Контакт

Економија

Peugeot – бренд што зад себе носи 210 години исполнети со емоции, индивидуалност и иновации

Објавено пред

Години на иновација, на постојано надминување на просекот за постигнување на максимумот, секогаш во чекор со иднината и во тек со најновите побарувања на современиот клиент.

Низ годините тимот на Peugeot неуморно работеше на постојан раст на Брендот. Peugeot се докажа како традиционалист, иноватор, како креативно и уникатно дизајнерско решение, како првенец во воведување на новитети, како современ реалист кој е по мерка и за најпребирливите потрошувачи. Бренд кој во своето работење се потпира на два главни постулати: емоција и движење!

Денес, Peugeot се издвојува со својата неуморност во воведување на иновативни решенија и креирање на уникатен дизајн и 100% електрични верзии за секој модел во гамата. При тоа произведувајќи 100% еколошки возила, практични, економски безбедни, со значително повисоко ниво на уживање на корисникот.

На 26. септември 1810 година, компанијата PEUGEOT Frères Aînés беше официјално основана од страна на „контрибутор со готовина“, запишан во Централен регистар, што сè уште се наоѓа во архивите Тере-Бланш. (Terre-Blanche), Дубс (Doubs).

Повеќе од два века, фамилијата Peugeot е присутна во модната револуција почнувајќи од 19 век, со воведување на челичната жица во кринолинските здолништа, А потоа ја покренува ревозлуцијата за мобилност со велосипеди и автомобили.

Со фокус на истражување и развој, Peugeot секогаш се прилагодувал на временските промени, стилови и потреби од страна на клиентите и на тој начин постојано бил чекор напред.

Peugeot е Бренд изграден од страна на креативни луѓе, инженери, дизајнери, кои со векови ги „предизвикуваат“ нормите, со цел да креираат и осмислат нови стандарди на возење и управување.

Благодарение на оваа алијанса на слободоумни мажи и жени, Peugeot никогаш не престана да се надградува како Бренд и продолжи да прераснува во стабилен и моќен идентитет низ годините.

Затоа денес овој Бренд слави цели 210 години на градење успешна приказна!

За да ја прослави својата богата историја, тим од Peugeot Design Lab дизајнираше лого за одбележување на 210-годишнината од постоење. Лого кое е креација на беспрекорните умови на тимот. Лавот, е прикажан странично во логото подвлечено со стрела.

Станува збор за најстарото постоечко лого на Брендот (регистрирано во 1858 година) кое симболизира три квалитети прикажани од самиот почеток: флексибилност, моќ и издржливост и брзина. Стрелата го симболизира терминот брзина.

Насловот „210 години“ се однесува на историјата на брендот, но и на следните 210 години што доаѓаат. Подвлечени се црно-белите бои на логото кои упатуваат на умереност и економичност, мантрата на Peugeot. Кругот околу Лавот го истакнува логото како амблем, на кој секој ќе биде горд да го користи како свој.

Повеќе од 2 века подоцна – Peugeot фамилијата се уште расте повеќе од било кога.

Тоа се 210 години поминати во „кршење на правилата“, 210 години следење на мудрите зборови на Armand:

“Si nous sommes assez hardis et habiles, nous ferons de Peugeot l’une des plus grandes affaires industrielles de France”.

„Ако сме доволно паметни и силни, од Peugeot ќе создадеме еден од најголемите бизниси во индустријата на Франција“.

Очигледно и биле доволно смели. Доволно смели, за дури и да се прошират на светски рамки.

 

 

(ПР текст)

Економија

Народната банка: Ги презедовме сите мерки за заштита на штедачите на „Еуростандард банка“

Објавено пред

Во рамки на својот мандат и согласно со своите законски надлежности, Народната банка пред укинувањето на дозволата за работа на „Еуростандард банка“ ги презеде сите расположливи соодветни супервизорски мерки за заштита на интересот на доверителите. Народната банка вложи и огромни напори за сопствениците на „Еуростандард банка“ да го уплатат неопходниот капитал за опстанок на банката, што ќе беше најповолно решение за штедачите. Откако беше констатирано дека и од сопствениците, и од потенцијалниот инвеститор посочен од нив нема подготвеност за вложување на потребниот капитал за законито и сигурно работење на банката, единствениот начин да се заштити интересот на доверителите беше Народната банка да ја укине дозволата за работа на банката и до надлежниот суд да предложи отворање стечајна постапка. Ова се вели во соопштението на Народна банка по повод протестот на дел од штедачите во „Еуростандард банка“ АД Скопје – сега во стечај, со депозити над законски гарантираниот износ за обештетување од 30.000 евра или со депозити коишто не се предмет на обештетување од страна на Фондот за осигурување на депозити.

