Економија
Најбрзорастечката компанија за поштенски услуги во регионот, „Мик мик“, почна со работа и на македонскиот пазар

Со 24-часовно логистичко поврзување на источната и западната патна мрежа, „Мик Мик“ брзата пошта обезбеди транспорт без задржување на пратките во собирен центар и нивно побрзо пристигнување во сите градови во државата.
Компанијата „Мик Мик“ која е позната на регионалниот пазар по својата брза и прецизна достава и највисок процент на успешност при достава, и која редовно опслужува над 10.000 клиенти на Балканот, меѓу кои и брендови како Адидас, Интерспорт и Џамбо, започнува со работа и на македонскиот пазар.
Влезот на македонскиот пазар на Мик Мик го обележаа големи инвестиции, како во сопствени капацитети така и во аквизиција на постоечки. Истовремено, преку ангажирање на најдокажаните кадри од индустријата во државата и регионот, компанијата ќе го пренесе своето досегашно искуство од регионот и во Македонија.
Со користење на услугите на Мик Мик, граѓаните и компаниите добиваат можност за вистинско следење на пратките во реално време, овозможено преку системот за скенирање на пратки во секоја точка на контакт, што значи дека корисниците имаат целосен увид од приемот до доставата на пратката до крајниот корисник. „Истовремено, за сите корисници, на располагање е и нашиот Центар за грижа, кој работи со продолжено работно време до 21 часот“, велат од компанијата.
Кулминација на инвестирањето е логистичкото поврзување на источната и западната рута, што значително го скусува времето на достава на пратките за сите градови во Македонија.
„Со логистичкото поврзување на западната и источната патна мрежа, преку одржувањето на 24 часовни рути, за граѓаните обезбедивме пристигнување на пратките најдоцна следниот работен ден меѓу кои било две населни места во државава“, истакнуваат од компанијата.
Покрај за граѓаните, лансирањето на Мик Мик на македонскиот пазар ќе донесе големи бенефиции и за компаниите, а посебно за трговците. Компанијата располага со сопствен ИТ тим кој нуди поддршка и напредни софтверски решенија за директно поврзување на системите на трговците со поштата и значајно скратени административни процедури.
Од компанијата додаваат дека постојано работат на развој на нови решенија во полза на граѓаните по терк на последните трендови од развиените земји, за да овозможат најсовремени поштенски услуги и во нашата држава.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
МЗШВ: Во четвртиот квартал од 2025 година ќе биде објавен јавниот повик за претприемачите во прехранбената индустрија

Министерството за земјоделство, шумарство и водостопанство ја информира јавноста дека во четвртиот квартал од оваа година ќе биде објавен Јавниот повик 02/2025 за користење на средства од ИПАРД Програмата 2021-2027, мерка 3 – „Инвестиции во основни средства за преработка и маркетинг на земјоделски и рибни производи”.
Оваа мерка претставува исклучителна можност за македонските претприемачи во прехранбената индустрија да ги унапредат своите капацитети и да станат поконкурентни на домашниот и меѓународниот пазар.
Мерката 3 – „Инвестиции во основни средства за преработка и маркетинг на земјоделски и рибни производи”од ИПАРД Програмата овозможува финансиска поддршка за модернизација на преработувачките капацитети, инвестиции за преработка и маркетинг на земјоделски и рибни производи, како и усогласување со европските стандарди. Преку оваа мерка се поддржува зголемувањето на конкурентноста на земјоделското производство и земјоделско-прехранбениот сектор во целина.
Средствата за оваа мерка се обезбедени преку Инструментот за претпристапна помош за рурален развој на Европската Унија (ИПАРД Програмата за периодот 2021 – 2027 година).
Министерството ги повикува сите заинтересирани да започнат со навремена подготовка на потребната документација и да ги следат официјалните објави на Агенцијата за финансиска поддршка во земјоделството и руралниот развој.
Економија
Издадени првите лиценци за батериски систем за складирање на електрична енергија од обновливи извори

Регулаторната комисија за енергетика, водни услуги и услуги за управување со комунален отпад (РКЕ) ги издаде првите лиценци за батериски систем за складирање на електрична енергија од обновливи извори на компанијата ЕНЕРГО СОЛАР СИСТЕМИ.
Станува збор за два батериски системи со вкупна инсталирана моќност од 2 600 kW, што се инсталирани во склоп на две различни фотонапонски електроцентрали кои се веќе изградени и во функција.
„Издавањето на овие лиценци во кои се вклучени батериски системи за складирање на електрична енергија, всушност го означува почетокот на еден нов инвестициски циклус во енергетиката. Воведувањето на батериите во пракса значи забрзана енергетска транзиција преку создавање на одржлив, ефикасен и еколошки енергетски систем во земјава. Во РКЕ очекуваме голем број сопственици на ФЕЦ да поднесат барање за инсталирање на “сториџи“, но исто така очекуваме интерес да појават и компании кои би биле самостојни оператори на складишта само со батериски системи. Употребата на батериите ќе придонесе за сигурно и доверливо функционирање на системите, а едновремено и за економски посигурен и поефикасен енергетски пазар. Истите можат да даваат услуги на операторот на електропреносниот систем за балансирање на истиот, како и одржување на одредени параметри на мрежата во пропишани граници. Складирањето на енергија во периоди кога има вишок и нејзино користење во периоди кога потребите од електричната енергија се зголемуваат се очекува дека ќе влијае и врз намалување на вкупните трошоци во системот.“ посочи Марко Бислимоски, претседател на РКЕ.
Условите, постапката и потребната документација за добивање на лиценца за складирање на електрична енергија се уредена во Законот за енергетика и Правилникот за лиценци, .
Економија
Владата усвои измени: Се укинува ослободувањето од ДДВ за онлајн пратки во вредност до 22 евра

Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања на Законот за данок на додадена вредност, со кои се укинува ослободувањето од ДДВ за онлајн пратки во вредност до 22 евра. Законските измени веќе се во собраниска процедура, а нивното спроведување се очекува да има директни позитивни ефекти врз економијата и работењето на домашните компании.
Со оваа мерка, околу 4 милиони денари месечно, колку што во одредени периоди изнесува прометот кон странските онлајн платформи, ќе се пренасочат кон домашното стопанство. Овие средства ќе придонесат за развој на локалните компании, отворање нови работни места и исплата на повисоки плати на вработените.
Ова претставува значаен чекор во заштита и поддршка на домашната економија, особено во услови на зголемена глобализација и дигитална трговија.
Дополнително, измените ќе помогнат во намалување на сивата економија, имајќи предвид дека досегашниот систем овозможуваше злоупотреби – односно увоз на стоки ослободени од данок кои понатаму се продаваат на домашниот пазар.
Со оваа измена, државата испраќа јасен сигнал на поддршка за домашните компании кои создаваат додадена вредност и вработуваат граѓани во земјата, велат од Министерството за финансии.