Економија
BtoBet го зајакна својот раководен тим со двајца нови сениор менаџери
![](https://makfax.com.mk/wp-content/uploads/2022/12/btobet-1200x675.jpg)
Македонската компанија BtoBet, подружница на водечкиот снабдувач за еЛотарија NeoGames, го зајакна своето сениорско раководство со назначување на двајца истакнати професионалци од индустријата за спортско обложување.
Компанијата ги претстави Фреди Боуринг како VP of Sales и Малте Хегелер како VP of Product, зад кои стои широка експертиза и долгогодишно искуство во индустријата.
Во својата лидерска улога, Боуринг ќе биде одговорен за управување со основната продажба на BtoBet и градење стратешки партнерства со потенцијалните клиенти на глобално ниво.
„Платформата на BtoBet е позната по својата флексибилност и врвна технологија, што ја прави едно од водечките решенија на пазарот. Во новата улога ќе ја поддржам стратегијата на компанијата да ја задржи својата водечка предност на постојните пазари, но и да се позиционира на нови, благодарение на цврстата основа развиена во текот на последните години“ – изјави Боуринг.
Со повеќе од 15 години искуство во индустријата за спортско обложување, Малте Хегелер ѝ се придружува на компанијата по својата неодамнешна улога на привремен извршен директор во EveryMatrix и шеф на развојот на производи за платформата за спортски податоци на групата OddsMatrix.
На новата позиција, Хегелер ќе биде задолжен да го води тимот за развој на производот, надгледувајќи ја стратегијата и развојниот процес, сѐ со цел да обезбеди зајакната испорака на софтверското решение на BtoBet до водечките светски обложувалници.
„Заедно со посветеноста на BtoBet да испорача флексибилни и супериорни решенија и услуги за спортско обложување, навистина сум среќен што ќе се приклучам на овој талентиран тим и ќе го надоградам нивниот моментум“, рече Хегелер.
Според управниот директор на BtoBet, Дима Ридерман, назначувањето на Боуринг и Хегелер јасно покажува дека BtoBet има намера да продолжи да го зајакнува својот лидерски тим со ангажирање на најдобрите таленти во вертикалата за обложување.
„Како што продолжуваме да се развиваме и да го доставуваме нашиот супериорен производ на уште повеќе глобални партнери, важно е да имаме силна визија и лидерство. Со своето искуство и докажана способност, новите дополнувања на менаџерскиот тим ќе бидат од вистинска вредност за BtoBet, додека продолжуваме да се етаблираме во првите редови на висококонкурентната iGaming индустрија“.
По консолидирањето на својата пазарна позиција во Латинска Америка и Африка, во моментов компанијата е посветена на проширување на своето присуство на зрелиот европски пазар, но и за влез во Северна Америка, којашто се очекува до 2026 година да достигне вредност од 24.3 милијарди долари и да стане двојно поголем пазар од Обединетото Кралство.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ТООП проценти 6,6 отсто – Халкбанк со промотивен период за аплицирање за картичките Visa Vita или Mastercard Credit Contactless
![](https://makfax.com.mk/wp-content/uploads/2024/07/N_Top_Procenti_MK-2.jpg)
Во тек е промотивниот период за аплицирање за кредитните платежни картички Visa Vita или Mastercard Credit Contactless на Халкбанк А.Д. Скопје.
Во периодот од 01.05.2024 до 31.12.2024, сите нови Visa Vita или Mastercard Credit Contactless кредитни платежни картички се со промотивна каматна стапка од 6,6%. Поволностите на промотивниот период во однос на каматната стапка може да ги користат клиентите кои се приматели на плата во Халкбанк АД Скопје. од 5% и плаќање до 60 рати без камата кај над 800 партнери на банката.
Најголемите предности на Visa Vita и Mastercard Credit Contactless се: можноста за повлекување готовина без провизија последните седум денови од секој месец од банкоматите на Халкбанк АД Скопје и добивање на 10% пониски цени при купување на полиси за доброволно осигурување од Халк Осигурување.
При плаќање со кредитните картички на Халкбанк на ПОС терминали на Халкбанк, добивате можност да собирате и бонус поени во пре-дефинирани периоди на различни типови продажни места – објавени од страна на Банката. Собраните поени може да се искористат при идни плаќања во мрежата на Пос терминали од Халкбанк, при што 1 бонус поен е еднаков на 1 денар.
Во текот на промотивниот период првите 1000 апликации за овие картички поднесени во филијала добиваат 1000 бонус поени, додека пак првите 500 апликации преку е-банкинг добиваат 2000 бонус поени.
Картичките се меѓународни, поддржуваат интернет плаќања без провизија за трансакции на домашни и странски интернет страни и за истите добивате мејл известување за секоја направена трансакција.
Покрај тоа, ги поседуваат највисоките стандарди за безбедност во интернет плаќањата (3D Secure – Verified by Visa – VbV и MC Secure Code).
Постои можност за online аплицирање за картичките преку Електронско банкарство или Мобилната апликација.
