Економија
Новото Porsche Cayenne сега е достапно и како plug-in хибрид
Porsche дополнително го проширува својот асортиман на хибриди: новиот Cayenne E-Hybrid ја комбинира најдобрата динамика на возење во својата класа со максимална ефикасност. Трилитарскиот V6-мотор (250 kW/340 КС), комбиниран со електричен мотор (100 kW/136 КС), генерира системска моќ од 340 kW (462 КС). Максималниот вртежен момент од 700 Nm е веќе достапен веднаш над вртежниот момент на неутралната брзина; стратегијата за дополнителна моќ (boost) е идентична со онаа на 918 Spyder. Новиот plug-in хибриден погон на Cayenne овозможува забрзување од 0 до 100 километри на час за 5,0 секунди и максимална брзина од 253 километри на час. Новиот Cayenne E-Hybrid може да помине растојание од 441 километри при брзина до 135 километри на час само на електрична енергија. Просечната потрошувачка според NEDC (новиот европски циклус на возење), во зависност од сетот на употребените гуми, е 3,4-3,2 l/100 km гориво и 20,9-20,6 kWh/100 km електрична енергија.
Моќност од 462 коњски сили со концептот за дополнителна моќ (boost) од 918 Spyder
Системот за дополнителна моќ (boost), кој произлегува од Porsche 918 Spyder, е нов додаток. Тој гарантира дека електричниот мотор може да се користи во сите стандардни режими за возење што ги вклучува Sport Chrono-пакетот за дополнително зголемување на перформансите. Ова значи дека максималниот вртежен момент на системот станува достапен додека го притискате педалот за гас. Во зависност од ситуацијата и потребите во возењето возачите може да продолжат да го зголемуваат вртежниот момент низ целиот опсег на брзини. Ова води до поагилно и супериорно искуство во возењето. Степенот на поддршката од дополнителната моќ и полнењето на батеријата за време на патувањето зависи од режимот на возење. Во режимите Sport и Sport Plus, кои се фокусирани на перформансите, речиси целосната енергија на батеријата може да се искористи за boost. Во спортскиот режим батеријата се полни само колку што е потребно. Во режимот Sport Plus батеријата се полни колку што е можно побргу. Другите режими ја поддржуваат максималната ефикасност на возењето.
Нов хибриден модул и менувач со брзо префрлување на Tiptronic S
Porsche го редизајнира подвозјето на Cayenne E-Hybrid. Хибридниот модул се состои од високоинтегрирана комбинација на електричен мотор и одвојувачка спојка. За разлика од претходниот, одвојувачката спојка работи електромеханички, што овозможува уште побрзо време на реакција. Преносот го спроведува новиот Tiptronic S, новоразвиен за целиот опсег на Cayenne со осум брзини. Автоматскиот менувач не само што нуди уште поудобно и беспрекорно придвижување на возилото, туку исто така значително го забрзува префрлувањето на брзините. Прекинувањето на влечната сила при процесот на префрлување исто така е намалено.
Подобрено полнење кај Cayenne E-Hybrid
Капацитетот на батериите е значително подобрен кај Cayenne E-Hybrid, заедно со растојанието на возење со електричната енергија и резервите за дополнителна моќ: во споредба со претходниот модел, капацитетот се зголеми од 10,8 на 14,1 kWh. Ова е зголемување од 30 проценти. Акумулаторот што се лади со течност, складиран под подот за полнење во задниот дел на автомобилот, се состои од осум модули со 13 призматични литиумјонски ќелии. Во рок од 7,8 часа високонапонската батерија е целосно наполнета преку 230 V конекција со десет засилувачи. Ако се полни преку 7,2 kWh вграден полнач и конекција од 230 V со 32 засилувачи, се користи како алтернатива на стандардниот 3,6 kWh полнач, батеријата повторно се полни по само 2,3 часа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ поскапуваат бензинот, дизелот и екстра лесното масло за домаќинство
Регулаторната комисија за енергетика донесе Одлука со која се врши зголемување на малопродажните цени на нафтените деривати во просек за 2,00 отсто во однос на одлуката од 20 јуни.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 6,182%, кај дизелот за 2,172%, кај екстра лесното масло за 6,442% и кај мазутот зголемувањето е за 2,609%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,1578%.
Од 24.6.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 77,50 (денари/литар)
Моторен бензин ЕУРОСУПЕР БС – 98 79,50 (денари/литар)
Дизел гориво ЕУРОДИЗЕЛ БС (Д-Е V) 73,00 (денари/литар)
Масло за горење Екстра лесно 1 (ЕЛ-1) 72,00 (денари/литар)
Мазут М-1 НС 41,687 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.
Малопродажната цена на ЕУРОДИЗЕЛ (Д-Е V) се зголемува за 1,00 ден/лит.
Малопродажната цена на Екстра лесното масло за домаќинство на (ЕЛ-1) се зголемува за 2,00 ден/лит.
Напоменуваме дека ова се максималните цени на нафтените деривати од 00:01 часот на 24.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Економија
Божиновска на „Козјак“: Пример за стратешко инвестирање во обновливи извори на енергија
Министерката за енергетика, рударство и минерални суровини, Сања Божиновска, ја посети хидроелектраната „Козјак“, каде што се информираше за тековното функционирање на капацитетот, безбедносните стандарди, како и можностите за понатамошно унапредување на производните перформанси.
