Економија
(Видео) Новата Toyota Aygo X – Инспирација за новата генерација!
□ Целосно нов компактен урбан кросовер, уникатен за А-сегментот на возила
□ Концептот на “зачинети бои” и извонредниот дизајн му додаваат нова димензија на карактерот на Aygo X
□ Компактен, а сепак простран, истовремено нуди одлична агилност, нешто што доликува на модел од А-сегментот на возила
□ Самоуверено возење и подобрена видливост со високо ниво на комфор при возењето
□ Целосно спакуван со напредна технологија, истовремено останувајќи економичен
Целосно новата Toyota Aygo X е уникатен кросовер во А-сегментот на возила, дизајниран и произведен за европскиот купувач за да ги задоволи барањата на градскиот и приградскиот живот.
Со цел да го направи новото Aygo X најдобриот производ што се нуди во сегментот, Toyota презеде темелно истражување на барањата за возење во град низ целиот континент, слушајќи ја желбата на клиентите за стилски, компактен и безбеден автомобил.
Резултатот е најновиот компактен автомобил во линијата на Toyota, конструиран врз добро познатата GA-B платформа на Toyota Global New Architecture (TNGA), за првпат претставена во новиот Yaris – автомобилот на годината за 2021 година во Европа – а од неодамна и во Yaris Cross.
Без разлика дали е во град или на отворен пат, автомобилот од А-сегментот мора да се истакне со својата компактност и агилност за да му ја пренесе довербата на возачот. Исто така, треба да создаде и пренесе чувство на емоции, а истовремено да ги интегрира најдобрите технолошки достигнувања во компактен пакет што е економичен за возење.
Целосно новото Aygo X го испорачува сето ова, па дури и повеќе, за да биде сè она што го посакуваат европските клиенти од еден автомобил од А-сегментот.
МИРИС НА ЗАЧИНИ
Дизајнерите на новото Aygo X сакаа да внесат чувство на смелост и зачинетост кај купувачите на компактни автомобили во Европа.
Откако Aygo за првпат пристигна на пазарот во 2005 година, не само што беше најпристапниот автомобил на Toyota во Европа, туку ги воодушеви и клиентите со својот младешки и забавен карактер. Овие квалитети привлекоа многу нови европски купувачи кои се свесни за стилот и квалитетот на возилата на Toyota.
Повеќе од кога било, новите клиенти на Toyota бараат стил, оригиналност и шанса да го покажат својот личен израз. Секој заслужува кул автомобил!
По презентирањето на концептот на Aygo X во „Sparkling Chilli Red“ бојата, проектот Aygo X беше префрлен во одделот за “Styling” во Toyota Motor Europe во Белгија, каде дизајнерските тимови тесно соработуваa со тимот за планирање, истражување и развој на производите за да го претворат новиот автомобил од А-сегментот од концепт до реалност.
Храбрата изведба со двобојна каросерија на Aygo X, заедно со новиот концепт на “зачинети бои”, создава уникатен графички профил што го привлекува вниманието и ја нагласува подготвеноста на новиот модел веднаш да стапи во акција.
Новиот концепт на бои е инспириран од различни зачини каде секоја боја ги доловува вкусовите на купувачите но и карактерот на автомобилот.
Кардамон остава впечаток на стил и елеганција, давајќи префинета и дискретна естетика
Чили е огнена и висококвалитетна боја што ги привлекува погледите на минувачите
Ѓумбир е софистицирана беж боја што навестува дух на авантура
Џунипер е младешки израз на мажественост и е сина боја создадена специјално за моделот давајќи му ледена свежина
Секоја од овие моќни зачинети бои во контраст со црна боја на покривот и задниот дел го прави Aygo X веднаш да се истакне и да биде препознатлив.
Оваа тема на зачини не е само површинска. Внатрешните детали се совпаѓаат со зачинетите бои на надворешноста за да дадат препознатлив дизајн и на внатрешноста. Ако одблизу ги видите седиштата, ќе се забележи симболот „X“ дискретно зашиен во ткаенината. Името на моделот Aygo X исто така суптилно се проткајува во остриот изглед на фаровите за да се обезбеди силен и кохерентен идентитет.
Двобојноста на Aygo X веднаш го привлекува вниманието на луѓето. Јасно е дека не се работи само за
детаљ. Тоа е составен дел од дизајнот.
КОМПАКТЕН И АГИЛЕН
Со должина од 3700 mm, новиот Aygo X е за 235 mm подолг од неговиот претходник, додека меѓуоскиното растојание е зголемено за 90 mm. Карактеристично е што моделот ќе се нуди со 17” и 18” тркала.
