Економија
„Форд“ открива ново искуство со линијата на електрични возила Go Electric
Напредната линија електрични возила на Форд ја означува новата граница за компанијата и за нејзините клиенти, објавија на специјалниот настан „Go Further” во Амстердам, Холандија.
Новиот ранг на модели, под знамето на Форд хибриди, се одликува со софистицирани средни, целосни и вклучени погонски склопови за да се подобри ефикасноста на горивото и искуството на возење за клиентите во Европа, притоа носејќи ги вредностите на брендот Форд, како што се довербата, достапноста и забавата да се вози со електрични возила.
Форд ја откри „Go Electric” новата Kuga plug-in хибрид варијанта на компанискиот нов СУВ, со средна големина. Ова е фордовиот најелектрифициран автомобил и прв Форд со полу-хибрид, целосен хибрид и plug-in хибрид погонска склопка.
Новиот Explorer Plug-in хибрид седмосед СУВ и новиот Tourneo модифициран plug-in хибрид со осум седишта ги направија своите први појавувања на глобално ниво – секој од нив нуди чисти електрични возни капацитети, покрај возниот ранг и слободата на традиционалниот мотор за внатрешно согорување.
Форд, исто така, ја откри новата Fiesta EcoBoost хибрид со софистицирани полу-хибридни модели за намалени CO2 емисии, оптимизирана ефикасност на гориво и пореспонсивно и наградувачко возачко искуство.
Како дополнување, Форд објави дека целосно новиот електричен Transit ќе се приклучи на линијата на електрични комерцијални возила во 2021 година. Дизајнирано е да испорача чист електричен погон. Новото комбе ќе придонесе до почисти, потивки градови и намалени трошоци за водење на бизнис и оператори.
“Визионерски, технолошки напредни и со користење на широк ранг електрифицирани решенија, да одговораат на различните потреби на различни клиенти, нашите нови Форд хибридни возила ќе ја направат електрификацијата релевантна и достапна за повеќе возачи од кога било порано”, вели Стјуарт Раули, претседател на Форд Европа. “Денес претставените модели се само почеток на нашите планови да развиеме разбирлива линија на паметни возила за паметен свет. Од Fiesta до Transit, секое ново возило ќе има електрична верзија кое најдобро им одговара на потребите и џебовите на клиентите ширум Европа”.
Форд хибридните возила кои веќе се понудени или потврдени за претставување во Европа:
• Mondeo хибрид со четири врати и караван – имаат сопствено полнење, целосен хибрид, бензински-електричен погонски склоп технологија која нуди примамлива алтернатива на дизелот. Mondeo хибрид караванот, денеска, беше претставен како нова СТ-линија варијанта.
• Transit EcoBlue хибрид и Transit Custom EcoBlue хибрид – користат полухибридна технологија да ги намалат редовните трошоци за корисниците на комбиња и за операторите.
• Tourneo Custom EcoBlue хибридот се одликува со полухибридна технологија која ја унапредува ефикасноста на горивото за осумседот или за деветоседот.
• Transit Custom Plug-In хибрид – опремен со напреден електричен погонски склоп кој го користи Фордовиот 1.0 литарски EcoBoost мотор како зголемувач на досегот. Возилото во моментов се тестира за подобро да се разберат придобивките за природата и клиентите во Лондон, Обединетото Кралство со понатамошни тестови кои наскоро ќе почнат во Валенсија, Шпанија и Келн, Германија.
Електричниот СУВ инспириран од Ford Mustang ќе пристигне во 2020 година, со целосен електричен досег на возење од 600 км (повеќе од 370 милји), користејќи ја Светската Хармонизирана Светлосна Тест Процедура за Возила (WLTP) и способноста за брзо полнење.
Единствениот од својот вид минибус, Форд Транзит Паметен Енергетски Концепт со 10 седишта и помага на компанијата да ги истражи решенијата за понатамошна оптимизација на енергетската ефективност и досегот на возење на електрични возила.
Форд е посветен да биде водач во овозможување избор на своите клиенти на возила со лесен достап за полнење, поддршка со зголемена поврзаност и поврзани услуги за мобилност.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.