Економија
Стилско лето со Dan John: неодоливи попусти до 50 отсто

Летото кај многумина буди мотив и инспирација за што подобар изглед. Нека не ве спречуваат високите температури да го дадете најдоброто кога е вашиот изглед во прашање.
Fashion Group продолжува со изненадувањата и фантастичната летна понуда. Овој пат, мажи, вниманието го насочуваме кон вас.
Во Dan John ќе најдете сѐ што еден модерен маж треба да го има оваа сезона и тоа буквално за секоја пригода на неодоливо намалување до -50% на колекција пролет-лето ’23. Од стилски парчиња облека до модни додатоци со кои ќе ја заокружите вашата комбинација – имате сѐ на едно место и многу повеќе!
И верувајте, дефинитивно ќе ви се допадне она што го гледате!
Ако планирате одмор и сакате да се подновите со ново парче, направете спој по ваша мерка на одличните бермуди и маиците во полежерен или покласичен крој. Сакате принтови? Не е проблем, кошулите со летни дезени и текстура нема да поминат незабележано!
Од друга страна, ако ве очекува некоја свеченост и барате совршен формален стил, погледнете ги новите летни костими. Италијанска елеганција со која не можете да згрешите.
Ако работниот стил ви наметнува класичен изглед, понудата на кошули е голема и со сигурност ќе најдете нешто по ваш вкус.
Секако, ниту еден изглед не е комплетен без добри чевли, па без проблем одберете мокасини, еспадрили или пак класични чевли во согласност со комбинацијата. Нека италијанската естетика доминира со секој направен чекор.
Ве чекаме во продавницата во Ист Гејт зааедно да ја погледнеме новата шик колекција и сите оние парчиња на одлично намалување. А ако сте веќе на одмор или не ви се излегува од дома поради високите температури, секогаш сме достапни онлајн на www.fashiongroup.com.mk.
Мажи, сега е време да го привлечете вниманието со својот стил.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“
Економија
Дизелот поевтинува за 2,5 денари

Од ноќеска на полноќ дизелот ќе поевтини за 2,5 денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 28.6.2025 година од 00:01 часот максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 77,50 (денари/литар)
– Моторен бензин – ЕУРОСУПЕР БС – 98 – 79,50 (денари/литар)
– Дизел гориво – ЕУРОДИЗЕЛ БС (Д-Е V) – 70,50 (денари/литар)
– Масло за горење – Екстра лесно 1 (ЕЛ-1) – 72,00 (денари/литар)
– Мазут М-1 НС – 40,188 (денари/килограм)
Малопродажната цена на ЕУРОДИЗЕЛ (Д-Е V) се намалува за 2,50 ден/лит.
Малопродажната цена на Мазутот М-1 НС, се намалува за 1,499 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат.