Контакт

Економија

Институтот Pasteur de Lille ја оцени ефикасноста на прочистувачите на воздухот на Daikin против респираторни вируси

Објавено пред

Реномираната француска лабораторија, Институтот „Pasteur de Lille“ од тестовите донесе заклучок дека асортиманот на прочистувачи на воздух на „Daikin“ отстранува над 99,98 % од хуманиот коронавирус HCoV-229E за 2,5 минути.

– Според тестирањата извршени во лабораториите на Институтот „Pasteur de Lille“, прочистувачите на воздух на „Daikin“ отстрануваат над 99,98 % од хуманиот коронавирус HCoV-229E за 2,5 минути. Вирусот потекнува од исто семејство како SARS-CoV-2, коронавирусот кој ја предизвика пандемијата КОВИД-19.

– Единиците исто така биле оценети како 99,93 % ефикасни против H1N1 вирусот за 2,5 минути. H1N1 е вирусот што предизвикува обичен грип.

– Ова значи дека прочистувачите на воздух на „Daikin“ претставуваат дополнителна мерка во борбата против респираторните болести. Компактниот прочистувач што работи веднаш штом се вклучи може силно да придонесе за намалување на ризикот од пренесување респираторен вирус.

– Ова признание е пресвртница во планот на „Daikin“ да стане главен играч во индустријата на прочистувачи на воздух во Европа, Блискиот Исток и Африка.

Тестирана ефикасност против коронавирус

Како специјалист за управување со квалитетот на воздухот, „Daikin“ смета дека нивна мисија е да обезбедат иновативни решенија, а прочистувачи на воздух продава повеќе од 45 години. Прочистувачите на воздух на „Daikin“ и патентираната технологија за прочистување воздух којашто се применува и во друга нивна опрема, веќе одамна ја докажаа својата ефикасност против загадување на воздухот, како и сезонскиот полен и вирусите.

За да се зајакне тврдењето за ефикасноста на нивната технологија, „Daikin Europe N.V.“ го довери тестирањето на својот асортиман прочистувачи на воздух на француската лабораторија во Институтот „Pasteur de Lille“. Сега е официјално докажано дека моделите на „Daikin“ отстрануваат над 99,98 % од хуманиот коронавирус HCoV-229E за 2,5 минути. Ова е навистина значајно достигнување.

Институтот „Pasteur de Lille“ изврши тестирања со вирусот HCoV-229E, што пак, е коронавирус којшто е тесно поврзан со SARS-CoV-2. Од безбедносни причини, не е користен самиот SARS-CoV-2 вирус. Самиот факт што обата вируси се од исто семејство е силен показател дека прочистувачите на воздух на „Daikin“ се важно оружје за намалување на ризикот од пренос на вирусот, и помагаат во борбата против пандемијата КОВИД-19.

Ефикасноста на прочистувачите на воздух на „Daikin“ се постигнува преку комбинација на електростатски ХЕПА филтер со високи перформанси, кој го заробува вирусот, а ова е проследено со интензивно изложување на патентираната технологија Flash Streamer на „Daikin“, којашто го елиминира вирусот.

Институтот исто така ги тестираше прочистувачите на воздух за ефикасност против H1N1, вирусот кој го предизвикува сезонскиот грип. Под истите услови на тестирање, Институтот „Pasteur de Lille“ од неговото истражување заклучи дека прочистувачите на воздух на „Daikin“ отстрануваат над 99,93 % од вирусот H1N1 за 2,5 минути. Ова покажува дека овие единици се исто така многу ефикасни во борбата против грипот.

Прочистувањето на воздухот и проветрувањето се клучни за здраво внатрешно опкружување

Прочистувачите на воздух на „Daikin“ го прочистуваат воздухот во затворени простории, така што тој циркулира низ единицата и минува низ мноштво филтри и технологии за прочистување. Единиците обично се користат во станбени услови, мали канцеларии, малопродажни објекти, училници, медицински чекални и докторски ординации. Протокот на воздух кај еден прочистувач на воздух на „Daikin“ е околу 330 m3/час. Ова значи дека волуменот на воздухот во просечна просторија минува низ единицата повеќе пати на час.

