Економија
Како поврзаноста во Samsung-екосистемот ви го олеснува и поедноставува животот?
Денес на пазарот на мобилни телефони, Samsung нуди исклучително развиен екосистем кај своите производи, кој ви носи бројни предности. Заедно со паметниот телефон, кој денес е незаменлив придружник секому, Samsung нуди и палета други уреди кои меѓусебе поврзани сочинуваат хармоничен екосистем.
Неодамна беше лансирана најновата линија уреди на Galaxy чии што перформанси, иновации и неодолив дизајн веднаш ги освоија срцата на вљубениците во модерните технологии: Новите телефони на преклоп од серијата Galaxy Z ги надминаа очекувањата претставувајќи ги своите Galaxy Z Flip5 со досега најголем надворешен екран на флип телефон, и Galaxy Z Fold5 најлесниот и најкомпактниот Galaxy фолд досега; новите паметни часовници Galaxy Watch6 и Galaxy Watch6 Classic овојпат доаѓаат со уште понапредни функции во поглед на вашата физичка благосостојба и здравје; новата серија Galaxy Tab S9 која поставува нови стандарди за врвни таблети со своите Galaxy Tab S9, Galaxy Tab S9+ и Galaxy Tab S9 Ultra. И сите овие уреди, заедно со веќе познатите слушалки Galaxy Buds2 Pro, можат да функционираат поврзани во еден екосистем, кој значително ќе ви го олесни секојдневниот живот во поглед на обврските, а ќе ви ја зголеми и забавата.
Уредите поврзани како еден
Замислете ситуација во која додека скролате на социјалните мрежи со вашиот Galaxy Z Flip5 или Galaxy Z Fold5 , налетувате на омиленото видео на YouTube или трејлер за филмот кој нетрпеливо го очекувате. Секако дека сакате да го изгледате на поголем екран и го земате вашиот таблет, а бидејќи вашиот телефон е поврзан со таблетот, потребно е само да го вклучите, да ја одберете неодамна користената апликација YouTube и за да започнете со гледањето. Видеото кое штотуку започна на вашиот паметен телефон, ќе продолжи веднаш да се репродуцира на 14,6-инчниот AMOLED екран со висока резолуција, прикажувајќи ви чисти и јасни детали со широк спектар живописни бои благодарение на сликите подобрени со HDR10+ и непреченото лизгање до 120 Hz на вашиот Galaxy Tab S9 Ultra. Истото важи и во спротивната насока – ако започнете да гледате видео, серија или филм на вашиот таблет, исто току лесно можете да се префрлите со гледање на вашиот Samsung Galaxy телефон. Континуитетот на апликациите работи помеѓу уредите во Galaxy екосистемоти и со други важни апликации. Започнете сесија за купување преку интернет на вашиот веб пребарувач на еден уред, а завршете ја непречено и брзо на друг. Исто така, белешките или идеите што ги запишувате со S Pen пенкалото на вашиот Galaxy Z Fold5, можете уште полесно да продолжите да ги впишувате на екранот на поврзаниот таблет од серијата Galaxy Tab S9.
Автоматско префрлување
Уживајте во мултимедијата на телефоните Galaxy Z Flip5, Galaxy Z Fold5 или таблетот Galaxy Tab S9 на уште повисоко ниво со безжичните слушалки Galaxy Buds2 Pro, кои нудат одличен 24 битен Hi-Fi звук, ANC со 3 микрофони со висок SNR за поинтензивно сузбивање на надворешниот шум, со аудио 360 кое ве опкружува како да сте таму. Лесно ќе ги спарите слушалките со вашиот телефон и таблет, со тоа што тие автоматски се појавуваат на вашите уреди, а за поврзување потребен е само еден допир. Ако со слушалките гледате Netflix или било која друга содржина, и добиете дојдовен повик, Galaxy Bud2 Pro веднаш ќе се префрлат на вашиот телефон, а видеото автоматски ќе се паузира. Откако ќе завршите со телефонскиот разговор, слушалките сами се поврзуваат со таблетот и продолжувате со гледање онаму каде што застанавте. Исто така, можете и да пренесувате огромни датотеки од вашиот телефон во вашиот таблет за еден миг со Quick Share.
