Контакт

Економија

Јанкулоски: Прекумерната употреба на антибиотици кај животните завршува на нашата трпеза

Објавено пред

Неконтролираната употреба на антибиотиците во ветеринарната медицина е ризик нивните остатоци и метаболити да завршат во производите од животинско потекло, а со тоа и на трпезата на потрошувачите, предупредува проф. д-р Деан Јанкулоски, раководител на Институтот за храна при Факултет за ветеринарна медицина – Скопје.

„Прекумерната и несоодветна употреба на антимикробни средства и недостигот на практики за контрола на инфекциите ја трансформираат антимикробната (АМО) во глобална закана за ветеринарното и јавното здравје. Употребата на антибиотиците во ветеринарната медицина влијае врз појава на АМО на некои сапрофитски и патогени микроорганизми, кои подоцна се наоѓаат во храната од животинско потекло“, вели проф. д-р Јанкулоски.

Според Јанкулоски, на тој начин, ние, потрошувачите, без да знаеме, сме изложени на остатоци на антибиотици, кои меѓу другите штетни ефекти може да влијаат врз појавата на АМО на микроорганизми нормално присутни во нашето тело. Но, истовремено сме изложени и на микроорганизми со АМО, кои, не знаејќи, ги внесуваме преку храната. Инфекција преку храната со овие патогени отпорни на антибиотици може да биде причина за сериозни алиментарни инфекции и интоксикации, кои поради невозможноста да се третираат со вообичаените антибиотици може да бидат причина за многу сериозни опасности за здравјето.

„Антимикробната отпорност е способност на микроорганизмот да се спротивстави на ефектите од антимикробните супстанции што се користат за нивно уништување, односно да одолеат на дејството на антимикробните средства, а посебно на антибиотиците. Отпорноста се појавува на 3 начини: природна отпорност, генетска мутација и преку трансфер на гени од други микроорганизми“, додава проф. д-р Јанкулоски.

Како што појаснува Јанкулоски, АМО се појавува поради разни причини, а како најчести се вбројуваат несоодветна употреба на антимикробни супстанции за терапевтски цели, употреба на антимикробни средства за нетерапевтски цели, загадување на животната средина со отпадоци од антимикробни средства (резидуум во екосистемот), континуиран развој на отпорноста во животната средина, зголемувањето на глобалната трговија со храна од животинско потекло и живи животни, кои го пропагираат ширењето на АМО во светот.

„Масовната употреба на антиобиотиците во ветеринарната и хуманата медицина претставува сериозен ризик за развој на АМО и потребна е итна интервенција поради сериозните последици од неуспешниот третман и смртни случаи, патолофизиолошки последици и финансиски трошоци. АМО е комплексен проблем, кој го афектира целото општество и врз него влијаат многу меѓусебно поврзани фактори. Но, за справување со АМО единечните и изолирани активности и интервенции имаат само ограничено влијание. Единствениот здравствен прирачник за борба против АМО – ‘Едно здравје’ претставува светска стратегија за проширување на интердисциплинарни соработка на национално и глобално ниво и комуникација во сите аспекти на здравствената заштита за луѓето, животните и заштитата на животната средина. Постигнатиот синергизам ќе ја унапреди здравствената заштита за 21 век, а со забрзување на откритијата во областа на биомедицински истражувања, ќе се подобри ефикасноста на ветеринарното здравство, бргу ќе се прошири базата на научни знаења и ќе се подобрат ветеринарната едукација и третманот на животните“, вели Јанкулоски.

Според него, актуелната состојба се чини дека е критична. Иако постои широка информираност и ефективна национална и меѓународната соработка, подигната е свеста на јавноста и надлежните државни служби, преземени се разни мерки, воведена е мониторинг-програма на АМО за коменсални и зоонотски микроорганизми кај животните од кои се произведува храна, па сепак АМО не се намалува.

„Од тука е значењето на докторите на ветеринарна медицина за рационална и правилна употреба на антибиотиците кај животните од кои се произведува храната и кај домашни миленици. Што ќе се случува со АМО во иднина, навистина е непознато. Опасноста од сè позачестена појава од мултирезистентни микроорганизми поради големите количества употребувани антибиотици е сè поголема. Но, со преземање сите препорачани мерки од надлежните служби, ветеринарната професија и информирањето на јавноста за рационалната употреба на антибиотиците можеби ќе успееме да одржиме исто ниво на АМО и да ја спречиме спречи појавата на мултирезистенцијата и да ги зачуваме антибиотиците за иднина. Останува фактот дека ветеринарната професија е клучна алка во борбата со отпорноста на микроорганизмите кон антибиотиците, но и потребата од заеднички институционален настап и стратегија со хуманата медицина“, тврди проф. д-р Јанкулоски.

