Економија
Peugeot слави производство на 500.000 примероци од Peugeot 3008 SUV и 1.000.000 примероци од Peugeot 308!

На 27 ноември 2018 година десет илјади вработени во фабриката на PSA Sochaux го прославуваат произведувањето на 500.000 примероци од PEUGEOT 3008 SUV и 1.000.000 примероци од PEUGEOT 308. Овие две возила се произведуваат во фабриката Sochaux и тие се гордост на брендот.
Од неговото лансирање во октомври 2016 година, PEUGEOT 3008 е вистински успех за брендот. Ова е третото најдобро продавано возило во Франција во 2018 година и со тоа PEUGEOT е лидер во категоријата SUV во Европа заедно со моделите 2008, 3008 и 5008. PEUGEOT 3008 е исто така лидер во сегментот C-SUV за потрошувачите на B2B и на второ место во сите категории патнички автомобили регистрирани во Франција.
PEUGEOT 3008 има добиено шеесет и три светски награди вклучувајќи ја и престижната награда „Автомобил на годината“ во март 2017 година. Произведени се повеќе од 1.000.000 возила во светот од 2013 година и со тоа PEUGEOT 308 е лидер во сегментот C во Франција во 2018 година. Исто така, е лидер во С-сегментот за В2В-потрошувачите и на трето место во сите категории патнички автомобили регистрирани во Франција. PEUGEOT 308 има добиено повеќе од четириесет светски награди, вклучувајќи ја престижната награда „Автомобил на годината“ во март 2014 година.
PEUGEOT 308 и 3008 беа развиени од страна на проектните тимови од Sochaux R&D и тестирани на патеките во центарот за експериментирање Sochaux/Belchamp. За да се задоволи побарувачката од овие две возила сега се проиведуваат по 860 примероци на ден од 308 и повеќе од 1000 примероци на ден од 3008. Овие две глобални возила се продаваат секаде каде што е присутeн брендот PEUGEOT.
Sochaux треба да произведе речиси 500.000 возила оваа година, а од своето основање оваа фабрика има произведено повеќе од 23 милиони автомобили, главно за брендот Peugeot.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Дурмиши за новата потрошувачка кошничка: ќе служи за градење политики поврзани со минималната плата и ќе се усогласи со европските стандарди

На четвртата седница на Економско-социјалниот совет, министерот за економија и труд, Бесар Дурмиши ја истакна важноста од повторното активирање на трипартитниот дијалог меѓу Владата, синдикатите и работодавачите, кој претставува суштински механизам за социјална кохезија и економски напредок. Тој ги поздрави новите претставници на Конфедерацијата на слободни синдикати, со што, како што рече, се враќа легитимитетот на Советот.
Министерот информираше дека е успешно завршена постапката за утврдување на репрезентативноста на синдикатите – прашање што подолг период го блокираше нормалното функционирање на ЕСС. Воедно, се предложени измени на Законот за работни односи, со кои прагот за репрезентативност се намалува од 10 на 5 проценти, со цел да се поттикне поинклузивен и плуралистички социјален дијалог.
Дурмиши го претстави и процесот за изработка на нова, официјална методологија за пресметка на потрошувачката кошничка, заснована на проверливи и релевантни податоци од Анкетата за потрошувачка на домаќинства, спроведена од Државниот завод за статистика. Новата кошничка ќе служи како основа за градење политики поврзани со минималната плата и социјалните трансфери и ќе биде усогласена со европските стандарди.
Економија
Трипуновски: Откупните цени за пиперката се зголемени – прва класа ќе се откупува по 45 денари за килограм

Откупните цени за пиперката се зголемени – прва класа ќе се откупува по 45 денари за килограм, изјави министерот за земјоделство, шумарство и водостопанство, Цветан Трипуновски.
„На состанокот се договорија откупните цени по класи за пиперката. За прва класа откупната цена на пиперката изнесува 45 денари, за прва-втора класа е 35 денари, за втора класа откупната цена изнесува 20 денари, а за трета класа откупната цена ќе биде 15 денари”, појасни министерот.
Тој посочи дека тоа се почетните цени со кои што ќе започне откупот на пиперката за реколтата 2025 година.
„Пиперката во Македонија се одгледува во два региони – струмичкиот и прилепскиот регион. Бербата треба да биде во договорен период за да не се соочиме со зголемена количина на берба на пиперка во текот на денот и да имаме застој во откупот”, додаде министерот Трипуновски.
Министерот истакна дека оваа година откупните цени за пиперката се зголемени во однос на минатата година.
„Текот на откупот ќе го следиме преку Државниот инспекторат за земјоделство. Како Министерство стоиме на располагање, а трендот на зголемување на земјоделското производство треба да продолжи и понатаму”, посочи тој.
Економија
Владата работи на зголемување на просечната плата, најави Мицкоски

Претседателот на Владата, Христијан Мицкоски, одговарајќи на новинарско прашање во врска со растот на платите во државата, со оглед на најновите статистички податоци, според кои просечната нето плата бележи раст и изнесува 45.800 денари, изјави:
„Прво што сакам да кажам е дека и тоа не е доволно. Дека треба да биде уште поголема просечната плата, и во таа насока продолжуваме, како Влада, да работиме. Но и самиот факт и бруто и нето, од просечната плата растат повеќе од 11% е демант за сите оние, би рекол, некрофили во рамките на опозицијата, кои што изминатиов период континуирано конструираа и лиферуваа лаги во јавноста, дека платите не растеле, дека платите стагнирале итн. Но овие податоци коишто пристигнуваат се само доволен доказ дека тие, освен тоа што не говорат вистина, шпекулираат, конструираат и креираат невистини. Друго ништо не можат да сработат и токму затоа таква е состојбата во опозицијата, и токму затоа народот ја изгуби довербата во нив.“
Владата продолжува да работи, рече премиерот, за граѓаните да имаат уште повисоки примања.
„И нормално, ние како Влада продолжуваме и понатаму да работиме за уште повисоки примања на работниците, затоа што тоа е наша цел, да испорачаме тоа што граѓаните од нас очекуваат.“, објасни Мицкоски.