Економија
Според извештајот „Дуинг бизнис“, Македонија има најдобри услови во регионот за водење бизнис

Во последниот извештај на Светска банка „Дуинг бизнис 2020‘‘ Македонија е рангирана на 17-то место меѓу 190 држави во светот.
Според условите за водење бизнис, Македонија е рангирана подобро од Турција (33), Словенија (37), Србија (44), Црна Гора (50), Хрватска (51), Романија (55), Косово (57), Бугарија (61), Грција (79), Албанија (82) и Босна и Херцеговина (90).
Од Владата соопштија дека во споредба со земјите од ЕУ, Северна Македонија е подобро рангирана од 24 земји членки и тоа: Естонија, која е позиционирана на 18-то место, Латвија (19), Финска (20), Германија (22), Ирска (24), Австрија (27), Шпанија (30), Франција (32), Словенија (37), Португалија (39), Полска (40), Чешка (41), Холандија (42), Словачка (45), Белгија (46), Хрватска (51), Унгарија (52), Кипар (54), Романија (55), Италија (58), Бугарија (61), Луксембург (72), Грција (79) и Малта (88).
Од нас подобро рангирани се: Нов Зеланд (1), Сингапур (2), Хонг Конг (3), Данска (4), Република Кореја (5), САД (6), Грузија (7), Велика Британија (8), Норвешка (9), Шведска (10), Литванија (11), Малезија (12), Маурициус (13), Австралија (14), Тајван (15) и ОАЕ (16).
Ранг листата „Дуинг бизнис 2020‘‘ на Светска банка се формира врз основа на вредностите на 10 индикатори како што се започнување бизнис, пристап до кредити, спроведување договори, заштита на малцинските инвеститори, добивање градежни дозволи, пристап до електрична енергија, регистрирање имот, плаќање даноци, прекугранично тргување и решавање несолвентност.
На ранг-листата за 2020 година кај три индикатори има напредок (добивање градежни дозволи, пристап до електрична енергија и спроведување договори), а кај останатите индикатори не се забележани промени при нивното мерење во праксата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Ивент индустријата ќе добие финансиска помош за смислување настани за Денот на независноста

Следната недела ќе биде објавен јавниот повик за финансиска поддршка од 1 милион евра за компаниите да можат да реализираат настани од јавен интерес со домашни изведувачи, најави вицепремиерот задолжен за економски прашања, Фатмир Битиќи, на средбата со претставници на Асоцијацијата на ивент индустријата (ИВАП).
Преку јавниот повик ќе бидат ангажирани исклучиво домашни организатори, изведувачи и подизведувачи за реализација на настани осмислени од апликантите за одбележување 30 години независност на Македонија, во периодот јуни – септември 2021.
Владините претставници информираа дека повикот за финансиска поддршка ќе биде објавен во најбрз можен рок, во текот на наредната недела, за вкупен износ од 61 милион и 500 илјади денари, а на него ќе може да аплицираат и да бидат поддржани сите компании кои организираат настани и кои ќе исполнат јасни и прецизни критериуми.
Настаните кои ќе бидат поддржани не се дел од официјалните државни настани кои Владата преку засебна програма ќе ги организира за официјално одбележување на 8 септември, Денот на независноста.
Владата информираше дека ќе ја оценува секоја апликација поединечно и ќе бодува според поставените критериуми и согласно тоа бројот на апликанти нема да влијае врз оценките за секоја индивидуална апликација. Тоа значи дека одлуката зависи од оценката на апликацијата за тој проект, а не од тоа колку апликации стигнале на повикот – има доволно буџет за сите кои ќе ги исполнат условите.
Економија
Битиќи по средбата со Лукаревска: УЈП е еден од најважните столбови на економијата