Г. Оливие Луминати, проект менаџер за вентилација и прочистување на воздух, којшто тесно соработуваше со Институтот „Pasteur de Lille“ на проектот за тестирање на „Daikin“ вели: „Резултатите од тестовите се сјајна вест за општеството. Токму во моментот кога сите се подготвуваат за враќање во канцеларија и нормален живот, ние можеме да создадеме услови тоа да се одвива на побезбеден начин. Посветеноста на компанијата „Daikin“ кон здраво внатрешно опкружување резултираше во широко портфолио на производи за филтрирање и прочистување воздух. Овие технологии ги користиме во нашите решенија за климатизација, греење и вентилација, како за мали, така и за големи објекти. Главно, можеме да помогнеме сите што имаат потреба за чист и свеж воздух во затворен простор да го најдат вистинското решение“.

Квалитетот на воздухот во затворените простории има големо влијание врз перформансите и благосостојбата на луѓето. Постојат многу фактори што влијаат врз квалитетот на воздухот, како што се PM2.5 честичките, алергените, влажноста на воздухот и така натаму. „Daikin“ веќе одамна го препозна овој предизвик и во 1975 година во Јапонија го лансираше својот прв прочистувач на воздух. Г-дин Антони Диму, генерален менаџер на деловната активност на „Daikin“ во Европа, Блискиот Исток и Африка (ЕМЕА): „Добиените резултати од Институтот „Pasteur de Lille“ се чекор напред за нас и за општеството. Верувам дека „Daikin“ може да стане референтна компанија за управување со квалитетот на воздухот во затворени простории во ЕМЕА регионот“.

* Детални резултати од тестирањето според тип на „Daikin“ прочистувач на воздух:

Уредот „Daikin“ MCK55WVM (комерцијално име MCK55W), кој го тестираше Институтот „Pasteur de Lille“, отстранува 99,996 % од хуманиот коронавирус HCoV-229E за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот). Хуманиот коронавирус HCoV-229E е различен од вирусот одговорен за КОВИД-19, SARS-CoV-2, но припаѓа на исто семејство коронавируси.“

Уредот „Daikin“ MC55WVM (комерцијални имиња MC55W/VB), кој го тестираше Институтот „Pasteur de Lille“, отстранува 99,98 % од хуманиот коронавирус HCoV-229E за 2,5 минути при „турбо“ брзина во лабораториски услови (непропусна комора со внатрешен волумен од 1,4 m3, без обновување на воздухот). Хуманиот коронавирус HCoV-229E е различен од вирусот одговорен за Ковид-19, SARS-CoV-2, но припаѓа на исто семејство коронавируси.“

Уредот „Daikin“ MCK55WVM (комерцијално име MCK55W), кој го тестираше Институтот „Pasteur de Lille“, отстранува 99,986 % од поттипот H1N1 на вирусот на грип А за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот).

Уредот „Daikin“ MC55WVM (комерцијални имиња MC55W/VB), кој го тестираше Институтот „Pasteur de Lille“, отстранува 99,93 % од поттипот H1N1 на вирусот на грип А за 2,5 минути при „турбо“ брзина во лабораториски услови (непропусна комора со внатрешен волумен од 0,47 m3, без обновување на воздухот).“

За повеќе информации, посетете ги следните линкови:

– Иновации на „Daikin“ за квалитет на воздух во затворени простории.

– Страница на производ за прочистување воздух на „Daikin“

– Информации за технологијата „Flash Streamer“ на „Daikin“

Веб-локација на Институтот „Pasteur de Lille“

 

За „Daikin“

Се грижиме за воздухот. Ги користиме нашето долгогодишно искуство во климатизацијата и страста кон иновативните технологии за да го направиме најдобар воздухот што го дишеме. А тоа сакаме да го направиме водејќи грижа за животната средина и заштитувајќи ги идните генерации. „Daikin“ има за цел до 2050 година да биде јаглеродно неутрална компанија во сите свои активности, производи и решенија што ги продава. Тоа е нашата мисија во „Daikin“.