ПР
Економија
„Реплек“ со раст на приходите од продажба од 20 отсто во првата половина од 2024
![](https://makfax.com.mk/wp-content/uploads/2024/07/Foto.jpg)
„Реплек АД“ продолжува да бележи позитивни резултати од своето работење. Во првите шест месеци од годината вкупните остварени приходи од продажба во сегментот фармација изнесуваат 13,6 милиони евра, што е за 20% повеќе во однос на приходите остварени во истиот период минатата година. Растот на приходите од продажба е со нагорен тренд и на домашниот и на странските пазари. Во овој период компанијата оствари раст на приходите од продажба на домашниот пазар од 2,97 милиони евра, што е за 46% повисоко во однос на лани. На странските пазари компанијата реализираше продажба во вредност од 10,6 милиони евра, што е за 15% повисоко во однос на истиот период минатата година.
Растот на продажбата се должи на континуираните инвестиции во зајакнување на пазарните позиции, освојување на нови пазари и унапредување на квалитетот на портфолиото на компанијата особено во сегментот фармација.
„Нашата стратегија која е фокусирана на неколку клучни столба – инвестиции и модернизација, унапредување на задоволството на вработените и градење на силно портфолио кое е конкурентно на пазарите, дава резултати. Ние направивме многу промени во компанијата, бидејќи тоа беше неопходно за да ја реализираме нашата визија, а тоа е силна компанија, препознатлива на пазарите, со која ќе се гордеат вработените. Иако промените не се лесни докажавме дека со посветеност, јасен концепт и храброст можеме да го реализираме нашиот сон. Реплек се трансформираше во една нова успешна и динамична приказна која дава сериозни резултати за македонската економија и силно ги гради своите позиции на пазарите, поместувајќи ги границите. Продолжуваме во истата насока, градејќи нови можности за нашите вработени, акционерите и за сите наши партнери “ истакна Душан Пецовски, главен и извршен директор на „Реплек АД“.
Растот на приходите од продажба во првата половина на 2024 година ја прави извесна реализацијата на предвидувањата за очекуваните приходи на продажба кои според финансискиот план се очекува да изнесуваат околу 31 милион евра на годишно ниво, со што ќе се оствари раст од 23,5% во однос на 2023 година. „Реплек АД“ пред извесен период креираше долгорочна развојна стратегија која се темели на зголемување на продажбата на странските и на домашниот пазар, на иновациите во портфолиото на производи, како и на значителни вложувања во технолошкиот напредок и во развојот и добросостојбата на своите вработени. Компанијата во континуитет работи на освојување на нови пазари.
„Реплек АД“ минатата година за прв пат објави и предлог среднорочна дивидендна политика, која се темели на остварување годишна профитабилност на друштвото во распон од 60% до 150% од последниот тригодишен просек, континуирано намалување на релативното ниво на задолженост и проширување и осовременување на работењето преку инвестирање. Преку овој стратешки акт се овозможува поголема предвидливост на исплатата на дивидендата на подолг временски период, што ќе обезбеди и поголем прилив на свеж капитал во компанијата, правејќи ги акциите на компанијата атрактивни за инвеститорите.
„Реплек АД“ пласира 75% од своето портфолио на повеќе од 25 пазари во светот. Производите на компанијата се присутни на пазари во земји членки на ЕУ, Адрија регионот, во земјите на Блискиот исток, во Африка, Југоисточна Азија, како и на пазарите во ЗНД.
ПР
Економија
Министерот Дурмиши оствари средба со претставници на СКСЗМ: Преку блиска соработка со бизнис секторот заеднички ќе креираме политики за поддршка на компаниите
![](https://makfax.com.mk/wp-content/uploads/2024/07/besar-durmishi1.jpg)
Министерот за економија и труд, Бесар Дурмиши денеска оствари состанок со претседателот на Стопанската комора на Северозападна Македонија (СКСЗМ), Менди Ќура.
На состанокот присуствуваа и дел од членовите на Управниот одбор и претставници на компаниите – членки на комората.
Целта на средбата беше прво запознавање на министерот Дурмиши со деловните субјекти членки на оваа комора, како и презентација на мерките, инструментите и активностите предвидени во Буџетот на Министерството за економија и труд до крајот на годината.
Министерот Дурмиши на состанокот истакна дека главниот фокус на Министерството за економија и труд од сега ќе биде блиска соработка со бизнис секторот преку која ќе се креирааат јасни политики за поддршка на компаниите.
Министерот на претставниците од Стопанската комора на Северопзападна Македонија им порача дека Владата и Министерството за економија и труд ќе ги поддржат сите иницијативи кои доаѓаат од страна на Стопанските комори, иницијативи кои што ќе значат пообрување на економскиот амбиент во државата, како и подобрување на животните услови на сите граѓани во Северна Македонија, односно додадена вредност во квалитетот на нивниот живот.
Како што потенцираше Дурмиши, соработката на Министерството за економија и труд со претставници на коморите во иднина ќе се одвива во сите фази на изготвување на закони, програми, стратешки документи и слично. Оваа соработка вклучува земање во предвид и вградување на нивни сугестии, предлози и укажувања во сите документи и законски акти кои се изработуваат.
Министерот Дурмиши изрази надеж и сигурност дека во иднина ќе има интензивна соработка со бизнис заедницата, бидејќи бизнисот и економијата се најважен двигател во функционирањето на една држава.
Во дискусијата со претставниците од Комората на Северозападна Македонија беа разменети мислења и за предизвиците и проблемите со кои се соочува бизнис заедницата со оглед на актуелните економски и политички случувања, како и за потребата од поголема вклученост во подготовка на законските решенија коишто директно го засегаат бизнис секторот.