Економија
Цената на нафтата падна под 73 долари
![](https://makfax.com.mk/wp-content/uploads/2017/02/nafta-5.jpg)
Цените на нафтата во вторникот паднаа на светските берзи под 73 долари бидејќи фокусот се префрли на можното намалување на побарувачката поради забавувањето на економската активност откако ослободувањето на американските санкции за увоз на иранска нафта ја пригушија загриженоста за понудата.
Цената на барел нафта на пазарот во Лондон се намали за 53 центи, односно на 72,64 долари. Во понеделникот тргувањето заврши во плус од 34 центи.
На пазарот во САД, барели беа тргувани со 30 центи пониска цена, од 62,8 американски долари. Во понеделникот поевтини за четири центи.
Вашингтон обезбеди ослободување од американските санкции за увоз на иранска нафта во траење од 180 дена за Кина, Индија, Јужна Кореја, Јапонија, Италија, Грција, Тајван и Турција.
Оваа група на земји купува околу три четвртини од извозот на нафта од Иран. Ирански извоз може да се спушти до еден милион барели дневно во ноември, што е спротивно на највисоко ниво оваа година од околу 2,6 милиони барели дневно, но според проценките што се прават, тоа може да се зголеми во декември бидејќи увозниците ќе ја искористат можноста за изземање.
Организацијата на земјите извознички на нафта (ОПЕК) објави дека барел од својата референтна кошница на нафта во понеделникот чинел 71,45 долари, што значи дека ценатае пораснала за помалку од десет центи во однос на петокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ВМРО-ДПМНЕ: Измените на Законот за Енергетика кои ги предлагаме ќе спречат поскапување на струјата за најголем дел од домаќинствата, ќе работиме на поевтинување после јануари
![](https://makfax.com.mk/wp-content/uploads/2017/12/struja.jpg)
„На заминувањето на власта на СДСМ и ДУИ, се случува повторно ново поскапување на електричната енергија, со што директно се удира по стопанството и по буџетот на домаќинствата“ вели ВМРО-ДПМНЕ.
„ВМРО-ДПМНЕ се грижи за стандардот на граѓаните и затоа поднесе Предлог закон за дополнување на законот за енергетика по скратена постапка, со кој ќе се спречи поскапувањето на цената на електричната енергија за најголем дел од домаќинствата сега на почетокот на јули.
Со оглед на тоа што универзалниот снабдувач од порано продолжува да ја врши истата услуга и во иднина, Регулаторна со измените треба само да му ја продолжи лиценцата, без да има дополнителни бирокартски процедури кои чинат пари и време и во исто време ќе се намали маржата од 11,5% на 9,9%. Овие промени но и оптимизацијата во работата на универзалниот снабдувач би ги заштитило граѓаните од поскапувања и со тоа дополнително загрозување на стандардот на граѓаните.
Овие мерки кои сега ги предлага ВМРО-ДПМНЕ, пред формирањето на владата се во насока на заштита на интересите на граѓаните. По формирањето на владата ќе следи силна и посветена работа во областа на енергетиката, што би требало да резултира со намалување на цената на електричната енергија во следниот регулационен период од јануари 2025, како за домаќинството така и за стопанството“, соопшти ВМРО-ДПМНЕ.
Економија
Просечната плата во април изнесува 41.085 денари
![](https://makfax.com.mk/wp-content/uploads/2017/08/denari-plata-126565.jpg)
Просечната месечна исплатена нето-плата по вработен, во април 2024 година, изнесува 41.085 денари.
Според податоците на Државниот завод за статистика, индексот на просечната месечна исплатена нето-плата по работен во април 2024 година, во однос на април 2023 година, изнесува 113.7.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (21.8%), Земјоделство, шумарство и рибарство (18.6%) и Информации и комуникации (18.0%).
Зголемување на просечната месечна исплатена нето-плата по вработен, во однос на претходниот месец, е забележано во секторите: Земјоделство, шумарство и рибарство (6.3%), Информации и комуникации (5.7%) и Транспорт и складирање (4.9 %).
Економија
Нова цена на горивата од полноќ
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
РКЕ донесе нова одлука за цената на горивата од полноќ.
Цената на бензините и дизелот остануваат исти, а „мазутот“ поскапува 1,2 денар.
Моторен бензин ЕВРОСУПЕР БС-95 – 81,00 (денар/литар)
Моторен бензин ЕВРОСУПЕР БС-98 – 83,00 (денари/литар)
Дизел-гориво ЕВРОДИЗЕЛ БС (Д-Е V) – 74,00 (денари/литар)
Масло за горење екстра-лесно 1 (ЕЛ-1) – 73,00 (денари/литар)
„Мазут М-1 НС“ – 45,680 (денари/килограм)