Економија
Ангеловска-Бежоска и тимот со високи претставници на ИФЦ: Народната банка се профилира како лидер за поддршка на зелената транзиција

Поддршката на меѓународните финансиски организации е суштинска во процесот за поттикнување и обезбедување финансии во спроведувањето на зелената транзиција за која се потребни значителни инвестиции. Ова беше истакнато на средбата помеѓу гувернерката на Народната банка, Анита Ангеловска-Бежоска, вицегувернерите Ана Митреска и Фадил Бајрами и главниот економист Анета Крстевска и делегација на високи претставници на Меѓународната финансиска корпорација (ИФЦ), во состав Рана Карадеш-Хадад, регионална директорка за Европа, Николас Маркије, регионален менаџер за Западен Балкан, и Висар Пирани, офицер во Канцеларијата на ИФЦ на Косово и Северна Македонија.
На средбата беше искажано задоволство од поддршката што ИФЦ ѝ ја дава на нашата земја преку проекти за развој на приватниот сектор, како и проекти поврзани со зелената транзиција. Притоа гувернерката Ангеловска-Бежоска информира за напредокот на активностите на Народната банка поврзани со климатските промени, кои се во рамките на стратегиските приоритети на централната банка. Таа се осврна на најновите мерки што се однесуваат на регулаторните барања за вградување и известување од страна на банките за ризиците поврзани со климатските промени, како и усвојувањето на среднорочниот план на активностите на Народната банка во овој домен за периодот 2023 – 2025 година. Планот е сеопфатна рамка за управувањето со ризиците од климатските промени од страна на централната банка, која предвидува повеќе активности во областа на регулативата и супервизијата за климатските ризици, вклучително и стрес-тестирања на домашните банки поврзани со климатските промени.
ИФЦ искажа поддршка за активностите што ги презема централната банка за справување со ризиците од климатските промени заради одржување на една од нејзините основни цели, односно финансиска стабилност. Посочи дека се преземени многубројни конкретни чекори поврзани со јакнењето на отпорноста на банките на климатските ризици и зголемувањето на нивниот потенцијал за финансирање на зелената транзиција. Од ИФЦ се осврнаа на проектите што се планираат во следниот период, во делот на зелената економија и одржливото земјоделство, при што посочија дека ИФЦ секогаш ќе биде посветена на развојот на нашата земја.
Народната банка изрази интерес и за воспоставување соработка од аспект на финансиската едукација и инклузија, особено од аспект на родовата еднаквост и вклучувањето на лицата со попреченост. ИФЦ ја поддржа иницијативата и искажа подготвеност за натамошна координација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Димитриеска-Кочоска: Сметководство со примена на меѓународни стандарди за поголема конкуреност на компаниите и развој на економијата

Министерството за финансии во соработка со Институтот на сметководителите и овластените сметководили работи активно на унапредување на сметководствената професија и нејзино издигнување на повисоко ниво. Ова го порача министерката за финансии, Гордана Димитриеска-Кочоска, која се обрати на Втората регионална конференција на сметководителите и овластените сметководители во РС Македонија.
„Стручноста, професионалноста и одговорноста на професијата сметководител е клучната алатка во анализата на сите податоци, кои се основа за донесување прави деловни одлуки. Професионалниот и одговорен сметководител има исклучително значајна улога во составувањето и потпишувањето на годишната сметка, финансиските извештаи и даночните пријави, кои ја имаат клучната улога за државата. Оттука, важна улога има Институтот на сметководителите и овластените сметководители во унапредување и издигнување на сметководствената професија и градење сметководство со примена на прифатени стандарди во развиените земји, кои влијаат на конкурентноста на домашните компании и можност за соработка со компаниите на глобално ниво“, рече министерката и упати на значењето на сметководителите, кои се финансискиот крвоток на компанијата и дека нивните вештини носат до развој на компаниите и развој на целокупната економија.
Таа посочи дека се работи на нов закон за сметководили, кој е во линија со барањата на европското законодавство, односно Директивата за корпоративно известување за одржливост и добрите меѓународни практики и стандарди, како и на примена на ESG-стандардите (Environmental, Social, Governance), односно животна средина, општествена одговорност и управување, кои претставуваат темел за градење одржлив бизнис, а кои стануваат сè поактуелни.
Конференцијата се одржа во Скопје во организација на Институтот на сметководителите и овластените сметководители.
Економија
Цукерберг, Безос и Илон Макс изгубија милијарди долари поради царините на Трамп

Според пресметките на „Блумберг“, 500 најбогати луѓе во светот вчера изгубиле 208 милијарди долари поради остриот пад на акциите по наметнувањето на тарифите од страна на претседателот на САД, Доналд Трамп.
Ова е четвртиот најголем еднодневен пад во 13-годишната историја на Bloomberg Billionaires Index, а исто така и најголем од врвот на пандемијата на ковид-19.
Најголеми загуби забележале шефовите на американските технолошки гиганти. Основачот на „Мета“, Марк Цукерберг, изгуби најмногу – 17,9 милијарди долари – кога акциите на неговата компанија паднаа 9 проценти, известува „Блумберг“.
Џеф Безос загуби 15,9 милијарди долари кога акциите на „Амазон“ исто така потонале 9 проценти во еден ден.
Илон Маск загуби 11 милијарди долари, со што неговите вкупни загуби од почетокот на годината изнесуваат 110 милијарди долари.
Економија
Михаел Кирш назначен за извршен директор на Porsche за Централна и Источна Европа, додека Ирина Каук ја презема одговорноста за Европскиот регион

Михаел Кирш ќе ја преземе функцијата извршен директор на регионалната канцеларија на Porsche за Централна и Источна Европа од 1 мај 2025 година. Тој ја наследува Ирина Каук, која исто така презема нова улога како потпретседател за регионот Европа (со исклучок на Германија). Двете назначувања се дел од стратешкото прегрупирање на Porsche AG за да се зајакне присуството на пазарот и да загарантира идниот раст.
Меѓународно искусен извршен директор
Кирш е во Porsche од 2012 година и работел како извршен директор на пазарите во Кореја, Јапонија и Кина, каде што придонел за успешниот развој на Porsche во Азија. Пред да се приклучи на Porsche, тој држел високи менаџерски позиции во BMW и меѓународен хотелски синџир.
Ирина Каук ќе ја води продажбата низ Европа
Претходникот на Кирш, Ирина Каук, ќе остане во Porsche и ќе биде одговорна за регионот Европа од 1 мај па натаму. Каук го предводеше регионот на PCEE, во кој спаѓа и нашата земја, во изминатите две години. Под нејзино раководство регионот забележа значителен раст и сега опфаќа 28 земји.
Porsche Централна и Источна Европа (PCEE), со седиште во Прага, е регионална канцеларија, како и целосна подружница на Dr. Ing. h.c. F. Porsche AG.
ПР