Економија
Меркел подготвува големи промени за работа во Германија, планот има пет фази и 100 мерки

Вработувањето некогаш се сметаше како доволно за успешна интеграција на странците во општеството, но Германија се откажува од ваквите размислувања.
По речиси три години планирање и дискусија, германската канцеларка Ангела Меркел, заедно со сојузните и граѓанските лидери, најави 100 мерки како дел од Националниот акциски план за интеграција. Предвидено е воведување на т.н. „скаути за интеграција“, еден вид систем на колегијална поддршка за новодојденците. Идејата е германски почетници да бидат ментори на странските почетници за никој да не биде изгубен во системот, пишува „Дојче веле“.
Во основа, планот од 100 точки е поделен во пет категории, од мерки за пред-интеграција, како што се поставување на очекувања пред лицето да се пресели во Германија, до зајакнување на социјалната кохезија преку образование и социјални активности. Дискриминацијата беше една од главните теми на дискусија во вторникот. Меркел и другите говорници на прес-конференцијата по самитот истакнаа дека расно мотивираните терористички напади, како што беше смртоносното пукање во Ханау во 2020 година или убиствата извршени од Националсоцијалистичкото подземје (НСУ), претставуваат огромен чекор назад во создавањето на безбедно и инклузивно опкружување во Германија.
Покрај спречувањето на насилството, акцискиот план предвидува ширење на напорите против дискриминација, како што се советодавни центри кои можат да им помогнат на луѓето кои се изложени на говор на омраза или кои не биле во можност да добијат работа поради нивната етничка припадност или религија. Извештајот објавен пред самитот исто така повикува на униформирано документирање на ваквите случаи со цел подобро да се разбере каде и како се јавува дискриминацијата.
„Жртвите на дискриминација не смеат да бидат оставени сами на себе. Нивните искуства мора да се сфатат сериозно. За да го постигнат ова, потребна им е поддршка од професионално советување против дискриминација“, рече Бернхард Франке, шеф на Германската сојузна агенција за борба против дискриминација.
Интеграцијата беше во фокусот на многу жестоки дебати во Германија во последниве години, главно предизвикани од историскиот прилив на бегалци помеѓу 2015 и 2019 година. Во тој период Германија доби повеќе од 1,8 милиони барања за азил, или приближно 75 проценти од сите поднесени барања за азил во последната деценија. Дискусиите за тоа како општеството да се справи со толку голем број бегалци, пред сè од Сирија, Авганистан и делови од Африка, наскоро се насочија на проблемите со интеграцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Имаме раст на извозот, градежништвото и туризмот гарантираат раст на БДП и подобар стандард на граѓаните

Во одговор на новинарско прашање, претседателот на ВМРО-ДПМНЕ, Христијан Мицкоски, истакна дека увозот е многу помал за околу 8% во евра, или за 12-13% во долари, додека пак извозот е во пораст во евра 23%, додека пак во долари е 28%.
„Ако ги споредите првите два месеци април и мај од оваа година, со првите два месеци април и мај од 2024 година, длабоки анализи правиме, ќе видите дека за 80 милиони долари е намален трговскиот дефицит, а тоа е цели 13% и тоа ќе учествува во БДП. Ако на тоа се додаде растот на индустриското производство коешто е во просек за април и мај, првите два месеци од вториот квартал 5,5%, а само во мај 9,4%’’, истакна Мицкоски.
Мицкоски додаде дека растот на туризмот и градежништвото, ќе доведат до зголемување на животниот стандард на граѓаните, но и зголемување на бруто домашниот производ.
„Растот на туризмот повеќе од 20%, инвестициската активност повеќе од 15%, растот и бумот во градежниот сектор, сето тоа нас ни гарантира еден успешен резултат за БДП во вториот квартал којшто очекувам да продолжи и во третиот и четвртиот квартал’’, заклучи Мицкоски.
Економија
Македонската „Green Machines“ ја зацврстува дистрибутивната мрежа во САД

Green Machines на БРАКО, познат по своите иновативни еколошки возила за чистење на јавни површини, бележи сериозен раст на американскиот пазар со мрежа на реномирани дистрибутери низ повеќе од 30 американски сојузни држави.
Најнов партнер е компанијата Mar-co Equipment од регионот на Лос Анџелес, која стана ексклузивен дистрибутер за Јужна Калифорнија.
Моментално, Green Machines има дистрибутери во следниве американски држави:
Owen Equipment – Вашингтон, Орегон, Северна Калифорнија, Невада, Ајдахо, Монтана, Јута, Колорадо, Ново Мексико
Industrial Disposal Supply – Тексас
Mar-co Equipment – Јужна Калифорнија
United Rentals – достапен низ сите држави и територии на САД
Grainger – достапен низ целата територија на САД
Equipment Depot – Луизијана, Мисисипи, Кентаки, Индијана, Охајо, Пенсилванија, Масачусетс, Конектикат, Њу Џерси, Мејн, Вирџинија, Милвоки, Висконсин, Флорида, Орегон, Вашингтон
Van Keppel – Канзас, Арканзас, Илиноис, Висконсин, Ајова
Овој успех претставува уште еден доказ за конкурентноста на македонскиот индустриски производ и неговата технолошка супериорност. Со новите дистрибутерски партнери, Green Machines продолжува да ја шири својата глобална визија за почисти, поеколошки и поефикасни урбани средини.
ПР текст
Економија
Муцунски: Владините политики за извоз даваат резултати – раст од 23,44 отсто во мај

Министерот за надворешни работи и надворешна трговија, Тимчо Муцунски, утрово на социјалните мрежи сподели податоци за кои рече дека го потврдуваат ефектот од економските политики на Владата, при чија реализација значајна улога има и Министерството што го предводи. Статистиката покажува стабилни и позитивни трендови во извозот, дури и во услови на стагнација на европскиот пазар.
Според објавените податоци, македонскиот извоз во мај 2025 бележи раст од 23,44 проценти, додека за првите пет месеци од годината порастот изнесува 3,15 отсто. Во истиот период, увозот е зголемен за само 1 отсто, што упатува на стабилен трговски биланс и позитивно салдо.
„Податоците укажуваат на значително поголем извоз од увоз – што значи повеќе свеж капитал во државата, зајакната девизна позиција и дополнителен поттик за економски раст. Зголемениот извоз отвора нови работни места, го зајакнува домашното производство и ја зголемува конкурентноста на македонските производи“, напиша министерот Муцунски.