„Daikin Europe N.V.“

„Daikin Europe N.V.“ е подружница на „Daikin Industries Ltd.“ и е голем европски производител на уреди за климатизација, топлински пумпи, прочистувачи на воздух и опрема за ладење, со приближно 13.000 вработени низ 24 филијали во ЕМЕА. Има 14 големи објекти за производство во Белгија, Чешка Република, Германија, Италија, Шпанија, Турција, Австрија и Обединетото Кралство. Седиштата на Групацијата „Daikin Europe“ се во Белгија, со канцеларии во Остенде, Гент и Брисел. Компанијата е основана во 1973 година. „Daikin“ има 2.171 вработен на белгиска територија.

Лидер на пазарот за технологија на топлински пумпи во Европа

Со над 90 години искуство во индустријата за греење и климатизација, „Daikin“ е лидер на пазарот во технологијата на топлински пумпи. Компанијата е добро позната по „Daikin VRV“ за комерцијална примена, како и „Daikin Altherma“ серијата за приватна примена на греењето. Над 85 % од уредите за европскиот пазар се произведуваат и во Европа.

Добавувач на целосни решенија за HVAC и ладење

Широкото портфолио на производи на „Daikin“ овозможува прилагодени решенија за сите потреби на клиентите поврзани со греење, вентилација, климатизација, прочистување воздух и ладење. Во последниве години, „Daikin“ го надополни своето портфолио на производи и значително го прошири своето присуство на пазарот во Европа во областа за технологија на топлински пумпи, како и во комерцијалното и индустриското ладење. Во 2016 година, „Daikin Europe N.V.“ го купи „Zanotti S.p.A.“, италијански производител на индустриско и транспортно ладење. Во февруари 2018 година, „Tewis Smart Systems S.L.“ се приклучи на групацијата. „Tewis“ е една од водечките компании во Шпанија за стандардизирани решенија за ладење коишто се прилагодени за клиентите, вклучувајќи решенија за CO2. На почетокот на 2019 година, „Daikin Europe N.V.“ ја купи австриската компанија за ладење „AHT“.

За „Daikin Industries Ltd.“

„Daikin Industries Ltd.“ со седиште во Осака, Јапонија, има околу 80.000 вработени ширум светот и во финансиската 2020 година (април 20 – март 21 година) оствари продажба од околу 18,45 милијарди евра. Компанијата е глобален лидер на пазарот за топлински пумпи и системи за климатизација, како и филтрација на воздухот. „Daikin Industries Ltd.“ е единствениот производител на уреди климатизација во светот, којшто ги развива и произведува сите важни компоненти како што се разладни средства, компресори и електроника.

Повеќе информации може да најдете на www.daikin.eu и на www.daikin.com.

Контакт со медиуми

Софи Сап – Деловна комуникација со „Daikin Europe“
T.: +32 472 580482
Адреса на е-пошта: [email protected]

 

(ПР текст)

Економија

Toyota Relax – нова револуционерна 10-годишна гаранција за Toyota и Lexus

Објавено пред

ИНОВАТИВНА ГАРАНЦИЈА БЕЗ СЛИЧНА ПОНУДА НА ПАЗАРОТ НА ВОЗИЛА ВО МАКЕДОНИЈА;

TOYOTA RELAX Е ДОСТАПНА ЗА СИТЕ НОВИ И КОРИСТЕНИ ВОЗИЛА ДО 10 ГОДИНИ СТАРОСТ;

ПРОГРАМАТА Е ДОСТАПНА И ЗА ВОЗИЛАТА ОД ГАМАТА НА LEXUS ПОД ИМЕТО LEXUS RELAX

Прва од ваков вид во автомобилската индустрија во Македонија и неспоредлива по опфат и времетраење со кој било друг производител, програмата за гаранција Toyota Relax им овозможува на сопствениците на возила од брендот Toyota гаранциско покритие до 10 години за целото возило. Револуционерната гаранција со 10 годишно покритие ќе им овозможи поголемо спокојство на сите сопственици на возила од брендот.

