Контакт

Економија

Мицкоски: Нов пакет-мерки за ново пљачкање на државата

Објавено пред

Новиот пакет-мерки со кој се фали Владата е неразвоен и нема да одговори на потребите на стопанството и граѓаните, туку е ново пљачкање на државата, а бизнисот и граѓаните трпат, изјави претседателот на ВМРО-ДПМНЕ, Христијан Мицкоски, при посетата на компанијата „Специјал“ во општина Ѓорче Петров одговарајќи на новинарско прашање за петтиот владин пакет-мерки.

Мицкоски истакна дека како и досега, нема помош, туку има крадење бидејќи власта вети една милијарда евра, а самиот Фатмир Битиќи рече дека помошта била за граѓаните и за стопанството не повеќе од 350 милиони евра, што значи дека ги нема или некој ги украл другите 650 милиони евра.

„Поддршката на стопанствениците и на компаниите, велеа дека ќе даделе бескаматни кредити, а потоа под притисок на опозицијата и јавноста додадоа во февруари и март дека во зависност од падот на приходите на компаниите, ќе дадат дополнителна стимулација за вработените за личниот доход почнувајќи од 14.500 денари за најмалиот пад на промет до 21.000 денари за поголем пад. Тоа го поздравувам, но тоа треба да трае за целата 2021 година, која очигледно ќе биде кризна за македонската економија“, рече Мицкоски.

Претседателот на ВМРО-ДПМНЕ додаде дека неприфатливи се акробациите на власта бидејќи создаваат несигурност во бизнисот и луѓето не може да планираат на правилен начин бидејќи носат решенија под притисоци, решенија денес за утре наместо да има предвидлив период.

„Никаде не видов интензивна реализација на капиталните инвестиции, што е суштински важно, не се гледа каде ќе се градат патишта, не се гледа каде ќе се реновираат болници, не се гледа каде ќе се гради канализација, не се гледа каде ќе се инвестира во водоводи, театри, градинки, културни институции. Реализацијата на капиталните инвестиции никаде не ја гледаме, што е основно за раст на економијата и поддршка за бизнисот и стопанството“, нагласи Мицкоски.

Тој вели дека, наместо помош сега власта се обидува повторно со ниски кампањи, како тоа дека игра на ставот дека ќе ги избришат долговите што ги имале граѓаните кон комуналните претпријатија ако основниот долг го платат на 6 или 12 рати, но ги изоставуваат оние граѓани што редовно ги сервисираат своите обврски.

„Треба да им се помогне на луѓето да им се дадат повеќе рати, но што со оние граѓани кои редовно ги сервисираат своите обврски и зошто тие се изоставени во овој пакет. Ние како ВМРО-ДПМНЕ амандмански ќе интервенираме во предлог-законот и за оние граѓаните што редовно ги плаќаат обврските да има одредена помош – ваучери, кои понатаму може да ги користат за плаќање на овие обврски“, рече Мицкоски.

Мицкоски се осврна и на помошта за тутунарите за која вели дека е понижувачка затоа што 20.000 семејства, кои егзистираат од тутунот, буквално се понижени со 10 денари помош, која не се знае кој ќе ја добие и покрај тоа што оваа година има убедливо најниска цена од 120 до 140 денари и историски најслабото оценување на класата на тутунот незапаметено од 2005 до денеска.

„Не го прифатија предлогот на ВМРО-ДПМНЕ за субвенцијата која изнесуваше едно евро за килограм тутун, ниту предлогот веднаш да биде укинат делот од законот кај што се дозволува увоз на тутун сè додека не биде продаден тутунот на македонските тутунари и денеска дополнително ги навредуваат со тоа што секому ќе му дадат поддршка од 10 денари, а министерот дава изјава дека не знае по кој критериум ќе бидат делени овие пари. Повеќе од 20.000 семејства се прехрануваат од тутунот“, вели Мицкоски.

Економија

Во Ресен доделени седум договори преку ИПАРД-програмата за набавка на земјоделска механизација

Објавено пред

Министерот за земјоделство, Арјанит Хоџа, заедно со директорот на Агенцијата на финансиска поддршка во земјоделството, Никица Бачовски, и градоначалникот на Ресен, Живко Гошаревски, денеска, во големата сала на Општината, свечено доделија седум договори за набавка на приклучна земјоделска механизација.

Како што информираат од Министерството, средствата се обезбедени преку ИПАРД-програмата.

