Контакт

Култура

(Видео) Љутков до Костадиновска: За реализација на фестивалот во Приштина одвоивте 30.000 евра, тоа е многу повеќе од парите за нашите „Ристо Шишков“ и „Скомрахи“

Објавено пред

„Реакциите на јавноста со објавувањето на Годишната програма за култура не стивнуваат! Бидејќи не е јавно соопштено, новост е дека вчера, имињата на комисиите се објавени со линк, кој e додаден на веб страната на министерството заедно со резултатите од Годишната програма. Веројатно, за да нема поголема видливост“, вели Зоран Љутков, член на ИК на ВМРО-ДПМНЕ.

dobivaj vesti na viber

„Министерке, не дадовте ниту еден аргументиран демант и должите на македонската јавност уште многу неодговорени прашања: дали од овие членови членот на комисијата за музејска дејност е наставник по англиски јазик исто како вас и нема никаква допирна точка со музејската дејност? Дали членот на комисијата за визуелни уметности е се уште студент? Ако во времето на ВМРО-ДПМНЕ како што рековте Вие имало и академици, и во најмала рака универзитетски професори, комисијата за заштита на културно наследство сега е составена од членови кои немаат ниту научно звање, а за потсетување на јавноста, минатата година за член на истата комисија беше наставник по биологија! Дали претседателката на комисијата за интердисциплинарни, освен што е истакнат активист на СДСМ е и член на извршната канцеларија на Здружението на граѓани Младински културен центар Битола, за кое во оваа дејност самата си доделила 11.000 евра за проектот „Битола отворен град 2024“, и дали членови на комисијата за фолклор си доделувале средства во здруженијата на граѓани во кои тие самите партипицираат? И колкумина од вашите членови на комисии кои го чинат македонскиот народ со околу 80.000 евра, се активисти на СДСМ и ДУИ, односно повеќе се партиски препознатливи отколку по нивниот професионален бекраунд?!

Вие која никогаш не сте биле дел од културата, да Ви повторам уште еднаш она што културната јавност многу добро го знае, дека во времето на ВМРО-ДПМНЕ, пресовите на министерот при објавувањето на Годишната програма се одржуваа во присуство на сите членови на комисиите, затоа што, со квалитетни и истакнати професионалци и со буџети со износи од 9.000.000 – 12.000.000 денари, само во националните театри, не сме имале од што да се срамиме! А, хонорарите на членовите на комисиите беа за 70% пониски, иако тогаш во најмала рака како што веќе кажав, претседателите на комисиите беа со научни звања, универзитетски професори, дури и академици.

Бидејќи во овие два изминати денови, најжолчно се обидувавте да го одбраните фестивалот „Моисиу“ во Приштина, небаре лажеме, јавноста може да се увери од Годишната програма за меѓународна дејност за Националните установи, каде многу јасно е објавен насловот, цитирам: „Реализацијата на фестивалот „Моисиу“ во Приштина, Косово“. Ако тврдите дека не се работи за организација туку за учество, произлегува и дополнителна дилема, зошто сите останати национални театри кои се финансирани за учество во многу подалечни земји, се поддржани со десет пати помали средства? И доколку станува збор само учество, како тоа за само 100 километри пат, министерството издвоило 30.000 евра?! И конечно, ова наводно учество на фестивал во Косово, зошто чини многу повеќе, отколку организацијата на нашите етаблирани традиционални меѓународни фестивали „Ристо Шишков“ и „Скомрахи“ заедно.

Почитувани уметници и граѓани на Република Македонија кои сте дел од културното битисување, денес во мое име, а и во ваше име ќе и поставам на министерката и на Владата која таа ја застапува, уште неколку дополнителни прашања врзани за капиталните инвестиции во културата, кои сите нас не засегаат и тоа:

Зошто на одобрени 220 милиони денари за доизградба на Театарот во Струмица во 2017 година, Вашата Влада ги пренамени средствата и денес 7 години потоа истиот не е довршен?

