Контакт

Економија

Клучни работи што треба да ги знаете за „Лајконет“ (Lyconet)

Објавено пред

Веројатно сте слушнале за Lyconet („Лајконет“), но дали точно знаете за каква всушност компанија станува збор? Од каде потекнува, која е нејзината историја, колкави се заработките во мрежата на Lyconet – се само дел од прашањата што ќе се обидеме да ви ги одговориме за да ја добиете целосната слика.

Lyconet како бренд е за прв прат претставен во 2014 година во Грац, Австрија и во моментов компанијата брои преку 300,000 маркетри, физички и правни лица кои работат како независни агенти. Активна е на 49 пазари ширум светот, како глобална платформа за водење на сопствена лојална програма.

Користејќи  „нетворк маркетинг“ како канал и начин на промовирање и продавање на производи тоа им овозможува на своите членови да напредуваат во својата кариера и притоа да остваруваат одлични месечни заработки. Но она што е интересно и за многумина непознато, е дека овие заработки, без разлика во која држава се наоѓаат марктерите, се исти. На пример, исто заработуваат маркетери, да речеме во Германија и во Македонија, а замислете, Lyconet брои дури 300,000 маркетери низ целиот свет кои ја делат оваа предност.

Како се се станува Lyconet маркетер?

Lyconet маркетер се станува со препорака преку друг маркетер, односно преку мрежата на неависните Lyconet маркетери. Зачленувањето како маркетер е комплетно бесплатно! Секој маркетер пред да започне со работа склучува договор за независен Lyconet маркетер и потоа преку достапните алатки во сопствениот профил на вебсајтот lyconet.com/mk, добива онлајн обука и насоки за водење на бизнисот.

Lyconet носи и голема одговорност кога станува збор за бизнис партнерите и секогаш се води по принципите на интегритет, чесност и праведност. Истите вредности писмено се прифатени од секој Lyconet маркетер пред да започне со дејноста со прифаќање на кодот за етика на компанијата.

Како се заработува?

Оваа компанија има две основи по кои ги наградува своите членови и по кои маркетерите можат да го следат својот раст во кариерата. Како прво, тука е „кариерниот програм“ кој претставува патот по кој маркетерите напредуваат во својата кариера и „балансниот програм“ каде се евидентираат шопинг поените остварени на секој маркетер или тим од маркетери кој им носи одреден финансиски надоместок согласно транспарентниот компензациски план.

За да можете да започнете да заработувате, потребни ви се поени со кои ќе напредувате. Едноставно, за да остварувате што поголем број на поени потребни ви се продажби, а за вашите поени уште повеќе да се зголемуваат, можете да изградите сопствен тим од маркетери од кои и вие ќе остварувате дополнителни поени. Поените кои ќе ги остварат маркетерите се пресметуваат неделно и според нив се добива одредена сума на пари која претставува ваша исплата на она што го имате остварено како продажба. Има неколку видови на „баланс програми“: персонален, национален, континентален и интернационален баланс, каде се распоредени сите поени кои ги остаруваат членовите во мрежата, а кои притоа се целосно транспарентни и може секој маркетер да ги следи, сѐ со цел секој член да има увид во својот успех и напредок.

Транспарентност во работењето

Постојат многу компании кои работат на овој принцип на работа и ги наградуваат своите вработени според остварените продажби на производи или слично. Но, она што е специфично кај Lyconet е токму транспарентноста. Покрај тоа што компанијата има изградена силна мрежа на маркетери, таа има и свои јасно истакнати правилата и прописи според кои секој член мора да се придржува, се разбира со цел да се избегнат какви било неправилности во мрежата. Правилата, напредувањата во кариерните нивоа, како и баланс програмите се јавно достапни на нивната веб страна https://www.lyconet.com/mk за секој заинтересиран потенцијален член да може поубаво да се запознае со начинот на работењето на компанијата.

Покрај правилата и начините при работа, целосно транспарентни се и видовите на заработки кои им се пресметуваат на сметките на маркетерите и тие во секое време можат да го следат својот статус. Всушност, како еден од глобалните лидери во „нетворк маркетинг“ индустријата, Lyconet носи и голема одговорност кога станува збор за своите бизнис партнери, па оттука неминовно е и целиот принцип на работа да биде транспарентен.

Lyconet e наменет за претприемачи, расположени да ја користат оваа мрежа како платформа за изградба на сопствениот бизнис и да остварат одлични дополнителни месечни заработки. Компанијата секогаш се води по принципите на интегритет, чесност и праведност, а истите принципи мора да бидат прифатени и од страна на секој Lyconet маркетер.

