Македонско-Британскиот стартап „Cognism“, кој користи вештачка интелегенција за унапредување на продажбата на клиенти, доби инвестиција од два милиони фунти во рунда предводена од фондот за ризичен капитал „South Central Ventures“, заедно со „Newable“, „London Co-Investment Fund“, „Start-up Funding Club“ и други.

Овој стартап, основан од претприемачите Џејмс Исилеи и Стјепан Буљат, им помага на компаниите да ја забрзаат својата продажба и да дојдат до вистинските контакти употребувајќи го софтверот „Big Data“. Од основањето во 2016 година, „Cogsnism“ го збогати своето портфолио на 80 големи клиенти во Европа и Америка и го зголеми својот тим од 5 на 30 луѓе во Македонија и Велика Британија. Со континуиран процес на истражување и развој, компанијата „Cognism“ ја унапреди својата технологија, за да биде користена во комбинација со други актуелни алатки за помош во продажбата како „Salesforce“ и „Microsoft Dynamics“ што ги прави „Cognism“ една од водечките европски компании во индустријата наречена „Интелегенција за продажба“ (Sales Intelligence).

Фондот „South Central Ventures“ го подржува развојот на „Cognism“ уште од нивната почетна инвестициска рунда во Јануари 2017 година. Како водечки инвеститор во оваа фаза, „South Central Ventures“ инвестираше 1.5 милиони британски фунти, кои компанијата ќе ги намени за да го забрза својот раст, да отвори канцеларија во Соединетите Американски Држави, да ја зајакне развојната база во Република Македонија, како и да ја оствари поставената цел и да го дуплира бројот на вработени во продажните оддели во Македонија и Британија во 2018 година.

„Оваа инвестиција е потврда за напорната работа и посветеноста на нашиот тим. Последната рунда инвестиции е неопходна за остварување на нашата стратегија да ја понудиме најдобрата технологија во сегментот на “Интелегенцијата за продажба“ (Sales Intelegence). Со тоа не само што ќе успееме да ги подобриме перформансите на алатките туку и на нашите клиенти ќе им овозможиме да ги постигнат стандардите за чување на податоците (GDPR compliant contact data) со акцент на контактите и контекстот на податоците од земјите на Европската унија и Соединетите Американски Држави. Сето ова не ќе можевме да го постигнеме без подршката на South Central Ventures”, посочи Џејмс Исилеи, основачот и извршен директор на „Cognism“ во пресрет на инвестицијата.

„Секогаш е возбудливо кога компанија во која еден фонд инвестира, се развива и расте со брзината која Cognism ја бележи. Може слободно да кажеме дека растот на приходите и придобивките кои им ги даваат на своите клиенти преку употреба на напредни алгоритми за машинско учење и вештачка интелегенција се неверојатни. Затоа ние во Soutn Central Ventures сме среќни што работиме со одличниот тим на Cognism и ќе продолжиме и понатаму да го подржуваме нивниот раст“, потенцираше Татјана Забасу, управувачки партнер на South Central Ventures.

Министерството за финансии преку соопштение попаднево истакна дека издавањето подолгорочни хартии од вредност, како денешната 30–годишна државна обврзница, ја подобрува структурата на јавниот долг и го намалува ризикот за рефинансирање на долгот.

„Ако пред само неколку години сумата на издадените краткорочни хартии од вредност, таканаречени државни записи, беше неколкукратно повисока од долгорочните, сега таа состојба е драстично променета. Така, ако во март 2012 година 92 процента од издадените државни хартии од вредност биле краткорочни, а 8 проценти се со поголема рочност, во март 2018 овој сооднос е 40 проценти краткорочни наспроти 60 отсто долгорочни хартии од вредност“, образложува Министерството.

Министерот за финансии, Драган Тевдовски, денеска истакна дека безусловната препорака за почеток на преговорите за членство во ЕУ, добрата фискална политика и подобрувањето на изгледот на кредитната агенција „Фич“ за Македонија доволно говорат за патот по кој се движи земјата, па врз основа на сето ова може да излеземе на пазарот со инструмент како 30-годишна државна обврзница, кој укажува на силна доверба од инвеститорите.

До денес, односно до издавањето на првата 30-годишна обврзница, државна хартија од вредност со највисока рочност беше 15-годишната обврзница.

Од Министерството велат дека Македонија, покрај Словенија, е единствената земја во регионот што издала 30-годишна обврзница. Најблиску до оваа рочност во регионот дошле членките на Европската Унија – Бугарија, која издала 20-годишна обврзница, и Хрватска, каде што најдолг рок на кој е издадена државна обврзница е 13 години.

Од Министерството за финансии додаваат дека обврзници со достасување од 30 години имаат земји како Германија и САД. Обврзница со највисока рочност има издадено Австрија, односно 100-годишна обврзница.

По предлог на АД за производство на електрична енергија, „Електрани на Македонија“, во државна сопственост, Скопје, на денешната владина седница беше разгледана информацијата за текот и активностите за проектите ХЕ „Чебрен“ и ХЕ „Галиште“.

Владата на Република Македонија ги задолжи Кабинетот на заменик-претседателот на Владата задолжен за економски прашања и координација со економските ресори, Кочо Анѓушев, и Министерството за економија да формираат меѓуресорска комисија со претставници од повеќе министерства и државни претпријатија, која ќе подготви препораки за понатамошни активности за продолжување на проектот.