Дизајниран за најтесните градски улици, Aygo X има и исклучително мал радиус на вртење од само 4,7 метри, еден од најдобрите во сегментот.
Вкупната ширина на каросеријата е зголемена за 125 mm на 1740 mm во споредба со Aygo. Како резултат на тоа, предните седишта се поместуваат за 20 mm поназад, зголемувајќи го просторот на рамената за 45 mm. Багажниот простор е исто така водечки во сегментот, и истиот е зголемен за 60 литри (на 231) во споредба со претходната генерација. Висината на возилото е зголемена за 50 mm на 1510 mm.
Системот за управување е приспособен за урбано и приградско возење, при што новиот CVT менувач обезбедува најдобра реакција во класата, интуитивно менување на брзини, истовремено одржувајќи силна рамнотежа на потрошувачката на енергија и гориво.
БЕЗБЕДЕН
Без разлика дали се движи низ градски сообраќај или вози по автопати, секој возач сака да се чувствува безбедно, а Aygo X го обезбедува тоа на повеќе начини.
Како компактен кросовер со висока позиција на возење, растојанието од подлогата е зголемено за 11 mm од претходната генерација.
Положбата на седење е подигната за 55 mm што овозможува лесен визуелен контакт со другите учесници во сообраќајот, особено со велосипедистите и пешаците. Понатаму, аголот на А-столбот е зголемен за 10 % на 24º за подобра видливост.
ТЕХНОЛОШКИ НАПРЕДЕН
Aygo X е компактен автомобил опремен со најсовремените технолошки достигнувања.
Најновиот мултимедијален систем на Toyota исто така нуди и навигација базирана на “cloud” за да обезбеди информации за рутата во реално време. Новите услуги ќе се воведуваат со текот на времето преку безжични надградби, така што новиот софтвер и поврзаните услуги автоматски ќе се внесуваат во системот. Мултимедијалниот систем нуди исто така и жична и безжична врска со паметни телефони преку Android Auto и Apple CarPlay.
Aygo X прави голем чекор напред во однос на безбедноста, воведувајќи го Toyota Safety Sense како стандардна опрема ,за прв пат кај компактен модел од А-сегментот.
Најновиот Toyota Safety Sense користи комбинација на камера и радар, а системот за предупредување од судир (PCS) сега работи и при поголеми брзини. Aygo X стандардно е опремен и со сензори за откривање пешаци во дневни и ноќни услови, откривање велосипедисти во дневни услови, систем за помош за ублажување на судир, интелигентен адаптивен темпомат како и систем за помош при одржување коловозна лента.
ЕКОНОМИЧЕН
Aygo X е придвижуван од повеќекратно наградуваниот 1.0-литарски мотор којшто е значително подобрен за да ги исполни европски регулативи, а истовремено нуди високи нивоа на безбедност и перформанси, со потрошувачка на гориво од само 4,7l/100km и емисија на CO2 од 107 g/km.
Aygo X има најниска тежина на каросеријата од кој било автомобил од А или Б сегментот, што помага да се испорача одлична економичност на горивото.
Моделот на македонскиот пазар ќе се понуди со почетна цена од 13.490 Евра и 10 годишна гаранција на возилото.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Buyback гаранција: Како P2P.mk ја претвора неизвесноста во сигурност
Кога пазарот се менува брзо, а информациите кружат уште побрзо, сигурноста станува најважниот фактор. Инвестирањето во денешниот финансиски свет може да изгледа како пловидба по немирни води, но со механизми како што е нашата “Buyback” гаранција, P2P.mk ја претвора неизвесноста во сигурност за секој инвеститор.
Ваквите заштитни механизми се причината што сe повеќе инвеститори му веруваат на P2P моделот и го гледаат како стабилен начин за создавање пасивен приход.
“Buyback” гаранција – Забрзаната еволуција на инвестициските платформи и улогата на заштитните механизми
Развојот на алтернативните платформи за инвестирање како P2P.mk ја подигна потребата за сериозна заштита на средствата на инвеститорите. Како што овој модел растеше, растеше и очекувањето дека вложените пари мора да бидат заштитени од ризици што инвеститорите не можат да ги контролираат.
“Buyback” гаранцијата е механизам дизајниран за дополнителна заштита на вашите инвестирани средства. Како што P2P.mk се позиционира не само како првата peer-to-peer платформа во Македонија туку и како сигурна и стабилна платформа за инвестирање во потрошувачки кредити, безбедноста на вашиот капитал станува наш најголем приоритет.
Со воведувањето на Buyback гаранција како заштитен механизам, ние им нудиме на нашите инвеститори нова димензија на сигурност, што директно придонесе за огромниот раст на P2P инвестирањето. Oваа гаранција е еден од најстабилните заштитни механизми за секој инвеститор што сака да ги заштити инвестираните средства.