(ПР-текст)

Економија

Угостителите нема да ги користат владините мерки, дополнително ќе ги задолжеле

Објавено пред

Угостителите од сите градови во земјата кои по стапувањето на сила на уредбата на државата и мерките за заштита од вирусната инфекција не работат соопштија дека нема да ги користат најавените мерки од Владата. Наместо тоа, одлучиле дека средствата можат да ги насочат директно кон сите кои остануваат без работа или во сектори каде мислат дека ќе се постигне ефект.

„За жал до сега добивме несоодветни, нејасни и нецелосни мерки и уредби, кои и покрај апелите не беше разбрано дека малите субјекти немаат капацитети да ги спроведат, а воедно ниту се доволни. Ова ни дава до знаење дека се игра со времето, кое моментално работи против нас, а ние како дејност немаме никакво чувство на сигурност. По долго исчекување и детална анализа на сите најавени мерки, а во правец на зачувување на дејноста, како субјекти од дејноста угостителство, преземаме чекори за намалување на загубите и трошоците кои секојдневно се генерираат. Еден од тие чекори е и во состојба кога институциите не ни помогнаа да се грижиме за лицата вработени во овој сектор, сега ќе  дозволиме директно за нив да  покаже грижа државата. На овој начин институциите можат директно да им помогнат без притоа дополнително да нè задолжуваат со кредити за придонеси и другите натрупани трошоци“, изјави Мартин Ангеловски од Групацијата за угостителство.

Угостителите сметаат дека од исклучителна важност е јавноста да знае дека сите мерки кои се моментално донесени и предложени само ќе им ги зголемат долговите по кризата, за која не се знае кога ќе заврши.

„ Сè што ни е понудено во овој момент е во вид на заем од Владата и тоа недоволен само за нето-плата, ова никој од нас нема да може да го издржи. Наместо тоа, очекувавме директна, безусловна и правична помош од страна на институциите, но не ја добивме. Дополнително, мерките не ги опфаќаат сите погодени во угостителството и не е земено предвид дека ние не сме погоден сектор, туку со одлука затворен сектор. Се очекува од нас, како што слушаме секојдневно, да понесеме дел од товарот на кризата. Како да го направиме тоа кога сме затворени први, а ќе профункционираме последни, се работи за мали фирми кои немаат резерви. Исто така, месец март и покрај нашето барање е изоставен од мерките“, објасни Ангеловски и додаде дека ваков пристап со кој се претставуваат овие мерки е комплетно неоправдан, затоа што го фрла секторот на маргините и покрај тоа што вработува над 29.000 лица и се бори за задржување на секое работни место.

Прикажи повеќе...

Економија

Трамп размислува за намалување на производството на нафта во САД

Објавено пред

Претседателот на САД, Доналд Трамп, изјави дека не ја исклучува можноста, ако е потребно, САД да го намалат производството на нафта по сличниот можен потег на ОПЕК + за намалување, пренесува „Спутник“.

„Мислам дека се случува автоматски, но никој сè уште не ми го постави тоа прашање, така што ќе видиме што ќе се случиа“, рече Трамп во понеделникот.

Изјавата доаѓа неколку дена откако Трамп рече дека не му е грижа за ОПЕК и дека ако треба да ги нивелира тарифите на увезената нафта што влегува во САД, тој ќе го стори тоа.

„Ќе сторам сè што е потребно за да ги заштитам работните места во американската нафтена индустрија“, рече Трамп, додавајќи дека има доверба во енергетскиот бизнис во САД и посочувајќи ја својата земја како најголем производител во светот во моментот.

Ова следуваше по твитот на Трамп минатиот четврток дека очекува Саудиска Арабија и Русија да се договорат за намалување на производството на нафта за 10 до 15 милиони барели на ден на состанокот на ОПЕК + закажан за 9 април.

Рускиот претседател Владимир Путин, од своја страна, минатата недела изјави дека производството на нафта може да се намали за приближно 10 милиони барели на ден, додавајќи дека Москва бара долгорочна стабилност на нафтениот пазар и ќе продолжи да соработува со своите партнери од Саудиска Арабија.

На 6 март, земјите од ОПЕК + не се договорија за продолжување на договорот за ограничување на производството на нафта. Ограничувањата беа укинати откако договорот истече кон крајот на март, што доведе до колапс на пазарот со глобалниот пад на побарувачката поради тековната пандемија на Ковид-19.

Русија повика на напуштање на намалувањето на производството на претходно договорените нивоа, а Саудиска Арабија и нејзините сојузници бараат дополнителни намалувања, потег што беше проследен со одлуката на саудиското Министерство за енергетика да го зголеми дневниот производствен капацитет на кралството на 13 милиони барели нафта од сегашното ниво од 12 милиони барели.

Прикажи повеќе...

