Економија
Бочварски: Капиталните проекти се врвен приоритет на Владата
Капиталните проекти се врвен приоритет на Владата и Министерството за транспорт и врски заради економски развој на државата, подобрување на животот на граѓаните, но и надминување на состојбата со ковид-кризата. Капиталните инвестиции се многу потребни во овој период и заради тоа интензивно ќе продолжиме да ги реализираме, истакна министерот за транспорт и врски Благој Бочварски.
Министерот Бочварски заедно со директорот на АД за стопанисување со станбен и деловен простор, Кристијан Трајковски, и градоначалникот на општина Бутел, Велимир Смилевски, извршија увид во изградба на станбена социјална зграда во општина Бутел.
Инвестицијата е врадна 7 милиони евра, а се градат 312 станови што се наменети за социјално ранливи категории.
„До овој момент сите средства наменети за социјални станови од буџетот на Министертсвото за транспорт и врски се реализирани. Доколку е потребно дополнително ќе изнајдеме други средства за да можеме да продолжиме со поголема динамика. Исто така, работиме на изградбата на канализации и водоводи, како и проектот за изградба на локални патишта кој ќе започне многу брзо да се реалзира на терен. Наша обврска е да го подигнеме квалитетот на живот во секоја општина, да ја унапредиме целокупната инфраструктура, истовремено мислејќи и грижејќи се и за најранливите категории граѓани. Со изградбата на овој станбен објект згрижуваме и обезбедуваме пристоен дом за 312 социјално ранливи семејства. Во овој момент градиме преку 500 станови или инвестираме преку 3 милиони евра само оваа година”, изјави министерот за транспорт и врски Благој Бочварски.
Директорот на АД за стопанисување со станбен и деловен простор потенцираше дека во овој момент се градат социјалните згради во Виница, Неготино, Свети Николе и Пробиштип и најави до крај на месецот започнување на изградба уште три нови станбени згради.
„Очекувам дека до крај на овој месец ќе почнеме со изградба на три нови објекти наменети за социјално ранливи групи во Демир Капија, во Гевгелија и во Велес. До крај на годината започнуваме со уште три нови објекти”, изјави Кристијан Трајковски, директор на АД за стопанисување со станбен и деловен простор од значење на Републиката.
Градоначалникот на општина Бутел истакна дека е многу значајно што во општината се гради социјална зграда со цел да им се помогне на ранливите категории граѓани на кои им е неопходен дом.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 1,75 % во однос на одлуката од 11.9.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,079%, кај дизелот за 4,246%, кај екстра лесното маслоза 4,162% и кај мазутот има намалување за 3,434%.
Од 17.9.2024 година од 00:01 часот максималните цени на нафтените деривати ќе изнесуваат:
Моторен бензин ЕВРОСУПЕР БС – 95 73,50 (денари/литар)
Моторен бензин ЕВРОСУПЕР БС – 98 75,50 (денари/литар)
Дизел-гориво ЕВРОДИЗЕЛ БС (Д-Е V) 67,00 (денари/литар)
Масло за горење екстра-лесно 1 (ЕЛ-1) 66,00 (денари/литар)
Мазут М-1 НС 41,328 (денари/килограм)
Малопродажната цена на бензинот ЕВРОСУПЕР БС-95 се намалува за 0,50 ден/лит, додека малопродажната цена на бензинот ЕВРОСУПЕР БС-98 се намалува за 1,00 ден/лит.
Малопродажните цени на ЕВРОДИЗЕЛ (Д-Е V) и на екстра-лесното масло за домаќинство на (ЕЛ-1) се намалуваат за 1,50 ден/лит.
Малопродажната цена на мазутот М-1 НС се намалува за 0,989 ден/кг и сега ќе изнесува 41,328 ден/кг.
Курсот на денарот во однос на доларот во изминатиот период по кој беа формирани цените со претходната
пресметка е понизок за 0,1676 %.
Економија
(Видео) „Алкалоид“ го комплетира првиот настан за развој на лидерството
На првиот успешно реализиран алкалоидов настан „Развој на лидерството“ менаџерските тимови од земјава и од странство имаа можност да се запознаат со најновите трендови за јакнење на клучните лидерски вештини низ развој заснован на вредности и на ефектно донесување одлуки.
По воведното обраќање на Генералниот директор/Претседател на УО на „Алкалоид“ АД, Живко Мукаетов, говорници на настанот беа еминентни светски експерти од областа: Хари Крамер, поранешен извршен директор на „Бакстер интернешанал“, автор, професор и извршен партнер во „Келог школа за менаџмент“, и Оливие Сибони, поранешен сениор партнер во „МекКинси & компани“, француски консултант, академик и автор, професор на „ХЕК Париз“.
ПР текст
Економија
Мицкоски: Очекувам уште три странски инвестиции до крајот на годината
Претседателката на Комората најави почеток на две инвестиции, на кои изминатиов период заедно присуствувавме и ги почнавме.
Очекувам во периодот што следува, покрај оние четири договорени од почетокот на функционирањето на оваа Влада, уште дополнителни три до крајот на годината, со што драматично ќе се зголеми економската активност и ќе влијаат позитивно на растот на домашниот бруто-производ за 2025 година, но и за годините што следуваат потоа“, информира премиерот Христијан Мицкоски, одговарајќи на новинарско прашање дали ќе има нови странски инвестиции во земјата.
Мицкоски посочи дека носењето нови странски инвестиции значи и отворање нови работни места и поквалитетен и подобар животен стандард за граѓаните укажувајќи дека Владата ќе продолжи да работи и во иднина за силен економски развој на државата.
„Воедно, носењето нови странски инвестиции значи и отворање нови работни места, подобар и поквалитетен животен стандард за граѓаните, на што Владата и во иднина ќе работи, со цел да се постигне силен економски развој на државата, што впрочем е и еден од најважните приоритети на Владата“, дециден е тој.