Економија
„Техномаркет“ – секогаш во чекор со новите технологии
Светот живее во постојано менување. Промените се дел од секојдневието . Техномаркет е компанија која речиси 25 години се грижи да се задржи чекорот со новите технологии нудејќи ги на пазарот производите од најдобрите светски брендови.
Техномаркет со појавата на македонскиот пазар, на прво место ги става потребите на потрошувачите , разбирајќи ја потребата од висок квалитет, пристапни цени и голем број на поволности за купувачите.
Чекорејќи во слух со новите иновации , Техномаркет прерасна во бренд кој на пазарот се истакна како промотор на најсовремената технологија во областа на апаратите за домаќинство, црната (ТВ, аудио, видео) и белата техника, како и IT производите.
Од само една продавница во Скопје во 1997 година , брендот Техномаркет денес е блиску до сите граѓани низ земјата, со отворени 19 продажни салони и континуирано проширување и подобрување на своите услуги, сопствена логистичка мрежа и онлајн продавница. И она што е најважно, и понатаму на прво место се потребите на купувачите и квалитет на услугите.
Технологијата денес не е само алат или предмет кој го употребуваме во секојдневието, таа станува составен дел од животот . Технологијата денес има персонален карактер и купувачот со неа има личен однос , повеќе од било кога во минатото. Денес на пазарот има се повеќе паметни уреди. Токму поради овие причини , во Техномаркет посебно се води грижа персоналот да биде секогаш одлично обучен и подготвен да ги даде сите неопходни одговори на купувачите, споредувајќи ги карактеристиките на моделите од различни брендови, притоа овозможувајќи им на купувачите вистински избор.
Мобилни телефони, лаптоп компјутери, слушалки , таблети , машини за перење, фрижидери, шпорети , телевизори, фен, пегли , се само дел од уредите без кои не би можеле да го замислиме секојдневието.
Денес во продажните салони на Техномаркет можат да се најдат апаратите за домаќинство од познатите брендови Samsung ,Liebherr , Philips, Sony, Panasonic, Electrolux, AEG, NEO, Indesit, Hotpoint Ariston, Rowenta, Tefal, Krups и многу други.
Брендот Техномаркет овозможува оригинална гарантна карта од производителот , истовремено брз и ефикасен сервис на своите производи , како и оригинални резервни делови со што ја зацврстуваат сигурноста на своите купувачи.
Техномаркет ја негува својата политика за квалитет и се стреми кон целосна посветеност на целите и креирање на задоволни потрошувачи.
Дека квалитетот на услугата е на прво место потврдуваат и меѓународните бизнис награди и признанија.
Техномаркет е добитник и на наградата Best Buy од самите потрошувачи со истражување спроведено од швајцарската агенција Iceritas за соодносот меѓу квалитетот и цената.
Истата оваа меѓународна асоцијација со седиште во Цирих , Швајцарија, на брендот Техномаркет, му ја додели престижната награда „Costumer Friend – Dedicated to Excellence“, награда која се доделува на компании кои се докажани на пазарот и имаат врвен однос со своите клиенти и потрошувачи.
Модерниот начин на живеење овозможува брз пристап до информациите, и додека го пиете утринското кафе на вашите социјални мрежи може да ги дознаете сите промоции и попусти на производите во Техномаркет , а со големиот избор на поволности за плаќање може да го распоредите сопствениот буџет. Плаќањето во Техномаркет може да биде на кредит, со кредитни картички , или пак преку синдикална продажба на рати.
Доколку не сакате да го напуштите својот топол дом, купувањето може да го направите и од дома, преку онлајн продавницата на Техномаркет , каде исто така оваа компанија е водечка и уште од самиот почеток поставува стандарди како во изгледот на страната така и во нејзината функционалност.
Екстремните попусти за Black Friday станаа препознатливи за брендот Техномаркет. Како што тоа се прави во светски познатите ланци на продажба, така и кај нас, на крајот од месец ноември , а во пресрет на божиќните и новогодишните празници , цените на производите во ТЕХНОМАРКЕТ вртоглаво опаѓаат .
Пристапните цени, врвната услуга и поволностите при купување ќе го направат овој Black Friday розов и весел за сите кои ќе одлучат да го поминат во продажните салони на Техномаркет .
За први да ги дознаете новите акции, промоции и попусти следете ја официјалната страна, како и Facebook и Instagram профилите на брендот ТЕХНОМАРКЕТ.
https://www.facebook.com/TehnomarketMakedonija/
https://www.instagram.com/tehnomarket_makedonija/
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Андоновски: Е-трговијата веќе не е алтернативен, туку доминантен економски модел
Владата на Република Македонија ја потврдува својата посветеност кон унапредување на електронската трговија како двигател на економијата, преку спроведување на јасна стратегија за дигитална трансформација, зајакнување на интероперабилноста и намалување на административните пречки за граѓаните и компаниите, изјави министерот за дигитална трансформација, Стефан Андоновски, на отворањето на 8-та Регионална Е-комерц конференција во Скопје.