Програмата за гаранција се однесува на сите нови возила, испорачани по 1 јуни 2021 година од овластениот застапик на Toyota во земјата. Предноста на Toyota Relax е тоа што програмата со одредена доплата е достапна и за сите користени возила со старост до 10 години или 185.000 km, при што кон секој годишен периодичен сервис на возилото во овластен Toyota сервисен центар, клиентите добиваат продолжена гаранција, со важност до следното периодично техничко одржување, согласно планот за одржување на соодветниот модел (најчесто на 12 месеци или 15 000 km, кое настапува прво). За моделите со подолг сервисен интервал, на пример 2 години, активираната продолжена гаранција трае 2 години од датумот на периодичниот сервис. Услов за активирање на Toyota Relax е на возилото да му останува помалку од една година до истекот на фабричката гаранција или да е со километража поголема од 85.000 km. Така, без разлика дали поседувате целосно ново Toyota возило, или користено до 10 години или 185.000 km, можете да бидете спокојни, благодарение на најфлексибилната продолжена гаранција на пазарот.

Гаранцијата Toyota Relax се однесува за сите модели од марката, без оглед на нивниот мотор, погонски систем или каросериска изведба, се додека ги исполнуваат условите на програмата. Тука се вклучени сите патнички и лесни комерцијални возила на Toyota. Гаранцијата важи и за целиот асортиман на премиум брендот Lexus, но под името Lexus Relax. Така, без разлика дали имате бензин, дизел или хибридно возило од моделите Toyota и Lexus, можете да ги искористите сите погодности на продолжената гаранција.

Програмата Toyota Relax важи само на територијата на Македонија, Бугарија и Албанија, а при патување во други земји гаранцијата може да се користи при престој кој не е подолг од 90 последователни денови, во која било од земјите наведени во Условите на Toyota Relax. Условите за користење на гарантното покритие, во случај на несреќа и потреба, исто така се достапни на наведениот линк. Иновативната гаранција им овозможува на клиентите на Toyota да патуваат спокојно и да уживаат во многу безгрижни километри со своите возила.

Продолжената гаранција Toyota Relax може да се примени и за користени возила, во случај на промена на сопственоста, доколку ги исполнуваат условите да не се постари од 10 години или да немаат изминато повеќе од 185.000 km. Доколку новото возило веќе има активирана гаранција Toyota Relax, таа ќе остане важечка до истекот на нејзината валидност, согласно датумот за периодичен сервис.

Опфатот и времетраењето на покритието на програмата Toyota Relax е природно продолжение на филозофијата на Toyota за тријадата „сигурност, безбедност и квалитет” за сите возила од марката, со кои производителот е познат на глобално ниво. Создадена за да биде лесна за разбирање и примена, програмата е насочена целосно кон потребите на клиентите се со цел да им овозможи целосно спокојство и задоволство од поседувањето на возило од гамата на „Toyota“ и „Lexus“. Програмата за гаранција исто така ја зголемува вредноста на користените возила, што носи директни придобивки како за сегашните сопственици, така и за идните кои ќе возат возило одржувано во овластената дилерска мрежа на Toyota и Lexus во земјата.

Помеѓу другите предности за сопствениците кои се влучени во програмата Toyota Relax, е тоа што возилата ќе бидат сервисирани од тим на меѓународно сертифицирани техничари во сервисите на Toyota и Lexus, со користење на оригинални резервни делови и компоненти од марките при извршување на сервисирањето. Со транспарентен ценовник на услуги и резервни делови, како и работа со оригинални аксесоари, Toyota Relax ја надминува идејата за програма за гаранција, обезбедувајќи им дополнителна вредност на своите клиенти преку многу поволности, за тие да уживаат во возењето и поседувањето на своите возила со целосно спокојство.