„Со укинувањето на дозволата на банката се активираше законскиот механизам за брзо обесштетување на осигурените депозити преку Фондот за осигурување на депозити, до законски гарантираниот максимален износ од 30.000 евра, а со отворањето на стечајната постапка, имотот на банката се стави на располагање на сите доверители. Во периодот од укинувањето на дозволата до започнување со работа на стечајниот управник, согласно со своите законски надлежности, Народната банка спроведе активности со кои го заштити имотот на ‘Еуростандард банка’, што е важно за спроведувањето на стечајната постапка во којашто се подмируваат побарувањата на доверителите.

Стечајната постапка којашто ја води стечајниот управник назначен од надлежниот суд, ја следи и контролира Одбор на доверители, којшто има законска можност да се заложи за ефикасноста на постапката. Во Одборот, чиишто членови согласно со Закон ги предлага стечајниот управник, може да членуваат и претставник/претставници на штедачите – физички лица со депозити над 30.000 евра, како и претставници на правните лица – депоненти. И стечајниот управник и Одборот на доверители треба да обезбедат што е можно побрзо и поефикасно спроведување на стечајната постапка, од што зависи и наплата на побарувањата на депонентите кои не се предмет на обесштетување преку Фондот за осигурување на депозити. Потсетуваме дека согласно со закон, Народната банка нема надлежности во спроведувањето на стечајната постапка“, се вели во соопштението.

Притоа се додава дека при поднесувањето кривична пријава до Јавното обвинителство, против поранешни одговорни лица во „Еуростандард банка“ АД Скопје – сега во стечај, Народната банка предложи и преземање мерки коишто се во насока на натамошна заштита на интересите на доверителите на банката.

„Потсетуваме дека за сите констатирани индиции за неправилности во работењето на ‘Еуростандард банка’ коишто се во надлежност на други институции, Народната банка уште пред одземањето на дозволата на банката има доставено соодветни известувања“, се додава во соопштението.

Прикажи повеќе...

Економија

Николоски: Ова е историски највисок буџет што не се троши соодветно

Објавено пред

Потпретседателот на ВМРО-ДПМНЕ, Александар Николоски, на собраниската седница за ребаланс на буџетот истакна дека ова е историски највисок буџет кој не се троши соодветно, ниту за стимулирање на економски раст ниту за борба со корона0кризата.

За тоа што требаше Владата да направи, Николоски рече дека првин требаше да се зголеми буџетот за здравството како приоритет и како што е во сите земји што се справуваат со корона-кризата. Второ, дополнителна награда за здравствените работници за да бидат постимулирани во својата работа. Обезбедување услови за образование за родителите да не земаат кредити за да купуваат лаптопи и компјутери за да може да ја следат наставата, а не децата да имаат трауми зашто таткото на другарчето може да купи два компјутера, а неговиот татко ниту еден.

Понатаму, компјутери и за наставниот кадар, како и бесплатен интернет за сите. Јавни протоколи за работа во сите сектори, а не да се размислува повторно за карантини. Зголемување на помошта при невработеност и дигитализација на сите јавни давачки, како и таргетирани субвенции и друго.

