Економија
Свилановиќ: Дигитализацијата е единствен начин балканските земји предвреме да влезат во ЕУ

Дигитализацијата на земјите од Западен Балкан е единствен начин овие држави да бидат дел од Европската Унија пред официјалното членство. Оваа шанса за дигитализација на регионот мора да се искористи, рече Горан Свилановиќ, генерален секретар на Советот за регионална соработка, на денешната прес-конференција на првиот дигитален самит на Балканот во Скопје.
Според него, постојат три главни причини зошто е важно општеството да се дигитализира, и тоа зголемување на БДП на земјите, односно нови вработувања, промени во законот за работни односи и корупцијата.
„Дигитализацијата носи 1,8 отсто раст на домашниот бруто-производ на земјите, поттикнува нови вработувања, промена на законите за работни односи и предност во борбата со корупцијата, во услугите на јавната администрација преку интернет нема манипулации“, вели Свилановиќ.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Трета година по ред: „Mozzart“ ги израдува децата на своите вработени со ранчиња и училишен прибор

Во компанијата Mozzart веќе е создадена убава традиција – трета година по ред на децата на своите вработени кои оваа есен првпат ќе седнат во училишните клупи им подари ранчиња и комплет училишен прибор.
Со оваа традиција компанијата сака да им го олесни почетокот на школските денови на првачињата, но и да им покаже на нивните родители – вработените во Mozzart – дека нивната посветеност, труд и лојалност се високо ценети и препознаени.
Првиот училишен ден е важен чекор исполнет со возбуда, а со оваа иницијатива Mozzart сака да ја сподели радоста и да биде дел од тие посебни моменти во животот на секое дете и секое семејство.
Грижата за вработените претставува основна вредност на компанијата. Од Mozzart велат дека токму преку вакви внимателни и топли гестови се гради доверба, припадност и вистински тимски дух. Компанијата продолжува да вложува не само во професионалниот развој, туку и во личната среќа и благосостојба на своите луѓе.
На сите првачиња им посакуваат среќен почеток, многу насмевки и успех во учењето, а на родителите им упатуваат благодарност за посветеноста и енергијата која секојдневно ја вложуваат во заедничките успеси на Mozzart.
ПР
Економија
(Видео) Стојаноски: Растот на реалната плата е двојно поголем за една година со ВМРО-ДПМНЕ отколку 7 со СДС, а инфлацијата е 30 отсто помала

„Растот на реалната плата е двојно поголем за една година со ВМРО-ДПМНЕ отколку за 7 со СДСМ, а инфлацијата е 30% помала. Имено во период јули 2024 до јули 2025 растот на реалната плата e 6.7%, додека во период јули 2017 до јули 2024 растот бил само 3.5%“, рече Бојан Стојаноски, пратеник на ВМРО-ДПМНЕ.
„Реалната плата е вистинската куповна моќ на платата, не номинален износ, туку вредностен.
Растот на реалната плата во време на ВМРО-ДПМНЕ покажува неколку работи: Дека инфлацијата е намалена, дека растот на економијата е забрзан, дека потрошувачката е зголемена, дека производството расте и дека довербата во економијата е голема.
Бројките јасно покажуваат дека инфлацијата е стабилизирана и под контрола. Во период јули 2024 до јули 2025 просечната стапка на инфлација е 3.6%, додека во период од јули 2017 до јули 2024 просечната стапка на инфлацијата е 4.8%.
Бројките се многу јасни. Во време на СДСМ добро им одеше само на неколкумина бизнисмени блиски до власта, кои беа главни тендераши. Во време на ВМРО-ДПМНЕ економијата оди напред, има раст и развој кој е сеопфатен и го чувствува секој граѓанин“, изјави Бојан Стојаноски, пратеник на ВМРО-ДПМНЕ.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,28 п.п., при што во јули таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,55 п.п. и изнесува 4,91%.
Најновото соопштение за позначајните движења кај каматните стапки на банките и штедилниците е достапно на следната врска.