Хидроелектраната „Козјак“, која е дел од производниот систем на АД „ЕСМ“, располага со инсталирана моќност од 80 мегавати и служи како еден од клучните столбови за производство на електрична енергија од обновливи извори, но и како заштита од поплави на сливот на реката Треска.
„Со формирањето на Министерството за енергетика, рударство и минерални суровини, затекната беше исклучително тешка хидролошка состојба. Нивото на водостојот во акумулациите беше под алармантни 4%, што сериозно ја загрозуваше енергетската стабилност на државата. Но, преку одговорно и домаќинско менаџирање, координација со институциите и стратешко планирање на производството, денес состојбата е значително подобрена. Последните податоци покажуваат дека водостојот во акумулациите надминува 50% – јасен показател дека системот се стабилизира“, рече Божиновска.
Министерката истакна дека „Козјак“ претставува значаен дел од енергетскиот систем кој има повеќекратна функција.
„ХЕ ’Козјак‘ е пример за одржлива инвестиција – произведува чиста енергија, штити од поплави и позитивно влијае на локалната микроклима. Овој капацитет ја покажува вредноста на стратешкото планирање во енергетиката“ изјави министерката Божиновска.
За време на посетата, министерката беше информирана од страна на раководството на ХЕ „Козјак“ и претставниците на АД „ЕСМ“, дека објектот се одржува согласно највисоките безбедносни и еколошки стандарди, со редовен мониторинг на состојбата на браната, нивото и квалитетот на водата, како и биодиверзитетот во езерото.
Министерството за енергетика најавува дека во следниот период ќе се работи на подготовка на студии за можни подобрувања: зголемување на капацитетот, подобрена автоматизација и воведување на нови технологии за управување со резервите на вода.
„Ќе продолжиме со инвестиции во модернизација на постојните капацитети и во развој на нови проекти од хидроенергетиката. Нашата цел е јасна: стабилен, чист и независен енергетски систем“ нагласи министерката Божиновска.
Економија
Од полноќ поскап дизел
Од полноќ максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 76,00 (денари/литар)
– Моторен бензин – ЕУРОСУПЕР БС – 98 – 78,00 (денари/литар)
– Дизел гориво – ЕУРОДИЗЕЛ БС (Д-Е V) – 72,00 (денари/литар)
– Масло за горење – Екстра лесно 1 (ЕЛ-1) – 70,00 (денари/литар)
– Мазут М-1 НС – 40,928 (денари/килограм)
Малопродажнaта цена на ЕУРОДИЗЕЛ (Д-Е V) се зголемува за 2,00 ден/лит.
Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат.
Ова се максималните цени на нафтените деривати од 00:01 часот на 21.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Kако многу слаб одговор Трамп го опиша нападот на Иран врз американската база во Катар
Американскиот претседател, Доналд Трамп, на социјалната мрежа „Трут соушал“ се огласи по повод иранските напади врз американската база во Катар....
Да го урнеме системот на бандитизам од политички и бизнис структури кои функционираат во широки коалиции, порача Мицкоски
Измина една цела година, на предизвици, на тешка, посветена и макотрпна работа. Во секој еден ден од овие изминати 365...
Македонските граѓани во Израел, Катар и ОАЕ за сите прашања да се обратат до надлежните амбасади, МНР со апел да не се патува кон земјите од тој регион
По последните информации за влошената безбедносна состојба на Блискиот Исток и затворањето на воздушните простори на повеќе држави од регионот,...
Европскиот парламент нема надлежност да изразува мислење за прашања како што се идентитетот, јазикот, вели бугарскиот министер Георгиев
Ниту еден обид за заобиколување на консензусот од 2022 година за Северна Македонија нема да биде успешен. Европскиот парламент нема...
(Видео) Иран нападна американски бази во Катар со балистички ракети
Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз...
Трамп до Медведев: Не го употребувајте лесно зборот „нуклеарен“
Американскиот претседател Доналд Трамп денес му рече на заменик-претседателот на Советот за безбедност на Руската Федерација, Дмитриј Медведев, да не...
По најавите за претстојниот топлотен бран, ИЈЗ со препораки за заштита на граѓаните
Институтот за јавно здравје повикува на почитување на мерките на заштита на здравјето на општата популација и на ранливите групи...
Беџети најави проширување на Европскиот фронт и ги повика Влен и ВМРО-ДПМНЕ на предвремени избори
Координаторот на пратеничката група на Европскиот фронт, Блерим Беџети најави проширување на коалицијата не само со политички партии туку и...
Мајка и нејзините три деца ќе бидат евакуирани од Тел Авив со лет до Грција, МНР апелира да не се патува на Блискиот Исток
Мајка и нејзините три деца утре ќе бидат евакуирани од Тел Авив и со авион пренесени до Атина, во рамки...
Топлотен бран во Македонија: од среда температури до 40 степени
Под влијание на многу топла воздушна маса од југ следува период на топло време со пораст на температурите. Особено топло...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
ДОМ ја напушта коалицијата со СДСМ
Централниот одбор на ДОМ (Демократска обнова на Македонија) на седницата која ја одржа викендов одлучи да ја напушти коалицијата со...
Нефункционални лифтови и проблеми со топла вода во домовите, алармираат студентите
Универзитетското студентско собрание на Универзитетот „Св. Кирил и Методиј“ во Скопје (УСС-УКИМ), имајќи ја предвид важноста на безбедноста, удобноста и...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
