Археолозите кои работат во затрупаниот римски град Помпеја откриле вистинска „волшебна ризница“ која содржи артефакти, како амајлии, черепи и стаклени мониста.

Повеќето од овие предмети им припаѓале на жените, според Масимо Осана, директор на Археолошкиот парк Помпеја.

Ковчегот е пронајден во куќа каде што биле откриени десет тела на жени и деца, пренесува Би-би-си.

Античкиот град Помпеја беше проголтан од ерупцијата на вулканот Везув во 79 н.е. Фаталната ерупција „ги замрзна во времето“ градот и неговите жители, со што локацијата стана вистинско археолошко богатство.

Грчкото Министерство за култура соопшти дека две недопрени гробници кои датираат од 1400 до 1200 година п.н.е биле пронајдени во близина на градот Немеа, на југот на земјата.

Областа е позната по многубројните гробници, но повеќето биле ограбени пред да бидат пронајдени, пренесува АП.

Министерството соопшти дека во новооткриените гробници се наоѓаат две целосно погребани лица, како и коски на 14 лица кои биле преместени од други гробници.

Ископувањата на гробиштата Ајдони почнале кон крајот на 1970-тите, откако местото на гробниците што датира од 1700-1100 п.н.е. веќе било ограбено, веројатно неколку години порано. На локацијата бил пронајден антички накит.

Неколку парчиња накит што се појавија на аукција во Њујорк во 1993 година беа од тој локалитет и накитот е вратен во Грција.

До 1930 година починаа 22 лица што учествуваа во отворањето на гробницата на Тутанкамон. Археолозите и членовите на нивните семејства починаа од ужасни болести или чудни несреќи.

Над саркофагот стоел натписот: „Смрт ќе ги снајде сите оние што се мешаат во сонот на фараонот“, но никој не се обѕирал на тоа. Но, шест недели по отворањето на гробот, починаа дванаесет луѓе од експедицијата што ја откри гробницата на Тутанкамон во 1922 година и почна да се шири приказната за проклетството на фараонот.

Стравувањата од смртоносната клетва на фараонот повторно се појавија кога експертите првпат по нивното откритие, го поместија саркофагот на Тутанкамон од гробот.

Телото е префрлено во музејот за првпат да се обнови по откривањето на гробот, пишува „Сан“.

Саркофагот и вредната колекција од неговиот гроб треба да бидат централен дел од новиот голем египетски музеј што Египет ќе го отвори в година во близина на пирамидата во Гиза.