Економија
„Јунајтед груп“ станува членка на Алијансата за одговорно работење

Водечкиот телекомуникациски и медиумски провајдер во Југоисточна Европа – Јунајтед Груп, во чии рамки работи компанијата Тотал ТВ во С. Македонија, стана членка на Алијанса за одговорно работење (Responsible Business Alliance – RBA). RBA е најголемата светска индустриска коалиција посветена на одговорното деловно однесување во глобалните синџири на снабдување.
Јунајтед Груп им се придружува на околу 500 други членови на Алијансата кои се подеднакво посветени на подобрување на работните услови, условите во животната средина и деловните перформанси преку водечките етички стандарди и практики. Членовите на Алијансата вработуваат вкупно 21 милион луѓе со комбиниран годишен приход од 7,7 трилиони долари.
Одговорните набавки и одржливите практики се во сржта на стратегијата на Јунајтед Груп. Со приклучувањето кон RBA, Јунајтед Груп се обврзува да го почитува својот Кодекс на однесување во сопствените операции и да го применува на своите добавувачи. Активно ги охрабруваме сите наши добавувачи да го сторат истото во нивните сопствени синџири на снабдување и редовно ќе ги следиме за да се осигураме дека тоа предизвикува позитивни промени.
„Среќна сум што Јунајтед Груп стана членка на Алијанса за одговорно работење – RBA и горда сум на работата што веќе ја правиме што ни овозможува да се приклучиме на стотици бизниси – истомисленици во коалицијата. Кодексот на однесување на добавувачите на Јунајтед Груп, кој ги одразува принципите на RBA, гарантира дека целиот наш синџир на снабдување ни помага да постигнеме посветла, поодржлива иднина на етички и одговорен начин. Без поврзаноста што ја носи нашата индустрија, развојот на нашите економии и општества би бил ограничен. Затоа, имаме одговорност кон себе и кон нашите клиенти континуирано да ги исполнуваме највисоките можни стандарди“ – изјави Викторија Боклаг, извршниот директор на Јунајтед Груп.
За Јунајтед Груп
Јунајтед Груп со седиште во Холандија, во чии рамки работи компанијата Тотал ТВ во С. Македонија е водечки телекомуникациски и медиумски оператор во Југоисточна Европа. Активна во осум земји, групацијата има приближно 15 милиони корисници и повеќе од 15.500 вработени. Таа генерира приближно 2,5 милијарди евра годишни приходи. Јунајтед Груп има најширока мрежна покриеност во регионот и им нуди на корисниците најатрактивниот избор на ТВ содржини од целиот свет. Значајните инвестиции во дигиталната инфраструктура, содржината и технологијата обезбедуваат извонредност на производите и услугите што ги обезбедува на клиентите. Јунајтед Груп е во мнозинска сопственост на BC Partners, една од најголемите светски инвестициски компании, од март 2019 година.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
„Пакет.мк“ достапен во Куманово, набргу компанијата се шири во цела Македонија

„Пакет.мк“, најголемата платформа за онлајн купување во Македонија, стана достапна и во Куманово. Граѓаните на Куманово отсега преку Пакет.мк може да купуваат храна, намирници, производи за домот и градината, суплементи и производи од аптека, бебешки производи, играчки и детски аксесоари и уште многу други категории производи и да ги добијат нарачките на саканата адреса пред врата уште истиот ден.
„Проширувањето на нашата мрежа и достапноста на нашата услуга се должи на промената на потрошувачките навики и растечкиот тренд кај граѓаните за онлајн купување. Потребата од широк избор во категориите кои ги нудиме и можноста да ги добијат дома, пред врата, го прави Пакет.мк да биде изборот број еден за илјадници домаќинства во Скопје. Овој тренд се јавува како одговор на современото живеење, додека сигурноста во услугата, плаќањето и квалитетот на доставените производи е наш приоритет. Изборот на категории, точноста, брзината, грижата за корисниците и одличните цени секојдневно ја зголемуваат довербата на купувачите во Пакет.мк. Веќе пет години работиме на развој на системот во Скопје, создавајќи ја најголемата и најсофистицираната логистика за е-трговија во Македонија. Како резултат на ова, многу скоро услугата на Пакет.мк ќе биде достапна низ целата држава“, вели Драган Јосифовски, основач на Пакет.мк.
Пакет.мк е водечка е-продавница и најголема платформа за онлајн купување во Македонија. Сите производи нарачани преку Пакет.мк подлежат на посебна гаранција за квалитет и безусловно право на поврат. Пакет.мк има имплементирано највисоки стандарди за квалитет, а носител е и на беџот „Верификуван е-трговец”, од Асоцијацијата за е-трговија на Македонија (АЕТМ) со кој се издвојува како регистриран правен субјект кој ги исполнува високите услови за обавување на дејноста е-трговија согласно законските прописи и светските стандарди во оваа индустрија.
(ПР)
Економија
Кусок енергија еден ден поради голем пад на температурите, соопшти ЕСМ

Вкупната потрошувачка на електрична енергија на домаќинствата и малите потрошувачи („ЕВН хоме“) и дополнителните снабдувања што ги врши АД ЕСМ преку „ЕСМ продажба“, во неделата, 5 февруари 2023 година, драстично се зголеми поради наглиот и голем пад на температурата во вечерните часови во споредба со претходните денови, информираат од ЕСМ.
Потрошувачката, како што појаснуваат од таму, во саботата на 4 февруари изнесувала 18.948MWh, а во неделата се искачила на 22.331MWh.
„Поради скокот на потрошувачката, која ги надмина и номинираните количини од ‘ЕВН хоме“, од страна на АД ЕСМ пласирани се 1045 MWh системски услуги со терциерна резерва и регистриран е кусок од приближно 820 MWh. Сите други денови АД ЕСМ работи во рамките на нормалните граници на снабдување. Во моментот снабдувањето е по планот, производството се одвива пред сè преку два блока во РЕК ‘Битола’ и два котла во ТЕЦ ‘Неготино’, како и хидроелектраните и гогенеративната гасна електрана ‘КОГЕЛ/Енергетика’“, дополнуваат од ЕСМ.
Најавуваат дека во согласност со планот за производство во текот на утрешниот ден на мрежа ќе бидат вратени Блокот 1 во РЕК „Битола“ и ТЕЦ „Осломеј“. Следната недела, кога се очекува раст на температурите, ќе биде исклучен Блокот 2 заради претходно најавени сервисни активности, соопштуваат надлежните.
Истакнуваат дека АД ЕСМ целосно го исполнува планот за производство за 2023 година.
„Нагласуваме дека повлекувањето енергија од европската мрежа е всушност утврден балансен механизам во согласност со правилникот кој важи во цела интерконективно поврзана Европа“, е наведено во официјалната информација.
Економија
MOZZART и јавните личности играат за хуманоста!

Mozzart секое коло е активен со хуманитарната кампања во која типуваат познатите и ловат добивка која доколку ја погодат, ја донираат по своја желба, а меѓу една од последните, добитен тикет состави Марко Новески.
Познатиот ТВ-водител и шоумен пред еден месц на својот тикет одбра вкупно шест натпревари во период од три различни дена и успеа да ги погоди. Освоената добивка од 57.196 денари Новески ја донира во Домот за деца без родители во Скопје и средствата беа ставени на располагање на институцијата за материјални добра и потребите за функционирање.
„Благодарност до MOZZART за можноста да учествувам во оваа хуманитарна кампања и со мојот добитен тикет да придонесам кон хуманитарните акции кои ги организираат како општествено одговорна компанија. Навистина се израдував кога видов дека мојот тикет помина и дека ги погодив сите парови, се надевам дека добивката ќе помогне“, изјави Марко Новески.
Во акцијата Хуманитарен тикет досега учество зедоа многу познати спортисти и јавни личности, меѓу кои: капитенот на македонската фудбалска репрезентација Горан Пандев, најдобриот македонски возач Игор Стефановски Иџе, ракометниот репрезентативец Филип Кузмановски, селекторот на кошаркарите Александар Јончевски и уште многу други влијателни личности.
Низ акцијата хуманитарен тикет за викенд досега се собрани над 600.000 денари кои компанијата MOZZART ги донира во добротворни цели низ неколку установи во Република Македонија.
ПР-текст