Контакт

Економија

CINEPLEXX со нова локација во Ист гејт мол

Објавено пред

Киногрупацијата CINEPLEXX ја започна изградбата на својата втора локација во Скопје. Церемонијата се одржа во четвртокот, на 15 јули, во новиот трговски центар Скопје ист гејт каде што членот на Управниот одбор задолжен за развој на деловни активности на групацијата CINEPLEXX, Лукас Лангхамер, и извршниот директор на Скопје ист гејт, Игор Давков го потпишаа договорот за соработка.

CINEPLEXX почнува со градежните активности за мултиплекс кино, со површина од приближно 3.000м2 и повеќе од 1.000 места во осум сали, каде што посетителите ќе имаат можност да ја доживеат филмската магија преку најсовремената кинотехнологија, прикажувајќи домашни и меѓународни филмови, додека љубителите на филмот ќе уживаат во добро познатите високи стандарди за услуги на CINEPLEXX.

„Како лидер за иновации, ние сме посветени на нашите посетители да им го понудиме најдоброто киноискуство и сме многу горди што наскоро истото ќе биде достапно и на нашата втора локација, која дополнително ќе го збогати културниот живиот во Скопје“ – изјави Лукас Лангхамер – членот на Управниот одбор задолжен за развој на деловни активности на групацијата CINEPLEXX.

„Многу сме среќни што единствениот кинопростор го отстапивме на реномираниот лидер на пазарот во Југоисточна Европа, CINEPLEXX, обезбедувајќи најсовремено уникатно киноискуство за нашите посетители. Киното ги збогатува забавните содржини во трговскиот центар Ист гејт мол и уште повеќе ќе придонесе за збогатување на културниот живот во Скопје, особено имајќи предвид дека ова е првото кино што се отвора во овој дел од градот“, изјави Давков – извршен директор на Скопје ист гејт.

Првото кино CINEPLEXX во Скопје, кое беше отворено во 2012 година, беше реазлизирано во соработка со групацијата БАЛФИН.

„Особено го цениме нашето успешно партнерство со групацијата БАЛФИН, со која веќе соработуваме повеќе од 10 години. Ние ги пречекуваме љубителите на филмот во Скопје од 2012 година и посебно во вакви периоди, кога нашиот социјален живот е ограничен, гледаме колку е важно одењето во кино – тоа е начин да се помине квалитетно време со пријателите и семејството, време за инспирација, образование и забава. Горди сме што имаме толку софистицирани партнери за да им овозможиме на жителите на Скопје второ кино за комплетно доживување на филмската магија преку големото платно“,  дополни Лукас Лангхамер.

Киното се очекува да биде отворено во четвртиот квартал од оваа година.

Нова димензија на удобност за Скопје

Покрај најсовремената кинотехнологија, CINEPLEXX најавува и нова димензија на удобно седење преку нова ексклузивна ВИП-сала со луксузни кожени седишта за извонреден комфорт и приватност. Михаел Ретенбахер – раководител на техничкото одделение во CINEPLEXX, изјави: „Нашите австриски стандарди за прикажување на проекциите, амбиент и удобност се веќе добро познати во Скопје и сметаме дека е наша обврска секогаш да обезбедуваме дополнителни иновации и високи услуги. Посетителите на нашето ново кино во Скопје можат да го очекуваат најдоброто кино искуство.”

Повеќе детали за проектот ќе бидат објавени во подоцнежната фаза од напредокот во градежништвото.

CINEPLEXX International GmbH

Историјата на компанијата започна во 1951 година со компанијата за дистрибуција на филмови Константин филм во Австрија. Од 1985 година, компанијата е под управувачко партнерство и понатамошна целосна сопственост на австриските претприемачи. Во 70-тите години на минатиот век се случи проширување на местата низ целата земја под името Constantin Film Kinos.

CINEPLEXX Kinobetriebe GmbH е подружница на Constantin Film-Holding-GmbH, основана во 1985 година, со над 60 кина во 12 земји: Австрија, Хрватска, Србија, Словенија, Босна и Херцеговина, Црна Гора, Северна Македонија, Албанија, Косово, Грција, Романија и Италија. Кината CINEPLEXX се распространети со 400 сали и повеќе од 70.000 места. Последниот чекор за проширување во Австрија се случи во февруари 2019 година со купување на UCI Kinowelt и придружните три локации. Во 2019 и 2020 година, експанзијата во областа на ЈИЕ влезе во нова фаза со пет кина во Романија и две во Србија. Најновата експанзија се случи во јуни 2021 година со отворање на ново кино во Сараево.

Со околу 1.700 вработени, компанијата оствари приходи од над 150 милиони евра во 2019 година. Во 2019 година, киносалите CINEPLEXX ги посетија речиси 13 милиони посетители.

