Економија
Новиот и целосно електричен SUV на Opel ќе го носи името Frontera!

· Одржлива мобилност: нов SUV за зголемување на гамата на електрични модели на Opel.
· Фокусирани на иднината: од страна на Opel, новиот модел наречен Frontera ќе биде претставен подоцна оваа година.
Руселсхајм. Opel го најави враќањето на името Frontera во 2024 година и тоа на целосно новиот SUV модел на брендот. Новата Frontera, која ќе биде претставена подоцна оваа година, ќе биде забавен автомобил со паметни функционални карактеристики. Ќе прикаже нова робустна интерпретација на смелата и елегантна дизајнерска филозофија на Opel и ќе биде првиот сериски автомобил од германскиот бренд, што ќе го носи новиот „Blitz“ на Opel. Новата Frontera ќе биде достапна како електрично возило од самиот почеток.
Извршниот директор на Opel, Florian Huettl изјави: „името „Frontera“ идеално прилега на нашиот нов возбудлив SUV модел. Новиот опелов модел ќе има самоуверен карактер и ќе биде позициониран токму во сржта на пазарот“.
Новата Opel Frontera ќе располага со огромен простор и разноврсност и на тој начин ќе им се допадне на клиентите кои сакаат авантури, како и на семејствата. Овој нов модел ќе ја продолжи долготрајната традиција на Opel да овозможува мобилност и биде широко достапен за клиенти преку својата атрактивна цена.
Оваа година, заедно со пристигнувањето на електричната верзија на новата Frontera, планирано е промовирање на најновата генерација на Opel Grandland, исто така во целосно електричната верзија. Ова ќе означи важна пресвртница во транзицијата на брендот од Руселсхајм, кон целосно електричен бренд. Opel притоа ќе понуди, барем по една електрична верзија од целата своја гама.
Широкиот асортиман на Opel електричните модели започнува од четирициклот Rocks Electric, Corsa Electric, Mokka Electric, Astra Electric и Astra Sports Tourer Electric, до новите Combo Electric и Zafira Electric. Денес, веќе се достапни електрични верзии и од целото портфолио на комерцијални возила, вклучувајќи го новиот Combo Electric, новиот Vivaro Electric и новиот Movano Electric.
Во наредните недели, Opel ќе ги прикаже првите слики од новата Frontera, заедно со подетални информации за новиот модел.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“
Економија
Дизелот поевтинува за 2,5 денари

Од ноќеска на полноќ дизелот ќе поевтини за 2,5 денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 28.6.2025 година од 00:01 часот максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 77,50 (денари/литар)
– Моторен бензин – ЕУРОСУПЕР БС – 98 – 79,50 (денари/литар)
– Дизел гориво – ЕУРОДИЗЕЛ БС (Д-Е V) – 70,50 (денари/литар)
– Масло за горење – Екстра лесно 1 (ЕЛ-1) – 72,00 (денари/литар)
– Мазут М-1 НС – 40,188 (денари/килограм)
Малопродажната цена на ЕУРОДИЗЕЛ (Д-Е V) се намалува за 2,50 ден/лит.
Малопродажната цена на Мазутот М-1 НС, се намалува за 1,499 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат.