Економија
10 години InPlayer во Скопје

Велат дека првите 10 години се вистинското искушение за секоја компанија, а десеттиот роденден е круна на сета макотрпна работа, успеси, падови и повторни успеси. Доколку се водиме од тоа непишано правило, несомнено е дека пред македонско-британската софтверска компанија InPlayer допрва следуваат најголемите успеси.
Под мотото „Decade of Awesomeness”, кое најдобро ја опишува компанијата и атмосферата во самиот тим, InPlayer на 08.11.2021 на аеродромот Стенковец ги прослави своите први 10 години.
Да се потсетиме, специјалност на InPlayer е монетизацијата на премиум содржини и главниот развој на платформата се движи во овозможување на што поголем број на функционалности кои нудат голем број на опции на крајните корисници.
InPlayer Limited е основана во јули 2010 година во Лондон, а набргу потоа, во ноември следната година е отворено и седиштето во Скопје, со тим од само неколкумина луѓе. Како и секоја успешна бизнис приказна, и таа на InPlayer е исполнета со безброј предизвици. Но, констатната мотивација, напорната работа, креативноста и нивната уникатност на светскиот пазар ги донесоа до тоа да изградат силен тим од над 200 вработени и над 50 отворени позиции.
Во моментов портфолиото на InPlayer брои илјадници задоволни клиенти, повеќе милиони остварени трансакции и проекти со светски имиња и брендови со кои ретко кој може да се пофали. А сето тоа благодарение на тимот посветени професионалци кои се секогаш спремни за акција.
Ова е само мал фрагмент од проектите и интернационалните соработки низ годините:
• Соработката со фудбалскиот гигант Manchester United и монетизација на нивните натпревари.
• Соработката со славната Зоолошката градина „Таронга’ во Сиднеј, Австралија
• Заеднички проект со UFC легендата, Конор Мекгрегор
• Признанието со кое ретко кој може да се пофали – Significant companies on the global digital content market.
За да го прослави овој голем успех, но, и за уште еднаш да потврди дека е компанија која постојано придонесува во заедницата, InPlayer во 2020 година реализираше општествено-одговорен проект за пошумување низ цела Македонија, со кој секој постоен и нов клиент добива уникатен подарок – дрво кое ќе биде засадено на прецизирана локација.
Фотографиите се само дел од “awesome“ роденденот на InPlayer тимот и прославата на првите 10 години.
Им посакуваме уште многу децении успеси, соработки со најголемите светски имиња и уште илјадници задоволни клиенти.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Халкбанк со нова кредитна линија од 12 милиони евра за одржливо земјоделство

Халкбанк АД Скопје, како една од водечките банки во земјата која постојано се насочува кон поддршка на реалната економија, започнува со реализација на нова кредитна линија наменета за развој на одржливо земјоделство.
Средствата во износ од 12 милиони евра се обезбедени преку Европскиот фонд за Југоисточна Европа (ЕФСЕ) и ќе бидат ставени на располагање на земјоделците и земјоделските бизниси во наредните пет години.
Целта на оваа кредитна линија е да им овозможи на микро (вклучувајќи трговци поединци и индивидуални земјоделци), мали и средни претпријатија пристап до поволни извори на финансирање кои ќе им помогнат да ги реализираат своите планови за работен капитал, како и за инвестиции во опрема, модернизација и развој на одржливи агро-практики.
Кредитите ќе бидат одобрени под атрактивни услови, со варијабилна каматна стапка која започнува од 5,5% и со можност за флексибилна отплата преку месечни, квартални или полугодишни ануитети. Освен финансиската поддршка, програмата предвидува и дополнителни бенефити за земјоделците: организирани работилници и тренинзи преку кои ќе можат да стекнат нови знаења за современи и одржливи земјоделски практики, како и грант компонента до 1.000 евра по корисник, достапна до исцрпување на предвидениот буџет. На тој начин, кредитната линија не е само финансиски инструмент, туку и практичен поттик за модернизација и зголемување на конкурентноста на домашното земјоделство.
Халкбанк и ЕФСЕ соработуваат долги години, а ова партнерство овозможи континуирано насочување на финансиски средства кон микро, мали и средни претпријатија, со што се поддржа растот на многу бизниси и се даде значаен придонес во економскиот развој на државата. Новата кредитна линија претставува уште еден чекор во таа насока, ставајќи акцент на земјоделството како стратешка гранка со голем потенцијал за одржлив развој.
„Поддршката на земјоделството е од суштинско значење за иднината на економијата и благосостојбата на граѓаните. Со оваа нова кредитна линија, обезбедуваме не само поволни финансиски средства, туку и знаење и грантови кои ќе им помогнат на земјоделците да преминат кон одржливи практики и да ја зголемат својата продуктивност. Веруваме дека вложувањето во земјоделството значи вложување во долгорочна стабилност, храна со повисок квалитет и развој на руралните средини,“ велат од Халкбанк.
Европскиот фонд за Југоисточна Европа (ЕФСЕ) е формиран од страна на Банката за развој KfW, со финансиска поддршка од германското Федерално Министерство за економска
соработка и развој (BMZ) и Европската комисија. Фондот има за цел да го поттикне економскиот развој и благосостојбата во земјите од Југоисточна Европа преку овозможување пристап до финансирање за микро и мали претпријатија и за домаќинства со пониски приходи, со фокус на одржливост и позитивно влијание врз заедниците.
Со оваа програма, Халкбанк ја продолжува својата долгорочна стратегија за поддршка на одржливите иницијативи во економијата, инвестирајќи во иднината на земјоделството и обезбедувајќи подобри услови за оние кои ја движат оваа важна гранка.
ПР
Економија
НБРМ: Граѓаните сè почесто ги избираат дигиталните канали за плаќање

Најновите податоци од платежната статистика на Народната банка за вториот квартал од 2025 година покажуваат натамошен раст на електронските плаќања, при што сè поочигледно е дека граѓаните почесто ги избираат мобилните апликации и платежните картички за извршување на плаќањата, отколку шалтерите, соопшти НБРМ.
Во споредба со истиот период минатата година, електронските плаќања со платни налози бележат раст за 9% по број и за 20,9% по вредност. Особено е брз растот на електронски иницираните плаќања преку дигиталните канали, односно трансакциите растат за 18,6%, а вредноста за 28,3%. Најголемиот дел од платежните трансакции иницирани преку дигиталните канали (71,3%) се извршени преку мобилни апликации, што потврдува дека преовладува употребата на мобилниот телефон како најбрз и наједноставен начин на плаќање.
Се зголемува и користењето на платежните картички. Бројот на плаќањата со картички е поголем за 8,4%, а нивната вредност за 11,4%. Зголемувањето најмногу произлегува од зголеменото купување преку интернет (14,8%), но раст има и кај плаќањата во продавниците (7,9%).
Овие податоци, според НБРМ, јасно укажуваат дека сѐ повеќе граѓани се префрлаат на дигиталните начини на плаќање.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,23 п.п., при што во август таа изнесува 2,19%.
Просечната каматна стапка на вкупните кредити бележи годишен пад од 0,54 п.п. и изнесува 4,90%.
Најновото соопштение за позначајните движења кај каматните стапки на банките и штедилниците е достапно на следната врска.