Економија
Прогласени најдобрите скопски угостителски објекти за 2020
Град Скопје 13. пат го реализира проектот „Најдобар угостителски објект меѓу најдобрите“.
Годинава, поради пандемијата на Ковид-19, раководителот на Секторот за локален економски развој на Град Скопје, Марко Тодоров, на претставниците на најдобрите угостителски објекти им ги додели плакетите на отворено пред бараките на Град Скопје.
Како што информираат градските власти, тајните купувачи, ангажирани од SWOT Research, извршиле посети на угостителските објекти, кои по случаен избор влегле во трката за најдобар угостителски објект во 2020 година по што следувало сумирање на резултатите.
Испитувањето било извршено според следните стандарди:
1. Прв контакт – (поздравување и упатување кон местото за седење, приоѓање на келнерот);
2. Хигиена на објектот – (чистота на простор, маси, чаршафи, столови, прибор, мени);
3. Тоалет – (хигиена на простор и санитарии, бришачи, заклучување, закачалки);
4. Ковид-19 критериуми (носење заштитна маска, дистанца на масите, средства за дезинфекција);
5. Амбиент – (осветление, температура, миризба, музика);
6. Услуга на келнерите – (љубезност, проактивност, волја да се излезе во пресрет, посветеност, однесување);
7. Општа услуга – (асортиман, адекватно послужување, време на услужување, издавање фискална сметка);
8. Квалитет на храната – (свежина, количина, вкус);
9. Завршен контакт – (заблагодарување и отпоздравување).
Според овие критериуми, најголема доследност покажале локалите кои се избрани како најдобри угостителски објекти во Скопје за 2020 година во четири категории:
Категорија ресторани
1 место: Стара градска куќа
2 место: Антица
3 место: Амика
Категорија гостилници
1 место: Дебар Маало
2 место: Градска кафеана – Кај Јоле
3 место: Градска кафана „Досие Скопје“
Категорија Lounge и мезе-барови
1 место: Рок-кафана „Рустикана“
2 место: Горки
3 место: Soul kitchen bar
Категорија кафулиња
1 место: Happy caffe
2 место: Добар
3 место: Long play
Овој проект произлегува од Програмата за финансирање проекти за развојот на занаетчиството, угостителството и трговијата на Град Скопје за 2020 година, а целта е да се разбуди свеста кај угостителите и кај граѓаните за важноста на квалитетот на услугата кон клиентите во угостителската дејност, како и да се подигне општото ниво на квалитет и на целокупниот амбиент во угостителските објекти на територијата на градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Исплатени се 338.468.141 денари кон 9.567 овоштари
Извршена е исплата во износ од 338.468.141 денари кон 9.567 лица, соопшти Министерството за земјоделство, шумарство и водостопанство.
Истата е реализирана согласно Мерка 1.6 – директни плаќања по обработлива површина за одржување на постоечки овошни насади, со што се обезбедува континуирана поддршка за одржување и унапредување на овоштарското производство.
Економија
Отворен Економскиот бизнис форум помеѓу Северна Македонија и Словачка
Министерот за надворешни работи и надворешна трговија, Тимчо Муцунски, денеска во Скопје, заедно со министерот за финансии на Словачката Република, Ладислав Каменицки, го отвори Економскиот бизнис форум помеѓу Република Северна Македонија и Словачката Република, на кој присуствуваа голем број домашни и словачки компании.
„Настанот, организиран од двете министерства со вклученост на повеќе економски институции, беше одлично посетен од претставници на стопанските комори и бизнис-заедницата. Присутните имаа можност за директни средби и вмрежување со словачките компании од секторите енергетика, градежништво, здравство и медицина, туризам, ИКТ, трговија и други услужни дејности“, соопштија од Министерството.
Во своето обраќање, министерот Муцунски истакна дека форумот претставува потврда не само на политичката блискост меѓу двете држави, туку и на заедничката верба во силата на економското партнерство.
„Економската дипломатија не е дополнување на надворешната политика – таа е нејзино јадро. Силните политички односи мора да бидат придружени со силни економски темели“, нагласи Муцунски, изразувајќи благодарност до словачките партнери и компании за нивното присуство, кое, како што посочи, претставува знак на доверба.
Тој истакна дека Северна Македонија нуди стабилност, отвореност и предвидливост како основа за инвестирање, при што континуираното усогласување со европското законодавство претставува заложба за транспарентност и правна сигурност. Посебно ги нагласи потенцијалите во автомобилската индустрија, производството на компоненти, ИКТ-секторот, обновливите извори на енергија и агробизнисот.
Министерот посочи дека достигнувањата на Словачка во автомобилското производство, иновациите и енергетската транзиција создаваат природна основа за продлабочување на партнерството преку заеднички инвестиции, интеграција на синџирите на снабдување и трансфер на технологии.
Во рамки на форумот беше потпишан и Меморандум за соработка меѓу Агенцијата за странски инвестиции и промоција на извозот на Северна Македонија и словачката агенција SARIO, со што се отвора дополнителен простор за директна институционална соработка и заедничка промоција на економските потенцијали.
Муцунски истакна дека Владата останува цврсто посветена на поддршка на бизнис-заедницата преку дипломатската мрежа, институциите за промоција на инвестиции и механизмите за олеснување на трговијата, со цел идентификување нови можности и отстранување на административните пречки.
Форумот, како што беше оценето, претставува конкретен чекор кон продлабочување на економската соработка и создавање нови можности за инвестиции, иновации и одржлив раст во интерес на двете држави.
Економија
Компанијата Зегин и Фондацијата д-р Верица Механџиска со донација за погодените семејства од поплавите во Кичево
По поплавите во Кичево што доведоа до евакуација на околу 250 луѓе од 63 домаќинства, компанијата Зегин и Фондацијата д-р Верица Механџиска уште еднаш ја потврдија својата општествена одговорност преку донација на средства за лична хигиена за лицата кои се привремено згрижени во градската спортска сала „Христо Узунов“.

Пакетите, кои содржат основни производи за секојдневна хигиена, како и вода и храна се наменети за најзагрозените домаќинства со цел да им помогнат полесно да се справат со последиците од природната непогода.


Со оваа хуманитарна иницијатива, компанијата испраќа силна порака за солидарност и поддршка во моменти кога заедништвото е најпотребно, останувајќи доследна на својата општествено одговорна мисија.
(ПР)

