Економија
Државниот пат Крива Паланка – ГП Деве Баир пуштен во употреба
Денеска официјално се пушти во употреба државниот пат А2 Крива Паланка – ГП Деве Баир. Инвестицијата е вредна 12,2 милиони евра, грант средства обезбедени од 2,4 милиони неповратни средства и заем од Европската банка за обнова и развој.
Покрај целосната рехабилитација, доградена е и трета лента до ГП Деве Баир. Овој државен пат е дел од европскиот Коридор 8.
„Реализацијата на патните правци, кои се дел од Коридорот 8 и Коридорот 10-д за нас се од посебно значење бидејќи инвестициите во овие два коридори се политички и економски влог во нашата европска иднина. Нашите постигнувања носат придобивки за нашите граѓани кои тоа го гледаат и го вреднуваат. Во последните пет години за модернизација на патната мрежа низ државата преку изградба и рехабилитација на патишта се имплементирани крупни инфраструктурни проекти кои порано беа само на хартија. Северна Македонија го менува својот лик и станува уште подостапна за инвеститорите кои сè повеќе ги препознаваат нашите можности и потенцијали. Ако минатата година беше година на нови можности, оваа година очекувам да биде година на европски можности кои ќе ни ја обезбедат нашата европска иднина на која посветено работиме, а така и ќе продолжиме“, посочи премиерот Ковачевски на денешниот настан.
„Подобрувањето на патната делница од Крива Паланка до границата со Бугарија ќе придонесе за економски развој на земјата и нејзина регионална интеграција преку зајакнување на поврзаноста со соседните земји и со пазарот на ЕУ. ЕУ останува силен партнер во сите инфраструктурни проекти кои придонесуваат за побрза економска интеграција на земјата“, изјави евроамбасадорот Гир.
Министерот Бочварски потенцираше дека овој патен правец е дел од вкупната инвестициона активност од две милијарди евра само во патната инфраструктура.
„Овие инвестиции ги реализираме за да создадеме услови за економски раст, олеснувајќи го транспортот на товар и патници и отворајќи нови можности за домашните компании. Верувам дека оваа патна врска веќе го олеснува транспортот и патувањето во овој дел од државата. Коридорот 8 има посебно економско и општествено значење и заедно со ЈП за државни патишта правиме сè за што поскоро да ја завршиме неговата доизградба“, изјави министерот за транспорт и врски, Благој Бочварски.
„Преку проширувањето на патот со трета лента вршиме директно унапредување на сообраќајот, зголемувајќи го извозот на државата, со што генерираме бенефит за целата национална економија. Комплетирајќи ја целата делница која минува низ Коридорот 8. Новите патишта со себе носат нови инвестиции и можности за жителите за квалитетен живот и економска стабилност. Водени од ова активно, инвестираме во истокот и североистокот, градежната експанзија се гледа во секој сегмент. Инвестираме околу 115 милиони евра за подобрување на магистралните патишта, изградба на експресен пат од Страцин до Крива Паланка, изградба на железницата кон Деве Баир, проект кој се работи после подолги години на застој“, истакна министерот Николовски.
„Градежните работи за реконструкција и рехабилитација беа во вкупна должина од 13 км и вкупна издвоена вредност од 12,24 милиони евра, дел средства обезбедени преку ЕБОР и дел средства обезбедени преку грант од Европската комисија во висина од 2,4 милиони евра. Постоечката ширина на патот беше 6.50 м, а сега со проширувањето е 10.35 м. Реконструкцијата беше во рамки на проектот „Побезбедно патување и подобра поврзаност на граѓаните на Северна Македонија“, поддржан од Европската Унија и Програмата за инвестирање“, изјави директорот на ЈП за државни патишта, Рустеми.
„Со над 1,2 милијарди евра кои до денес се инвестирани во патишта, железници, управување со отпад и енергија, ЕБОР останува стратешки партнер на Северна Македонија, во градење на одржлива и позелена економија. Продолжуваме да работиме заедно со Владата и Европската Унија во подобрување на инфраструктурата, придонесувајќи кон економскиот успех на земјата и идните стремежи кон приклучување на ЕУ”, изјави Фатих Туркменоглу, директор на ЕБОР во Северна Македонија.