„Првото прашање што ни го поставуваат граѓаните во секојдневните средби е каде се парите. Второто прашање е зошто во Македонија не се градат автопати, железници, зошто во Македонија не се инвестира во инфраструктурата. Третото прашање е зошто запреа проектите што претходно постоеја. Сè се сведува на едно прашање – каде се парите? Ова е втор ребаланс на буџетот за оваа година и проектиран е на највисоко ниво во историјата на независна Македонија, некаде околу 3 милијарди и 191 милион евра. Она што е интересно во проекциите на Владата – приходите во вториот ребаланс остануваат на исто ниво како приходите во првиот ребаланс. Дали е тоа реално? Затоа што приходите се намалени во однос на иницијалниот план за приходи поради корона-кризата за 423 милиони евра. Но, она што е значајно дека се предвидува во четвртиот квартал, а тоа се октомври, ноември и декември, треба да се соберат околу 60 милијарди денари, односно околу една милијарда евра од граѓаните, што треба да биде раст од 6,3 проценти во однос на истите месеци минатата година. Што значи 6,3 проценти треба оваа година да се соберат повеќе пари од минатата, во услови кога минатата година немаше корона-криза. Прашувам како ќе се реализира тоа. Тоа нема да се случи и во тие услови дефицитот ќе биде далеку поголем од она што е проектирано во моментот“, посочи Николоски.

Второто значајно прашање е она што се однесува на буџетските расходи, односно колку Владата ќе троши оваа година. Вкупните расходи во овој ребаланс се 162 милиона евра повисоки од ребалансот еден и се на ниво на 4 милијарди и 112 милиони евра. Значи, оваа година Владата со ваква амбициозна претпоставка за третиот квартал предвидува приходи кои ќе бидат 3 милијарди и 191 милион евра, а расходите треба да бидат на ниво од 4 милијарди и 112 милиони евра, односно дупка во буџетот која е речиси  960 милиони евра. Историски најголема дупка што Македонија кога било ја видела во својата независност. Дупка што треба да ја плаќаат граѓаните.

Третата работа што е исклучително значајна се капиталните расходи, кои имаат историски најниска реализација во текот на оваа година. Истото се случуваше и во 2018 година повторно за време на владата на Заев, други се само министрите за финансии. Затоа, граѓаните прашуваат зошто не се градат автопати, железници и така натаму. За градежни објекти во првиот буџет беа предвидени 155 милиони евра, а во овој оди двојно надолу на 83 милиони евра во вториот ребаланс. Но, затоа капиталните субвенции на невладини организации се задржуваат речиси на исто ниво со претходниот ребаланс од приближно 52 милиона евра.

Буџетскиот дефицит оваа година ќе биде 8,4 проценти од домашниот бруто-производ. А јавниот долг е 59,3 проценти и со голема можност да оди и до 70 проценти затоа што приходната страна е нереално проектирана во овој буџет, рече Николоски.

Прикажи повеќе...

Економија

„Нептун“ од денес почнува со преднарачка на новите iPhone 12 смартфони на 24 рати без камата на цените со попуст

Објавено пред

Сите оние кои со нетрпение го очекуваа пристигнувањето на новите и најмоќни iPhone телефони, од денес ќе можат да направат преднарачка на iPhone12 Pro и iPhone12 на 24 рати БЕЗ камата на haPPy цените во сите Нептун продавници ширум државата и онлајн на https://www.neptun.mk/.

Со прекрасен и комплетно нов дизајн, iPhone12 Pro и iPhone12 се одликуваат со супер нови системи на камера, Super Retina XDR OLED дисплеj и Dolby Vision систем за снимање на видео. Имаат најголема Ceramic Shield заштита и A14 Бионички чип – најбрз чип изработен за смартфон.

Понудата на Нептун за 24 рати без камата на haPPy цени е со ограничени количини и важи само за оние кои ќе направат преднарачка најдоцна до 05.11.2020. А со новиот iPhone, првото селфи ќе може да го направат веќе на 6-ти ноември. Дојдете во Нептун, нарачајте си и бидете меѓу првите со нов iPhone12!

(ПР текст)

Прикажи повеќе...

Најново

Македонија12 часа

934 нови случаи на Ковид- 19, починаa пет лица

Министерството за здравство информира дека во последните 24 часа се направени 2.748 тестирања, а регистрирани се 934 нови случаи на...

Свет12 часа

Сведоштва: Луѓето трчаа во паника, улиците се преплавени со мртви риби

Луѓето панично трчаа во турскиот град Измир, изјавија очевидци, откако земјотресот со јачина од седум степени според Рихтеровата скала започна...

Македонија13 часа

Ексминистерот Наќе Чулев заразен со Ковид-19

Поранешниот министер за внатрешни работни Наќе Чулев, кој беше претставник на ВМРО-ДПМНЕ во техничката влада на Оливер Спасовски, е позитивен...

