Економија
Интервју со Александар Манев од „Кроација осигурување“: Заврши ерата на евтино задолжително осигурување
Пред неколку години Александар Манев го прифати предизвикот да биде на чело на „Кроација осигурување“, Друштво за неживотно осигурување во земјата. Благодарение на неговото долгогодишно деловно искуство и знаење, но и на одличната репутација и релации во деловните кругови, „Кроација осигурување“ за краток период ја подобри својата пазарна позиција и имиџ.
Компанијата го зголеми бројот на клиенти, воведе иновации во работењето, ја исплати најголемата осигурителна штета досега исплатена од оваа компанија во нашата земја, изгради репутација на стабилна и компактна компанија, во која секој поединец може да се развива и да гради успешна кариера.
„Кроација осигурување“ се наметна како сигурен и професионален осигурителен партнер на компаниите во Македонија овозможувајќи им непречен раст и развој во услови кога ќе настанат непланирани штети и несакани случувања, кои значајно го погодуваат нивниот бизнис. За граѓаните понуди сигурност, која значително го подобрува квалитетот на нивниот живот.
„Kроација осигурување“ како лидер на пазарот отвори многу прашања во нашето општество поврзани со осигурувањето, за прениската цена на автоосигурувањето, за скапите здравствени услуги во земјата, за другите предизвици со кои се соочува осигурителната индустрија. На тема како да се надминат овие предизвици во иднина и зошто е важно осигурувањето разговараме со г. Александар Манев, генерален директор на „Кроација осигурување“, Друштво за неживотно осигурување во земјата.
Кој е клучот за растот и развојот на „Кроација осигурување“ во земјата?
Манев: Довербата е клучот! Додека персоналниот однос и почитта кон клиентите е она што дополнително прави разлика. Компанијата ја зголеми својата транспарентност и маркетинг активностите, ја покажа својата хумана страна поддржувајќи различни општествено одговорни проекти, ги задржа квалитетните вработени, но и привлече нови и амбициозни млади луѓе.
Се разбира поддршката од Групацијата е клучна алка во целиот овој процес на раст и развој овие години. Ги следиме и трендовите во осигурителниот бизнис, се трудиме да бидеме партнери и консултанти на своите клиенти, активно вклучени во нивниот развој и бизнис, да бидеме многу повеќе од само осигурителна компанија. Тоа направи разлика во овие години!
Кои се предизвиците на индустријата?
Maнев: Осигурителната индустрија се соочува со низа предизвици кои веќе значително влијаат на целокупниот иден развој на оваа гранка. Цените на осигурување со години се непроменети и можам да кажам дека нашите граѓани имаат достапност за осигурување по најниски цени во регионот.
Посебно е ниска цената на авто осигурувањето која не е променета 15 години, а од друга страна растат цените на резервните делови и цените на услугите на сервисите. Тоа ја доведува во прашање издржливоста и оправданоста за осигурителните компании да го нудат овој продукт.
Исто така сакам да истакнам дека енормниот пораст на цените на здраствените услуги во услови на замрзнати цени на осигурителни продукти нѐ доведува во уште потешка позиција.
Актуелната економска состојба, инфлацијата дополнително влијаат на индустријата.
Како индустрија тешко може да планираме иден раст и развој, а истовремено да бидеме атрактивни за привлекување на талентирани млади луѓе.
Расте бројот на осигуреници, која е основната причина?
Maнев: Професионалноста, транспарентноста, брзината на решавање на штетите и директниот однос со клиентите е основа за зголемената доверба која ја добиваме изминативе години.
Отворени и транспарентни сме во комуникацијата со корисниците, со цел да им помогнеме во процесот на одлука, и да им ги дадеме најдобрите совети. Кроација осигурување има продукти кои се флексибилни, приспособливи и кои одговараат на потребите и на можностите на осигурениците. Ги следиме и трендовите. Кроација осигурување одлучи да воведе нови поволности за граѓаните кои се однесуваат одговорно кон животната средина. Овие поволности доаѓаат во форма на промотивни акции – Еко Дом и Еко Каско- за корисници кои користат обновливи извори на енергија во своите домови или имаат инвестирано во електрични или хибридни возила.
Да си осигуран значи една грижа помалку! Нашите задоволни осигуреници кои ни ја даваат довербата со години се нашата најдобра алка и препорака за зголемување на бројот на нови клиенти. А тие соработуваат со нас поради брзата услуга, осигурителните покритија и достапноста.
Минатата година 2023 е успешна година за Кроација. Успеавте да ја стабилизирате компанијата. Покажавте дека успешно може да се носите со сите тешкотии и предизвици. Остваривте одлични финансиски резултати, ја исплативте најголема одштета до сега…
Maнев: Го следиме пулсот на бизнис заедницата и на пазарот, како и на индивидуалните осигуреници. Креираме продукти според нивните потреби. За секој поединец или компанија од непроценливо значење е да може да ѝ верува на својата осигурителна компанија, пред сѐ поради искуството и знаењето на луѓето кои таму работат и доверливост која е обезбедена. Денес осигурителните компании треба да се визионери, да поддржуваат иновативни проекти, зелени одржливи проекти, да придонесуваат кон севкупниот општествено социјален развој во една земја. Тоа е основата на функционирање и на Кроација осигурување. Токму таа наша визија и начин на работа прави разлика, а клиентите тоа го препознаваат. Создадовме еден квалитетен и сплотен тим на врвни професионалци, кои ја сакаат својата професија, и тоа се одрази позитивно на нашето работење. Дел сме од еден регионален систем, што исто така придонесува кон локалната репутација и начин на работа.
Неодамна се преселивте во нов делевон објект и ја отворивте новата филијала. Што тоа значи за вас и за потенцијалните корисници?
Maнев: Новиот деловен објект е вистинска слика за брендот Кроација, но тоа што е побитно и за мене најважно е дека вработените, целиот тим на Кроација има услови за работа по светски стандарди. Горд сум на одлуката за нови канцеларии, а тоа веќе се чувствува по ентузијазмот и енергијата која вработените ја имаат во новиот објект.
Новата филијала отворена во Скопје се наоѓа во самиот центар на градот, на ул. Железничка, веднаш до трговскиот центар Diamond Mall. Во неа клиентите ќе можат да се осигураат од повеќе видови на ризици, да го заштитат својот живот, дом, возило и здравје или да земат некој од осигурителните пакети за патување. За нас, таа претставува потврда на добрата работа и сѐ поголемиот интерес за нашите услуги. А пак, за потрошувачите тоа претставува уште едно место каде можат да дознаат повеќе и да ги добијат сите осигурителни услуги.
Кои се најголемите трендови во осигурителниот бизнис?
Maнев: Како што поминуваат годините, станува јасно дека дигитализацијата е трендот кој го следат сите поголеми гранки и индустрии, а ништо поинаку не е ниту во осигурителниот бизнис. Модерниот корисник сака да има дигитален пристап до услугите кои му се потребни и ги преферира давателите на услуги кои му го овозможуваат тоа. Па така, модернизацијата на технолошкиот дел од бизнисот не е само инструмент за побрза и полесна работа, туку и економски логична одлука која може да придонесе со поголеми приходи.
Безбедноста и понатаму е приоритет кај корисниците, па се смислуваат нови начини и алатки преку кои се обезбедува побезбеден тек на услугите. Што се однесува до трендовите кои ги засегаат корисничките навики, се забележува раст кај свесноста на корисниците за еколошките и социјално одговорните елементи кај давателот на услуги, па компаниите соодветно се адаптираат на тоа и прифаќаат некои нови норми, принципи и начини на работење. Покрај логистичкото олеснување на пристап до нашите услуги, ние постојано се обидуваме и да го подобриме, надградиме и осовремениме корисничкото искуство, така што ги следиме трендовите и ги имплементираме во Кроација Осигурување на начин кој сметаме дека ќе овозможи најголема корист за нашите корисници.
Што би порачале за 2024 година?
Maнев: Посакувам 2024 година да биде спокојна година! Задоволни вработени, клиенти и акционери. Помалку штети, а повеќе осигуреници.
Ви посакувам на сите добро здравје и повеќе време за најблиските, а „Кроација осигурување“ е секогаш тука за вас!