Следете го здравјето на часовникот, гледајте ја „поголемата слика“ на телефонот
Новите паметни часовници Galaxy Watch6 и Galaxy Watch6 Classic се феноменални да бидат верен показател на важни параметри за вашето здравје, да го следат и анализираат вашиот сон низ фазите на спиење, да бидат ваш тренер при физичките активности, да предлагаат совети како да си ги остварите зададените цели за постигнување благосостојба, да ја одредат вашата персонализирана зона на срцебиење според вашиот физички капацитет и др. Кога поврзан со вашиот телефон преку апликацијата Samsung Health, часовникот сите податоци ќе ги префрли на телефонот каде попрегледно ќе можете да имате увид во напредокот и полесно да ги планирате следните чекори.
Со часовникот исто така можете од далечина и да фотографирате – само поврзете го со вашиот Galaxy Z Fold5 и од вашиот зглоб ќе можете да зголемувате или намалувате и со еден допир на часовникот да сликате. И секако, од вашиот зглоб да праќате пораки, да примате и остварувате повици – исто како да го правите тоа од телефонот со кој вашиот часовник е поврзан.
Моќта на поврзаноста на Samsung екосистемот е создадена да ви го олесни животот во многу сегменти, да ви го поедностави секојдневието, а кога станува збор за забава – да ви овозможи врвно искуство на своите уреди.
Достапност на новите Galaxy уреди:
Неодамна лансираната најнова линија на Galaxy уреди која ги вклучува новите телефони на преклоп Galaxy Z Flip5 и Galaxy Z Fold5, часовниците Galaxy Watch6 и Galaxy Watch6 Classic, и таблетите Galaxy Tab S9, Galaxy Tab S9+ и Galaxy Tab S9 Ultra, е достапна во Македонија од 11 август 2023.
Повеќе информации за производите од Samsung екосистемот прочитајте на следниве линкови:
https://www.samsung.com/mk/smartphones/galaxy-z-fold5/
https://www.samsung.com/mk/smartphones/galaxy-z-flip5/
https://www.samsung.com/mk/watches/galaxy-watch/galaxy-watch6-classic-43mm-silver-bt-sm-r950nzsaeuc/
https://www.samsung.com/mk/watches/galaxy-watch/galaxy-watch6-40mm-gold-bt-sm-r930nzeaeuc/
https://www.samsung.com/mk/tablets/galaxy-tab-s/galaxy-tab-s9-wi-fi-graphite-128gb-sm-x710nzaaeuc/
https://www.samsung.com/mk/audio-sound/galaxy-buds/galaxy-buds2-pro-bora-purple-sm-r510nlvaeuc/
ПР Текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Деспотовски: Македонија е стабилна земја со вредни работници
Позитивната деловна клима за инвестирање, брзи и ефикасни процедури и постапки за реализација на инвестиции, како и пристап до квалификувана работна сила се клучни за турските инвеститори во земјава. Своето позитивно искуство од инвестирање во ТИРЗ пред повеќе од 30 турски компании го споделија менаџерите на турската компанија Пурпласт и на новиот инвеститор во ТИРЗ, компанијата Шахтерм. На настанот во организација на Стопанската комора на Бурса директорот на ТИРЗ, Јован Деспотовски ги претстави инвестициски можности во С.Македонија како и можностите за турските компании, а свое обраќање имаа и македонскиот амбасадор во Турција, Јован Манасиевски како и Џунејт Шенер, потпретседател на бордот на директори на Стопанската комора на Бурса.
„Македонија има клучна географска положба. Нудиме флексибилност, одлична инфраструктура и квалификувана работна сила. Она што е уште поважно е што успеавме да ја промениме сликата од земја на евтина работна сила, во земја на добро платени работни места за нашите сограѓани. Па така не само што континуирано расте бројот на вработени во Зоните, туку и просечната нето плата веќе достигна над 1100 евра. Македонија е стабилна земја со вредни работници. Покажавме и дека Македонија е вистинска бизнис дестинација со оглед на тоа дека во изминативе три години имаме постигнато договори од 1 милијарда евра, што е исто колку инвестицискиот обем за десет години, “ изјави Јован Деспотовски, директор на ТИРЗ. Тој додаде и дека „Турција прераснува во сериозен бизнис партнер на земјава, а само во ТИРЗ во последниве три години имаме три нови турски компании кои инвестираат над 125 милиони евра и предвидуваат отворање на над 1200 нови работни места од кои дел веќе се реализираат“.
Генералниот менаџер на компанијата „Шахтерм“, Фарук Шахин, чија компанија е најновиот инвеститор во ТИРЗ посочи дека најважно за одлуката за инвестирање била професионалноста и ефикасноста на Владата и ТИРЗ во преговорите.
