Економија
Анѓушев: Западен Балкан треба да се ослободи од административните бариери кои го кочат развојот
Вицепремиерот задолжен за економски прашања, Кочо Анѓушев, во рамките на Самитот за Западен Балкан во Полска, учествуваше на заедничка прес–конференција на која беше соопштенео дека наредниот Самит ќе биде во заедничка организација на Бугарија и Македонија.
Сумирајќи ги дискусиите кои се воделе за време на состанокот за Регионалната економска област, Анѓушев посочи дека Берлинскиот процес е одлична платформа за земјите од регионот, која дава резултати.
„Во иднина очекуваме уште подобри резултати кои ќе произлезат од оваа иницијатива, во насока на интеграција на регионот во ЕУ, каде и географски припаѓа. Нашиот регион, историски е познат по тоа што генерира повеќе историја и пречки, во однос на тоа колку може да конзумира, тоа мора да се промени во блиска иднина, односно да се генерира иднина и економска соработка“, потенцира вицепремиерот на прес–конференцијата.
Анѓушев нагласи дека Владата ќе остане посветена на одржување на стапките на раст на трговската размена со соседните држави.
„Во моментов во Република Северна Македонија имаме над 1 милијарда евра проекти во патната инфраструктура, но сметам дека не е доволно да се реализираат само инфраструктурните проекти; со инвестиција од 500 милиони евра ќе изградиме модерен автопат и ќе го намалиме времето на транзит за 20-ина минути, а потоа камионите со производи да стојат 3, 4 или 5 часа на граничните премини. Тука нема никаква економска оправданост и затоа покрај инфраструктурните вложувања, треба да работиме на отстранување на административните пречки и бариери кои постојат меѓу земјите, нешто што може да се направи брзо и ефикасно, многу побрзо отколку што трае процесот на изградба на инфраструктурата“, посочи вицепремиерот додавајќи дека е потребно да се направи стандардизирање и признавање на сертификатите издадени во земјите во регионот и да се намалат или укинат царините.
Како што информираат од владината прес-служба, покрај Анѓушев на заедничката прес-конференција учествувале и сојузниот министер за економија и енергетика на Германија, Петер Алтмајер, министерката за претриемништво и технологија на Полска, Јудвига Емилевич и заменичката министерка за економија на Бугарија, Лилја Иванова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Меморандум за соработка во полето на гасниот сектор помеѓу Македонија и Србија: ќе се испитува можноста за развој на нова директна врска меѓу двата системи за гас
Министерство за енергетика, рударство и минерални суровини на Република Северна Македонија склучи Меморандум за соработка во полето на гасниот сектор со Министерството за рударство и енергетика на Република Србија, во просториите на Владата.
Гасниот интерконектор Северна Македонија – Србија е означен како Водечки проект за енергетиски мрежи во рамки на ЕУСАИР (EU Strategy for the Adriatic and Ionian Region) со што ќе се обезбеди сигурност во снабдувањето за регионот на Југоисточна Европа и ЕУ по пат на имплементација на проектите од Јужниот гасен коридор на ЕУ и Трансбалканскиот гасен прстен, преку диверзификација на рутите и изворите за снабдување со гас.
Со меморандумот се предвидува испитување на можноста за развој на нова директна врска меѓу двата системи за гас. Во рок од 9 месеци ќе се изработи Физибилити студија и Студија за оценка на влијание на проектот врз животната и социјалната средина за новата гасна интерконекција помеѓу државите.
Врз основа на резултатите од техничките и пазарни истражување и земајќи ја во предвид постојната инфраструктура за пренос на гас кај двете страни, Страните ќе ги анализираат и ќе превземат соодветни одлуки за реализација на проектот и координирање на понатамошни дејствија.
Економија
Зголемување на цената на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 1,81% во однос на одлуката од 30.9.2024 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,00 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 1,50 ден/лит.
Малопродажната цена на Мазутот М-1 НС се зголемува за 1,108 ден/кг и сега ќе изнесува 42,780 ден/кг.
Економија
Претседателката на ММФ: Живееме во свет на бавен економски раст и високи долгови
Меѓународниот монетарен фонд може да им помогне на земјите да се приспособат на бавниот економски раст и високиот долг бидејќи ова е светот во кој моментно живееме, изјави денеска претседателката на Меѓународниот монетарен фонд (ММФ), Кристалина Георгиева, на конференцијата за одржливост во Хамбург.
Според неа, тоа значи дека реформите што придонесуваат за раст, подобрување на инвестициската клима и напредок на пазарот на трудот треба безмилосно да се одложат.
„Меѓународниот монетарен фонд може да им помогне на своите членки да ги спроведат неопходните реформи, со што овие земји ќе имаат потенцијал да го зголемат растот на БДП во текот на четири години за осум отсто“, додаде Георгиева, пренесува „Танјуг“.
Конференцијата беше отворена со говорот на германскиот канцелар, Олаф Шолц.