Економија
Нoва Opel Astra Electric: Бестселерот од компактна класа станува целосно електричен
Нoва Opel Astra Electric, Бестселерот од компактна класа станува целосно електричен
• Деби: Последната генерација на Astra за прв пат е достапна и како електрично возило
• Пионир: Astra Sports Tourer Electric прв електричен караван од германски производител
• Врвни перформанси: 270 Nm, опсег до 416 km (WLTP), максимална брзина од 170 km/h
• Широк избор: електричната верзија ја проширува гамата на погонската група
• Наелектризирани перформанси: одлично држење на патот, чиста забава при возење – локално без емисија на штетни гасови.
Opel го отвори следното револуционерно поглавје со новата Astra: денес производителот на автомобили од Риселсхајм ги откри првите слики од новата Opel Astra Electric. Марката „Blitz“ на тој начин ја претставува првата целосно електрична верзија на Astra. Повеќедецениско успешно прикажување на бестселерот од компактната класа и ново крунисан како „Златен возач за 2022 година“. Но, тоа не е сè: во исто време со електричната верзија со пет врати, марката богата со традиција ја претставува и новата Opel Astra Sports Tourer Electric, првиот целосно електричен караван од германскиот производител.
„Astra Electric и Astra Sports Tourer Electric се вистински пионери: со новите електрични верзии на моделот со пет врати и караванот, клиентите ќе имаат придобивки во нивните секојдневни задачи во комбинација со удобноста, а пред сè без емисии и уживање при возењето. Ова е она што го мислиме кога зборуваме за разумно „позеленување“ на мобилноста“, рече извршниот директор на Opel, Florian Huettl. „Во исто време, ние продолжуваме да ја спроведуваме нашата офанзива за електрификација. Новата Opel Astra Electric е важна пресвртница на нашиот пат да станеме целосно електричен бренд во Европа“.
Во иднина, клиентите на Opel Astra ќе можат да избираат од повеќе алтернативи на погони отколку за кој било друг модел на „Blitz“. Покрај високоефикасните мотори со внатрешно согорување, Astra и Astra Sports Tourer се веќе достапни како електрифицирани plug-in хибридни верзии, вклучувајќи го и новиот врвен модел, Astra GSe. А гамата на погонски склопови наскоро ќе биде надополнета со целосно електричната верзија Astra Electric, која ќе биде достапна за нарачка од пролетта 2023 година.
Забавно и безбедно возење: емотивно, секојдневна допадливост, управување локално без емисија на штетни гасови
Новите Opel Astra Electric и Opel Astra Sports Tourer Electric ќе ги наелектризираат клиентите. Како и сите верзии на Astra, тие не само што импресионираат со смелиот и елегантен дизајн, туку и со нивните перформанси. Новата Astra Electric пренесува чиста забава при возење локално без емисија на штетни гасови. Електричниот мотор испорачува 115 kW/156 КС и моќни 270 Nm максимален вртежен момент – и двата модели од првиот допир на педалата за гас, обезбедуваат брзо стартување и убедливо забрзување. И додека многу други електрични автомобили се ограничени на 150 km/h или 160 km/h, новата Astra Electric има максимална брзина од 170 km/h. Во зависност од преференциите за возење, возачите на Astra Electric можат да избираат помеѓу трите режими Eco, Normal и Sport.
Енергијата се складира во литиум-јонска батерија од 54 kWh. 102-те батериски ќелии се сместени во 17 модули и гарантираат дека новата Astra Electric може да покрие до 416 km локално без емисија во согласност со WLTP. Инженерите придаваат големо значење на ефикасното пакување и беа во можност да обезбедат примерен опсег со компактна големина на батеријата. Новата Astra Electric бара само 12,7 kWh електрична енергија на 100 km (14,9 kWh според WLTP), што го прави не само совршено, ефикасно возило за секојдневна употреба, туку и идеален придружник кој заштедува време на подолги патувања – како модел со пет врати или како караван Sports Tourer. Дури и кога електричната Astra треба да се наполни, ова значи само краток „стоп“ на станица на полнење. Astra Electric може да се наполни до 80 проценти од капацитетот на батеријата за околу 30 минути на станица за брзо полнење со директна струја од 100 kW. Дополнително, целосно електричната Astra е стандардно опремена со трифазен вграден полнач од 11 kW за ѕиден полнач дома.
