Економија
Министерство за финансии: Во 2020 најголем поврат на ДДВ кон фирмите, во споредба со изминатите години

Минатата година во стопанството се слеале 397,4 милиони евра по основ на поврат на ДДВ кон фирмите, информираат од Министерството за финансии.
„И покрај тоа што 2020 беше кризна година, минатата година има најголем поврат на ДДВ како процент од бруто наплатениот данок во споредба со изминатите години, додека исплатата се одвиваше редовно и без застои“, се наведува во соопштението.
Во него се додава дека во 2020 бил извршен поврат на скоро 34% од бруто наплатениот данок на додадена вредност.
„За споредба, во 2019 година извршен е поврат од 32%, во 2018 од 31%, во 2017 од 28%, во 2016 од 26% и во 2015 година од 28%“, нагласуваат од ресорното министерство.
Од таму посочуваат дека гледано во апсолутен износ, минатата година бил извршен поврат на 397,4 милиони евра, во 2019 година повратот изнесувал 403,9 милиони евра, во 2018 од 375,8 милиони евра, во 2017 година – 315 милиони евра, во 2016 – 280 милиони евра и во 2015 година – 283,5 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Во пошта повторно може да се плаќаат сметки – стартува платниот промет

Во пошта повторно може да се плаќаат сметки. Повторното функционирање на платниот промет во единиците на поштенската мрежа на АД „Пошта на Северна Македонија“ утре ќе биде официјално означено.
Платниот промет во првата недела ќе биде достапен во повеќе единици на Пошта и тоа: Скопје 1 и Скопје 2, подружниците во Тетово, Гостивар, Кичево, Охрид, Битола, Прилеп, Кавадарци, Велес, Гевгелија, Струмица, Штип, Кочани и Куманово. Во текот на месец март услугата ќе биде достапна и во сите останати единици на Пошта, односно на повеќе од 300 точки низ целата држава.
Голем број на граѓани и компании изминатиов период апелирале до Пошта побрзо да ја воспостави оваа услуга бидејќи постојат многу места низ земјата каде шалтерите на Пошта се единствената физичка опција за вршење на трансакции од платниот промет.
Според најавите од Халкбанк освен стандардните банкарски услуги, банката-партнер ќе понуди и други услуги кои освен за нивните коминтенти, ќе бидат достапни и за сите кои ги користат услугите на „Пошта“.
Инаку, над 870 вработени во „Пошта“ целосно или делумно извршуваат работни обврски поврзани со обезбедувањето на услуги од платниот промет. Според договорот, 71 отсто од остварениот приход ќе биде наменет за државната пошта, а 29 отсто за Халкбанк.
Економија
Милошоски: Забраната на банките да исплаќаат дивиденди е показател дека буџетот е слаб

Одлуката на Народната банка за забрана на банките да исплаќаат дивиденди е показател дека буџетот е слаб и дека државата е пред банкрот, истакна пратеникот од ВМРО-ДПМНЕ, Антонијо Милошоски.
Денеска во Стопанската комора во Битола на средба со стопанствениците, членот на ИК на ВМРО-ДПМНЕ Антонијо Милошоски во врска со одлуката на Народна банка за забрана на банките и осигурителните компании да исплаќаат дивиденди истакна дека ситуацијата е драматична. Според него, под итно треба да се санира буџетот, за да не дојде до банкрот.
-Одлуката на Народната банка е драматична. Истата за жал помина низ сенка покрај толку многу политички скандали. Во секој случај, тоа е уште еден показател дека државата има слаб буџет и дека се движи кон банкрот. Според мене, ако Народната банка се одлучила на вакви мерки да им забрани на банките да делат дивиденди, тоа значи дека можат само да ја зголемат недовербата во банкарскиот сектор. И за жал може некои граѓани коишто имаат депозити со право да размислуваат дали нивните депозити во банките седат сигурни или не се сигурни, ако на банките не им е дозволено да поделуваат дивиденди, посочи Милошоски.
Тој смеат смета дека е драматично тоа што се случува и треба под итно да се преземат мерки за санирање на буџетот.
-Без дополнителни задолжувања, за да не ни се случи, освен економски да имаме и буџетски потреси или не дај боже банкрот, рече Милошоски.
Економија
Георгиевска: За три години просечната плата пораснала за речиси 4.500 денари

За три години просечната плата пораснала за речиси 4.500 денари, платите растат и во време на пандемија и економска криза, изјави на прес-конференција пратеничката од СДСМ, Марија Георгиевска.
Таа оцени дека економските политики на Владата даваат реални и видливи резултати.
„И во време на пандемија и економска криза, не застана растот на платите во државата. Последна потврда за тоа е просечната плата за месец декември 2020 која изнесува 28.294 денари, што е за пет отсто повеќе во однос на декември 2019 година. Растот на минималната и просечната плата е врвен приоритет за СДСМ уште од првите денови на мандатот. Веднаш ја зголемивме минималната плата на 12.000 денари а потоа и на 14.500 и ја израмнивме во сите сектори.
Тоа, како и отворањето на нови работни места ја отвори спиралата на раст на платите и затоа три години по ред бележиме постојан раст на просечната плата.
Во последните три години, од крајот на 2017 кога е исплатена просечна плата од 23.850 денари до декември 2020 кога е исплатена просечна плата од 28.294 денари, бележиме раст на платите за 18,63 отсто. Односно, во апсолутна сума просечната плата од декември 2017 до декември 2020 година пораснала за речиси 4.500 денари.
Тоа е раст за повеќе од три пати споредено со периодот 2014-2017 година, последните години од владеењето на ВМРО-ДПМНЕ, кога просечната плата пораснала за 6,44 отсто, осносно за 1.443 денари“, изјави Георгиевска.
Како што додаде, овие официјални податоци ја потврдуваат успешноста на политиките на Владата предводена од СДСМ кои имаат за цел да обезбедат брз економски раст и подобар животен стандард.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа5 дена
Планот за отклучување на Германија протече во медиумите, Меркел: Имаме трет бран