Повеќе информации за водечкиот кинооператор во Југоисточна Европа на www.cineplexx.at

(ПР)



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Пендаровски на средба со економските советници во Варшава, Анкара, Минхен и Абу Даби

Објавено пред

Претседателот Стево Пендаровски денеска оствари средба со Илија Псалтиров, Сузана Тунева, Бекри Ајдини и Абдилџемил Саити, економски советници во амбасадите на Република Северна Македонија во Варшава, Анкара и Абу Даби и конзулатот во Минхен.

Новоименуваните економски советници го информираа претседателот Пендаровски за своите планови за претставување на потенцијалите на Република Северна Македонија како дестинација за инвестирање, за промоција на извозните потенцијали, како и за промоција на државата како туристичка дестинација.

Претседателот Пендаровски изрази уверување дека со нивниот ангажман четворицата економски советници ќе дадат придонес во насока на зајакнување на економската дипломатија и на привлекување директни странски инвестиции, што ќе придонесе за обезбедување нови работни места и економски раст.

Претседателот Пендаровски на четворицата економски советници им посака успех во претстојниот ангажман и изрази очекување за конкретни резултати во искористувањето на економските потенцијали меѓу нашата држава и државите што економските советници ги покриваат.

Прикажи повеќе...

Економија

(Видео) Поцкова: Иако се прави ребаланс на буџет, пари за здравството нема

Објавено пред

Иако се прави и ребаланс на буџет, пари за здравството нема, а истото функционира на основ на донации, рече пратеничката од ВМРО-ДПМНЕ, Јадранка Поцкова, на собраниската седница на која се дебатира за ребалансот на буџетот за 2021 година.

„Врз основа на планираното и ребалансот на буџетот за годинава излегува дека дефицитот излегува 6,5 од бруто-домашниот производ, а раст од 4,1 посто. Вака високопозиционираниот раст е многу висок и тешко се постигнува затоа што младите се иселуваат, нема продуктивност, не се реализираат капиталните инвестиции“, рече Поцкова.

Пратеничката укажа дека разликата меѓу приходи и расходи се зголемува на сметка на граѓаните или истата ќе ја плаќаат тие.

„Со вакво проектирање секое семејство се задолжува за дополнителни 500 евра или задолжувањето е за купување на социјален мир . Токму тој социјален мир скапо ќе го чини секој граѓанин“, рече Поцкова.

Според Поцкова, за оваа влада секоја година е економска.

„На крајот излегува дека само цените се повисоки и ништо друго нема. Има само предизборен поткуп и грабеж на народните пари“, кажа Поцкова и додаде дека Македонија има еден од најлошите резултати за инвестиции.

„Сите држави од регионот имаат повеќе инвестиции од Македонија. Директните странски инвестиции во Македонија изнесуваат ни повеќе ни помалку од 1,9 проценти од БДП, додека, пак, во соседството бројките се следни, Босна и Херцеговина има странски директни инвестиции во 2020 година во вредност од 2,1 процент од БДП, Косово 4, Србија 4,8, Албанија 5,7, Црна Гора 11 проценти“, рече Поцкова.

Пратеничката се осврна и на тоа дека во ребалансот требало да има пари за здравството особено поради ковид-пандемијата.

„Дали нашето здравство го заслужува ова? Здравството се базира на донации, значи државата одвои многу малку средства за оваа област“, рече Поцкова.

Прикажи повеќе...

Економија

(Видео) Чаракчиев: Силно инвестираме во инфраструктурата, се гради низ целата држава

Објавено пред

СДСМ е силно посветен на реализација на капитални инфраструктурни проекти кои го унапредуваат квалитетот на животот на граѓаните. Како никогаш досега се инвестира во развој на патната инфраструктура низ целата држава, нагласи пратеникот од редовите на СДСМ, Коле Чаракчиев.

Според него, за првпат по 50 години се реконструира патот преку Националниот парк Галичица кој ги поврзува Охрид и Преспа.

Првата фаза е делницата на патниот правец од Царина Отешево до превојот на Галичица во должина од 14,9 километри, по што продолжува и реализацијата на втората фаза од превојот на Галичица до приклучок на патниот правец Охрид – Свети Наум во должина од 15 километри, објасни Чаракчиев.

Дополни дека е завршена реконструкцијата на регионалниот пат Битола – Нижеполе – Ски центар „Стрежево“ во должина од 5,5 километри, во вредност од 36 милиони денари.

„Рехабилитиран и пуштен во употреба е регионалниот пат Крупиште – Пробиштип во должина од 18 километри. Го довршивме автопатот Миладиновци – Штип кој добро знаете како беше оставен и незавршен, нефункционален без технички прием и пуштање во употреба. Ја изградивме првата фаза од експресниот пат од Штип до Крупиште, ја пуштивме во употреба и првата фаза од експресниот пат Штип – Радовиш, во вкупна должина од 40.5 км, а во септември очекуваме да се пушти во употреба и делницата од Бучим до Радовиш. Вкупна сума на овој проект е над 46 милиони евра“, напомена пратеникот од СДСМ.

Тој додаде дека Владата предводена од СДСМ вложила преку една милијарда евра за подобрување на патната инфраструктура низ целата држава со цел граѓаните да возат побезбедни и модерни патишта.