Батериите практично се сместени во долниот дел од каросеријата – така што во внатрешноста не се губи од просторот за патници и багажот. Дури и со исправени задни седишта, Astra Sports Tourer Electric нуди 516 литри простор во багажникот – со склопени седишта, капацитетот се зголемува до 1.553 литри. Друга предност: ниската положба на батеријата, исто така, им дава на Astra Electric и Astra Sports Tourer Electric безбедна и цврста позиција на патот, како што е типично за Opel.
Одвнатре и однадвор: Интензивно искуство со електричната мобилност на Astra Electric
Внатрешноста, исто така, обезбедува особено интензивно искуство при возење: ергономските активни спортски седишта, опционално достапни во Alcantara, им овозможуваат на возачите и патниците на Astra Electric највисоко ниво на удобност во седиштата на Opel. Седиштата, кои се сертифицирани од Aktion Gesunder Rücken e.V. (AGR; Кампања за поздрав грб), обезбедуваат одлична странична стабилност и широк опсег на опции за мануелно и електрично прилагодување. На овој начин, возачот се чувствува уште поцврсто интегриран во возилото и доживува уникатно чувство на управувачот.
Целосно дигиталниот Pure Panel со два големи 10-инчен широк екран, исто така, го носи возачот во модерен свет на cockpit. Последната генерација на интуитивен интерфејс човек-машина ги прикажува сите важни функции како што се статусот на полнење на батеријата или опсегот, додека важните поставки како што е контролата за климата сè уште може лесно да се прилагодат со притискање на копче. А со големиот E-HUD head-up дисплеј и природното препознавање на глас, погледот на возачите може да остане фокусиран на патот и сообраќајната ситуација. Бројни системи за помош, од предупредување за можен преден судир со автоматско итно сопирање до активна помош за задржување лента, детектирање поспаност и предупредување за возила од страна при возење наназад до полуавтоматско менување лента, се вклучени во новиот Intelli-Drive 2.0, меѓу другото, и дополнително ја подобруваат безбедноста – како и водечките во класата, прилагодливи Intelli-Lux LED® Pixel светла со вкупно 168 LED елементи.
Новата Astra Electric пренесува директно, динамично чувство при возење на прв поглед. Смел и елегантен дизајн, целосно електричната Astra доаѓа со лицето на брендот Opel Vizor, вклучувајќи дополнителен спортски дизајн на предниот браник во секое ниво на опременост. Друго што привлекува внимание се стандардните 18-инчни алуминиумски фелни со дијамантски сјај или целосниот црн финиш. И овде, новата Opel Astra Electric е непогрешливо јасна: компактната класа на Opel отвора ново поглавје – емотивно, електрифицирано и, за прв пат, целосно електрично.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
УЈП ја унапредува соработката со даночните обврзници-воведени нови дигитални услуги
Управата за јавни приходи, како што е соопштено, континуирано ја унапредува соработката со даночните обврзници и инвестира во современи услуги што се брзи, сигурни и достапни без физичко присуство.
Во февруари годинава, УЈП ја воведе новата дигитална услуга „е-Уверение за остварен доход“, која им овозможува на граѓаните целосно електронски, бесконтактно и преку сигурна постапка да го добијат овој документ. Од нејзиното воведување досега, за само неколку месеци, се издадени 5.688 уверенија, со што е заштедено значително време како за граѓаните, така и за службениците на УЈП, а работата се одвива според најсовремени дигитални стандарди. Покрај тоа, значително е модернизирана и услугата за издавање на „Уверение за состојба на даноци“. Со автоматизација на внатрешните процеси, во изминатите три месеци сите поднесени барања навремено се обработуваат и уверенијата се издаваат во рок од најмногу пет календарски дена, што претставува значително подобрување во споредба со претходниот период. Тоа значи дека 100% од уверенијата се издадени во законски предвидениот рок, се истакнува во информацијата од УЈП.