Целосните Услови за користење на гаранцијата Toyota Relax се достапни на веб-страницата на Toyota Авто Центар на следниот линк: https://www.toyota.com.mk/article/garancija/

 

 

(ПР текст)

Прикажи повеќе...

Економија

„Плана телепорт“ на „Јунајтед груп“ добива целосен сертификат за ниво 4 од Светската асоцијација за сателитски комуникации

Објавено пред

„Јунајтед груп“ денес објави дека нивниот бугарски оператор „Виваком“ e награден од Светската асоцијација за сателитски комуникации (World Teleport Association) со целосен cертификат за ниво 4 за нивниот објект за сателитска комуникација „Плана телепорт“, добиен по неодамнешната ревизија на објектот.

Ниво 4 е највисок можен сертификат во областа на сателитските услуги и ја рангира сателитската станица меѓу најмодерните објекти од ваков тип во светот. Tоа значи дека „Плана Телепорт” ги поседува стандардите за врвна локација, двојно поткрепена техничка опрема и високо-професионална поддршка 24/7 – со технички и со комерцијални експерти. Само 19 сателити, вклучително и станицата на „Плана”, во моментов поседуваат сертификат за ниво 4.

Сето ова потврдува дека клиентите на „Виваком” добиваат услуги со највисок и сертифициран квалитет и сигурност.

Од претходната ревизија, „Виваком” се фокусираше на развивање на услуги за деловни клиенти и сега копнената станица емитува 4 DTH платформи (Direct-to-Home) со повеќе од 400 ТВ канали за Источна Европа и Африка.

„Виваком”, исто така, ги прошири своите регионални поморски VSAT услуги. Станицата „Плана” е исто така важен дел од клучната копнена инфраструктура за неколку сателитски оператори и нивните сателитски сoѕвездија.

„Горди сме што „Виваком” ги покажа највисоките стандарди за квалитет за сателитски услуги, како што е дефинирано од Светската асоцијација за сателитски комуникации (WTA). Темелната ревизија спроведена од WTA и сертификатот за ниво 4 потврдува за професионалноста на нашата работа и нашата посветеност да бидеме најдобри”, изјави сениор менаџерот за радиодифузни услуги на „Виваком”, Владимир Рангелов.

„Со повторното сертифицирање на сателитот на „Виваком” на ниво 4, WTA ја постигнува најважната цел на програмата за сертификација – не само да ги измери факторите што придонесуваат за високиот квалитет на услугата, туку и да ги мотивира за подобрување. Со нетрпение очекуваме да им помогнеме и на другите сателитски оператори да го подигнат квалитетот на нивните капацитети и процедури за подобро да им служат на своите клиенти и да ги развијат нивните бизниси “, рече извршниот директор на WTA, Роберт Бел.

Процесот на сертификација е долг и сеопфатен. Сателитот мора да исполни повеќе од 170 барања, кои Светската асоцијација за сателитски комуникации (WTA) ги проверува и анализира при ревизија на лице место.

Програмата за сертификација за телепорт на Светската асоцијација им служи и на сателитските оператори и на нивните клиенти со својот непристрасен, транспарентен и меѓународно прифатен метод за документирање на квалитетот на услугите за клиентите и стратешките партнери.

Сертификатот претставува сигурносна алатка за клиентите при избор на даватели на услуги за сателитски услуги, обезбедувајќи јасна основа за проценка на цената и квалитетот.

На крајот на 2020 година, „Плана Телепорт” се рангираше на 5-то место на глобално ниво во однос на растот на приходите од сателитските услуги за деловни клиенти, во годишното рангирање на WTA за најбрзорастечките сателитски оператори.