Вредноста на набавката изнесува 65.000 евра прифатливи трошоци за инвестиции за набавка на атомизери, косачка, ножици за режење, фрези, платформи со хидраулично подигање, тањирачи, приколки со агробар, екобоксови за скалдирање овошје, електричен стакер и друга механизација што на земјоделците ќе им го олесни и ќе им го осовремени производството.

За сите седум договори вредноста на кофиннсирањето од ИПАРД-фондот изнесува 70 отсто од прифатливите трошоци.

„Земјоделското производство е повеќе од само професија. Тоа е начин на живеење, најчесто на целото семејство. Токму затоа, ценејќи го вашиот труд и вреднувајќи го вашиот ангажман во производството на храна, државата прави напори да ви помогне во производството за вие да имате поголема и сигурна заработка. Тоа најдобро се прави со модернизирање на производството, со што ќе ви се олесни работата, а ќе имате повисоки и поквалитетни приноси од земјоделските култури“, изјави Хоџа на настанот.

Министерот им честита на земјоделците и им посака успех.

Тој истакна дека ваквите примери треба да послужат како мотивација за други земјоделци и агробизнисмени да аплицираат и да ги користат средствата од ИПАРД.

„Ваквите примери на инвестиции во земјоделското производство се најдобриот показател дека европските фондови се достижни за секого и за секоја идеја за развој“, посочи Хоџа.

Прикажи повеќе...

Економија

Нови повисоки цени на горивата

Објавено пред

Регулаторната комисија за енергетика донесе одлука со која се врши зголемување на малопродажните цени на нафтените деривати во просек за 1,95 % во однос на одлуката од минатата недела.

Малопродажните цени на бензинот „евросупер БС-95“, на „евродизел“ (Д-Е V) и на екстра-лесното масло за домаќинство (ЕЛ-1) се зголемуваат 1 денар за литар и ќе изнесуваат: за „евросупер БС-95“ – 65,50 денaри, за „евродизел“ (Д-Е V) – 56 денaри, а малопродажната цена на екстра-лесното масло за домаќинство (ЕЛ-1) ќе изнесува 45 денари за литар.

Цената на бензинот „евросупер БС-98“ се зголемува еден и пол денар и од полноќ ќе изнесува 67,50 денари.

Малопродажната цена на мазутот М-1 НС се зголемува 0,637 ден./кг и сега ќе изнесува 35,396 денари.

Во изминатиот седумдневен период референтните цени на светските берзи во просек бележат зголемување: кај бензинот 4,364 %, дизелот 2,798 %, екстра-лесното масло 3,039 % и кај мазутот 3,013 %.

Во истиот период курсот на денарот во однос на доларот е понизок 0,43 %, информираат од Регулаторната комисија.

Прикажи повеќе...

Економија

Средба на Бектеши со новиот амбасадор на Катар

Објавено пред

Министерот за економија, Крешник Бектеши, оствари средба со Јасим бин Хамид ал-Тани, новиот амбасадор на Државата Катар во нашата земја.

На средбата министерот и амбасадорот разговарале за можностите за продлабочување на соработката меѓу двете земји, информираат од Министерството за економија.

Бектеши го информирал амбасадорот за потенцијалите што ги има Северна Македонија, пред сè, во делот на привлекување странски инвеститори, а од амбасадорот бил пренесен интересот за разгледување на можностите за инвестиции во земјата.

„Податоците за трговската размена помеѓу Северна Македонија и Државата Катар покажуваат дека има голем простор за зголемување на билатералната трговија. Според статистичките податоци, билатералната размена помеѓу двете земји покажува значителен раст во вкупната трговија од 371,1 % во 2018 и 55,8 % во 2019 година и благо намалување од 8,9 % во 2020 година како резултат на пандемијата, што дава голем простор таа да се подобри во иднина“, стои во податоците од Министерството за економија.

Од таму истакнуваат дека на средбата било констатирано во наредниот период засилено да се работи на подобрување на соработката меѓу двете земји и создавање бизнис-партнерства, кои ќе значат позитивен тренд на економската соработка помеѓу Северна Македонија и Државата Катар.

Прикажи повеќе...

Најново

Свет7 минути

ОН: Русија е одговорна за труењето на Навални

Според меѓународното право Русија е одговорна за труењето на рускиот опозициски лидер, Алексеј Навални, наведуваат во прелиминарните наоди експертите за...

Македонија2 часа

234 нови случаи на Ковид-19 и седуммина починати

Според податоците од Институтот за јавно здравје, во последните 24 часа регистрирани се 234 нови случаи на Ковид-19 од направени...

