Контакт

Економија

Мицкоски: Ќе иницираме нов закон со кој ќе се забрани увоз на тутун сè додека и последното ливче тутун од македонските производители не биде откупено

Објавено пред

Во парламентот ќе иницираме предлог-закон за тутунот, односно да не се купува од надвор сè додека не биде откупено последното ливче од македонските производители, рече претседателот на ВМРО-ДПМНЕ, Христијан Мицкоски, за време на посетата на Битила.

Според него, не смее да има увоз се додека не се откупи од домашните производители.

„Градоначалниците од ВМРО-ДПМНЕ од Пелагонискиот Регион имаа една прес-конференција на која информираа дека ќе иницираме предлог-закон во парламентот со кој ќе се забрани увоз на тутун сè додека и последното ливче тутун од македонските производители не биде откупено“, рече Мицкоски.

Мицкоски кажа дека има информации за злоупотреби при откупот.

„Ги повикувам и луѓето од земјоделскиот инспекторат да ги посетат откупните центри и да го видат однесувањето на откупувачите и да поразговараат со луѓето кои го продаваат тутунот бидејќи има индиции за големи злоупотреби“, посочи Мицкоски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Тренчевска: Експертската поддршка од МОТ во новиот Закон за работни односи е од големо значење

Објавено пред

Министерката за труд и социјална политика, Јованка Тренчевска, оствари средба со националниот координатор на Меѓународната организација на трудот, Емил Крстановски.

На средбата министерката Тренчевска зборуваше за приоритетите на Владата на Република Северна Македонија, кои се поврзани со заштитата и почитувањето на работничките права и се дел од Програмата за работа на Владата, како и значењето на социјалниот дијалог во општеството.

„Експертската и техничка подршка и помош од Меѓународната организација на трудот и нивното учество во креирањето на законските решенија е од големо значење за нас. Особено сакам да ја истакнам соработката на новиот Закон за работни односи, како и останатите стратешки документи кои се однесуваат на политики и прашања од областа на трудот,“ рече Тренчевска.

Националниот координатор Емил Крстановски се осврна на досегашната соработка и поддршка од Министерството за труд и социјална политика и ја нагласи важноста на членувањето во оваа организација за воспоставување современи стандарди на трудот, кои се и треба да бидат дел од националното законодавство. Како идни активности ги посочи подготовката на новиот план за имплементација на младинската гаранција и подготовка на новата Програма за пристојна работа 2023- 2027 година.

Двете страни го потенцираа значењето на Економско-социјалниот совет, како трипартитно советодавно тело на национално ниво, но и понатамошен развој на локалните економско-социјални совети и поддршката во ратификувањето на конвенциите усвоени од Меѓународната организација на трудот.

На крајот на средбата министерката за труд и социјална политика и националниот координатор на МОТ, изразија подготвеност за понатамошна плодна соработка во интерес на сите засегнати страни во општеството.

Меѓународната организација на трудот е единствена и специјализирана трипартитна агенција на Обединетите нации основана во 1919 година. Оваа организација во рамките на својата структура и функционирање ги вклучува владите, работодавачите и работниците од 187 држави членки, меѓу кои и Република Северна Македонија.

Прикажи повеќе...

Економија

Продолжен рокот за аплицирање за набавка на системи за наводнување

Објавено пред

Агенцијата за финансиска поддршка во земјоделсвото и руралниот развој информира дека за 15 дена се продолжува рокот за поднесување апликации за набавка на системи за наводнување, за инвестиции во бунари и зафати на површинска вода.

Новиот краен рок за алицирање е 11.2.2022 година ( петок). Новиот рок, појаснуваат од таму, е на барање на заинтересираните апликанти, а агенцијата им има излезено во пресрет со нов рок со цел да можат да ги приберат сите потребни придрни документи кои се бараат на овој јавен повик.

Директорот на Агенцијата за финансиска поддршка во земјоделството и руралниот развој, Никица Бачовски, информира дека право за добивање на оваа поддршка имаат сите земјоделци кои се евидентирани во единствениот регистар на земјоделски стопанства.