Градоначалникот на Крива Паланка, Митовски, истакна дека граѓаните веќе ги чувствуваат придобивките од инвестициите во патната мрежа со што дополнително се засилува економскиот развој на Општината и се обезбедува подобро меѓугранично поврзување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
ССК: Поддршката на мали и средни компании со поволни кредити, ќе биде двигател на целокупната економија
Денес во просториите на Сојузот на стопански комори на Македонија се одржа средба помеѓу Претседателот Трајан Ангелоски и раководството на оваа комора и министерката за финансии Гордана Димитриеска-Кочоска, на која стана збор за потребата од поддршка на домашните мали и средни претпријатија за нивниот иден развој.
„Владата, како што е веќе познато, обезбеди 250 милиони евра поволни средства од унгарската Експорт-импорт Банка, со цел да ги поддржи домашните компании, особено во неизвесни услови на глобално ниво. За таа цел веќе ги дефиниравме условите и средствата се веќе достапни на компаниите. Тие средства се значаен поттик за реализација на инвестиции од страна на малите и средни претпријатија, кои се двигателот на нашата економија, а особено што условите под кои се пласираат преку банките, а кои Владата ги договори претходно, се поповолни од оние што се нудат од деловните банки. За истакнување е дека покрај ниската каматна стапка, значаен е и рокот на отплата до 15 години и грејс период до 3 години што ги охрабрува особено малите и средните претпријатија да влезат во реализација на посериозен инвестициски проект”, изјави министерката за финансии, Гордана Димитриоска-Кочоска.
Таа додаде дека средствата се веќе достапни и дека најважно е компаниите да подготват проекти и да аплицираат за поддршка. Со тоа ќе обезбедат средства за својот развој и за поттикнување на економската активност во целина.
„Сојузот на стопански комори (ССК) го смета унгарскиот кредит за еден од најповолните, обезбедувајќи значајна поддршка за бизнисите овозможување нов квалитетен инвестициски циклус. На средбата со министерката за финансии Гордана Димитриеска-Кочоска беше договорено бизнис-секторот да подготви листа со царински стапки за нивно усогласување со европските стандарди.Побаравме даночните процедури да се поедностават, и за царинските стапки кои треба да се хармонизираат, наидовме на големо разбирање”, изјави претседателот на ССК Трајан Ангелоски, на заедничката прес-конференција.
ССК го повтори својот став дека данокот за солидарност беше неоправдано воведен и нагласи дека ја ценат проактивноста на Владата во однос на ова прашање.
На средбата беше заеднички контатирано дека вакви средби на кои се споделуват информации за мерките на Владата се особено важни што на компаниите им дава насоки за условите за работа во иднина и дека овие средби се исто така можност да се разговара за одредени прашања кои претставуваат бариери во работењето на компаниите.
Економија
Мешаните тимови – клучот за бизнис-успехот
Вчера се одржа настанот „Рамо до рамо“, организиран од Алијансата за родова еднаквост на работното место и Халкбанк. Настанот ги обедини претставниците од приватниот и невладиниот сектор, со цел да поттикне меѓусебна размена на искуства за создавање работни средини што се не само успешни, туку и праведни, инклузивни и иновативни. Компаниите кои вложуваат во мешани тимови создаваат подобра работна динамика, носат поквалитетни одлуки и постигнуваат одржлив успех. Различните перспективи носат нови идеи и креираат продуктивна работна средина, што води до подобра корпоративна култура и поголема конкурентност на пазарот.
Алијансата за родова еднаквост на работното место (GEA) активно работи на промовирање на практики и компании каде што жените и мажите имаат еднакви можности за напредок, еднаква застапеност и еднакво вреднување на трудот. Преку своите иницијативи, GEA поттикнува инклузивна култура што ја гледа различноста како двигател на успехот. Како дел од глобалната иницијатива на UN Women за исполнување на Целта за одржлив развој #SDG5 – Родова еднаквост, GEA придонесува за градење поправедно и просперитетно општество.
„Нашата мисија е јасна: да ја намалиме родовата нееднаквост на работното место и да се осигураме дека талентот, амбицијата и посветеноста—а не полот—ги дефинираат можностите и успехот. Преку соработка со приватниот и невладиниот сектор, но и со медиумите, се стремиме еднаквоста да не биде само идеал, туку стандард во секоја индустрија.“ – изјави раководителката на GEA, Марија Ристовска.
