и вашите компании сте она здраво јадро во економијата што ќе нè извлече напред. Со вас, од оваа економска криза ќе излеземе посилни. Во овие три години заедно покренавме инвестиции од над 73 милиони евра, од кои над 40% се ваш влог, на домашните компании. Сега, веќе можеме гордо да зборуваме за многу успешни приказни и резултати од работата во изминатите три години. Само во 2019 година фирмите што користат средства од Фондот уплатиле на име придонеси и данок на добивка за 3,5 милиони евра повеќе средства во буџетот отколку што Фондот исплатил кон проектите. Тоа се 3,5 милиони евра повеќе за болници, училишта, наставен кадар и медицински персонал, за пензии, социјала“, рече Деспотовски.

Тој нагласи дека охрабрува фактот што Фондот ги поттикнал младите во земјава своите бизнис-идеи да ги преточат во успешен бизнис, што го потврдува и бројката дека над 52% од овие компании се основани во последната година. Деспотовски додаде и дека со таргетирани мерки во изминативе години континуирано се работи на поддршка на стартап-заедницата.

„Со овој повик веќе семејството на ФИТР брои над 500 компании. Но речиси 55% од нив, односно 299, се токму стартап-компании. Во нив вложуваме над 17 милиони евра. За споредба до 2017 биле поддржани само 30 стартап-компании со 850.000. Успеавме и покажавме дека оваа држава може да биде водечка, и тоа во една област што е неверојатно клучна во 21 век. Престижниот ‘Фајненшал тајмс’ го рангираше токму Скопје за место со најдобра клима за почеток на стартап-бизнис. И, тоа не е случајно, туку темелно одработено со конкретни резултати кои ги покажавме особено во изминативе 3 години“, рече Деспотовски.

Инаку, стартап-компаниите избрани на овој повик ќе работат на проекти во 15 различни области, меѓу кои и во медицина, градежништво, земјоделие и ИТ-технологии. Во најголем дел се микро (75) и мали (9) компании. Со реализација на инвестициските проекти, ќе се отворат нови добро платени работни места за млади луѓе, односно овие компании кои моментално вработуваат 280 лица, ќе вработат дополнителни 246 луѓе со просечна плата речиси 600 евра.

Вкупно 235 компании аплицирале во рамките на јавниот повик „Стартапувај 2“, 203 ја поминале фазата на административна проверка, а 181 продолжиле во фазата на финална селекција.

Прикажи повеќе...

Економија

Кузеска: 309.000 граѓани добија платежни картички во вредност од 26.8 милиони евра

Објавено пред

Преку мерката „купувам домашно“, како дел од сетот економски мерки, вкупно се изработени и подигнати 309.000 картички во вредност од 26.8 милиони евра, истакна Богданка Кузеска, портпаролка на СДСМ

Од нив 16.5 милиони евра се наменети за 113.000 невработени граѓани и граѓани кои се приматели на социјална помош, над 5.4 милиони евра за 111.000 вработени граѓани со ниски примања, а над 4 милиони евра за 81.000 млади граѓани, како и преку 900.000 евра за 4.000 здравствени работници.

„Токму оваа мерка го поддржа и помогна домашниот буџет на граѓаните, ја зголеми потрошувачката, како и работата и производството на домашните компании“, рече Кузеска.

Посочи и дека преку мерката „Дома си е дома“, Владата предводена од СДСМ доделила ваучери за туризам на 117.000 граѓани во висина од 12 милиони евра, како директна помош за туризмот и угостителството како едно од најпогодените гранки.

„СДСМ како одговорна партија останува посветена на креирање мерки што значат вистинска грижа за сите граѓани, обезбедуваат спас на работните места, како и помош и поддршка на компаниите во најпогодените сектори“, изјави Кузеска.

Во тек е подготовката на четвртиот пакет антикризни мерки, со цел поддршка и на работниците и на компаниите.

Прикажи повеќе...

Економија

Град Скопје почнува со присилна наплата на данокот на имот и фирмарина за изминатата година

Објавено пред

Град Скопје ги известува граѓани дека во согласност со Законот за даноците на имот, започнува постапката за присилна наплата на неплатените обврски за годишен данок на имот и комунална такса за фирмарина за 2019 година.

„Во тековната година во месец март Град Скопје испрати опомени за неплатен данок на имот и комунална такса за фирмарина до сите правни и физички лица кои вршат дејност на територија на градот. Рокот во кој требаше да се изврши наплатата по доставената опомена е веќе поминат и изготвени се решенија за присилна наплата кои ќе бидат доставени до даночните, односно таксените обврзници“, се наведува во соопштението на градските власти.

Доколку обврзниците на постапат по ваквите решенија, ќе биде изготвено решение за блокада на сметките на обврзниците по банки.

Прикажи повеќе...

Најново

Македонија4 минути

Бошковски од Инфективна: „Состојбата ми е подобра, се чувствувам одлично“

Состојбата ми е подобра, се чувствувам одлично, вели лидерот на партијата Обединети за Македонија, Љубе Бошковски, по информацијата дека синоќа...

Македонија25 минути

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Ако се суди според казнената политиката не би требало да има ништо повеќе од условни казни, а Миле Јанакиески е...

Македонија1 час

Извештај на ИЈЗ: Пораст на бројот на новозаразени и починати за една недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија2 часа

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија2 часа

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа3 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа4 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет4 часа

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија4 часа

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Македонија5 часа

Заев со писмо до Вартоломеј побара писмена одлука за автокефална Македонска православна црква

Премиерот Зоран Заев испратил писмо до патријархот Вартоломеј, поглавар на Цариградската патријаршија, во кое се навраќа на средбата во Истанбул...

Македонија18 часа

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија19 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија19 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет20 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија24 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија1 ден

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија1 ден

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија1 ден

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет1 ден

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа1 ден

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Досие