Забава
All of Me на Џон Леџенд најслушана љубовна песна на музичката платформа „Спотифај“

Оваа балада на 41-годишниот американски пејач Џон Леџенд од неговиот албум Love in the Future (од 2013 година) – која ѝ ја посвети на сопругата Криси Тиген – се најде на врвот на најслушани песни спроти Денот на вљубените (14 февруари), со 1.1 милијарда стриминзи.
Хитмејкерот признава дека сè уште е воодушевен од тоа колку луѓе се „поврзале“ со песната.
Џон, кој има две деца со 34-годишната манекенка, Луна (3) и Мајлс, кој на 16 мај ќе наполни две години, неодамна изјави: „Влијанието на All of Me продолжува да ме воодушевува и инспирира.“
„Ми претставува голема чест фактот дека создадовме нешто што им значи толку многу на голем број луѓе.“
„Оваа песна ја напишав за да ги искажам своите чувства за жената која ја сакам додека се спремавме да живееме заедно. Но, честопати најдобрите песни се во можност да изразат нешто на начин што е личен и универзален. Благодарен сум за сознанието дека вљубените од целиот свет се поврзаа со оваа песна и ја направија своја“, вели пејачот.
Песната ја победи Thinking Out Loud на Ед Ширан во однос на песни од интернет-стриминг сервис кои најмногу се појавуваат на плејлистите за Денот на вљубените, а била додадена на 29 милиони плејлисти, соопшти сервисот за стриминг на музика „Спотифај“.
Стриминзите растат најмалку 50% секоја година на Денот на вљубените, а во 2017 година тие се зголемија за импресивни 85%.
Други хитови во групата топ-10 се Just the Way You Are на Бруно Марс, I Will Always Love You – Витни Хјустон, Can’t Help Falling in Love – Елвис Присли, My Girl – Темптејшнс, Make You Feel My Love – Адел, Perfect – Ед Ширан, I Don’t Want to Miss a Thing – Аеросмит, и I’m Yours – Џејсон Мраз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Четири чекори за нега на кожата по вежбање

Некои од вас сакаат да стануваат рано за да вежбаат, додека други претпочитаат навечер. Сепак, едно нешто што треба да се прави без оглед на времето е негата на кожата по тренингот.
Вежбањето предизвикува потење, што може да доведе до затнати пори, акни или фоликулитис. Дополнително, тесната спортска облека што се трие од кожата може да предизвика иритација или дури и враснати влакна. Запомнете дека теретаните и просторите за вежбање содржат бактерии кои можат да се пренесат на кожата, што потенцијално може да предизвика појава на акни.
Чекор 1: Измијте го лицето
Првиот чекор секогаш треба да биде нежно чистење на лицето за отстранување на потта и вишокот себум. Чистењето е важно по тренинг бидејќи остатоците, маслото и бактериите можат да останат во отворените пори, што може да доведе до воспаление. Исто така, ја зголемува циркулацијата на крвта во кожата, правејќи ја почувствителна од вообичаеното.
Чекор 2: Пилинг на лицето
Премногу, можеби ќе кажете, но ексфолијацијата е неопходна по тренингот, бидејќи порите се затнуваат со пот, себум и загадувачи. Изберете го вашиот омилен ексфолијант. Може да биде лосион, серум или маска, со состојки како алфа хидрокси киселина (AHA), бета хидрокси киселина (BHA), салицилна киселина или гликолна киселина.
Чекор 3: Пилинг за тело
Пенаста купка или пилинг за тело помага во ексфолијација на кожата, а воедно ја подготвува за хидратација. Ако сакате да ги зголемите придобивките од ексфолијацијата, носете ракавици за ексфолијација додека се туширате.
Чекор 4: Хидрирајте ја кожата
Постои голема веројатност вашата кожа да е малку дехидрирана по тренингот, па затоа е важно да ја рехидрирате. Идеално, ќе сакате да започнете со хидратантен и смирувачки крем за лице со хијалуронска киселина, зелен чај, итн. Потоа нанесете лесен хидратантен крем за дополнително зголемување на нивото на влага во вашите клетки и лосион за тело.
Дополнителен чекор: Доколку тренингот ви е преку ден, кремата за сончање е задолжителна. Конечно, не заборавајте да пиете доволно течности за да ја вратите внатрешната хидратација на вашето тело!
Забава
Целиот свет зборува за жешките фотографии на познатата манекенка

Наоми Кембел е една од најпознатите модели во светот, и иако веќе е во шестата деценија од животот, сè уште нема конкуренција.
Познатата манекенка Наоми Кембел е на одмор на Сицилија, од каде што доаѓаат нејзините нови фотографии од бикини кои станаа вирални.
Наоми со години се обидува да го задржи својот приватен живот за себе, па затоа ова се единствените фотографии што можеме да ги добиеме од неа, а таа неодамна ги покажа своите деца за прв пат.
Црниот Пантер, како што многумина ја нарекуваат, има 55 години, но тоа не ја спречува сè уште да биде една од најубавите жени во светот.
Целосно облечена во бело, таа предизвика голем возбуда во Италија. Позираше во бело бикини и наметка, а нејзината обликувана фигура беше во преден план.
Речиси и да нема никаква разлика во нејзиниот изглед од пред неколку децении до сега, и јасно е дека познатата убавица сè уште редовно тренира.
Забава
Жената која „не старее“ шокира со нови фотографии: го прослави 76. роденден и не ја открива својата тајна

Познатата дизајнерка на венчаници наполни 76 години, но кога ќе видите како изгледа, ќе ви биде тешко да поверувате.
Славната Вера Ванг, верувале или не, наполни 76 години, а по тој повод организираше забава во Париз за своите најблиски пријатели.
Познатата дизајнерка сподели неколку фотографии на својот Инстаграм профил, но исто така докажа дека возраста и модата дефинитивно не треба да се поврзуваат. Вера и претходно беше тема на дискусија кога станува збор за младоликоста, па затоа често се дискутираше за неа.
Таа позираше во краток црн џемпер и долго здолниште, а сè беше дополнето со ремен со синџири.
„Се обидувам да бидам малку модерна“, напиша Вера, очигледно правејќи шега на своја сметка.
Таа го комплетираше својот екстравагантен моден изглед со високи платформи и црна лента за глава, како и очила за сонце. Уште еднаш, нејзиниот изглед беше главна тема, а на никој не му е јасно како е можно оваа жена да е во својата осма деценија.
Вера Ванг често е пример за тоа како возраста не може да биде пречка, и тоа не само кога станува збор за модата.
Таа ја започна својата кариера како дизајнерка на венчаници на 40-годишна возраст, иако дотогаш веќе беше многу успешна. Соработуваше со Ралф Лорен, пред да одлучи да стане независна.
Таа сè уште не ја открила тајната на својот младешки изглед, како што еднаш рекла, не прави ништо посебно и се однесува сосема нормално, па засега сè уште мора да веруваме дека „главниот виновник“ е генетиката и обичниот живот.