Како дел од соработката помеѓу Алијансата за родова еднаквост и главниот партнер Халкбанк, беше креирана инспиративна видео кампања која ја нагласува моќта на родовата еднаквост во работните средини. Видеото ја раскажува приказната на Марија и Кире Крстевски, ко-сопственици на компаниите Bebe Home и CosLoveMetics, кои споделуваат како нивната заедничка работа, довербата и различните пристапи придонесуваат кон нивниот заеднички успех.
„Истражувањата покажуваат дека родово балансираните тимови се поуспешни, поотпорни и поиновативни, бидејќи различните перспективи носат свежи идеи, носат подобри одлуки
и создаваат подобра работна средина. Алијансата за родова еднаквост (GEA) активно работи на унапредување на родовата еднаквост на работното место, поттикнувајќи позитивни промени кај компаниите. Халкбанк ја препознава и поддржува оваа мисија, активно промовирајќи еднаква застапеност и инклузивност како клучни фактори за одржлив успех. Преку оваа кампања, ја истакнуваме важноста на активната вклученост на жените во сите деловни процеси како еден од клучните фактори за успех.“ – изјави Нина Ангеловска Станков, претседателка на GEA.
Халкбанк постојано ја поддржува родовата еднаквост и иновациите и ја нагласува важноста на мешаните тимови во развојот на локалната економија. Со комбинирање на различни вештини, искуства и перспективи, компаниите можат полесно да ги надминат предизвиците и да создадат поконкурентни стратегии за раст.
“Халкбанк како институција во своето работење проактивно имплементира политики и иницијативи за родовата еднаквост, промовирајќи еднакви можности и права за сите поединци, без разлика на полот. Од минатата година преку партнерството со GEA и нашите заеднички иницијативи, активно работиме и на промоција на родовата еднаквост пред пошироката јавност. Токму со оваа заедничка кампања, успеавме на најдобар начин, преку конкретни примери да ги доловиме успесите и резултатите кои произлегуваат од управувањето и функционирањето “Рамо до Рамо”. – изјави Маја Наумовска Савеска од Халкбанк.
Инаку, Алијансата за родова еднаквост на работното место е поддржана од Халкбанк, Eurolink и Casys како главни партнери, Филип Морис Тутунски Комбинат Прилеп, Пивара Скопје и A1 Македонија како партнери, а Roche, Сава Осигурување, Сава Пензиско, Евроинс Осигурување и Публицис Груп како поддржувачи. Алијансата е отворена за сите компании и организации кои сакаат да се вклучат и да придонесат кон поголема родова еднаквост и инклузивност на работното место.
Повеќе информации за GEA: https://genderequalityalliance.org/
ПР
Економија
Годишен раст од 11 отсто на вкупните депозити и од 11,3 на вкупната кредитна поддршка
Анализирано на годишно ниво, вкупните депозити остварија раст од 11,0 отсто, во поголем дел поради растот на депозитите на „домаќинствата“, при раст и на депозитите на корпоративниот сектор.
На годишна основа, вкупните кредити бележат раст од 11,3 проценти како резултат на растот на кредитирањето кај двата сектора, со поизразен придонес на корпоративниот сектор.
Најновото соопштение за монетарните движења е достапно на ЛИНКОТ.
(Видео) Мицкоски од Вашингтон: Македонија е верен сојузник на САД, направивме многу отстапки, Европа треба да биде принципиелна наместо со двојни стандарди
Премиерот Христијан Мицкоски вчера се обрати на конференцијата „CPAC“ во Вашингтон, при што ја искористи приликата да ја запознае американската...
Со секира го искршиле стаклото од кафулето, па со бензин го запалиле: обвинение против тројца за намерно предизвикување пожар во Кисела Вода
По спроведена истражна постапка, јавен обвинител од Основното јавно обвинителство Скопје поднесе Обвинителен акт против вкупно три лица кои се...
Џеј Ди Венс: Преговараме за крај на војната, тоа не е попуштање пред Русите
Американскиот потпретседател Џеј Ди Венс одговори на тврдењата дека администрацијата на Трамп попушта пред Русија. „Ние преговараме за крај на...