За Јунајтед Груп:

Јунајтед груп, со седиште во Холандија, е водечки телекомуникациски и медиумски оператор во Југоисточна Европа. Компанијата работи во осум земји и на крајот на 2020 година има приближно 11 милиони корисници и приближно 14.500 вработени. Јунајтед груп има најширока мрежна покриеност во регионот и им нуди на корисниците најатрактивен избор на ТВ-содржини од целиот свет. Значајните инвестиции во дигитална инфраструктура, медиумската содржина и технологијата, обезбедуваат извонредност на производите и услугите што им ги нуди на клиентите. Од март 2019 година, Јунајтед груп е во мнозинска сопственост на BC Partners, една од најголемите инвестициски компании во светот. Инаку, во рамките на Јунајтед Груп, во Северна Македонија работи компанијата Тотал ТВ.

За повеќе информации посетете ја веб страницата: https://united.group/

 

(ПР текст)

Прикажи повеќе...

Економија

(Видео) Стојаноски: Железниците во државата се во вештачка кома, вработените немаат земено плата

Објавено пред

Железничкиот сообраќај во нашата држава ги живее најлошите години од своето постоење. Не се памети кога железниците во Република Македонија биле во толку лоша состојба, истакна на денешната прес-конференција пратеникот од ВМРО-ДПМНЕ, Бојан Стојаноски.

За жал, вели тој, на прагот сме на целосно замирање на железничкиот сообраќај, а со тоа Македонија да стане единствената земја во Европа без железнички сообраќај.

„Пред 3 години со укинувањето на единствената меѓународна железничка линија Солун – Скопје – Белград станавме меѓународно железнички изолирана земја, а сега со укинувањето на внатрешните железнички линии кон Кичево и Кочани се најавува и домашно замирање на овој превоз. Железниците во Република Македонија се во вештачка кома. Нема изградба на нови пруги, нема ремонти на постојните, нема набавка на нови возови и нови локомотиви. Буквално железниците се оставени на забот на времето“, рече Стојаноски.

„Додека вработените во железницата со право реагираат и ја чекаат својата плата за јуни, постојано има огласи за нови партиски вработувања. Раководствата вршат масовна партизација со нови кадри. Патем, според информациите од железницата, повеќето од овие нововработени земаат плата, а не даваат речиси никаков придонес во работењето. Оттука, наместо по секоја основа да се намалуваат непродуктивните трошоци, власта за свои партиски цели дополнително ги оптоварува буџетите на ‘МЖ – Транспорт’ АД и на ЈП ‘МЖ – Инфраструктура’“, додаде Стојаноски.

Потенцира дека во овој ресор нема пари за плати на вработените, а како што рече, има пари за нови партиски вработувања.

„Нема пари за изградба на пруги и набавка на нови возови, ама има пари за набавка на супер луксузни лимузини за директорите. Очигледно е дека оваа Влада предводена од СДСМ нема ниту волја ниту капацитет да се справува со предизвиците на железничкиот систем во нашата држава. Се покажало во минатото, секогаш кога СДСМ е на власт, железницата стагнира. Наместо да спроведуваат проекти за подобровање на железничкиот сообраќај, тие размислуваат како побргу да ги продадат и да се ослободат од железниците“, истакна пратеникот од ВМРО-ДПМНЕ.

Прикажи повеќе...

Најново

Македонија7 часа

Владата почна постапки за обезбедување 20.000 литри гориво за противпожарните возила и летала

Владата донесе одлуки за спроведување постапки за обезбедување 15.000 литри млазно гориво и 5.000 литри нафтени деривати за потребите на...

Македонија7 часа

Активни повеќе пожари во Македонија, затворени се неколку патишта

Низ Македонија активни се неколку пожари, а на терен се силите на Армијата, противпожарни екипи, а помош дава и месното...

Македонија8 часа

Приведено едно лице за предизвикување пожар во Ресенско

Полицијата уапси едно лице за предизвикување пожар во селото Лева Река, Ресен. Според информациите од полицијата, уапсен е К.С. од с.Лева...

Македонија10 часа

Ангелов: Пожарите се шират со голема брзина, имаме сознанија дека некои намерно се запалени

Пожарите се шират со голема брзина, а имаме сознанија дека некои намерно се запалени, изјави директорот на Центарот за управување...