Во следната фаза, како што е најавено, оваа услуга ќе биде целосно дигитална и бесконтактна, овозможувајќи уште поедноставен, побрз и поефикасен пристап за граѓаните и компаниите. „Нашата цел е јасна – даночните услуги да бидат со висок стандард, брзи, едноставни и доверливи. Сакаме граѓаните и компаниите да добиваат квалитетна услуга со само неколку клика, без непотребни процедури и без губење време. Долгорочната и стратешка определба за трансформација на УЈП е создавање „нов лик“ и „нов амбиент“ – како за даночните обврзници, така и за даночните службеници и соработниците на даночната администрација. Овие резултати покажуваат дека сме на вистинскиот пат“, изјави директорката на УЈП.
Економија
Секој почеток е полесен кога е како на вода – Back to School без финансиски стрес!
Септември е на прагот со нови возбудливи моменти за децата, но и со нови финансиски предизвици за родителите. Купување книги, ранци, тетратки, прибор за цртање, спортска опрема или нов компјутер – списокот е долг, а трошоците знаат да бидат големи токму во период кога семејниот буџет е најоптоварен.
Како што традиционално се фрла чаша вода за среќа и успешен почеток, така и ние во Mint Credit сакаме да бидеме вашиот добар знак за лесен и безгрижен старт на учебната година. Со Mint Credit добивате aванс до плата – 20.000 МКД со 0% камата и без дополнителни трошоци*.
Колку земаш – толку враќаш!
Со Mint Credit, овој септември училишните подготовки стануваат полесни од кога било. Со понудата аванс до плата добивате финансиска поддршка кога ви е најпотребна, а враќате точно онолку колку што позајмивте.
Она што е најважно е што средствата може да ги искористите каде и да сакате:
· Во книжара за книги, прибор и училишен материјал,
· За нова чанта, патики или спортска опрема,
· За таблет или лаптоп кој ќе им помогне на децата во учењето
· Или за било која друга потреба поврзана со стартот на учебната година. Аплицирањето е брзо и лесно преку Mint App – со само неколку клика го добивате потребниот износ директно на вашата сметка. Нема редици, нема чекање, сè завршувате од удобноста на вашиот дом.
Ние веруваме дека секое дете заслужува да тргне во новата учебна година подготвено, со самодоверба, насмевка и чаша вода по нив за успешен почеток. А вие заслужувате да уживате во тие моменти, наместо да се грижите за финансии.
🎒 Со Mint Credit, овој септември вашето семејство ќе биде подготвено за нови успеси – лесно, сигурно и без финансиски стрес.
💡 За повеќе информации, посетете ја нашата веб-страница, контактирајте нѐ на 15 107, или во некоја од нашите филијали. Ние сме тука за вас!
*Оваа понуда важи за првиот земен кредит од ваков тип.
ПР
Економија
Нови правила за одобрување возила од 1 септември
Министерството за енергетика, рударство и минерални суровини (МЕРМС) одржа работен состанок со над 40 овластени застапници и импортери на возила во Македонија.
На средбата присуствуваа министерката Сања Божиновска, директорот на Државниот пазарен инспекторат Влатко Стојкоски, претставници на Биро за метрологија и Царината како и професорот Дарко Данев кој ги презентираше измените во постапките за одобрување на возила, кои ќе стапат на сила од 1 септември 2025 година.
Овие измени се однесуваат на постапките за: одобрување на тип на возило, единечно одобрување на возило, идентификација и оцена на техничката состојба и издавање на потврди за исполнетост на техничките барања за возилата.
Клучната промена е тоа што, по 17 години од донесувањето на Законот за возила, истиот конечно ќе почне да се применува согласно европските стандарди.
„Го зајакнуваме системот на доверба меѓу институциите и импортерите, со јасни правила и навремена услуга за граѓаните. Ова е значаен чекор за приближување кон европските стандарди и подобрување на квалитетот на услугата која ја добиваат нашите граѓани“, изјави министерката Божиновска.
Клучни промени во постапките за одобрување на возила:
· Одобрување на тип на возило за сите негови варијанти и изведби според WVTA документот, освен ако импортерот не побара поинаку.
