Економија
Арсовска: Креиравме економски политики за земјите од Г20, кои се глобално применливи

Претседателот на Сојузот на стопанските комори на Македонија, Данела Арсовска, како меѓународен експерт е дел од интернационалната советодавна група за подготовка на економските политики и препораки за лидерите на владите на Г20, земјите што се најсилни економии во светот.
Меѓународната советодавна група од почетокот на годината работи на подготовка на економските политики и препораки, а денес на е-конференцијата таа ги финализира. Нејзини членови се и Томас Донохју, претседател и извршен директор на Американската стопанска комора, и Еверет Ајсенштат, потпретседател на „Џенерал моторс“ од САД.
Финалниот документ содржи четири клучни препораки за зајакнување на довербата во глобалниот систем за трговија и инвестиции. Покрај Арсовска, членови на меѓународната експертска група, која го креира овој финален сет мерки за економски политики, се и лидерите на деловните заедници на САД, Кина, Германија и на Франција.
„Со цел ублажување на последиците од пандемијата и враќање во колосек кон глобален економски просперитет, во согласност со прецизно утврден стратешки план, ќе се имплеметира мултирателарен систем за олеснување на трговијата и на инвестициите за развој. Второ, ќе се посвети особено внимание на воспоставување контролиран раст на е-трговијата преку посебни договори со особено внимание за потребите на микро, малите и средните компании, односно за претприемачите. Трето, олеснување на пристапот до финансирање на трговијата и поддршка на извозот на услуги во секторите поврзани со туризмот, кои се најзагрозени во моментот, поттикнување иновации и развој на дигитални технологии. Четвртата препорака се однесува на промоција на одржлива трговија и инвестиции со акцент на имплементација на нови технологии преку трговски политики компатибилни со правилата на Светската трговска организација, а со цел да се постигне транзиција кон одржлив економски развој. Потенцираме и дека препораките не се насочени само кон владите на земјите од Г20, туку и глабално бидејќи нивната имплементација може да даде поефикасна поддршка на приватниот сектор за време на криза, заштита на економијата и подготовка за идните предизвици“, изјави Арсовска.
Таа истакна дека е неопходна соработка на приватниот и јавниот сектор за да се создаде деловен амбиент кој поттикнува зголемување на интегритетот и довербата во институциите дејствувајќи во насока на постигнување економскиот просперитет.
Претседавачот на советодавната група за изготвување на предлог-политиките за трговија и инвестиции за Г20, Лубна Олајан, истакна дека ова е можност да се промовираат и да се поттикнат препораки за политиките што промовираат глобална посветеност кон мултилатерализам и либерализација на трговијата како клучни столбови за промовирање фер и отворена меѓународна трговија и инвестиции.
„Една од главните цели на советодавната група за трговија и инвестиции оваа година е да обезбеди препораки за Г20 за имплементација на политики што ќе ги поттикнат земјите членки на оваа група да понудат поголема поддршка и помош за сите компании, но особено на малите и средните претпријатија, најпогодени погодени од актуелната криза. Ова тело треба да се осврне на здравствената и економската координација, трговијата, вработувањето и туризмот како врвни приоритети најпогодени од Ковид-19. Меѓународната трговија и глобалните синџири на снабдување може да бидат дел од решението за оваа криза доколку тие се користат правилно. Г20 мора да спроведе акција преку соработка за правилно решавање на оваа светска пандемија. Соработката е клучна за усогласување на страните и единствениот начин да се затвори финансискиот јаз со цел да се постигнат целите за одржлив развој на Обединетите нации“, потенција Олајан и додаде дека трговијата и инвестициите се темелите за глобалниот просперитет.
Во 2015 година Арсовска учествуваше на самитот на Г20 во Анталија, Турција. Од оваа година таа е член на меѓународната група експерти за трговија за подготовка на економските политики и препораки на петнаесеттиот самит на лидери на влади на Г20, чија главна задача е да обезбедат препораки за унапредување на економската активност, која има клучна улога во постигнувањето на силен, одржлив и балансиран раст на светско ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
За четири дена доставени повеќе од 2.500 пријави за самовработување