Тој истакна дека е-трговијата веќе не е алтернативен, туку доминантен економски модел, кој бара силна поддршка од државата преку модерни дигитални платформи, регулаторна предвидливост и иновации ориентирани кон пазарот.
„Интероперабилноста што ја бесплатно ја овозможивме за повеќе од 76 институции и компании – со повеќе од 2.6 милиони безбедни трансакции месечно и раст од 260% – претставува не само успех на администрацијата, туку можност за приватниот сектор. Таа отвора простор за дигитални услуги, безбедна размена на податоци, брз пристап до потребните административни податоци и нови бизнис-модели што ја поврзуваат државата и компаниите во еден заеднички дигитален екосистем“, изјави министерот Андоновски.
Во рамки на поддршката за мали и средни претпријатија, Министерството за дигитална трансформација преку Европскиот дигитален иновациски хаб – INNOFEIT EDIH, им овозможува на компаниите пристап до лаборатории, дигитални алатки и експертска поддршка за тестирање нови технологии пред инвестирање. Овој хаб нуди и обуки за дигитални вештини во областа на вештачка интелигенција, сајбер-безбедност, автоматизација и интернет на нештата, со цел да ја зголеми конкурентноста на домашните компании на европскиот пазар.
Во истата насока, Националниот центар за вештачка интелигенција – Везилка, развива АИ решенија применливи и во приватниот сектор, со што создава услови електронската трговија да стане поефикасна, попаметна и побезбедна.
„Намалувањето на бирократијата и отворањето на податоците за бизнис-заедницата се клучни за модерна држава. Владата создава инфраструктура каде иновацијата е во центарот, а граѓаните и компаниите се вистинските корисници на дигиталната трансформација“, додаде Андоновски.
Тој најави дека во следниот период Владата ќе продолжи да инвестира во дигитална инфраструктура, унапредување на екосистемот за иновации, како и во програми за поддршка на стартапи и претприемачи во дигиталната економија.
Економија
„Виз Ер“ воведува евтина „бизнис класа“, можете да платите за да го задржите средното седиште празно
Нискобуџетната унгарска авиокомпанија „Виз Ер“ ќе започне со тестирање на таканаречената „основна бизнис класа“ на одредени летови од декември оваа година, нудејќи малку повеќе удобност во рамките на својата стандардна услуга без додатоци. Оваа нова функција ќе биде воведена на пет рути, вклучувајќи летови до Лондон, Рим и Будимпешта.
Концептот е едноставен – во првиот ред од авионот, средното седиште ќе биде оставено празно за да им се обезбеди на деловните патници повеќе простор и да се олесни качувањето. Мајкл Делехант, виш комерцијален и оперативен директор, нагласи дека цената нема да биде драстично повисока.
„Што се однесува до цените на билетите, таа никогаш нема да биде повеќе од цената на купување дополнително седиште“, изјави тој на прес-конференција.
Иако билетите за овие специјални седишта ќе бидат поскапи, патниците сепак ќе бидат третирани исто како и сите други.
„Повеќе се работи за ефикасноста на патувањето и малку дополнителен простор во авионот“, рече Делехант.
Воведувањето премиум услуги е тренд што го следат и американските нискобуџетни превозници за да се натпреваруваат со големите превозници.
Делехант забележа дека сè уште има силна побарувачка за нискобуџетни летови во Европа, но дека пазарот треба да се развива.
Економија
Поскапуваат бензините и дизелот
Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 4.11.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 74,00 (денари/литар)
Моторен бензин ЕУРОСУПЕР БС – 98 76,00 (денари/литар)
Дизел гориво ЕУРОДИЗЕЛ БС (Д-Е V) 71,00 (денари/литар)
Масло за горење Екстра лесно 1 (ЕЛ-1) 69,50 (денари/литар)
Мазут М-1 НС 36,913 (денари/килограм)
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/лит.
Малопродажната цена на ЕУРОДИЗЕЛ (Д-Е V) се зголемува за 1,00 ден/лит.
Малопродажната цена на Екстра лесното масло за домаќинство на (ЕЛ-1) не се менува.
Малопродажната цена на Мазутот М-1 НС се зголемува за 0,856 ден/кг и сега ќе изнесува 36,913 ден/кг.
Несреќата кај Плетвар во која загинаа две лица се случила при претекнување, соопшти Обвинителството
Во врска со тешката сообраќајна несреќа што попладнево се случи на патот Прилеп – Росоман, во близина на Плетвар, дежурен...
