Економија
„Горско пиво“ со збогатен вкус и во ново пакување
Под мотото „Твое пиво, твој начин“, „Пиварница Скопје“ официјално го пушти во продажба „горско пиво“ во ново пакување и со збогатен вкус. Од компанијата велат дека со пуштањето на пазарот на збогатеното „горско пиво“ всушност заокружуваат еден подолг технолошки процес, чија главна цел беше да се одговори на потребите на потрошувачите, особено на љубителите нa светли пива со полесен вкус во кој спаѓа и „Горско“.
„Иако брендот ‘горско’ е релативно помлад член на семејството пива оригинално произведени од страна на ‘Пиварница Скопје’ , уште од неговото појавување во 2003 година успешно се позиционираше на македонскиот пазар. Денеска, на неговиот 15-годишен јубилеј, континуитетот на оваа успешна приказна го заокружуваме со збогатување на неговиот вкус и освежување на неговиот изглед. Очекуваме дека со ваквиот чекор ‘горско’ дополнително ќе ја зацврсти својата пазарна позиција освојувајќи ги вистинските љубители на пивото“, изјавија од „Пиварница Скопје“
Со носечката порака на кампањата – „Твое пиво, твој начин“, преку која ќе се претстави новиот изглед на пивото и ќе се одбележи неговиот јубилеј, од „Пиварница Скопје“ велат дека сакаат да ја одважат инвентивноста прикриена во секое ќоше од нашата земја, која извира од луѓето како еден вид непроценливо богатство со кое располагаме.
„Токму тоа и претставуваше главната инспирација за кампањата, затоа што токму таков е и самиот карактер на брендот ‘горско’ – пиво кое ги слави и обединува сите оние коишто знаат да го живеат животот на свој начин. Со новиот изглед и збогатениот вкус само ја прославуваме успешната приказна којашто изминативе 15 години брендот ја изгради заедно со неговите верни потрошувачи“, истакнаа од „Пиварница Скопје“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,23% во однос на одлуката од 22.12.2025 година.
Од 30.12.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 70,50 (денари/литар)
Моторен бензин ЕУРОСУПЕР БС – 98 72,50 (денари/литар)
Дизел гориво ЕУРОДИЗЕЛ БС (Д-Е V) 65,00 (денари/литар)
Масло за горење Екстра лесно 1 (ЕЛ-1) 64,00 (денари/литар)
Мазут М-1 НС 33,649 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 0,50 ден/лит.
Малопродажната цена на Мазутот М-1 НС се зголемува за 1,042 ден/кг и сега ќе изнесува 33,649 ден/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,908%, кај дизелот за 1,970%, кај екстра лесното масло за 1,282% и кај мазутот зголемувањето е за 5,201%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,1801%.
Економија
Надворешен долг, побарувања и меѓународна инвестициска позиција во третиот квартал од 2025 година
Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција, извести Народната банка.
На крајот на третиот квартал од 2025 година:
„На 30.9.2025 година, нето надворешниот долг изнесува 4.494 милиони евра (или 27,1% од проектираниот БДП). Нето надворешниот долг на земјата, во третиот квартал од 2025 година, е намален за 106 милиони евра, или за 2,3%. Од аспект на структурата, приватниот нето-долг и натаму има поголемо учество во вкупниот нето-долг со 67%.

Во текот на третиот квартал од 2025 година, негативната нето меѓународна инвестициска позиција (МИП) е намалена за 250 милиони евра и изнесува 8.738 милиони евра, што претставува 52,7% од проектираниот БДП за 2025 година“.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следната врска.
Економија
Исплатени над 39 милиони денари на 663 оризопроизводители
Денеска е реализирана исплата на средства во вкупен износ од 39.065.031 денари кон 663 оризопроизводители.
Исплатата се однесува за финансиска поддршка од 6 денари по килограм предадена оризова арпа во откупувачки центри, за периодот од 1 март до 30 септември 2025 година, со ова се опфатени сите оризопроизводители од минатата реколта.
Министерството за земјоделство соопшти дека нивна цел останува зајакнувањето на домашното производство и поддршката на земјоделците.
Фото: pexels