Економија

Како мал аеродром во Алјаска, стана најпрометен во светот

Објавено пред

Енкориџ, главниот аеродром во Алјаска, можеби нема луксуз како оној на аеродромите во Сингапур или Чикаго, но овој мал аеродром на речиси еднаква оддалеченост од Њујорк и Токио во последно време неочекувано доби голема важност.

Сега тоа е најпрометниот аеродром во светот, барем во некои саботи.

„Сабота е фреквентен ден поради товарниот сообраќај. Од него најмногу зависиме, но сабота е исто така и најслаб ден кога станува збор за патнички летови”, изјави директорот на аеродромот, Џим Шчеснијак за Си-ен-ен.

„Така, на пример, во сабота, на 2 мај, имавме 744 летови. Чикаго имал 579 во истиот ден, а Атланта 529. Енкориџ исто така привремено ја презеде титулата на најпрометен аеродром во светот на 25 април“.

Според Здружението на меѓународни аеродроми, кое годишно објавува извештај за најпрометните аеродроми во светот, патничкиот сообраќај опаднал за повеќе од 90% поради пандемијата на коронавирус.

Сепак, товарниот сообраќај е зголемен и тоа е причината зошто Енкориџ има толку многу летови. Во нормални времиња, аеродромот е петтиот најпрометен аеродром кога станува збор за товарен сообраќај.

„Забележавме голема побарувачка за капацитетот на носивост. Ова е така затоа што во Азија се произведуваат многу од средствата потребни за борба против пандемијата“, вели Шчеснијак.

Прикажи повеќе...

Економија

Сеидбата на ориз е во завршна фаза, откупната цена оваа година највисока

Објавено пред

Министерот за земјоделство, шумарство и водостопанство Трајан Димковски, заедно со градоначалникот на Општина Кочани Николчо Илијев, извршија увид во теренските активности на неколку локации на територија на Општина Кочани.

Кочани е град претпознатлив по производството на оризова арпа од која се добива бел ориз како бренд надалеку познат во светот по својот квалитет. Од оваа земјоделска култура опстојуваат 3 500 земјоделски семејства во Кочанскиот регион.

Во Програмата за 2020 година, беа зголемени субвенциите по обработлива површина со задолжително користење на сертифициран семенски материјал од 12 000 денари на 25 000 денари а за оние производители на ориз без задолжителна употереба на сертифициран семенски материјал, субвенциите беа зголемени од 6000 денари на 18 000 денари.

„Во моментов, сидбата на оризот е во завршна фаза и опфака површина од околу 3200 хектари. Од годинешната жетва се очекува да се добие вкупно производство на оризова арпа од 16.398 тони. Откупот на оризова арпа и бел ориз се одвива непречено и моментално за разлика од минатите години, просечната откупна цена бележи значителен пораст и се движи од 25-30 ден/кг оризова арпа и од 50-65 денари за килограм бел ориз во зависност од тоа дали се работи за крупни или ситни сорти. Политиката на субвенционирање со одвојувањето на оризот од останатите житни култури, ја вракаат оваа култура на нивото од пред дваесетина години кога беше главна земјоделска култура и препознатлив бренд за Кочанскиот регион“, изјави министерот Димковски.

На подрачјето на Кочани моментално има 10 субјекти регистрирани откупувачи на оризова арпа кои се запишани во регистерот на откупувачи на земјоделски производи кој се води во МЗШВ согласно член 31 од Законот за земјоделство и рурален развој. Министерот и градоначалникот, денеска беа во посета на компанијата Даниво ДООЕЛ, која е една од најголемите производители на оризова арпа во нашата држава. Даниво ДООЕЛ чија дејност е производство и преработка на ориз и други житарици како и свежа вишна, годишно откупува 5 милиони килограми оризова арпа и е еден од најголемите откупувачи во нашата држава. Благодарение на оваа компанија, белиот македонски ориз стигнува на нашите пазари но и на странските, со што се промовира квалитетот на нашиот ориз.