Двajца загинаа во сообраќајка кај Плетвар, петмина повредени
Денеска околу 17 часот на патниот правец Прилеп-Росоман, во близина на селото Радобил, се случила тешка сообраќајна несреќа помеѓу две...
Очув и мајка осомничени за обљуба на малолетно девојче
Основното јавно обвинителство Скопје донесе Наредба за спроведување истражна постапка против двајца сопружници за обљуба со злоупотреба на положбат. Осомничениот...
Обвинителството бара одземање на пасошите и дозволата за возачот кој го прегази Јорго Ќука во Скопје
Обвинителството достави до судот предлог за определување мерки на претпазливост за 37-годишниот возач кој на 3 ноември со автомобил удри...
Беким Сали ќе го наследи Изет Меџити како прв вицепремиер
Портпаролот на коалицијата ВРЕДИ, Дритон Сулејмани, денеска потврди дека Беким Сали ќе биде новиот прв вицепремиер, на местото на Изет...
Македонија треба да ги спроведе уставните измени, порача Кос
Презентирајќи ги извештаите за земјите кандидатки за членство во ЕУ, пред Комитетот за надворешни работи на Европскиот парламент, еврокомесарката за...
Мицкоски од Брисел: Ги повторивме нашите единствени позиции за Македонија
Премиерот Христијан Мицкоски соопшти дека во Брисел имал пријателска средба со претседателот на Европскиот совет, Антонио Кошта. „Првата средба ја...
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
Европската комисија разгледува воведување систем на пробен период за земјите што во иднина ќе станат членки на Европската Унија, изјави...
Воведена нова процедура на Клиниката за кардиологија, пациентите со сложени срцеви аритмии повеќе нема да бидат упатувани во странство
Министерот за здравство Азир Алиу денеска ја посети Универзитетската клиника за кардиологија по повод извршената прва аблација за коморна тахикардија...
Ако ДУИ беше опозиција пред десет години, и тогаш ќе го имавме овој изборен резултат, тие немаа можност за злоупотреби, вели Алиу
Граѓаните во нашата земја десет години сакаа промена на политичкиот амбиент и ако ДУИ пред десет години беше опозиција, ќе...
Го тепал со метална шипка, со рацете и со нозете речиси половина час, па го оставил да искрвави на скалите: eден осомничен за убиство во дојранско Сретеново
Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило...
Андоновски: Е-трговијата веќе не е алтернативен, туку доминантен економски модел
Владата на Република Македонија ја потврдува својата посветеност кон унапредување на електронската трговија како двигател на економијата, преку спроведување на...
(Фото) Гаши се сретна со досегашните претседатели на Собранието: Организирањето вакви средби за размена на искуства и мислења ќе бидат од големо значење
Претседателот на Собранието на Република Северна Македонија, Африм Гаши, организира средба на која беа поканети досегашните претседатели на Собранието. Средбата...
(Фото) Пронајдена дрога во возило во Тетовско, двајца уапсени
Вчера во 21:00 часот на регионален пат Тетово – Скопје, на влез за село Желино, тетовско, полициски службеници од Полициската...
Герасимовски: Во следните денови поставуваме мерачи за бучава на 30 локации
Градоначалникот на Општина Центар Горан Герасимовски, на средбата со раководителите на сектори дискутираа за проектите што е предвидено да се...
(Видео) Масовни напади со дронови во Русија: една од најголемите рафинерии во пламен
Ноќеска, украински беспилотни летала нападнаа голем број индустриски и енергетски објекти длабоко на руска територија предизвикувајќи пожари во рафинерии и...
(Видео) Украинец преживеал некои од најжестоките битки во војната: убиен на церемонијата на доделување медали
Елитниот украински пилот на беспилотни летала Володимир Свјатненко, познат по неговиот повикувачки знак „Знахар“, кој преживеал некои од најжестоките битки,...
Кина спроведува најголемо воено засилување во светот, тврдат Австралијците
Работата на австралиските одбранбени сили за заштита на поморските трговски патишта, вклучително и оние низ Јужното Кинеско Море, станува сè...
Вучиќ: Знаеме дека двајца снајперисти се во Белград, не можеме да ги најдеме веќе три дена
Српскиот претседател Александар Вучиќ, гостувајќи во емисија на домашен медиум, изјави дека обоената револуција не успеала. Тој тврди дека блокадерите...
Блокадата на владата ја остави Америка без контролори на летање: летовите одложени со часови
Повеќе од 3,2 милиони американски патници се соочуваат со одложувања и откажувања на летови, бидејќи отсуствата на контролорите на летање...