Зошто ја стопиравте градбата на Драмскиот театар во Скопје иако беа обезбедени средства во буџетот за 2017 година, а истите ги пренаменивте?

Ви оставивме изградена карабина на Турскиот театар, седум години по ред, требаше само да ја завршите во првата фаза, а остатокот на објектот да се доизгради со средства од турската Влада.

Ни тоа не го направивте. Зошто од 2020 година, од кога помпезно имаше најава дека со Одлука на Влада се одобриле средства за изградба на нов објект на „Танец“, до денес никој не видел ниту проектна програма?

Зошто од 2017, секоја година изјавувате дека сега работите на Проектна програма за Театарот во Прилеп, во 2019 година дека сега се средуваат градежните дозволи во Општината, па во јуни минатата 2023 година, се обидовте да се ја префрлите топката на градоначалникот дека политички ве опструира, а кога за само еден месец сите услови ви беа обезбедени, повторно се вративте на старата песна и пак на проектната програма“, изјави Зоран Љутков, член на ИК на ВМРО-ДПМНЕ.

„Во 2022 година, по цели 5 години отпочнавте со реконструкција на кровот на НУБ „Св. Климент Охридски“ и најавивте дека ќе продолжите следната година со блоковите 3 и 5 од објектот, се’ до неговото завршување за повторно да го вратите сјајот на овој значаен архитектонски објект. Од тоа нема ништо!

А, што да кажеме за Театарот во Куманово? Исто така, долго најавената реконструкција, за која одвоивте 15 пати помалку средства, отпочнавте со уривање на ентериерот и денес театарот е неупотреблив за реализација на културни содржини. Нови средства во 2024 за него, секако нема!

И секако, еден од најголемите најавени инвестициски најавени зафати кој е предмет на манипулација е реконструкцијата на Универзална сала, па ќе ви ги поставам истите прашања кои ви ги постави пратеничката Ане Лашкоска. Кога распишавте тендер за реконструкција на Универзална сала? На сајтот за јавни набавки, ваква набавка нема! Која фирма ја избравте за изведувач и како? Кој е и како го избравте надзорот? И колку средства се обезбедени за 2024 година?

Искрено не очекувам одговори, бидејќи одамна е јасно дека оваа неспособна Влада, освен што со години ја манипулира јавноста, нема ниту една инвестиција во Република Македонија и затоа ќе остане уште долго време запаметена како Влада која една шајка нема заковано!

Жалам што државата ја доведовте на апарати, економски, институционално, регионално. Вие и Вашата Влада успеавте и она што со столетија ни е дадено, цивилизациското и културното наследство да го урнисате!

Министерке, да сум на Ваше место најмалку што можам да направам е да ја повлечам оваа срамна и убедливо најлоша Годишна програма!

Но, надежта последна умира. После 8-ми мај, овакви скандалозни програми ќе бидат минато!“, додаде Зоран Љутков, член на ИК на ВМРО-ДПМНЕ.

Култура

Костадиновска-Стојчевска: Нови идеи и заеднички активности со музеите во Ватикан

Објавено пред

Изложба со македонски икони во Музејот на Ватикан е една од точките за која е постигнат првичен договор помеѓу министерката за култура, Бисера Костадиновска-Стојчевска, и заменикот уметничко-научен директор на Музејот, Џандоменико Спинола, на нивниот состанок одржан во Ватикан. Нашата држава одново ќе има можност на светската јавност да ѝ ги претстави културното наследство и вредните икони изработени од македонски автори, информираат од Министерството за култура.

dobivaj vesti na viber

Покрај оваа изложба, за која музејот во Ватикан покажал особен интерес, било договорено да се овозможат услови за организирање и други изложби преку кои македонската уметност ќе се промовира како дел од европската, со своја посебност и важност. Министерката Костадиновска Стојчевска го поканила директорот Спинола во Скопје за оваа соработка да продолжи со настани во нашата држава на кои Ватикан ќе претстави дел од својата уметничка архива.

