Економија
Сѐ уште не си бил клиент на Credissimo? Ова е вистинскиот момент да им се довериш!

Credissimo е една од водечките Финтек-структури во небанкарскиот финансиски сектор во Македонија. Компанијата постојано се стреми да нуди нови и современи решенија за краткорочно финансирање на своите клиенти. За последните 5 години, колку што е активна оваа компанија на македонскиот пазар, може да се пофали со повеќе од 100 000 корисници и повеќе од 92 % задоволни клиенти.
Ако досега не си бил клиент на Credissimo, ова е вистинскиот момент да им се довериш!
Во текот на целиот месец, може да аплицираш за твојот прв Credissimo Плус до 30 000 ден. со период на исплата од 3 месеци со 0 % камата. Промоцијата е валидна само за нови клиенти на Credissimo кои немаат одобрен брз кредит и важи во периодот од 01.03.2021 г. до 31.03.2021 г.
Земи го твојот прв бескаматен кредит на рати во 3 лесни чекори:
- Поднеси апликација за сума од 6 000 ден. до 30 000 ден. со период на исплата од 3 месеци;
- Добиј одобрување за неколку минути;
- Парите ги добиваш на твојата трансакциска сметка.
Операторите на Credissimo се достапни да одговорат на твоите прашања во секое време преку чатот на нивниот сајт.
Промотивните услови важат за периодот од 01.03.2021 година до 31.03.2021 година и се однесуваат само за нови клиенти кои ги исполнуваат условите за одобрување кредит Credissimo Плус до 30 000 денари, со рок на враќање до 3 (три) месеци. Кредитните барања се одобруваат согласно ОУ на ФД Кредисимо ДООЕЛ Скопје.
* За одобрен кредит Credissimo Плус на нов клиент, во износ до 30 000 денари, со рок на враќање до 3 (три) месеци, фиксната каматна стапка е 0 % и таа изнесува 0 денари. Дополнителните трошоци при одобрување на кредитот, коишто се дел од стапката на вкупни трошоци (СВТ), за одобрениот рок на враќање изнесуваат исто така 0 денари.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
„Соработка за економски напредок“: средба меѓу гувернерот на Народната банка и претседателот на Стопанската комора

Во духот на заедничката определба за поттикнување на економскиот развој и за зајакнување на институционалната соработка, во Народната банка денес се одржа средба меѓу гувернерот Трајко Славески и претседателот на Стопанската комора на Северна Македонија, Бранко Азески.
На средбата беше нагласена важноста на постојаниот дијалог помеѓу носителите на економската политика и бизнис-заедницата, особено во контекст на актуелните светски и регионални економски предизвици. Претседателот Азески истакна дека Комората е подготвена за понатамошна активна соработка со Народната банка, изразувајќи поддршка за професионалноста и кредибилитетот што гувернерот Славески ги носи на оваа позиција, известува Народната банка.
Во разговорот беа отворени теми поврзани со монетарната политика, финансиската стабилност, пристапот до финансии за стопанството, како и улогата на Народната банка во создавањето поволно деловно опкружување. Двете страни се согласија дека со заемна отвореност и координација може да се придонесе за поефикасно исполнување на стратегиските економски цели на земјата.
Гувернерот Славески ја истакна заложбата на Народната банка за транспарентност, предвидливост и поддршка на стабилноста, како предуслов за одржлив раст. Тој упати благодарност за поддршката и изрази задоволство од иницијативите на Комората за продлабочување на комуникацијата со институциите од финансискиот сектор.
Средбата заврши во конструктивен дух, со договор за засилување на соработката преку редовни консултации и размена на анализи и мислења од заеднички интерес, се наведува во соопштението од Народната банка.
Економија
Се зголемува цената на дизелот

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,93 % во однос на одлуката од 2.06.2025 година.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,833%, кај дизелот за 3,057%, кај екстра лесното масло за 3,388% и кај мазутот зголемувањето е за 3,088%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,5243%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 1,00 ден/лит.
Малопродажната цена на Мазутот М-1 НС се зголемува за 0,624 ден/кг и сега ќе изнесува 38,486 ден/кг.
„Напоменуваме дека ова се максималните цени на нафтените деривати од 00:01 часот на 10.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
Објавени повици за самовработување, за млади до 29 години грант до 10.000 евра, а за невработени над 29 години грант до 7.000 евра

Министерот за економија и труд, Бесар Дурмиши, заедно со директорот на Агенцијата за вработување на Република Северна Македонија, Селајдин Белули, денеска официјално го објавија отворањето на јавниот повик за Мерка 1.1 и Мерката 1.2 во рамки на Оперативниот план за вработување за 2025 година, кои имаат за цел поддршка на самовработувањето на невработените граѓани регистрирани во Агенцијата за вработување.
Мерката 1.1 е наменета за лица над 29 години и обезбедува финансиска поддршка од 430.500 денари односно 7.000 евра за основање на нов бизнис, а Мерката 1.2 се однесува за млади до 29 години, кои имаат можност да добијат поддршка до 615.000 денари или 10.000 евра за основање сопствен бизнис.
Двете мерки, исто така, вклучуваат обука за претприемништво, подготовка на бизнис план и менторство за 6-месечен период за целните групи, вклучувајќи ги и лицата со попреченост, припадниците на ромската заедница и жените од руралните средини.
„Овие мерки не се само финансиска помош, туку се директна инвестиција во потенцијалот на граѓаните и во развојот на локалната економија“, истакна министерот Дурмиши на прес-конференцијата.