„Исклучително брз процес и посветеност кој резултираше во договор по само четири месеци. Во Македонија пронајдовме вистински партнери и ефикасна администрација што беше клучна за нас како бизнисмени, бидејќи времето чини пари. Она што особено не радува е дека во земјата има доволно квалификуван кадар кој сме подготвени добро да го платиме,“ нагласи Шахин. Тој додаде дека почетната плата за неквалификуван кадар ќе почнува од 550 евра, а додаде дека планира новата фабрика во ТИРЗ Скопје 2 да биде центар за снабдување на клиентите во западните земји, од Европа и САД. Компанијата “Шахтерм“ која има повеќе од 40 години искуство во дизајн и производство на системи за греење за бела техника и апарати за домаќинство ќе инвестира над 100 милиони евра и планира отворање на 1000 нови работни места. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција. Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.
Мехмед Шишманоглу, извршниот директор на Пурпласт, која има 40 годишно искуство во автомобилската индустрија, посочи дека со поддршката од Владата и соработката со ТИРЗ веќе три години градат успешна приказна во земјава. Џунејт Шенер, потпретседател на бордот на директори на Стопанската комора на Бурса истакна дека ваквите настани за вмрежување се важни за турските инвеститори, како и дека ќе ги поддржат турските компании во нивниот потфат на македонскиот пазар. Тој додаде и дека според позитивните искуства на турските компании особено верува во потенцијалот на С.Македонија како стратешка дестинација за инвестирање.
Во своето обраќање и македонскиот амбасадор во Турција, Јован Манасиевски истакна дека Република Турција како наш стратешки партнер е многу важен инвеститор во различни инфраструктурни и капитални инвестиции, како и гринфилд и браунфилд инвестиции од турски компании, кои го препознаа потенцијалот и ги користат предностите и придобивките од водењето бизнис во С.Македонија.
Претставниците на компаниите најмногу се интересираа за пристапот до квалификувана работна сила, елементите на државна поддршка и условите за инвестирање. Инаку Турција е рангирана на прво место по бројот на странски компании во земјава, и во моментов речиси 2000 турски компании се регистрирани и работат во различни сектори.
Економија
Народната банка ја додели Годишната награда за млади истражувачи за 2024 година
Народната банка, на денот на монетарната самостојност, 26 април, традиционално ја додели Годишната награда за млади истражувачи за најдобар труд од областа на макроекономијата и банкарството. Овогодишниот добитник на првата награда е младиот истражувач Никита Ристовски за неговиот труд „Економски раст поттикнат од интеграцијата: Случајот на интеграцијата на Северна Македонија во Европската Унија“. Годинава, беше доделена и втора награда за трудот „Монетарната политика и каналите на цените на средствата во контекст на регионализацијата на берзите во земјите на поранешна Југославија“ на Стефан Таневски.
При доделувањето на наградите, младите истражувачи остварија средба со гувернерката на Народната банка, како и со Одборот за оценување трудови, којшто го сочинуваат вицегувернерката Ана Митреска, претседател и членовите Билјана Давидовска-Стојанова, директорка и Гани Рамадани, заменик-директор во Дирекцијата за монетарна политика и истражување. На средбата со младите истражувачи беше искажана поддршка за нивниот придонес кон научноистражувачката работа. Беше истакнато дека основната цел на Народната банка за организирање на Конкурсот за Годишната награда, веќе осумнаесет години, е да се афирмираат младите истражувачи и да се даде придонес кон развојот на истражувачката дејност во земјава во областа на макроекономијата и банкарството.
Во согласност со досегашната практика, наградените трудови ќе бидат презентирани на некоја од следните сесиите на Клубот на истражувачите на Народната банка, којшто служи како центар за развој на истражувачката мисла и мрежа за поврзување на истражувачите од ова поле на интерес.
Пригодното одбележување на монетарната самостојност преку чинот на доделување на Годишната награда ги отсликува залагањата на Народната банка за постојано јакнење на научноистражувачката мисла во прилог на макроекономската стабилност, раст и развој. Инаку, Народната банка одбележа 32 години од монетарното осамостојување, односно од осамостојувањето како централна банка и од воведувањето на националната валута – денарот. За овие 32 години, напорите на централната банка беа насочени кон обезбедување макроекономска и финансиска стабилност, како фундаменти за економскиот раст и развој, работејќи особено на јакнењето на сопствените капацитети, односно на напредокот на човечките ресурси. Залагањата и резултатите на Народната банка во изминатите години се признаени од сите релевантни меѓународни организации, а таа е согледана како современа професионална институција, со висок кредибилитет.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.