Значењето на македонското културно наследство беше и во фокус на изложбата „Манастирите од Северна Македонија“, која е поставена токму во Ватикан, во македонската амбасада, на која преку фотографиите на Стојан Стојановски светот се запознава со средновековните манастири.

При посетата на изложбата Костадиновска-Стојчевска ја потенцира непроценливата вредност на нашето културно и историско наследство, како и умешноста на градителите на македонските цркви и манастири.

Заедничките планови со Ватикан во иднина, како и поставената изложба, се потврда за добрите и нов потег да се продлабочат 30-годишните прјателски односи што ги имаме со Светиот Престол и преку која меѓународно ја промовираме македонската културна историја.

Во таа насока беше и состанокот на министерката со хуманитарната организација на Католичката црква, „Каритас интернационалис“. Со нив е отворена идејата да се организира настан за Мајка Тереза преку поголем број активности во кои ќе се вклучат академската заедница и студентите.

Пред состаноците со официјалните претставници од Ватикан, министерката Костадиновска-Стојчевска имаше работен состанок и во македонската амбасада при Светата Столица, со што официјално ја почна посетата на Рим. Со амбасадорката Марија Ефремова, покрај другите, се отвориле и прашањата за чествувањето на 24 Мај – Денот на сесловенските просветители, светите Кирил и Методиј, кога нашата култура ќе има свое традиционално претставување.

Прикажи повеќе...

Култура

Жителите на Кисела Вода повторно добиваат кино

Објавено пред

Градоначалникот Орце Ѓорѓиевски и Михаела Ѓорчева, основач на единствениот македонски синџир кина, „Киноверзум“, денес потпишаа договор преку кој и официјално се става во употреба киното во возобновениот Дом на културата „Билјана Беличанец“.

dobivaj vesti na viber

Во киносалата, опремена со најнова технологија, секојдневно ќе се проектираат најнови филмски достигнувања и љубителите на филмската уметност од сите генераци ќе може заеднички да оживеат ново поглавје во културниот живот на општина Кисела Вода.

„Денес, ставаме потпис на еден значаен документ, на договор кој е круна на целата наша досегашна работа во Домот на културата ‘Билјана Беличанец’. Од денес Кисела Вода повторно има кино,каде што нашите жители ќе може да ги следат најновите филмски достигнувања и светските филмски хитови. Во изминатиот период интензивно работевме на темелна обнова на овој објект, кој е изграден во 1959 година и ги живеел своите најдобри денови се до 90-тите години на минатиот век кога негрижата го довела до непрепознатливост. Целосно руиниран, веќе не можел ни да се користи. Со средства од Министерството за култура и Општина Кисела Вода во 2015 година објектот беше обновен, но повторно поради неодржување, мораше да се санира. Со потпишувањето на договорот со ‘Киноверзум’, општина Кисела Вода станува дел од единствениот македонски синцир кина, а Домот на културата ‘Билјана Беличанец’ почнува ново културно поглавје во своето постоење. За да гледаат филм, некоја премиера, светско достигнување во филмската кинематографија, жителите на општина Кисела Вода повеќе не мора да одат во друг дел на градот. Културата сега е достапна во близина на нивните домови“, истакна градоначалникот Орце Ѓорѓиевски.

„Отворањето на нашата четврта киносала во Кисела Вода за нас претставува уште еден чекор кон реализацијата на нашата мисија за промовирање на културата и филмската уметност во целата земја. Речиси 5 години посветено работиме за развојот на културниот живот во локалните заедници, што може да го потврди нашата публика во Свети Николе, Штип и Велес. Верувам дека ‘Киноверзум’ ќе придонесе кон збогатувањето на културната понуда во Кисела Вода нудејќи му на локалното население пристап до најновите филмови од светската филмска сцена во современ и удобен амбиент. Со секоја нова локација се трудиме да внесеме уникатност и креативност во нашата работа креирајќи филмска програма, која ќе ги инспирира и едуцира гледачите, но истовремено и ќе ги забавува. Ова е значаен момент за нас како тим и нè приближува кон нашата цел да бидеме мост помеѓу светската филмска индустрија и љубителите на филмот“, изјави Михаела Ѓорчева, основач на „Киноверзум“.