Мисијата на P2P.mk – Buyback гаранција како основа за доверба и сигурност
P2P.mk има јасна мисија: да обезбеди сигурни и безбедни инвестиции за секој кој сака да го стави својот капитал во движење. На платформата се објавуваат кредити што веќе се пласирани од кредитни друштва, а инвеститорите можат да ги откупат и да остварат заработка до 14%.
Тоа значи дека секој инвеститор што вложува на P2P.mk има дополнителен заштитен слој. Buyback гарантира дека финансиските средства се обезбедени дури и во ситуација кога заемопримачот не ги исполнува своите обврски.
Како функционира “Buyback” гаранцијата?
• 60-дневна заштита за откуп: Ако заемот доцни со плаќање повеќе од 60 дена, кредитното друштво (кредитниот оригинатор) автоматски го откупува кредитот од вас, инвеститорот. Со оваа гаранција, вашите инвестиции се заштитени од потенцијални неплаќања на крајниот заемопримач (лицето кое го земало кредитот)
• Целосно покритие: Кредитниот оригинатор ја откупува инвестицијата за номиналната вредност на главницата и каматата што е акумулирана до датумот на откупот.
Тоа е заштитен механизам што ја гради довербата меѓу платформата, кредитните друштва и инвеститорите. Кога постои ваква заштита, инвеститорот знае дека не вложува сам и дека во позадина стои партнер кој има финансиска моќ да преземе одговорност.
Карактеристики и предности на заштитните механизми како “Buyback” гаранција
1. Сигурност и доверба
P2P.mk има мисија да обезбеди сигурни и безбедни инвестиции. Гаранцијата за откуп ги обезбедува вашите инвестиции со 60-дневна заштита, трансформирајќи ја секоја трансакција во јасно и доверливо инвестициско патување.
2. Заштита на капиталот
Најголемиот ризик во P2P инвестирањето е ризикот од неплаќање. Со “Buyback” гаранцијата, овој ризик го презема кредитното друштво, а не вие. Ако заемот доцни, давателот на кредитот ќе го откупи, покривајќи ја и главницата и пресметаната заработка од тој ден.
3. Поголема безбедност
Фактот што како заемодавачи се јавуваат кредитни друштва, а не директно со поединци, веќе нуди поголема стабилност. Дополнително, P2P.mk работи само со проверени и регулирани кредитни друштва, дополнително зајакнувајќи ја сигурноста и довербата кај нашите инвеститори. “Buyback” гаранцијата е дополнителен слој на заштита, кој ја прави платформата привлечна за поширок спектар на инвеститори.
4. Стабилен принос без главоболки
Бидејќи кредитното друштво ја гарантира откупот и заработката, вие како инвеститор можете да се фокусирате на оптимизирање на вашето портфолио и уживање во приносот до 14%, наместо да трошите време и енергија на следење на наплатата на доцнење на потрошувачки кредити. Едноставно, вашата заработка останува постојана и предвидлива.
P2P.mk – Инвестирајте со спокојство
Нашата гаранција за откуп (Buyback Гаранција) гарантира дека вашите средства се сигурни и вашето инвестициско патување е јасно и доверливо. Гаранцијата за откуп го прави P2P.mk модел кој е подготвен за иднината, нудејќи им на сите инвеститори шанса да учествуваат во профитабилни инвестиции со минимизиран ризик.
На P2P.mk оваа гаранција претставува суштински дел од заштитната мрежа што секој инвеститор ја добива уште на првиот ден. Инвестирајте денес и искористете ја моќта на нашата “Buyback” гаранција за сигурна иднина.
ПР
Економија
Рекордни приходи од концесии: За 9 месеци наплатени 931 милиони денари надоместоци за експлоатација на минерални суровини, известува Министерството за енергетика
Министерството за енергетика, рударство и минерални суровини информира дека наплатата на надоместоците за експлоатација на минерални суровини во третиот квартал од 2025 година достигна рекордни 384.166.062,00 денари. Ова претставува зголемување за повеќе од два и пол пати во однос на истиот период во 2024 година, кога беа наплатени 147.703.963,00 денари денари.
Овој успех следи по исклучителните резултати од првиот квартал од 2025 година, кога беа наплатени 260.327.223,00 денари, во споредба со 110.576.324 денари во првиот квартал од 2024 година и вториот квартал од 2025 година наплатени беа 286,355,517.00 денари, а истиот период во 2024 година, кога беа наплатени 133 576 534 денари, извести Министерството за енергетика.
Збирно, за деветте месеци од 2025 година, Министерството оствари наплата од над 931.000.000 денари, што е историски успех во управувањето со природните ресурси и претставува зголемување за два и пол пати во однос на истиот период во 2024 година
Министерството очекува оваа бројка да расте со оглед на фактот дека се испратени опомени до концесионерите што се ште не ја регулирале обврската да го сторат тоа во рокот во спротивно ризикуваат со раскин на договори за оние кои не ги почитуваат законите. Владата на предлог на Министерството за енергетика, рударство и минерални суровини во изминатиот период има донесено вкупно 46 одлуки за едностран раскин на Договорот за концесија за експлоатација на минерална суровина а дел од нив се поради неплаќање на концесискиот надоместок согласно утврдениот Тарифник.
Овие резултати се директна последица на посветените активности на Министерството за подобрување на наплатата и зајакнување на контролата врз обврските на концесионерите, вклучувајќи:
· Засилени инспекциски контроли: Редовни и вонредни теренски проверки за обезбедување усогласеност со законските обврски.
· Писмени опомени и санкции: Испратени се предупредувања до концесионерите за навремено подмирување на обврските, со едностран раскин на договори за оние кои не ги почитуваат законите.
· Нов Тарифник од 1 јануари 2025: Воведен е нов Тарифник кој ја зголеми висината на надоместоците до 100%, обезбедувајќи правична вредност за користење на природните ресурси. Овие измени не се однесуваат на енергетските минерални суровини, како јагленот, со цел да се заштитат граѓаните од дополнителен притисок врз цените на електричната енергија.
Зголемената наплата директно придонесува за зголемување на буџетите на општините каде работат концесионерите, како и на државниот буџет. Овие средства се инвестираат во:
· Поголеми буџети за општините,
· Инвестиции во комунална инфраструктура,
· Проекти за енергетска транзиција и одржлив развој.
· Проекти за заштита на животната средина.
Министерството за енергетика, рударство и минерални суровини останува посветено на воспоставување на највисоки стандарди за транспарентно и фер управување со природните ресурси. Овие резултати се доказ за нашата определба да ги зајакнеме економските придобивки од експлоатацијата на минералните суровини, истовремено обезбедувајќи одржлив развој и поддршка за локалните заедници, се додава во соопштението на Министерството за енергетика.
Економија
Славески: Народната банка ги засилува активностите за управување со климатските промени
„Климатските промени сè поинтензивно влијаат врз економиите и финансиските системи, а ризиците поврзани со климатските промени претставуваат значаен фактор кој влијае врз ценовната и финансиската стабилност. Поради тоа, централните банки веќе ги интегрираат овие ризици во аналитичките и супервизорските рамки. Пристапот на Народната банка ги следи меѓународните практики. Планираните активности од усвоениот Среднорочен план на активности за периодот 2023-2025 година се во завршна фаза, супервизорските очекувања се вградени во Насоките за управување со климатските ризици за банките, а климатските ризици се интегрирани во регулаторната рамка за кредитен ризик и регулативата за обелоденување податоци и известување. Анализите за влијанието на климатските ризици врз банкарскиот систем се составен дел од нашиот Извештај за финансиската стабилност, а тековно се работи на развивање климатски сценарија и стрес-тестови“, истакна гувернерот Трајко Славески на отворањето на Конференцијата.
Тој нагласи дека Народната банка во континуитет придонесува за подобрување на расположливоста на податоците поврзани со климатските ризици, пришто од минатата година започна со објавувањето на Преглед на „зелени“ показатели. За да ја согледа подготвеноста на корпоративниот сектор за справување со климатските ризици, Народната банка заедно со Европската инвестициска банка неодамна спроведе истражување кое покажа дека само мал дел (5%) од компаниите имаат планови за справување со климатски ризици, а управувањето со климатските ризици и зелените финансии се во рана фаза.
„Меѓународната заедница предупредува на високите трошоци од задоцнета акција. Декларацијата на меѓународната мрежа за зелени финансиски системи укажува дека тригодишно доцнење во климатската транзиција може повеќе од двојно да ги зголеми глобалните економски трошоци до 2030 година. Свесноста расте и кај регулаторите и кај банкарскиот сектор, но потребни се континуирани и координирани напори. Анализите на ММФ покажуваат дека уделот на приватниот сектор во финансирањето на економиите во развој е потребно да се зголеми од сегашните 40% на 90% до 2030 година, што ја нагласува потребата за силна соработка меѓу владите, меѓународните институции и финансискиот сектор“, додаде Славески, истакнувајќи дека Народната банка ќе продолжи да работи на зајакнување на отпорноста на финансискиот систем и поддршка на одржливиот економски развој.
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение и на обвинетите за „Пулс“
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