Економија

Продолжени лиценци и договори за транспортерите, градежниците и погребалните служби

Објавено пред

Владата донесе уредби со законска сила со цел транспортниот сектор подобро да го организира работењето и да се обезбеди непречен транспорт на стока, за што денеска на прес-конференција информираше министерот за транспорт и врски, Горан Сугарески.

„Првата уредба се однесува на примена на Законот за превоз на патниот сообраќај за време на вонредната состојба и истата предвидува одложување на полагањето на испитите за професионална компетентност на лице одговорно за превоз и возач за учество во меѓународен патен сообраќај, за време на траењето на вонредната состојба. Важноста на сертификатите за професионална компетентност на возач за учество во меѓународен патен сообраќај чиј рок на важење е истечен се продолжува за време на траење на вонредната состојба“, објасни министерот Сугарески.

Втората уредба се однесува на примена на Законот за превоз на опасни материи во патниот и железничкиот сообраќај за време на вонредна состојба и таа опфаќа: Полагањето на испитот при превоз на опасни материи се одложува за време на траењето на вонредната состојба.

Истото се однесува и за важноста на сертификатите. Сите сертификати кои се однесуваат за превоз на опасни материи, а чиј рок на важење е истечен, важноста се продолжува за време на траење на вонредната состојба. Ова подразбира дека сите испити се одложуваат и сите сертификати на кои важноста им е истечена остануваат да важат сè до времетраењето на вонредната состојба.

„Со овие две уредби им олеснуваме на транспортерите и од финансиски аспект и од временски аспект со оглед на тоа дека ја продолжуваме важноста на сертификатите“, истакна министерот Сугарески и додаде дека со уредбата со законска сила за примена на Законот за работното време на мобилните работници во патниот сообраќај, како и за тахографите, се пропишува зголемување на времетраењето на возење со цел побрзо да се реализира транспортот.

„Дневното време на управување со возило за време на траење на вонредната состојба се зголемува од 9 часа на 11 часа. Неделното време на управување со возило за време на траење на вонредната состојба се зголемува од 56 часа на 60 часа.

Вкупното време на управување со возилото во текот на кои било две последователни недели, за време на траење на вонредната состојба се зголемува од 90 на 100 часа.

За време на траење на вонредната состојба возачите можат да возат пет и пол часа, а потоа возачот е должен да направи пауза од најмалку 45 минути, додека претходно можеа да возат 4, 5 часа па да прават пауза. Редовниот дневен одмор за време на траење на вонредната состојба е намален од 11 часа, на 9 часа“, објасни министерот Сугарески.

Со овие мерки кои беа на барање на превозниците се овозможува побрз транспорт на стока, намалување на метежот на граничните премини и местата за одмор и поефикасен транспорт на стоката што се пренесува.

Во насока на олеснување на работата на компаниите што работат во градежниот сектор, Владата донесе уредби со законска сила со кои се олеснува работата на фирмите во услови на времетраење на вонредната состојба.

Првата уредба се однесува на примена на Законот за градење и се однесува за лиценците и овластувањата чиј рок на важење е истечен, се продолжува за време на траењето на вонредната состојба, како и 60 дена од денот на престанок на вонредната состојба.

Втората уредба со законска сила се однесува на Законот за просторно планирање, со што се предвидува за лиценците за изработување на урбанистички планови, лиценците за ревизија на урбанистички планови, овластувањето за изработување на урбанистички планови и овластувањето за ревизија на урбанистички планови, чиј рок на важност е истечен, важноста се продолжува за време на траењето на вонредната состојба, како и 60 дена од денот на престанок на вонредната состојба.

Третата уредба се однесува на примена на Законот за гробишта и погребални услуги и исто така ја регулира важноста на дозволата за управување со гробишта и дозволата за вршење погребални услуги чиј рок на важење е истечен. И за овие дозволи кои се веќе истечени, важноста се продолжува на траење на вонредната состојба, како и 60 дена од денот на престанок на вонредната состојба.

На крај, министерот Сугарески ја објасни и мерката донесена во вториот сет  економски мерки, која се однесува на ослободување од плаќање на надомест за закуп за стан за лица со ниски примања и на социјално ранливи категории граѓани.

„Со оваа мерка ослободени се вкупно 792 корисници или на месечно ниво овие ќе се заштедат 1 милиони 145 илјади денари. Ова е мерка со која дополнително ќе ги ослободиме овие групи на граѓани од трошок кој го имаат кон државата“, констатираше министерот Сугарески.

Прикажи повеќе...

Најново

Свет21 минута

Во Русија почнаа клинички испитувања на три препарати против Ковид-19

Во Русија почнаа клиничките испитувања на три препарати за лечење на пациентите заразени со Ковид-19, мефлохин, хидроксихлорикин и калидавир, соопшти...

