Македонија
Министерот за здравство ќе правел интернистички центар, а не може да го реши ни паркингот на Клинички
![](https://makfax.com.mk/wp-content/uploads/2023/04/medziti.jpg)
Министерот за здравство во телевизиско гостување најави дека сака да реализира спојување на клиничкиот центар „Мајка Тереза“ со еден генерален директор со неколку раководители и информираше дека се планира да се направи ургентен интернистички центар со тријажа за тоа што пациентите биле принудени да шетаат по ходниците од една клиника во друга клиника.
-Сега како министер од прв ден почнав, тоа ми беше приоритет. Еднаш засекогаш да го решиме тоа. Работиме интензивно на идеен проект, на физибилити и на се и ќе почнеме во актуелната Kлиника на токсикологија веќе подготовките се при крај и ќе почнеме да го адаптираме просторот таму и да направиме интернистички ургентен центар со тријажа. Доаѓа пациент од сите специјалности ќе има тука и специјализанти и специјалисти што ќе го покрива, 24 часа ќе функционира, ќе доаѓаат – ако треба опсервација ќе седи колку треба, ако е за хоспитализација ќе има тријажа во одредена клиника, а ако не ќе се врати пациентот дома, подвлече министерот Меџити.
Упатувајќи позитивни забелешки во однос на апликацијата „Мој термин“, тој исто така информираше дека со неговата екипа работат на апдејтирање и ажурирање на истото и дека се при крај на дисперзирањето на препишувањето на терапиите кон матичните лекари, затоа што, според евиденцијата и статистиките со коишто се располага, со сегашните закажувања од другите градови кои патуваат до нивните специјалисти за да им се препишуваат одредени лекови сочинуваат 30 проценти од гужвата што се случува со пациентите.
-Треба организација добра, треба ред да има и дисциплина и тоа ќе го поставиме низ цела Македонија со инспекција и контролори од „Мој термин“, ќе има и втори смени и за дијагностика и за апарати, ќе има и за „Мој термин“ прегледи за да тие листи на чекање не бидат толку долги, појасни Меџити додавајќи дека ќе има транспарентна листа на операции и нема некој да дојде преку ред или ќе има посебен дел кај ќе има простор за да се решаваат итни пациенти“, вели тој.
Меџити заборави на своето ветување првиот ден кога стана министер дека ќе го реши хаосот на клинички. На паркингот се уште се врти по еден час, затоа што слободно место нема „ни за лек“. Кога и како ќе се решава проблемот на пациентите и оние кои доаѓаат во нивна посета се уште не се знае.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ВМРО-ДПМНЕ: 250 милиони евра за капитални проекти за општините од септември
![](https://makfax.com.mk/wp-content/uploads/2019/10/evra.jpg)
Во септември градоначалниците од цела држава ќе можат на аплицираат на јавниот повик на Министерството за Локална самоуправа за добивање средства за проекти во нивните општини, информираа од владејачката ВМРО-ДПМНЕ.
„Градоначалниците од цела држава да направат и довршат што е можно повеќе проектна документација, со цел да аплицираат за повеќе проекти.
Ова е прва година за проектот 250 милиони евра за општински проекти, ист ваков повик ќе има секоја година, а вториот ќе се случи веќе за неколку месеци од сега.
Време е за реален раст и развој. Време е за рамнорен развој“, се вели во партиското соопштение.
Економија
Надворешен долг, побарувања и меѓународна инвестициска позиција во првото тримесечје годинава
![](https://makfax.com.mk/wp-content/uploads/2019/10/evra.jpg)
Народната банка го објави редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција, во првото тромесечје од 2024 година.
На 31 март, нето надворешниот долг изнесува 4.350 милиони евра (или 29,9% од проектираниот БДП). Нето надворешниот долг на земјата, во првиот квартал од 2024 година, е намален за 109 милиони евра, или за 2,4%. Од аспект на структурата, приватниот нето-долг и натаму има поголемо учество во вкупниот нето-долг со 62%.
Во текот на првиот квартал од 2024 година, негативната нето меѓународна инвестициска позиција (МИП) е зголемена за 6 милиони евра и изнесува 8.506 милиони евра, односно 58,4% од проектираниот БДП за 2024 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следната врска.
Економија
Мицкоски за инвестицијата на „Алказар енерџи“: 55 ветерници ќе произведуваат еден терават-час електрична енергија
![](https://makfax.com.mk/wp-content/uploads/2024/06/hristijan-mickoski.jpg)
Ветерен парк со 55 ветерници, кои ќе произведуваат еден терават-час електрична енергија, ќе се гради меѓу Карбинци, Штип и Радовиш.
Инвестиција на „Алказар енерџи“, која беше прмовирана денес, е во вредност над 500 милиони долари и ќе претставува 20 проценти од целокупното производство на електрична енергија во земјата.
Премиерот Христијан Мицкоски изјави дека ова е најголемата инвестицијата досега во делот на обновливи извори на енергија во регионот. Како што објасни, планирано е инсталирање 55 ветерници, што ќе произведуваат еден терават-час електрична енергија или еден милион мегават-часови, што е приближно 20-ина проценти од целокупното производство на електрична енергија во земјата.
Инвестицијата треба да отвори нови 630 вработувања.
„Со завршување овој проект, дури 100.000 македонски домаќинства ќе може да се снабдуваат со електрична енергија од овие ветерници. Морам да напоменам дека овој проект е значаен од многу аспекти. Со него ќе се зајакне значително енергетската независност, нешто што е наша цел, но исто така ќе го зголеми обемот на инвестиции и ќе отвори пат за нови инвестиции. Ваков тип на инвестиции покажуваат дека довербата во оваа Влада уште на самиот почеток е голема и дека како опозиција работевме и сега како Влада само ќе продолжиме со зајакнато темпо да работиме. Нашиот став е јасен – мора да ја направиме енергетски независна. Кого зборувам енергетска независност, мислам енергетски независни од електрична енергија бидејќи нормално е дека електричната енергија не е единствениот енергент. Тука зборуваме за нафта, за гас итн. Кога зборуваме за енергетски независни, зборуваме за енергетски независни во делот на електричната енергија. И тоа може да се реализира само со детален план за енергетиката, каде што верувам и знам дека ќе имаме голем напредок“, рече Мицкоски.
Првиот човек на Владата истакна дека тој е тип на човекшто сака да види конкретни дела, а не се потпира само на даден збор. Во таа насока Мицкоски изјави: така и функционирам, а така ќе функционира и оваа Влада.
Изјави дека е задоволен што „Алказар енерџи“ пред неколку недели успеа да ја затвори финансиската конструкција за изградба на најголемиот парк на ветерници во регионот.
„Од земја увозник, ќе повторам, наша цел е да станеме и земја извозник на електрична енергија“, рече Мицкоски.
Со оглед на обемноста на самиот проект се очекува изградбата да почне во втората половина од 2025 година.