Министерот Димковски изјави дека за непречено и квалитетно производство на ориз, потребно е стабилно наводнување на земјоделските површини. За таа цел, во 2020 година, на подрачјето на делување на Брегалница Кочани, исчистени се земјени и бетонски канали, речни корита за што е користена постоечката механизација. Во овој период машински се исчистени 150 километри земјени канали, 20 километри бетонски канали, исчистено е речното корито на река Брегалница во должина од 2,5 километри. Рачно се исчистени 50 километри главни и споредни бетонски канали за наводнување. Министерот Димковски и градоначалникот Илијев извршија увид и констатираа дека водата за наводнување на оризовите површини пуштена е секаде, но поради сушниот период од почетокот на годинава, потребно е рационално користење со цел успешно завршување на сезоната.

Градоначалникот на Општина Кочани, Николчо Илијев изјави дека општината секогаш ќе дава поддршка за развојните инвестиции на оваа Влада и воедно апелираше да се користат мерките коишто значат развој за земјоделското производство, особено за производството на кочанскиот ориз.

Во текот на денешниот ден, министерот Димковски и градоначалникот Илијев, извршија увид и во градежните активности на ХС Оризарска река кој е составен од повеќе потсистеми, кои претставуваат независни градежни целини и кои ќе се реализират во повеќе фази. Првата фаза е завршена и во тек се градежни активности од втората фаза – изградба на хидројазел Речани (брана Речани со придружни објекти, опточен тунел со возводен зафат, преливен орган и темелен испуст). Изведувачките активности се во тек и согласно договорот истите треба да бидат завршени до 2024 година. Оваа капитална инвестиција ќе овозможи снабдување со вода за пиење, наводнување на земјоделски површини во Кочанско Поле од околу 1,500 хектари како и производство на електрична енергија преку изградба на две хидроцентрали.

Кочанското поле каде се произведува македонскиот ориз, е една од целите за развој на земјоделството и токму затоа инвестираме во различни сегменти, а редовното снабдување со вода за пиење и наводнување е клучен фактор за постигнување на нашата развојна цел. Ниеден регион не е запоставен. Капиталните инвестиции секаде се во тек, чекор по чекор до остварување на целта.

Прикажи повеќе...

Економија

Ангеловска на средба со текстилците и претставници на чевларската индустрија

Објавено пред

Преку креирање дигитална платформа се планира да се зголеми конкурентноста и да се отвори можноста за пласирање на финални производи од текстилните компании и чевларската индустрија во земјава до странски пазари, изјави министерката за финансии Нина Ангеловска по работната средба за иницијативата „Модернизација и нови пазари“ од третиот сет мерки, со претставници од текстилната, чевларската индустрија, МАСИТ, УСАИД, БЕП (Business Ecosystem Project), Асоцијација за е-трговија и Старт уп Македонија за реализација на оваа идеја.

Како што беше истакнато на состанокот, кој се одржа во Министерството за финансии, скоро 80% од текстилното производство во земјава е лон производство. Чевларските работилници пак, како што посочија претставниците, најголем број се мали компании. Преку мултисекторски пристап може да се отклучи потенцијалот, претприемнчикото размислување, користење на нови технологии и пласман на квалитетни домашни текстилни производи и чевли.

„Од претставниците на компаниите беше поздравена идејата за формирање на дигитална платформа (marketplace). Се планира истата да се формира како независна, во која ќе можат да пристапат сите заинтересирани компании од текстилната и чевларската индустрија. Министерство за финансии заедно со Царинска управа ќе работат да ги олеснат сите административни пречки и да го олеснат патот за сите компании“, соопшти Министерството за финансии.

Прикажи повеќе...

Најново

Свет6 часа

САД ѝ се заканија на Кина поради ситуацијата во Хонгконг

Aмериканскиот советник за национална безбедност Роберт О’Брајан се закани дека Вашингтон ќе воведе санкции за Кина и Хонгконг доколку Пекинг...

Регион8 часа

Во Црна Гора веќе нема заразени од Ковид-19

Во Црна Гора воопшто нема пациенти заразени со новиот коронавирус, по 68 дена од првиот регистриран случај, објави денеска Институтот...