Македонија2 часа

Долги редови пред банките во Куманово, се чека и по два часа

Метеж во сообраќајот, долги редици пред банките, маркетите и аптеките, оваа е сликата во Куманово веќе втор ден, по полицискиот...

Топ3 часа

Штипјанец загина при работа во каменолом

Педесет и двегодишен маж од Штип загинал, откако паднал при работа во каменолом. Тој бил донесен во Клиничката болница Штип,...

Македонија3 часа

Апаратите за вода и кафематите можен преносител на коронавирус

Трудовиот инспекторат забранил за употреба 215 кафемати на бензински пумпи и повеќе други локации по градовите, соопшти претседателка на инспекциски...

Македонија3 часа

Бухова: Докторите професионално ги следат сите протоколи, граѓаните да им веруваат

Директорката на Државниот санитарен и здравствен инспекторат, Ирина Бухова, апелира до сите граѓани да им веруваат на медицинските лица. Според...

Топ4 часа

Полицискиот час синоќа го прекршиле 41 лице

Во текот на изминатото деноноќие, според статистиката на МВР, 41 лице го прекршиле полицискиот час, односно забраната за движење, при...

Европа5 часа

Објавени детали за здравствената состојба на британскиот премиер

Британскиот премиер, Борис Џонсон, ја мина ноќта во одделение за интензивна нега во лондонската болница „Свети Томас“ и неговата состојба...

Свет5 часа

Трамп нуди помош вознемирен поради веста за состојбата на Џонсон

Американскиот претседател, Доналд Трамп, изјави дека е многу вознемирен од веста за британскиот премиер, Борис Џонсон, кој е заразен со...

Свет6 часа

Во Кина за првпат од јануари нема регистрирани смртни случаи од корона

За првпат од јануари, Кина забележа ден без смртни случаи од коронавирус. Во последните 24 часа во земјата има регистрирано...

Македонија16 часа

Уште две лица од Куманово починаа од коронавирус

Уште две лица од Куманово починале од коронавирус, од кои едниот полициски службеник. Како што соопшти на прес-конференција министерот за...

Свет18 часа

Експертите ги повикуваат пушачите да ги остават цигарите поради коронавирусот

Здравствените експерти ги предупредуваат пушачите да ги остават цигарите и тутунските компании да престанат да произведуваат и продаваат производи од...

Македонија19 часа

На годишен одмор не мораат сите вработени во приватните компании, Инспекторатот за труд ја појасни уредбата

Неискористените годишни одмори од 2019 година, како и првиот дел од одморот за 2020 година, задолжително треба да ги користат...

Македонија22 часа

Тројца пациенти починале од коронавирус во последните 24 часа

Тројца пациенти починале од коронавирусот во последниве 24 часа, информира министерот за здравство, Венко Филипче. Еден од пациентите е од...

Свет23 часа

Во Русија создаден тест кој го открива коронавирусот за 40 минути

Руските научници создадоа експресен тест за откривање на коронавирусот кој дава резултати за 40 минути, соопшто руското Министерство за индустрија...

Македонија24 часа

Од среда полицискиот час ќе почнува во 16 часот, а за време на викендите 24 часовна забрана за движење

Владата на предлог на Комисијата за заразни болести во рамки на Министерството за здравство и Генералниот кризен штаб, донесе одлука...

Топ1 ден

Мајка и син пронајдени мртви во стан во Велес

Мајка и син се пронајдени мртви во стан во Велес. Во моментов се врши увид од страна на екипа на...

Македонија1 ден

(Видео) Сијарто му ја предаде на Чулев унгарската донација од 100.000 маски и 5.000 заштитни одела

Министерот за внатрешни работи, Наќе Чулев, денеска во Министерството за внатрешни работи оствари работна средба со министерот за надворешни работи...

Македонија1 ден

АХВ препорачува да се избегнува користење автомати за кафе и апарати за вода

Заради избегнување на опасноста од евентуално пренесување на вирусот Ковид-19, во услови на прогласена пандемија, Агенцијата за храна и ветеринарство...

Македонија1 ден

(Видео) Сијарто: Почеток на преговорите најдоцна во јуни

Унгарскиот шеф на дипломатијата, Петер Сијарто, упати честитки за започнувањето на преговорите со ЕУ и за членството во НАТО. На...

Регион1 ден

Брнабиќ: Србија за 10 дена почнува со лечење на заболените со крвна плазма

Во Србија за десетина дена ќе почне таканаречената плазна терапија за заболените со коронавирус, објави српската премиерка Ана Брнабиќ. Таа...

Досие