Прикажи повеќе...

Најново

Македонија36 минути

Дејан Георгиевски ѝ донесе олимписко сребро на Македонија

Дејан Геoргиевски го прекина 20-годишниот пост на Македонија и од Олимписки игри ќе го донесе досега најблескавиот медал во 30-годишната...

Македонија1 час

Регистрирани 39 нови случаи на Ковид-19

Министерството за здравство информира дека во последните 24 часа се направени 3.839 тестирања, а регистрирани се 39 нови случаи на...

Македонија4 часа

Заев: 17 октомври е датумот за локалните избори

И покрај дилемите за тоа дали кампањата за локалните избори ќе се поклопи со претстојниот попис, премиерот Зоран Заев денеска...

Европа4 часа

(Видео) Силна експлозија го потресе Леверкузен: Жителите добиле предупредување за екстремна опасност

Силна експлозија ги потресе куќите во германскиот град Леверкузен. Снимките од социјалните мрежи покажуваат како се крева огромен облак од...

Спорт4 часа

Крај на 20-годишниот пост – Прво олимписко финале за Македонија

Дејан Герогиевски го прекина 20 годишниот пост на Македонија на Олимписките игри. 22-годишникот од Скопје, го обезбеди сребрениот медал во...

Македонија5 часа

Само 0,02 отсто од вакцинираните со две дози во Македонија заболеле од коронавирус

Вкупно 92 лица од 330.000 кои се ревакцинирани заболеле со коронавирус, објави министерот за здравство, Венко Филипче. Ова, додаде тој,...

Европа5 часа

Во ЕУ вакцинирани 70 отсто од возрасните, две дози примиле 57 отсто

Претседателката на Европската комисија, Урсула фон дер Лајен, објави дека целта од 70 проценти вакцинирани од возрасните лица во Европската...

Спорт5 часа

Георгиевски обезбеди сребро на ОИ во Токио

Дејан Георгиевски избори пласман во финалето на олимпискиот турнир во таеквондо, во категоријата над 80 килограми. Во полу-финалето, Георгиевски го...

Македонија7 часа

Спасени планинари од Чешка на Шар Планина

Група планинари од Чешка вчера вечер се спасени од Шар Планина. Тие залутале, а околу 18 и 30 часот се...

Свет18 часа

(Видео) Песочна бура проголта град во Кина

Песочна бура висока речиси 100 метри зафати град во северозападна Кина, при што целиот град остана покриен со прашина. На...

Европа18 часа

Украинскиот напад ќе заврши со колапс, одговори Русија по изјавите за нова офанзива на Киев

Коментирајќи ја позицијата на поранешниот заменик-министер за привремено окупираните територии на Украина, Јуриј Гримчак, кој повика на подготовка на армијата...

Европа18 часа

Стапката на заразени од коронавирус во Европа се зголемува, предупредува СЗО

Светската здравствена организација (СЗО) денеска објави дека стапката на ширење на коронавирусот е забрзана во некои европски земји, пренесуваат светските...

Европа19 часа

(Видео) Јужна Европа се бори со пожари, најлошо е во Грција и Италија

Шумските пожари, потпомогнати од горештините и силните ветрови, денеска зедоа замав во јужна Европа, а некои северни земји ги расчистуваат...

Регион20 часа

Радев: Нема да дозволиме кршење на правата на Бугарите во Северна Македонија

Бугарија е најсилниот поддржувач на проширувањето на ЕУ, но не може да дозволи кршење на правата на граѓаните на Република...

Македонија1 ден

Двајца починати и 10 нови случаи на коронавирус во Македонија

Во последните 24 часа во Македонија се потврдени 10 нови случаи на коронавирус, две лица починаа, а 16 пациенти оздравеа,...

Економија1 ден

Поевтинуваат горивата

Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика....

Македонија1 ден

(Видео) Јанакиески за притворот: Ова е малтретирање и изживување со човекови судбини

Ексминистерот за транспорт и врски, Миле Јанакиески, по објавувањето на пресудата за „27 април“ со која беше осуден на 6...

Македонија1 ден

Пресуда за Вељаноски, Ристовски, Јанакиески и Атанасовски – осудените плански го организирале упадот со цел да се зачува власта

Судот ги изрече пресудите за организаторите за упадот во Собранието на 27 април –  поранешниот претседател на Собранието Трајко Вељаноски е...

Македонија1 ден

Трајко Вељаноски осуден на 6,5 години затвор, Спиро Ристовски и Миле Јанакиески на 6 и 3 месеци, а Владимир Атанасовски на 6 години затвор

На судењето за организаторите за упадот во Собранието на 27 април, поранешниот претседател на Собранието Трајко Вељаноски е осуден на...

Европа1 ден

(Видео) Големо невреме во Лондон: Поради поплави затворени осум метростаници и две болници

Силен дожд и грмотевици го погодија Лондон што предизвика поплави во некои делови на главниот град на Британија, поради што...

Досие