(Видео) „Децата биле брутално убиени со голи раце“: Израел го обвини Хамас за убиство на двете киднапирани момчиња
Ариел и Кфир Бибас, две израелски момчиња киднапирани од Хамас за време на терористички напад на 7 октомври 2023 година,...
Трамп: Зеленски не е доволно важен за да биде на преговорите
Американскиот претседател ја продолжи вербалната војна против својот украински колега. Овој пат Доналд Трамп изјави дека Зеленски не е доволно...
Нема потреба од промена на химната, симболите треба да обединуваат, а не да разединуваат, порача Сиљановска-Давкова
Нема потреба од промена на химната, одговори денеска претседателката на државата, Гордана Сиљановска-Давкова, која појасни дека треба да се биде...
Вработените во Филхармонијата со порака до Љутков: „Нема да дозволиме институцијата да биде жртва на бесрамни политички договори
Вработените во Македонската филхармонија денеска на протест преку кој упатија јавен апел до министерот за култура и туризам, Зоран Љутков...
Полициски возила ќе ги снимаат погрешно паркираните за автоматско казнување
Покрај камерите на улиците во рамките на „Безбеден град“, кои ќе ги ловат прекршоците во сообраќајот, полицајци со возило опремено...
„Ројтерс“: Американците и Русите се состанувале во Швајцарија со месеци на разговори за Украина
Претставници на САД и Русија се состанале во Швајцарија на неформални разговори за војната во Украина во последните месеци, од...
Левицата на средба со рускиот амбасадор: „Односите ни се на минимум поради водење политика за туѓи интереси“
Во репрезентативната „Струшка сала“ на Собранието, пратениците на Левица, Димитар Апасиев и Реџеп Исмаил – Хактан, вчера, остварија средба со...
Мицкоски од Вашингтон: Прво, завршени преговори, па уставни измени, претрпевме многу понижувања
Ние како нација направивме сè што можевме, претрпевме многу понижувања и прифативме многу лоши договори поради нашата европска перспектива и...
Шефот на диломатијата на Трамп: Нема средба меѓу Путин и Трамп без напредок за крај на војната
Можниот состанок меѓу американскиот претседател Доналд Трамп и рускиот претседател Владимир Путин во голема мера ќе зависи од тоа дали...
Меџити најавува масовни вработувања во администрацијата: Ќе создадеме илјадници работни места за Албанците
Првиот вицепремиер и претседател на Демократското движење, Изет Меџити, ветува дека Албанците ќе се вработуваат во државната и јавната администрација....
Tрамп му понуди на Зеленски нов договор за минералите
Администрацијата на Трамп и понуди на Украина подобрена верзија од нацрт-договорот за минералите, откако претседателот Володимир Зеленски го налути американскиот...
Шефот на републиканците во Конгресот: Немаме апетит за финансирање на Украина
Претседателот на Претставничкиот дом на САД, Мајк Џонсон, синоќа изјави дека „САД немаат апетит“ за нов закон за финансирање на...
Израел: Телото што ни го врати Хамас не е на мајката на двете момчиња
Едно од четирите тела што вчера беа вратени од Газа во Израел не е на заложничкта Шири Бибас, како што...
Кина го поддржа Трамп во преговорите со Русија за постигнување мир во Украина
Синоќа, на состанокот на Г-20 во Јужна Африка, Кина ги поддржа напорите на американскиот претседател Доналд Трамп да постигне договор...
(Видео) Три празни автобуси експлодираа во Израел: „Ова требаше да биде стратешки терористички напад“
Израелската полиција истражува повеќе експлозии во кои учествувале три автобуси во Бат Јам, град јужно од Тел Авив, во, како...
За 10.000 се намалил бројот на баратели на земјоделски субвенции од 2018 досега: враќање на земјоделските задруги за поефикасно субвенционирање
Со нов начин на субвенционирање Министерството за земјоделство шумарство и водостопанство ќе ја укинува праксата парите од субвенциите да се...
Жерновски отповикан од функцијата амбасадор во Романија: дознал од „Службен весник“
Македонскиот амбасадор во Романија, Андреј Жерновски, е отповикан од должноста, а за одлуката, како што напиша на социјалните мрежи, дознал...
