Економија
Porsche 911 Speedster влегува во производство
Концепт-студијата, презентирана по повод 70. роденден на производителот на спортски автомобили Porsche, ќе се произведува како ограничено специјално издание. Ќе бидат произведени 1.948 единици Porsche Speedster. Овој број претставува симболично навраќање на годината на производството на првиот Porsche 356 Number 1, кој ја доби лиценцата за работа на 8 јуни во 1948 година.

Во Париз, Porsche ја претстави втората генерација на Speedster Concept-студијата. Црвената боја на претставеното концепт-возило претставува навраќање кон 911 Speedster модел – G-генерацијата од 1988 година.
Сонот станува реалност, концептот за 911 Speedster, кој првично беше претставен на 8 јуни 2018 година во Zuffenhausen како верзија на Heritage, ќе почне со производство во 2019 година. Автомобилот беше развиен од страна на Porsche Motorsport-дивизијата во Вајсах во соработка со Style Porsche и Porsche Exclusive Manufaktur.
Идниот 911 Speedster, базиран на моментниот „991“, ќе биде првиот автомобил што ќе биде понуден со новите пакети за дизајн на Heritage. Оваа ексклузивна додатна линија од Porsche Exclusive овозможува уште поголем степен на персонализација за „911“.


Екслузивна линија на дополнителна опрема дизајнирана од Porsche Exclusive
Во прилог на привлечната надворешност 21-инчните фелни претставуваат уште еден визуелен белег на оваа најнова концепт-студија претставена во Париз. Дизајнот на фелните е сличен на оној на тркачките автомобили на Porsche, како што се 911 RSR и GT3 R. Затемнетите дневни светла исто така беа инспирирани од тркачките возила. Двете „талбот“ обликувани странични ретровизори, како и капакот на резервоарот за гориво, централно поставен на хаубата, блескаат во црн хром и платина. За разлика од претходно прикажаната верзија Heritage, внатрешноста користи перфорирана црна кожа, надградена со црвени детали. Сите делови на возилото, како и целата технологија на 911 Speedster Concept и 911 Speedster, кој влегува во производство, се идентични.


Главниот адут на специјалното издание
Концептот е основан на 911 Carrera 4 Cabriolet. Предната и задната хауба, како и уште некои дополнителни елементи, се направени од лесни композитни јаглеродни влакна, а шасијата е преземена од 911 GT3. Исто така, одделот за развој на GT го обезбеди издувниот систем со титаниумските цевки и погонскиот мотор вклучувајќи го и шестестепениот мануелен менувач. Истото важи и за главниот дел на Speedster, а тоа е моторот. Шестцилинтричен, атмосферски мотор, кој развива повеќе од 500 КС и при 9.000 вртежи во минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Георгиева: Буџетот за 2026 покажува дека Владата води одговорна и умерена економска политика
Буџетот е слика за тоа како се гледа иднината на Македонија и нејзините граѓани. Овој буџет, буџетот за 2026 е креиран во услови на глобална непредвидливост, но сепак се осврнува на потребите на граѓаните и институциите, рече пратеничката Весна Георгиева од ВМРО-ДПМНЕ на денешната расправа во надлежната Комисија за финансирање и буџет во Собранието.
Според неа овој Предлог буџет за 2026 година нуди јасна визија, стабилна основа.
„Пораката од буџетот за следната година е силна порака економски раст и фискална дисциплина во државата“, вели Георгиева.
Проектираниот раст на економијата за 3,8 раст е многу важен и покажува дека се нуди континуиран раст.
„Ова е сигнал дека економијата продолжува да се развива со забрзано темпо. Ова покажува дека Владата води внимателна, одговорна и умерена економска политика. Ова е внимателно испланиран буџет без авантури и со одговорност кон идните генерации“, заклучи Георгиева.
Економија
Костадиновска Стојчевска: За 91% е намален буџетот за инспекторатот за македонски јазик
Со предлог буџетот за 2026 година има намалување на буџетот на инспекторатот за македонски јазик за 91 %, кој е заснован врз основа на законот за македонски јазик, која сите заедно го донесовме во 2024 година, истакна пратеничката на СДСМ Бисера Костадиновска Стојчевска во своето обраќање пред собраниската комисија за финансирање.
Таа додаде дека и покрај тоа што владеачкото мнозинство при ребалност вети дека ова нема да случи.
Кога со ребаланост се намалија средствата рековме дека нема да дозволиме тој да не профункцира, за потоа да донесете измени во законот со кои инспекторатот се намали на ниво на одделение, отсек во министерството за култура, за сега да добие 91% намален буџет, нагласи Костадиновска Стојчевска, додавајќи дека и нема услови за работа на инспекторатот, а нема ниту огласи за вработување лектори.
Костадиновска Стојчевска истакна дека не се доделени никакви средства адаптација на основното училиште во Љубојно во центар за промоција на македонски јазик, каде нема никакво придлижување.
Буџетот за реконструкцијата на објектот Музеј на Македонија е намален 33%, а да ве потсетам таму се на ревитализација иконите вратени по првата реституција, и тоа 21 икона украдени во 2013 година, а откако ќе се ревитилазираат треба да бидат изложени во тој музеј, рече Костадиновска Стојчевска.
Тоа кажува за приоритетите на министерството за култура, рече пратеничката на СДСМ Бисера Костадиновска Стојчевска пред собраниската комисија за финансирање.
Економија
Попов: Инвестираме во младите, конечно ќе се финализираат зградите на ФИНКИ и Факултетот за физичка култура
На денешната комисиска расправа за Предлог – буџетот за 2026 година се обрати пратеникот од редовите на ВМРО-ДПМНЕ, Сергеј Попов кој истакна дека буџетот е уште еден доказ за посветеноста на Владата кон младите, со реализација на клучни проекти, реконструкција на студентски домови и мерки за самовработување наменети за сите млади.
„Буџетот е уште еден доказ за посветеноста кон младите на оваа Влада. И повторно тоа не се празни зборови како што бевме навикнати во минатото, напротив резултатите се видливи и опипливи. Насекаде во државата се реализираат проекти кои се од младинско значење, после 7 години конечно се реконструираат студентски домови и за брзо од денес ќе заминат во историја оние денови кога студентите ги сместувавме во домови кои личеа на концентрациони логори, оперативните планови за вработувања и мерки за самовработувања не се само на хартија и наменети за привилегираните, туку тие се за сите. Нема општина каде не се гради нов спортски терен или комплекс, нема место каде не се гради нова градинка или училиште“, рече Попов.
Пратеникот Попов се осврна на делот од Предлог – буџетот кој е од младинско значење потенцирајќи ги зголемените средствата кои ќе значат подобра и поквалитетна настава за студентите во Македонија, можноста научно и интелектуално да се реализираат младите, како и создавањето на инклузивно средно образование.
„Имено во овој буџет имаме 32,5 милиони денари за изградба на најпопуларниот факултет во нашата држава ФИНКИ и секако Факултетот за физичка култура. Во високото образование имаме зголемување од 2,8 проценти и тоа се средства кои ќе ги добие УКИМ, универзитетот во Тетово, УКЛО, Универзитетот Гоце Делчев во Штип. Зголемување од 25% за наука, на тој начин се спречува одлевањето на младите мозоци. Не се заборавени ниту средношколците, во средното образование имаме зголемување од 5,2%, за училишни спортски сали имаме зголемување од 363,6 милиони денари, јасен сигнал дека оваа Влада работи на создавање на здрава младина“, вели Попов.