„Сите заинтересирани барањата може да ги поднесат електронски на e– baranje.ipardpa.gov.mk. Максималната сума која може да ја земе поединечно секое земјоделско стопанство за систем за наводнување е до 1.800.000 денари, додека финансиската поддршка за инвестиции во бунари или зафати за површинска вода е до 364 илјади денари по корисник“, информира Бачовски.

Со овие средства може да се набават подземни и надземни системи за наводнување капка по капка, набавка на приклучна опрема (филтри, пумпи, цевки и спојни елементи), опрема за електрична инсталација за снабдување со струја, вклучително и енергетска ефикасност, агрегати или генератори и придружна инсталациона опрема, софтвери за управување и контрола на системот за наводнување, градежни зафати за бунари, изработка на студии и елаборати.

Финансиската поддршка се исплаќа по принцип на кофинансирање на завршени и исплатени инвестиции од страна на корисникот, а во висина 50 до 70 отсто од вредноста на одобрените и прифатливи трошоци за инвестиции.

Еден барател може да поднесе само едно барање за една мерка или најмногу две барања за различни мерки од Програматa за рурален развој. Барателите не смеат да почнат со реализација на инвестицијата пред да потпишат договор со АФПЗРР.

Новиот краен рок за доставување на е-барања е 11 февруари 2022 година.

Барањата кои не се поднесени електронски нема да бидат разгледувани, додаваат од агенцијата.

Прикажи повеќе...

Свет

Данска ги укинува мерките за Ковид-19

Објавено пред

Данска ќе ги укине сите епидемиолошки мерки на почетокот на следната недела и покрај постојаното зголемување на бројот на заразени со коронавирус.

Според весникот „Јиландс Постен“, кој се повикува на неименувани извори во владата, премиерката Мета Фредериксен на крајот на месецот ќе ги укине сите ограничувања за Ковид-19.

Одлуката на Владата, која сè уште не е официјално потврдена, ќе следи по препорака на епидемиолошката комисија.

Таа комисија повеќе не сака короната да биде наведена како опасност за општеството.

Од понеделник, 31 јануари, треба да се укинат сите мерки како обврската за носење маски во затворени простории или правилото 3G за настани.

Ќе се задржат само правилата за тестирање и карантин при влез во државата.

Иако бројот на заразени во Данска драстично расте, ситуацијата во болниците остана стабилна.

Експертите укажуваат на полесна форма на болеста и висока стапка на вакцинација на Данците.

Велика Британија ги укина сите епидемиолошки мерки.

Прикажи повеќе...

Најново

Топ10 минути

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе Наредба за спроведување истражна постапка против 21-годишниот скопјанец за кого постои сомнение за тешки дела...

Европа10 минути

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија2 часа

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа3 часа

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа4 часа

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија17 часа

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија17 часа

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија19 часа

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија19 часа

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ20 часа

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија22 часа

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ23 часа

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија23 часа

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ23 часа

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Македонија24 часа

Лекарската комора бара промени на казнената регулатива на Фондот

Лекарската комора остро реагира на наплатата на изречените казни за матичните лекари од страна на Фондот за здравствено осигурување. Оттаму...

Свет1 ден

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија1 ден

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Свет1 ден

Русија почна големи поморски вежби во Арктикот

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот,...

Свет1 ден

Холандија ги олабавува мерките и покрај силниот бран на инфекции – кафулињата и рестораните ќе работат до 22 часот

Холандија од денеска отвора ресторани, театри, музеи и кина и покрај силниот бран на инфекции со варијантата омикрон на коронавирусот,...

Свет1 ден

СЗО: Бројот на заразени со Ковид-19 во светот надмина 350 милиони

Вкупниот број на потврдени случаи со Ковид-19 ширум светот надмина 350 милиони, додека бројот на починати надмина 5,6 милиони, соопшти...

Досие