Економија
М-р фарм. Славица Тодоровска од „Хемофарм“ порачува: Внимателно изберете ја исхраната за најмладите

Француски Modilac, единствената млечна формула со важен протеин лактоферин, многу важен за доброто здравје на вашето бебе, сега е достапна и во Македонија.
Доењето е природен начин на исхрана, а мајчиното млеко е најдобрата храна за бебето. Светската здравствена организација препорачува мајките да ги дојат своите деца исклучиво во првите 6 месеци од животот, бидејќи мајчиното млеко содржи идеална количина на протеини, што е многу важно за правилен развој на новороденчето. Квалитетот на исхраната е неопходен и за понатамошен развој и добро здравје на вашето бебе, па еве ја вашата можност да дознаете зошто лактоферинот е најважниот протеин во мајчиното млеко.
Што е лактоферин и зошто е толку важен?
-Лактоферинот е вториот по големина протеин во мајчиното млеко и важна состојка во млечните формули за бебиња. Овој протеин делува против патогените бактерии, ја ограничува нивната репродукција и благотворно делува во превенција од разни видови неонатални инфекции и дијареи кај доенчињата – објаснува Славица Тодоровска, магистер по фармација и менаџер на претставништвото на Хемофарм во Македонија.
Благодарение на лактоферинот, ризикот од сериозна цревна инфекција кај доенчиња со мала тежина е намален.
-Лактоферинот игра активна улога во развојот и созревањето на цревата кај децата и придонесува за правилен баланс на микробиотата. Цревната микробиота на вашето бебе се состои од многу „добри“ бактерии кои го поддржуваат варењето на храната и ги зајакнуваат нејзините метаболички и имунолошки функции.
Лактоферинот овозможува нормална апсорпција на железото кое е неопходно за правилен развој на мозокот и борба против инфекции – нагласува нашиот соговорник.
Modilac – единствената млечна формула со лактоферин
Францускиот Modilac сега е достапен и во Македонија. Се произведува во лабораторија која веќе 36 години ги следи најновите истражувања во областа на исхраната на доенчињата со цел неговите млечни формули да бидат најблиску до природното мајчино млеко.
-Modilac е пионер на европскиот пазар кога станува збор за иновациите во областа на исхраната на доенчињата. Со своите формули ги покрива потребите на здравите бебиња, но и сите терапевтски потреби на доенчињата. Така, формулата AC Digest е наменета за бебиња кои страдаат од колики, надуеност, гасови, подригнување, а за бебиња алергични на протеини од кравјо млеко, постојат вкусни формули базирани на протеин од ориз. Од 2018 година, Modilac е единствената млечна формула во Европа со лактоферин, важен протеин за одржување на доброто здравје на вашето дете – вели Славица Тодоровска м-р по фармација.
Александра Газивода
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
МЗШВ: Во четвртиот квартал од 2025 година ќе биде објавен јавниот повик за претприемачите во прехранбената индустрија

Министерството за земјоделство, шумарство и водостопанство ја информира јавноста дека во четвртиот квартал од оваа година ќе биде објавен Јавниот повик 02/2025 за користење на средства од ИПАРД Програмата 2021-2027, мерка 3 – „Инвестиции во основни средства за преработка и маркетинг на земјоделски и рибни производи”.
Оваа мерка претставува исклучителна можност за македонските претприемачи во прехранбената индустрија да ги унапредат своите капацитети и да станат поконкурентни на домашниот и меѓународниот пазар.
Мерката 3 – „Инвестиции во основни средства за преработка и маркетинг на земјоделски и рибни производи”од ИПАРД Програмата овозможува финансиска поддршка за модернизација на преработувачките капацитети, инвестиции за преработка и маркетинг на земјоделски и рибни производи, како и усогласување со европските стандарди. Преку оваа мерка се поддржува зголемувањето на конкурентноста на земјоделското производство и земјоделско-прехранбениот сектор во целина.
Средствата за оваа мерка се обезбедени преку Инструментот за претпристапна помош за рурален развој на Европската Унија (ИПАРД Програмата за периодот 2021 – 2027 година).
Министерството ги повикува сите заинтересирани да започнат со навремена подготовка на потребната документација и да ги следат официјалните објави на Агенцијата за финансиска поддршка во земјоделството и руралниот развој.
Економија
Издадени првите лиценци за батериски систем за складирање на електрична енергија од обновливи извори

Регулаторната комисија за енергетика, водни услуги и услуги за управување со комунален отпад (РКЕ) ги издаде првите лиценци за батериски систем за складирање на електрична енергија од обновливи извори на компанијата ЕНЕРГО СОЛАР СИСТЕМИ.
Станува збор за два батериски системи со вкупна инсталирана моќност од 2 600 kW, што се инсталирани во склоп на две различни фотонапонски електроцентрали кои се веќе изградени и во функција.
„Издавањето на овие лиценци во кои се вклучени батериски системи за складирање на електрична енергија, всушност го означува почетокот на еден нов инвестициски циклус во енергетиката. Воведувањето на батериите во пракса значи забрзана енергетска транзиција преку создавање на одржлив, ефикасен и еколошки енергетски систем во земјава. Во РКЕ очекуваме голем број сопственици на ФЕЦ да поднесат барање за инсталирање на “сториџи“, но исто така очекуваме интерес да појават и компании кои би биле самостојни оператори на складишта само со батериски системи. Употребата на батериите ќе придонесе за сигурно и доверливо функционирање на системите, а едновремено и за економски посигурен и поефикасен енергетски пазар. Истите можат да даваат услуги на операторот на електропреносниот систем за балансирање на истиот, како и одржување на одредени параметри на мрежата во пропишани граници. Складирањето на енергија во периоди кога има вишок и нејзино користење во периоди кога потребите од електричната енергија се зголемуваат се очекува дека ќе влијае и врз намалување на вкупните трошоци во системот.“ посочи Марко Бислимоски, претседател на РКЕ.
Условите, постапката и потребната документација за добивање на лиценца за складирање на електрична енергија се уредена во Законот за енергетика и Правилникот за лиценци, .
Економија
Владата усвои измени: Се укинува ослободувањето од ДДВ за онлајн пратки во вредност до 22 евра

Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања на Законот за данок на додадена вредност, со кои се укинува ослободувањето од ДДВ за онлајн пратки во вредност до 22 евра. Законските измени веќе се во собраниска процедура, а нивното спроведување се очекува да има директни позитивни ефекти врз економијата и работењето на домашните компании.
Со оваа мерка, околу 4 милиони денари месечно, колку што во одредени периоди изнесува прометот кон странските онлајн платформи, ќе се пренасочат кон домашното стопанство. Овие средства ќе придонесат за развој на локалните компании, отворање нови работни места и исплата на повисоки плати на вработените.
Ова претставува значаен чекор во заштита и поддршка на домашната економија, особено во услови на зголемена глобализација и дигитална трговија.
Дополнително, измените ќе помогнат во намалување на сивата економија, имајќи предвид дека досегашниот систем овозможуваше злоупотреби – односно увоз на стоки ослободени од данок кои понатаму се продаваат на домашниот пазар.
Со оваа измена, државата испраќа јасен сигнал на поддршка за домашните компании кои создаваат додадена вредност и вработуваат граѓани во земјата, велат од Министерството за финансии.