Економија
Официјална промоција на новата Škoda Scala

Пред македонските новинари во салонот на Škoda, денес официјално беше претставен новиот член на семејството на Škoda – новата Scala.
Овој нов модел на чешкиот производител комплетно го редефинира сегментот за компактен семеен автомобил, а во понудата на Škoda се позиционира помеѓу Fabia и Octavia, заменувајќи го моделот Rapid кој завршува со своето производство.
Името Scala претставува латински збор кој означува скалила, што според Škoda го означува големиот напредок и исчекор во компактиот сегмент.
Основана на концептот Vision RS, новата Škoda Scala беше развивана 4 години, а крајниот резултат претставува перфектен производ. Инкорпорирајќи нова технологија, емотивен дизајн, високо ниво на функционалност и конективност, новата Scala ја поставува новата основа во компактиот сегмент.
Дизајнерски Škoda Scala ја претставува следната фаза од еволуцијата на дизајнот на Škoda моделите, со истакнати безвременски, софистицирани, скулпторски форми и динамични детали.
Дизајнот на Škoda Scala се темели на концептот Vision RS и се карактеризира со прецизни и динамични линии, извонредна интеракција на светлината и сенките и уметнички тродимензионални форми претставени пред се со впечатливата предна решетка и задните стоп-светла.
Внатрешноста на Škoda Scala освен што е препознатливо пространа и комфорна, отсега импресионира и со добро осмислена модерна ергономија и емотивно осмислен дизајн. Во внатрешноста се истакнуваат квалитетните и меки материјали и огромниот 9,2” дисплеј. Секако Škoda Scala е вистинска Škoda што значи дека секогаш нуди највеќе простор за патниците и огромен багажник.
Безбедноста на патниците во Škoda Scala доаѓа во сериска опрема со напредните безбедносни системи како: Front Assist – радар за автоматско сопирање при појава на пешак, возило или препрека, Lane Assist – систем за одржување на коловозна лента, Сензор за дожд со Светлосен асистент за автоматска контрола на долгите светла, 6 воздушни перничиња, Индикатори за сите појаси, Темпомат со ограничувач на брзина и зајакната каросерија изработена на MQB платформа од високо-квалитетни челици.
Škoda е добро позната по своите т.н. Simply Clever практични решенија. Новата Scala не е исклучок на ова, содржејќи повеќе интелигентни функционалности кои го прават секојдневието полесно за возачите. Како дополнување на држачот за паркинг картичка на А-столбот и одделот за чадор во вратата на возачот, тука е гребалката за мраз во вратичката за гориво со вграден мерач на длабочина на пневматици и интегрираната инка за полнење на средство за прскалките на бришачите. Доколку е потребно, Scala може да се добие и со електрична самоповлекувачка кука за влечење која се контролира преку копче во багажниот простор, што исто така претставува прва иновација во својот сегмент.
Миле Станчев – Бренд Менаџер на Škoda, во своето обраќање кон новинарите изјави: – „Би сакал и да истакнам дека Škoda Scala е најважниот модел за брендот ŠKODA на Македонскиот пазар, затоа што нуди најголема вредност за вложените пари. Отсега и Македонските купувачи ќе може да добијат модерен, просторен, технолошки напреден и безбеден автомобил за цена далеку поприфатлива споредено со директните конкуренти во компакт класата. Да и посакаме добредојде на Škoda Scala, идната звезда и best-seller на Škoda во Македонија“.
За почеток на македонскиот пазар, Scala ќе се нуди со два турбо-бензинци со 1.0 литарски мотор и 95 или 115 коњски сили со мануелен или DSG автоматски менувач и еден турбо-дизел 1.6 литарски кој испорачува 115 коњски сили и може да има мануелен или DSG автоматски менувач. Додека најмоќниот 1.5 литарски турбо-бензинец со 150 коњски сили ќе ни биде достапен од Октомври. Scala тежи само 1.240 кг благодарејки на MQB платформата и располага со одлични возни карактеристики со секои од понудените варијанти на мотори.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Трипуновски: Имаме сериозен раст во делот на откупот и пласманот на земјоделските производи според податоците на ДЗС

Државниот завод за статистика изминативе денови излезе со податоци, со споредба на првиот квартал од 2024 година и со првиот квартал од 2025 година.
„Бројките говорат дека имаме сериозен раст во делот на откупот и пласманот на земјоделските производи“, истакна министерот за земјоделство, шумарство и водостопанство, Цветан Трипуновски од општина Босилово.
„Во градинарскиот сектор зголемувањето е до 50% во споредба со првиот квартал од 2024 година. Тоа значи дека навистина како Влада, како Министерство се движиме во вистинска насока, да го зголемуваме производството и девизниот прилив во државата“, појасни министерот.
Министерот посочи дека и во другите сектори има зголемување во делот на откупот и пласманот на земјоделските производи.
„Тоа е еден добар параметар, добар показател дека навистина она што го работиме изминативе 10-11 месеци како Влада предводена од премиерот Христијан Мицкоски дава позитивни резултати“, истакна министерот Трипуновски.
Економија
Трипуновски: За откупот на пролетната зелка имаме девизен прилив од околу 32 милиони евра

Во изминатиот период, изминативе месеци посветивме сериозно внимание, на иста маса разговаравме со откупувачите и земјоделците за пласманот на зелката од оваа реколта и постигнавме одличен резултат, истакна министерот за земјоделство, шумарство и водостопанство, Цветан Трипуновски одговарајќи на новинарско прашање за пласманот на зелката.
„Одличниот резултат го постигнавме поради тоа што заеднички покажавме дека кога ќе се постигне договор и истиот ќе се почитува, македонскиот земјоделец може да добие вистинска цена како што доликува“, појасни министерот.
Трипуновски посочи дека досега согласно податоците со кои што располага Министерството, девизен прилив кај македонските градинари од овој регион кои што произведуваат пролетна зелка се движи некаде околу 32 милиони евра.
„Ова е уште еден показател дека македонските земјоделци ќе ја добијат вистинската грижа“, истакна министерот.
Економија
Трипуновски: Со откупувачите на младиот компир се постигна договор во корист на земјоделците

„Денеска сум во општина Босилово, каде што имаше тематски состанок, разговаравме за откупот на земјоделски производи, младиот компир од реколта 2025 година“, истакна министерот за земјоделство, шумарство и водостопанство, Цветан Трипуновски.
„На состанокот заедно со откупувачите на оваа култура, како Министерство, како вистински медијатор седнавме и разговаравме за продолжување на откупот на компирот од оваа реколта“, појасни министерот.
Трипуновски додаде дека резултатот кој што денеска е постигнат е на задоволство на земјоделците.
„Она што сакам да го потенцирам е дека продолжуваме да се грижиме и да го цениме трудот на македонскиот земјоделец, за да работи со профит, со рентабилност. Затоа што може само така да ја вратиме довербата према институциите и да го зголемуваме земјоделското производство“, истакна министерот.
Тој посочи дека министерството и Владата посветено се грижат за земјоделците и работат во нивна корист се со цел да се зголеми земјоделското производство во Македонија.