Европа9 часа

Австрискиот претседател го прекршил полицискиот час, полицијата го нашла во ресторан по полноќ

Австрискиот претседател, Александер Ван дер Белен, се извини денеска откако полицијата во друштво на неговата сопруга Дорис Шмидауер, по полноќ...

Европа10 часа

На миса во Франкфурт се заразиле 107 лица

Најмалку 107 лица се заразиле со коронавирус на миса на Баптистичката црква во Франкфурт, објави денеска локалниот министер за здравство....

Свет15 часа

„Њујорк Тајмс“ на насловната страница ги објави имињата на починатите од Ковид-19

Весникот Њујорк Тајмс на насловната страница ги објави имињата на починатите од Ковид-19. Вообичаени текстови, фотографии и цртежи се заменети...

Македонија15 часа

Нови 37 случаи на коронавирус во земјава, нема починати

Во последните 24 часа направени се 508 тестирања, а регистрирани се 37 нови случаи на коронавирус и тоа: – Скопје...

Спорт16 часа

Мечот Ливерпул-Атлетико е „одговорен“ за 41 починат од коронавирусот

Анализата на податоците на Британската здравствена служба (НХС) открива дека мечот од осминафиналето од Лигата на шампионите на Ливерпул против...

Свет16 часа

Десетдневна жалост поради жртвите на коронавирусот во Шпанија

Шпанскиот премиер Педро Санчез изјави дека во јули ќе се отворат граници за странските туристи и најави дека ќе се...

Македонија16 часа

Филипче: Иван е добар, следува најважниот период од неговото закрепнување

Министерот за здравство доц. д-р Венко Филипче, утрово во Клиниката за Државна Кардиохирургија го посети пациентот на кого му беше...

Регион18 часа

Хрватска од идната недела ја отвора летната туристичка сезона

Откако хрватскиот министер за туризам го претстави планот за отворање на летната туристичка сезона, во кој се предвидува дека до...

Европа18 часа

Португалски град ќе ги тестира сите жители за коронавирус

Крајбрежниот град Каскаис во близина на Лисабон планира да биде првиот во Португалија којшто ќе ги тестира сите 200 000...

Спорт19 часа

Тајсон: Сите ќе бидете шокирани од името на мојот прв противник (видео)

Мајк Тајсон тврди дека договорот за неговиот камбек во боксерскиот ринг ќе се потпише следната недела и додава дека мистериозниот...

Регион19 часа

Бугарски новинар пронајден мртов во езерото Варна

Бугарскиот новинар Георги Александров бил пронајден мртов, удавен во езерото Варна во езерскиот канал близу Аспарухово, додека работел на сторија...

Свет1 ден

И Амазонската дождовна шума погодена од коронавирусот

И, Амазонската дождовна шума, значајна за балансирање на климата во светот и борбата против климатските промени, страда од пандемија на...

Спорт1 ден

Маса: Знам, но нема да откријам во каква состојба е Шумахер

Фелипе Маса поранешниот тимски колега на Михаел Шумахер тврди дека има информации за состојбата во која се наоѓа легендарниот возач...

Европа1 ден

(Видео) Поради коронавирусот илјадници Шпанци излегоа на улиците

Илјадници демонстранти излегоа на улиците на Шпанија на повик на десничарската партија Вокс, барајќи оставка на владата на премиерот Педро...

Топ1 ден

Од две возила со автоматски пушки пукано кон скопјанец во населбата Бутел

Скопјанец пријавил дека попладнево од две возила биле испукани стотина куршуми кон него. Престрелката се случила во скопски Бутел 2....

Македонија1 ден

Васил Огњановски: Му благодарам на семејството што спаси три животи, од кои едниот е татко ми

„Операцијата се направи. Полека го будат. Очекувањата се големи. Еднаш докторите го спасија, го вратија меѓу живите, сега тоа го...

Македонија1 ден

Филипче: Бевме немоќни да го спасиме Иван – сега тој доби шанса за втор живот

„Сите ние, а и самиот пациент Иван Огњановски бевме свесни дека тој ги живее последните недели од својот живот, бидејќи...

Свет2 дена

(Видео) Американската морнарица претстави моќно ласерско оружје кое може да уништи авион во лет

Американската морнарица успешно тестираше ново оружје на воен брод. Станува збор за високо-енергетски ласер што може да сруши борбен авион...

Досие