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Комисијата за осигурување од автомобилска одговорност направи измени на тарифникот, Предлог-одлуката е доставена до Владата
Комисијата за осигурување од автомобилска одговорност денеска одржа нова седница на која ја разгледа Анализата за оправданоста и исправноста на донесените одлуки на друштвата за осигурување, подготвена и доставена до Комисијата од страна на Агенцијата за супервизија на осигурувањето, како регулатор на работењето на осигурителниот пазар.
По разгледување на Анализата, а врз основа на наодите, Комисијата за осигурување од автомобилска одговорност одржа седница и утврди потреба од измени на Тарифата за премии за осигурување и подготви Предлог-измени и дополнувања на Тарифата на премии со кои се доуредува член 3 во насока на заштита на корисниците, извести Министерството за финансии.
Предложените измени се насока на утврдување на опсег од 15% до 30% во кој друштвата за осигурување можат да го определат делот на премијата за вршење дејност на осигурување од автомобилска одговорност, а за секој износ на овие трошоци над 30% да побараат претходна согласност од Агенцијата за супервизија на осигурување. Ова значи враќање на цената на осигурувањето од автоодговорност на ниво од пред 25 април 2024 година.
Дополнително беше утврдено дека Комисијата најдоцна до 30 септември секоја година до Владата да доставува предлог за минимална и максимална стапка на техничка премија за осигурување за следната година.
Одлуката за донесување нова тарифа се заснова на Анализата на АСО со која се укажува дека на 23.04.2024 година, 11 друштва за осигурување кои вршат работи на осигурување во групата на неживотно осигурување доставиле известувања до Агенцијата за супервизија на осигурување за донесени одлуки на нивните органи на управување за зголемување на премиите за задолжително осигурување од АО, при што се повикуваат на одредбите од Тарифата на премии за осигурување од АО, објавена во „Службен весник на РМ“ бр. 191/2018, според кои одредби имаат можност самостојно да одлучат за висината на делот од премијата за спроведување на дејноста, односно т.н режиски додаток при одредувањето на крајната премија по договор за осигурување (член 3 од Тарифата). Притоа известувањата на друштвата до АСО не содржат финансиски анализи за изминати периоди, ниту пак конкретни проекции за очекуван развој на ризиците кои ги преземаат во осигурување. Единствен аргумент на кој се повикуваат друштвата за осигурување се растечките трошоци од работење, кои не се непосредно поврзани со настанување на ризиците, односно со настанатите и очекуваните штети, соопшти Министерството за финансии.
Дополнително, ставот на Комисијата е поткрепен со мислењето на АСО како регулатор дека ваквото постапување на Друштвата за осигурување влијае врз стабилноста, сигурноста и предвидливоста на функционирање на целиот систем на осигурување во насока на штета на осигурениците, односно сопствениците на моторни возила.
Предлог-одлуката што ја усвои Комисијата за осигурување од автомобилска одговорност на денешната седница е доставена на усвојување до Владата на РС Македонија.
Состојбите на пазарот ќе се следат и во наредниот период и ќе се преземаат соодветни одлуки, врз основа на анализи и во еден отворен и транспарентен процес. Во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност во втората половина од април 2024 година, Министерството за финансии ја свика Комисијата за осигурување од автомобилска одговорност која одржа седници на 26, 29 и 30 април и 02 мај 2024 година со цел да ги разгледа сите аспекти од носењето на овие одлуки, се додава во соопштението на Министерството за финансии.
Економија
Ковачевски: Поддршката за домашните компании продолжува, СДСМ нема да се откаже од подобра и европска иднина за државата
Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.
Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.
„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.
Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.
„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.
На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.
„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.
При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.
„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од...
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните...
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на...
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт...
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот....
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и...
Пендаровски: Не велам дека Европската преговарачка рамка е во ред, ама е договорена од 27 држави – ние или ја прифаќаме, или ја одбиваме
Во вечерашниот телевизиски дуел помеѓу двата претседателски кандидати, Пендаровски се осврна на неговиот концепт за напредок на државата, за кој,...
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави...
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на...
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај. „Во услови на влошена економско-социјална положба...
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука...
