Економија
Новиот Volkswagen Caddy сега со 5 ѕвезди!

Новото Caddy на Volkswagen Комерцијални возила ја доби најдобрата оцена од пет ѕвезди откако беше дел од најновата серија тестови за судир на Euro NCAP. Тестниот конзорциум на тој начин покажа дека новото Caddy не само што стана значително побезбеден, туку дека е дури и еден од најбезбедните и највисоко оценети патнички автомобили кои особено добро функционираат во различни сценарија на судари.
Највисока оценка: петте ѕвезди што сега ги доделува Euro NCAP се најдобрата оценка во вкупни поени за новата, петта генерација на MPV од семејството на Комерцијални возила на Volkswagen, што претставува поголемо достигнување во однос на претходната генерација. Барањата направени од конзорциумот за тестирање на тестовите за несреќи што се спроведуваат со текот на годините стануваат и сè построги и подетални.
Петтата генерација на најпродаваното Caddy, од кои се произведени над три милиони, за прв пат постигна пет ѕвездички на тестовите и со тоа стана еден од најдобро оценетите патнички автомобили во 2021 година. И покрај построгите барања за тестирање, новото Caddy во категоријата на патнички автомобил докажа јасно подобрување во однос на претходниот модел. Во споредба со другите конкурентски мали MPV возила во А-сегментот, Caddy постигна највисок резултат, забележително повисок од сите негови ривали.
Според деталниот извештај од тестот на Euro NCAP, Caddy постигнал 84 отсто во однос на заштитата на возрасни патници и 82 отсто заштита кај деца. Кога станува збор за безбедносните системи вградени во возилото, Caddy исто така постигна високи оценки, што придонесе за врвниот рејтинг од пет ѕвезди. Во областа на пасивната безбедност, новите функции како што се воздушните перничиња за заштита на главата низ сите редови на седишта (без разлика дали возилото е со 2, 5 или 7 седишта) и системот „Partner Protection“ сега нуди заштита и во случај на страничен судир, што му помогна на Caddy да го исполни новото ниво на Euro NCAP. Во итни ситуации, системот за заштита „Partner Protection“ го надувува воздушното перниче помеѓу предните патници. Исто така, благодарение на безжичниот пренос, функцијата без кабли која ги предупредува патниците да ги стават своите безбедносни појаси е можна дури и за седиштата што се вадат, и е достапен во Caddy.
Caddy, сеопфатниот модел на Volkswagen Комерцијални возила, се заснова на модуларна попречна матрица (MQB), која што се користи и во Golf. Така, во Caddy се вградени бројни нови технологии, што го прават уште попрактичен, поефикасен и понапреден од било кога.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Бектеши: Домашните производители на брашно следната недела ќе ги намалат цените

Производителите на брашно во државата следната недела дополнително ќе ја намалат цената на брашното, објави министерот за економија Крешник Бектеши на својот фејсбук профил.
-Денеска бев информиран дека од наредна недела ќе следи дополнително намалување на цената на брашното, од нашите производители, објави Бектеши.
Претходно Бектеши соопшти дека Министерството за економија е отворено за конкретни предлози за други мерки, механизми и методологии но кои, како што нагласи, се одржливи. Досега добиле конкретен предлог само за укинување на сите царински давачки.
Економија
ЕСМ потпиша договор: ќе набавува природен гас за месец април со Макпетрол

ЕСМ Продажба донесе одлука за избор на набавувач на природен гас за месец април 2023г за потребите на топланите Исток, Запад, Енергетика и Скопје Север, како и за други стопански субјекти кои се снабдуваат преку ЕСМ Продажба. Природниот гас за април ќе се набави по фиксна цена од 53,60е/MWh, а добавувач ќе биде фирмата Макпетрол.
„Имено, на јавниот повик кој беше објавен на 20 март 2023г и кој беше достапен за сите домашни и странски компании регистрирани за дејноста, се побаруваше испорака на 500 MWh до 1800 MWh количини гас дневно. На повикот пристигнаа две понуди.
Конечните финансиски понуди без ДДВ, изразени во фиксни цени како што се бараше во повикот, беа следните:
1. Макпетрол АД – Скопје понуди крајна фиксна цена од 53,60 е/MWh
2. Balkan Utilities од Р. Бугарија понуди крајна фиксна цена од 53,70 е/MWh
Со оглед на тоа што најниска фиксна цена понуди фирмата Макпетрол, донесена е одлука за избор на Макпетрол за добавувач на природен гас за април.
Со оваа набавка во целост ќе се задоволат потребите од природен гас за производство на топлинска енергија за топланите Исток, Запад, Енергетика и Скопје Север, како и за останати потрошувачи на природен гас во Република Северна Македонија. Граѓаните да бидат сигурни и спокојни дека и во април ќе продолжи континуираното снабдување со топлинска енергија.
Овде сакаме да потенцираме дека ЕСМ Продажба и во овој четврти по ред јавен повик ги задржа истите услови и како носител на набавката за природен гас за месец април, сегашниот добавувач ќе обезбеди и гаранција, што е услов во јавниот повик, како што имаа обезбедено гаранција и претходните добавувачи за изминатите месеци.
На крај, за нас како државни институции е професионално задоволство сознанието дека реалната либерализација на пазарот од 1 јануари, доведе до конкуренција на пазарот со снабдување со природен гас, што очигледно резултира со намалување на цените и ставање крај на плаќањето одредена цена диктирана од постоењето на само една понуда“, велат преку соопштение од ЕСМ.
Економија
Државен пазарен инспекторат: Над 100.000 евра казна за прекршителите на замрзнатите цени

Државниот пазарен инспекторат во периодот од 13.03 до 19.03.2023 година има извршено над 650 инспекциски надзори на целата територија на Република Северна Македонија. Наплатени и издадени се над 175 прекршочни платни налози со вредност над 6.230.000 денари.
„Државниот пазарен инспекторат врши континуирани инспекциски надзори кај трговците на големо и мало во делот на почитување на Одлуката за замрзнување на цената на лебот до 33 денари, Одлуката за определување обврска на трговците да прибавуваат и продаваат определени видови и количества на одделни стоки на потрошувачите според определен редослед и Одлуките за определување на највисоки цени за одделни производи во трговијата на мало
Во горенаведениот период на територија на Република Северна Македонија се извршени над 530 инспекциски надзори и контроли по Одлуките за посебни услови за трговија на одделни стоки. Во некои економски субјекти констатирани се прекршоци за што се издадени прекршочни платни налози во висина од над 1.750.000 денари.
Државниот пазарен инспекторат и понатаму интензивно ќе спроведува контроли и надзори во согласност со своите надлежности. Нема да има отстапувања и ќе биде казнет секој оној кој пробал на било каков начин да изврши прекршување на законите по кои постапува пазарниот инспекторат.
Како институција ќе ги ангажираме сите расположливи ресурси за тековно постапување и спроведување на законските регулативи од кои произлегуваат нашите надлежности. Пазарниот инспекторат постојано врши надзори и постапува во согласност со законите, годишниот и стратешкиот план за работа. Дополнително, покрај редовните контроли, постапува и по пријави доставени од граѓаните и им излегува во пресрет за секое прашање поврзано со нашите надлежности и делокруг на работа.
Законите ќе важат исто за сите, без селективност, а секој што нема да ги почитува, ќе биде санкциониран. Надзори се вршат постојано, а пазарниот инспекторат функционира со својот полн капацитет“, велат преку соопштение од Државниот пазарен инспекторат.