Вицепремиерот за економски прашања, Фатмир Битиќи, и директорката на Управата за јавни приходи, Сања Лукаревска, денеска остварија работна средба на која разговараа за даночните активности и предизвиците на Управата.
Тие во рамки на заедничките активности, прво ја посетија Дирекцијата за големи даночни обврзници на УЈП.
„Оваа дирекција администрира 366 најголеми плаќачи на данок во државата и истата наплатува 44.63% од вкупната наплата на даноци“, информираше Лукаревска за време на посетата.
Лукаревска го запозна Битиќи со тековните активности и предизвиците со кои се соочува дирекцијата, во спроведување на даночните активности, како и за успешните резултати остварени од наплата на даноците и партнерскиот однос кој оваа дирекција го негува со даночните обврзници.
Работната средба продолжи и во генералната дирекција, каде вицепремиерот Битиќи, директорката Лукаревска и раководството на УЈП разговараа за досегашната успешна реализација на антикризните мерки. Дополнително тие го запознаа вицепремиерот со тековните проекти кои ги спроведува УЈП, како што се: е-даноци, е-МПИН, автоматски поврат и пребивање, матична евиденција и даночно книговодство. Сите овие проекти се имплементираат со цел подобрување на деловните практики и внесување промени во согласност со севкупната дигитална трансформација, а во насока на подобро администрирање на даночни приходи и придонеси и давање квалитетни услуги на обврзниците, информираат од овие институции.
Вицепремиерот Битиќи истакна дека ова е една од најзначајните институции и еден од столбовите на економијата.
,,Коронавирусот ни покажа дека дигитализацијата е неопходна секаде, а вие како институција во време на пандемија целосно одговоривте на предизвикот“, нагласи Битиќи и ја истакна големата улога која УЈП ја има при имплементацијата на економските мерки за поддршка на граѓаните и стопанството за време на кризата.
За време на ативностите беше потенцирано дека во март 2021 година, Управата за јавни приходи реализирала наплата на даноците во износ од 7.720.610.346,00 денари, што во споредба со истиот месец во 2020 година претставува повисока наплата кај даноците од страна на компаниите, што е добар знак дека економијата постепено закрепнува. Поединечно, кај данокот на додадена вредност се бележи поголема наплата за 29,49 %, наплатата кај данокот на личен доход е повисока за 12,55%, додека пониска наплата за 1,32 %, се регистрира само кај данокот на добивка, информираат од УЈП.
Економија
Поврзување на студентите и академскиот кадар од УКЛО со бизнис-заедницата

Во рамките на проектот „Мојата успешна приказна“, што го реализира Универзитетот „Св. Климент Охридски“ – Битола и универзитетскиот Центар за кариера, алумни и доживотно учење за студентите и академската заедница на УКЛО, се одржа онлајн-средба со Виктор Мизо, генерален менаџер на KOSTAL Охрид.
Проектот „Мојата успешна приказна“ на УКЛО,`според проректорот Марјан Ѓуровски, е во функција на промоција на студиските програми и воспоставување поинтензивна соработка со бизнис-заедницата.
Овие настани треба да им помогнат на студентите да го запознаат деловниот свет, да стекнат искуство уште за време на студирањето и да развиваат знаења и вештини за развој на кариерата по дипломирањето. Проректорот Ѓуровски нагласи дека УКЛО создава услови за реализација на индивидуалните можности за усовршување на своите студенти, кои своето идно вработување може да го побараат во компаниите во земјата.
Освен за кариерниот и професионален развој, Виктор Мизо ја претстави компанијата што ја раководи и го потенцира значењето на студентската пракса како нужно дополнување на теоретските знаења и можност, тоа искуство да се имплементира во компаниите.
Во рамките на презентацијата беа предочени можностите студенти од УКЛО да се вклучат и да ги користат бенифитите од програмите, како што се „Инженери на тренинг“ и „Летна студиска програма“, кои нудат знаење и отвораат преспективи за вработување.
Виктор Мизо како директор на една од најуспешните странски инвестиции кај нас, која е дел од германскиот гигант и произведува автомобилска и индустриска електроника за најпознатите автомобилски брендови, оценува дека поврзувањето со студентите и акдемскиот кадар од УКЛО претставува продолжување и продлабочување на воспоставената соработка.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника3 месеци
Брат и сестра нападнати на Широк сокак
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија3 недели
Ѓорчев: Мојот татко е во кома откако се вакцинираше во Ниш