Економија
СДСМ тврди дека со даночењето ќе се создаде фер општество
![](https://makfax.com.mk/wp-content/uploads/2018/11/danok2.jpg)
Со даночната реформа се создава фер општество, се намалува јазот меѓу граѓаните создаден токму од неодговорните и криминални политики на ВМРО-ДПМНЕ, реагира Социјалдемократскиот сојуз на Македонија по обвинувањата на опозицијата дека со мерката СДСМ повикува на непослушност и зголемување на даночната евазија.
„Воведувањето фер и праведно даночење оди во прилог на сите граѓани и целата економија. Опфатени се само 1 отсто од граѓаните со највисок доход, а истовремено во буџетот на тој начин би се слеале дополнителни 25 милиони евра, средства со кои би се финансирале мерките за намалување на сиромаштијата. Значи, нема да се зголеми, туку ќе се намали сиромаштијата што најмногу ја создаде ВМРО-ДПМНЕ. Колку и да е против антизападното раководство на ВМРО-ДПМНЕ, со средствата од прогресивниот данок ќе се финансира мерката минимален загарантиран приход, со која на примателите на социјална помош таа им се зголемува 300 отсто. Дополнително, се воведува и образовен и детски додаток за повеќе од 60.000 деца“, наведе СДСМ во реакцијата.
Оттука, како што тврди владејачката партија, под контрола ќе се стави и буџетскиот дефицит во ПИОМ, кој за 10 години се зголемил 150 проценти поради неодговорните и криминални политики на ВМРО-ДПМНЕ.
„Истовремено, продолжува законското усогласување на пензиите двапати во годината, а се воведува и социјална пензија. Воведувањето на даночната реформа и пензиско-социјалната реформа се дел од заложбите за градење фер и праведно општество со намален економски јаз меѓу граѓаните и изградба на систем на социјална заштита што трајно ќе извлекува од сиромаштија. Колку и да е неприфатливо за антинародното раководство на ВМРО-ДПМНЕ, Македонија се гради како фер и еднакво општество на еднакви граѓани“, тврди СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ВМРО-ДПМНЕ: Измените на Законот за Енергетика кои ги предлагаме ќе спречат поскапување на струјата за најголем дел од домаќинствата, ќе работиме на поевтинување после јануари
![](https://makfax.com.mk/wp-content/uploads/2017/12/struja.jpg)
„На заминувањето на власта на СДСМ и ДУИ, се случува повторно ново поскапување на електричната енергија, со што директно се удира по стопанството и по буџетот на домаќинствата“ вели ВМРО-ДПМНЕ.
„ВМРО-ДПМНЕ се грижи за стандардот на граѓаните и затоа поднесе Предлог закон за дополнување на законот за енергетика по скратена постапка, со кој ќе се спречи поскапувањето на цената на електричната енергија за најголем дел од домаќинствата сега на почетокот на јули.
Со оглед на тоа што универзалниот снабдувач од порано продолжува да ја врши истата услуга и во иднина, Регулаторна со измените треба само да му ја продолжи лиценцата, без да има дополнителни бирокартски процедури кои чинат пари и време и во исто време ќе се намали маржата од 11,5% на 9,9%. Овие промени но и оптимизацијата во работата на универзалниот снабдувач би ги заштитило граѓаните од поскапувања и со тоа дополнително загрозување на стандардот на граѓаните.
Овие мерки кои сега ги предлага ВМРО-ДПМНЕ, пред формирањето на владата се во насока на заштита на интересите на граѓаните. По формирањето на владата ќе следи силна и посветена работа во областа на енергетиката, што би требало да резултира со намалување на цената на електричната енергија во следниот регулационен период од јануари 2025, како за домаќинството така и за стопанството“, соопшти ВМРО-ДПМНЕ.
Економија
Просечната плата во април изнесува 41.085 денари
![](https://makfax.com.mk/wp-content/uploads/2017/08/denari-plata-126565.jpg)
Просечната месечна исплатена нето-плата по вработен, во април 2024 година, изнесува 41.085 денари.
Според податоците на Државниот завод за статистика, индексот на просечната месечна исплатена нето-плата по работен во април 2024 година, во однос на април 2023 година, изнесува 113.7.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (21.8%), Земјоделство, шумарство и рибарство (18.6%) и Информации и комуникации (18.0%).
Зголемување на просечната месечна исплатена нето-плата по вработен, во однос на претходниот месец, е забележано во секторите: Земјоделство, шумарство и рибарство (6.3%), Информации и комуникации (5.7%) и Транспорт и складирање (4.9 %).
Економија
Нова цена на горивата од полноќ
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
РКЕ донесе нова одлука за цената на горивата од полноќ.
Цената на бензините и дизелот остануваат исти, а „мазутот“ поскапува 1,2 денар.
Моторен бензин ЕВРОСУПЕР БС-95 – 81,00 (денар/литар)
Моторен бензин ЕВРОСУПЕР БС-98 – 83,00 (денари/литар)
Дизел-гориво ЕВРОДИЗЕЛ БС (Д-Е V) – 74,00 (денари/литар)
Масло за горење екстра-лесно 1 (ЕЛ-1) – 73,00 (денари/литар)
„Мазут М-1 НС“ – 45,680 (денари/килограм)