Македонија12 часа

Ширењето на пожарот кај Делчево е критично – неопходна евакуација на две села

Жителите од критичните реони во село Нов Истевник и Стар Истевник зафатени со големиот пожар да се евакуираат во градската...

Македонија12 часа

219 нови случаи на Ковид-19, починаа четири лица

Министерството за здравство информира дека во последните 24 часа се направени 4.713 тестирања, а регистрирани се 219 нови случаи на...

Македонија14 часа

Ангелов најави акциски план за справување со пожарите

Откако Владата денеска прогласи кризна состојба во траење од 30 дена поради пожарите кои ја зафатија Македонија, директорот за Центарот...

Македонија16 часа

Владата прогласи кризна состојба во траење од 30 дена поради зголемената појава на пожари

Владата на денешната 95. седница, која се одржа изутринава, донесе одлука за постоење кризна состојба на територијата на Република Северна...

Топ17 часа

72-годишен битолчанец извршил полов напад врз десетгодишно девојче

Маж од Битола на возраст од 72 години е осомничен дека сторил полов напад врз дете што не наполнило 14...

Топ17 часа

Татко си ја малтретирал својата ќерка, ја удирал со тупаници и ѝ се заканувал на сопругата дека ќе ја убие

38-годишен жител од Брвеница, татко и сопруг, е осомничен за малтретирање на својата ќерка и за семејно насилство над блиски...

Европа18 часа

(Видео) Пожарите во Грција не стивнуваат, населението се евакуира, огнената стихија уништи куќи

ЕУ испрати помош за Грција и другите земји од Југоисточна Европа, кои се борат со големи пожари. Помошта дојде еден...

Македонија18 часа

Ангелов: Пет хеликоптери го гаснат пожарот кај Пехчево, ако дозволат условите, ќе емитувам во живо

Пет хеликоптери, три српски и два македонски, полетаа од скопскиот аеродром кон Пехчевскиот Регион, соопшти утрово директорот на Центарот за...

Македонија19 часа

Владата ќе го разгледува предлогот за воведување кризна состојба во државата поради пожарите

Владата, денеска, во 8.30 часот треба да одржи седница за предлогот на Управувачкиот комитет за воведување кризна состојба во траење...

Македонија1 ден

Стојанче Ангелов од вршител на должност стана директор на ЦУК

Владата на денешната 94 седница донесе одлуки во однос на повеќе кадровски решенија. Така, Стојанче Ангелов кој досега беше вршител...

Македонија1 ден

Награди од по 10.000 денари за пожарникарите кои го гаснеа пожарот кај Кочани

Владата на седница одлучи да ги награди сите пожарникари вклучени во гаснењето на пожарот кој го зафати Кочани и околината....

Македонија1 ден

Албански државјанин приведен за подметнување на пожар, има осомничен и за оној во Старо Нагоричане

Попладнево од страна на полициски службеници од полициското одделение Галате уапсен е 32-годишен албански државјанин со иницијали Л.А, кој илегално...

Македонија1 ден

Владата ја разреши директорката на инспекторатот за животна средина

Владата ја разреши директорката на Државниот инспекторат за животна средина, Ана Петровска, по барање на нејзината матична партија ДОМ. Од...

Македонија2 дена

Регистрирани 164 нови случаи на Ковид-19, пријавени се три починати лица

Министерството за здравство информира дека во последните 24 часа се направени 5.276 тестирања, а регистрирани се 164 нови случаи на...

Топ2 дена

Камион излетал од патот во близина на ГП Блаце, возачот починал од срцев удар

Товарно возило со косовски регистарски ознаки вчеравечер излетало од патот во близина на Граничниот премин Блаце соопштија од МВР. Возачот...

Регион2 дена

Почина Мирослав Лазански

Почина српскиот новинар, воен аналитичар, политичар и дипломат Мирослав Лазански на 71-годишна возраст. Лазански починал во својот дом во Белград...

Досие