Македонија4 часа

(Видео) Oрганизаторите на настани протестираа пред Владата: Наместо да пуштаме гласна музика, една година сме тивки

Со мотото „ПОМЕН – една година тишина“, со транспаренти во рацете „Спасете ја ивент-индустријата“, вработените во продукциските компании за организирање...

Македонија4 часа

Од мај почнува реконструкцијата на Универзалната сала, идејното решение е донација од архитектот

Универзалната сала во Скопје ќе биде реконструирана во постојниот облик и габарит задржувајќи го својот автентичен изглед со цел и...

Регион6 часа

Во Хрватска помалку од 100 новозаразени од коронавирус, од денес попуштање на мерките

Во последните 24 часа во Хрватска се регистрирани 91 нов случај на зараза со вирусот САРС-КоВ-2, а бројот на активни...

Македонија7 часа

Шекеринска: Можевме да не кажеме дека ни е вратен капарот за кинеската вакцина

Министерката за одбрана, Радмила Шекеринска, вели дека, доколку сакале, можеле да скријат дека кинеската компанија за производство на вакцини ни...

Европа7 часа

Германија ги попушта мерките, се отвораат фризерските салони

Фризерите во Германија од денес ги отвораат салоните по двомесечна забрана, што е уште еден претпазлив чекор кон отворање на...

Свет8 часа

„Модерна“ почнува да ја испитува вакцината против јужноафриканскиот вид коронавирус

Испитувањата на вакцината што ја разви лабораторијата на „Модерна“ против јужноафриканскиот вид ќе почнат во средината на март во САД,...

Топ8 часа

Во Струмичко растурена свадба со 300 гости, МВР подготвува кривични пријави

Струмичката полиција на 28 февруари добила дојава по што службеници извршиле контрола во селото Банско, каде што била организирана свадба,...

Свет9 часа

Нетанјаху: Иран е нашиот најголем непријател, јас сум решен да го запрам и ќе удриме во целиот регион

Премиерот на Израел, Бенјамин Нетанјаху, денес го обвини Иран дека стои зад експлозијата што се случи минатата недела во израелски...

Македонија10 часа

Почнува попишувањето на иселениците, дипломатите, затворениците и бездомниците

Од денеска почнува првата фаза на пописот, со која ќе бидат опфатени дијаспората, армијата, дипломатските претставништва, бездомниците и затворениците. Попишувањето...

Свет19 часа

(Видео) Израел повторно ја гранатира Сирија

Израел повторно ја гранатира Сирија, соопшти сириската државна агенција. Израел ги гранатира иранските позиции во близина на Дамаск. Како што...

Регион21 час

Карантин за Подгорица и уште неколку градови во Црна Гора 

Комисијата за заштита на населението од Ковид-19 на предлог на Институтот за јавно здравје, денеска донесе нови мерки. Според нив,...

Македонија24 часа

Пратеник направил скандал на Блаце: „Никаде не чекам ред, нема ни тука да чекам“

Пратеникот Абдула Салиу од Алијансата на Албанците, на враќање од Косово направил скандал на граничниот премин Блаце. Тој бил со...

Македонија1 ден

Повлечен e авансот за кинеските вакцини, од Министерството за здравство велат дека договорот не е откажан

Министерството за здравство потврди дека го повлекло авансот што беше уплатен за набавка на кинеските вакцини од „Синофарм“. Оттука сепак...

Македонија1 ден

Регистрирани 305 нови случаи на Ковид-19, починаа 11 лицa

Согласно податоците од Институтот за јавно здравје во последните 24 часа се направени 2.533 тестирања, а регистрирани се 305 нови...

Топ1 ден

Девојка загина во сообраќајна несреќа кај Пониква

Триесет и едногодишна девојка од селото Прибачево, Кочанско, загина во сообраќајна несреќа што се случи доцна синоќа на регионалниот пат Кочани-Пониква....

Македонија1 ден

Георгиевски објави план во пет чекори за решавање на спорот со Бугарија

Експремиерот и претседател на ВМРО-Народна, Љубчо Георгиевски, на социјалните мрежи објави акциски план за излез од, како што вели, ќориот-сокак...

Регион1 ден

Во Србија денеска ќе пристигнат уште 100.000 дози од руската вакцина

Вечерва 100.000 нови руски вакцини „Спутник В“ ќе пристигнат во Србија и тие ќе бидат пренесени од аеродромот „Никола Тесла“...

Свет1 ден

(Видео) Немири на улиците во Даблин поради карантинот

Стотици луѓе излегоа на улиците на Даблин, вчера, во знак на протест против мерките за затворање и избувна насилство. Полицијата...

Досие