Во салата на кино „Манаки“ во Битола денеска беа презентирани мерките од Оперативниот план за вработување за 2025 година.
Пред голем број на граѓани претставниците од министерството за економија и труд, Агенцијата за поддршка на претприемништво и Агенцијата за вработување ги презентираа мерките од Оперативниот план, со акцент на трите подмерки од мерката за самовработување (претприемништво), каде јавните повици се објавени и сите заинтересирани можат да аплицираат до 20 јуни.
„Со мерките за самовработување на сите невработени лица им даваме финансиска поддршка за отворање на сопствен бизнис, која се движи од 7.000 до 10.000 евра, а со здружување на две лица од 14.000 до 20.000 евра. Имаме исклучително голем интерес за овој јавен повик и за само четири дена се пријавени повеќе од 2.500 лица. Ги повикувам сите лица кои се заинтересирани да аплицираат во било кој од 30-те Центри за вработување при Агенцијата за вработување низ државата“, кажа заменик-министерот за економија, Марјан Ристески.
Во рамки на јавните повици од мерката 1 „Поддршка за самовработување (претприемништво)“, во тек се три јавни повици со кои се дава можност на повеќе од 1700 лица да отворат сопствен бизнис и со истите се предвидени:
– Финансиска поддршка во форма на грант до 7.000 евра за основање и започнување на бизнис за лица постари од 29 години.
– Финансиска поддршка во форма на грант до 10.000 евра за основање и започнување на бизнис за млади лица до 29 години.
– Финансиска поддршка за здружување на две лица во ДОО, каде истата изнесува од 14.000 до 20.000 евра, зависно од целните групи.
Економија
Укинувањето на царините за стоките од САД не е само трговска одлука, туку и дипломатски чекор, вели Стојанова

Со новите измени и дополнувања на законот за царински тарифи Собранието ќе даде зелено светло на планот на Владата да се намалат царински давачки на голем број суровини и репроматеријали што се користат во домашната индустрија и во енергетиката, изјави Дафина Стојаноска, пратеничка од ВМРО-ДПМНЕ.
„Списокот со 70-ина производи, кој е составен на транспарентен и инклузивен начин, во соработка со Стопанската комора, вклучува намалување до 50 % на царинските стапки што важат во ЕУ, како и укинување на царините за увоз од САД. Овие измени ќе значат пониски трошоци за домашното производство, а со тоа зголемена конкурентност на странските пазари, нови инвестиции и повеќе вработувања“, рече таа.
Укинувањето на царините за стоките по потекло од Соединетите Американски Држави, пак, додаде Стојаноска, не е само трговска одлука, туку и дипломатски чекор, со кој испраќаме сигнал за зголемена подготвеност за соработка со нашите стратешки партнери и поддршка за слободната трговија.
„Со оваа законска измена македонските компании ќе станат поконкурентни, ќе се намалат цените за производство и ќе се зголеми извозот, со што директно ќе влијае на растот на економијата. Ова е само еден чекор од поширокиот план за економски раст. Клучна измена со која се посветуваме на економијата во пракса, а не само на хартија“, рече Стојаноска.
Економија
Цените на нафтата го забележаа најголемиот скок во последните неколку години поради стравот од војна

Глобалните цени на нафтата пораснаа за повеќе од 4 проценти забележувајќи го најголемиот дневен процентен пораст од март 2022 година поради стравувањата дека потенцијалното проширување на конфликтот на Блискиот Исток би можело да предизвика големи прекини во снабдувањето со енергија.
Цената на „Брент“, меѓународниот референтен стандард, се зголеми за 4,3 проценти, на 72,40 долара за барел, а американската референтна нафта West Texas Intermediate (WTI) скокна за 5 проценти, на 71,40 долар за барел.
Според „Ројтерс“, ова се најголемите еднодневни скокови за двете референтни цени на нафтата од март 2022 година кога почна војната во Украина.
„Остриот пораст на цените на ‘Брент’ ги одразува не само тековните ризици за снабдување туку и растечкото чувство дека потенцијалната ескалација на конфликтот би можела да трае за разлика од претходните краткотрајни епизоди меѓу Израел и Иран“, рече Ахмад Асири, истражувачки стратег во „Пеперстоун“.
Нервозата на пазарите дополнително се потврдува со движењата на американските берзи, пренесува „Танјуг“.