Свет13 часа

(Видео) Бројот на жртви во земјотресот во Турција се искачи на 14, над 400 лица се повредени

Бројот на жртви во денешниот земјотрес кој се случи во Турција и Грција, се искачи на 14. Епицентарот на земјотресот...

Свет14 часа

Меркел е против затворање на границите на ЕУ поради Ковид-19

Германската канцеларка Ангела Меркел предупреди дека е против затворање на границите во рамките на земјите-членки на Европската Унија во услови...

Македонија14 часа

Вучиќ, Рама и Заев разговараа за обновување на иницијативата за регионална соработка

Лидерите на Србија, Албанија и Северна Македонија – претседателот Александар Вучиќ, премиерите Еди Рама и Зоран Заев денеска одржаа состанок...

Регион15 часа

Вучиќ: Од 10 ноември без ПЦР-тест меѓу Србија, Албанија и Македонија

Претседателот на Србија, Александар Вучиќ, изјави дека биле донесени неколку важни одлуки на видеосостанокот на тема „Мал шенген“, чија имплементација...

Македонија17 часа

Обвинителството отвори истрага за Лидија Димова за злоупотреба на европските фондови

Основното јавно обвинителство за гонење организиран криминал и корупција отвори истрага за директорката на Националната агенција за европски образовни програми...

Македонија17 часа

Бојан Јовановски оди во домашен притвор

Апелациониот суд Скопје ја уважи жалбата на обвинетиот Бојан Јовановски – Боки 13 за предметот „Рекет“, со што ја укина...

Македонија19 часа

Царовска: Нема ширење на Ковид-19 во училиштата

Немаме ширење на Ковид-19 во училиштата, додека не се создадат услови за затворање, остануваме на овој модел, изјави министерката за...

Македонија20 часа

СОНК бара да се преиспита наставата со физичко присуство

СОНК бара Министерството за образование и наука да ја преиспита одлуката за настава со физичко присуство, односно да им овозможи...

Македонија21 час

Советничка група на ВМРО-ДПМНЕ: Скандал е што наместо оставка, Шилегов го награди Караџовски

Советничката група на ВМРО-ДПМНЕ на град Скопје реагира за доделената награда „13 Ноември“ на епидемиологот Жарко Караџовски. Тие велат дека...

Регион21 час

Во Хрватска 2.772 новозаразени од коронавирус, 20 починати

Во Хрватска се евидентирани 2.772 нови случаја на зараза од коронавирус, така што бројот на активни случаи во Хрватска е...

Македонија22 часа

Мицкоски предлага здравствените работници еднаш месечно бесплатно да се тестираат

Во време на ковид-пандемија, во насока да ги заштитиме тие што се грижат за нашето здравје и спасуваат животи, предлагам...

Актуелно23 часа

Почина актерот Данчо Чевревски

На 69 години синоќа во Скопје почина Данчо Чевревски, македонски театарски и филмски актер и продуцент. Чевревски е роден на...

Европа23 часа

Дарманин: Франција е во војна против исламистите

Францускиот министер за внатрешни работи, Жерар Дарманин, вели дека е можно повеќе напади да се случат на територијата на Франција...

Европа24 часа

ЕУ обезбеди 220 милиони евра за прекуграничен превоз на заболени од корона

Претседателката на Европската комисија, Урсула фон дер Лаен, во четвртокот објави 220 милиони евра помош за прекуграничен транспорт на луѓе...

Европа24 часа

(Видео) Огромен метеж во Париз, луѓето повторно празнеа полици пред новото затворање

Десетици илјади парижани синоќа предизвикаа масовен сообраќаен метеж во обид да ја напуштат француската престолнина пред почетокот на новото затворање...

Свет1 ден

Автомобил удри во група луѓе во Германија – загина дете, а има и тешко повредени

Дванаесетгодишно момче загина, а тројца се тешко повредени во тешка сообраќајна несреќа што се случи доцна попладнево во Германија, пренесуваат...

Македонија2 дена

Во Скопје 390 новозаболени и петмина починати, најмладата жртва има 35 години

Во Скопје во изминатите 24 часа се регистрирани 390 нови случаи на Ковид-19 и петмина починати. Меѓу починатите најмладата жртва...

Досие