· Единечно одобрување ќе се врши исклучиво за возила за кои не е одобрен типот во РСМ и немаат одобрение за тип во ЕУ преку Биро за метрологија. Возила со претходно одобрен тип во ЕУ или во РСМ немаат потреба од посебна постапка за единечно одобрување и директно одат во постапка за идентификација и оцена на техничката состојба.
· Импортерите имаат обврска да издаваат потврди за исполнетост на техничките барања за сите возила за кои постоиевропско одобрение на тип (WVTA) или национално одобрување на тип. За останатите возила за кои немаат возила не постои одобрение на тип во РСМ или не постои одобрение на тип во ЕУ, импортерите немаат обврска да ги издаваат потврдите, ваквите возила ќе обезбедуваат потврди од независни институции прифатени од Бирото за метрологија.
· Грубата пресметка вели дека 1,3 милиони евра годишно досега оделе за TÜV потврди кои не требало да се бараат и тоа најголемиот дел од средствата оделе кај странски компании на кои им се плаќало – процесот сега ќе се регулира преку овластените застапници, домашни македонски компании.
· Роковите за одобрување на тип во Бирото за метрологија ќе бидат скратени двојно, за побрза и поефикасна постапка.
· Цените на услугите од Биро за метрологија ќе се регулираат со нов правилник.
· Потврдите за исполнетост на техничките карактеристики кај застапниците ќе чинат 40-50 евра.
Министерството нагласува дека соработката со застапниците е клучна за успешна примена на Законот и изграден функционален систем на доверба.
„Градиме партнерски однос со импортерите како клучен елемент во процесот на усогласување со европските стандарди. Граѓаните треба да се чувствуваат заштитени и поддржани при секоја постапка за одобрување на возила“, додаде министерката Божиновска.
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината
„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ...
Откриено е што САД ѝ нудат на Русија: „Сакаа да објават ударна вест веднаш по Алјаска“
Американски и руски владини претставници разговараа за неколку енергетски договори на маргините на мировните преговори за Украина што се одржаа...
(Видео) Боинг со 250 патници принудно слета во Русија, имаше дефект на моторот
Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на...
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка
„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на...
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ
„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува...
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ
„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше...
Кривична пријава за градоначалникот на Делчево: вработил лице што исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и на кардиоваскуларните интервенции
Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...
Славевски најави мерки за поттикнување поповолно кредитирање за купување станови
Директорот на Агенцијата за катастар на недвижностите, Иван Живковски, денеска оствари работна средба со гувернерот на Народната банка, Трајко Славевски....
Во текот на изминатото деноноќие изгаснати 20 пожари во Македонија
Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...
Уапсен возач во Кичево – усмртил пешак на пешачки премин и избегал од местото на несреќата
Полицијата уапси возач во Кичево кој со возило удрил во пешак и избегал, а пешакот подоцна починал во болница во...
Денеска се одбележуваат 115 години од раѓањето на Мајка Тереза
Денеска се одбележуваат 115 години од раѓањето на Мајка Тереза (вистинското име и е Агнеса Гонџа Бојаџиу). Таа е родена...
„Влен“: Обвинителството да постапи по извештајот од ревизијата за Бујар Османи
Еден месец помина од јавно објавениот негативен извештај на Државниот завод за ревизија за трошењата во Министерството за надворешни работи...
Австралија: Иран нарача најмалку два антисемитски напада во нашата земја
Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за...
Борче Стамов и д-р Ирфан Ахмети ќе ја примат државната награда „Мајка Тереза“
Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска, во Собранието, ќе ја...
(Видео) Во потрага по храна, мечка се качи на тераса од семејна куќа во Тетовско
Мечка се качила на тераса од семејна куќа во тетовското село Отуње. Членовите на семејството биле во внатрешноста на куќата,...
Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари
По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...
Предложен притвор за таткото што тепаше играчи на фудбалскиот натпревар во Штип
Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...
Застрашувачки снимки од напад врз болница во Газа, меѓу загинатите има и новинари
Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...
Поскапуваат бензините и дизелот
Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...