„Киноверзум“ е основан во 2019 година како единствено универзитетско кино во земјата и е дел од Меѓународниот славјански универзитет во Свети Николе. Досега има речиси 400 прикажани филма и околу 5.000 реализирани проекции потврдувајќи ја својата мисија за инспиративни промени во културниот живот на регионите во кои работи. Месецов ќе има 8 нови филма, кои ќе бидат достапни и за публиката во „Киноверзум“ во Кисела Вода. Првата проекција во Домот на културата „Билјана Беличанец“ се очекува кон средината на месецот.

Прикажи повеќе...

Култура

Отворен е шестиот конкурс за наградата „Пегаз“ за најдобар необјавен роман во 2024 година

Објавено пред

Шестиот конкурс за наградата „Пегаз“, што ја организира издавачката куќа „Арс ламина“, во соработка со Фондацијата за унапредување и промоција на културните вредности „Славко Јаневски“, е отворен и трае до 1 јули 2024 година. Добитникот на наградата ќе биде прогласен на 2 септември 2024 година.

dobivaj vesti na viber

За наградата „Пегаз“ може да конкурираат необјавени романи (ракописи) за возрасни или за деца, што ќе ги достават самите автори на електронската пошта [email protected] како „Ворд“ или ПДФ-документ.

Ракописите ќе ги оценува тричлена жири-комисија, составена од двајца реномирани културни работници и еден претставник од издавачката куќа, чиј состав ќе биде објавен дополнително.

Наградата „Пегаз“ е откупна и се состои од паричен износ од 90.000 денари, статуетка и објавување на романот во посебна едиција.

„Пегаз“ е производ на идејата за откривање нови писателски гласови што ќе придонесат за унапредување на книжевниот вид роман во рамките на македонската книжевна продукција. Наградата е утврдена во 2019 година и е замислена како продолжение на етаблираната награда „Роман на годината“, што ја доделува Фондацијата „Славко Јаневски“ за најдобар објавен роман на годината.

Досегашни добитници на наградата „Пегаз“ се романите: „Насон прочитана книга“ од Соња Манџук (2019), „Мртвите знаат најдобро“ од Владо Јаневски и „Лазарка“ од Љупчо Петрески (2020), „Хотел меѓу две војни“ од Александар Русјаков (2021), „Зелениот дворец“ од Сибо (2022) и „Риба во(н) мрежа“ од Јована Матевска-Атанасова (2023), што ќе биде објавен следниот месец.

Годинашното издание на наградата „Пегаз“ е поддржано од Министерството за култура во рамките на годишниот конкурс за финансирање проекти од национален интерес во областа на културата.

Прикажи повеќе...

Најново

Топ10 часа

Со нож убил малолетник: притвор за 15-годишникот од Прилеп бара обвинителството

Основното јавно обвинителство Прилеп поднесе барање за поведување подготвителна постапка со предлог за определување мерка притвор за 15-годишник од прилепското...

Свет11 часа

(Видео) Апсења по погребот на Навални, присутните со извици: „Путин е убиец“

Голем број Руси го скандираа името на Алексеј Навални додека лидерот на опозицијата беше погребан денеска во Москва и им...

Македонија12 часа

Палевски ќе биде екстрадиран од Турција по завршувањето на административните процедури, вели Аврамовска-Мадиќ

Заменик министерката за правда, Викторија Аврамовска Мадиќ, очекува Љупчо Палевски од Турција да биде екстрадиран веднаш по завршување на административните...

Македонија14 часа

Зибери јавно им одржа лекција на извршителите и на судиите: Член 93 од Законот за извршувањето е правниот основ за бришење на долговите

Народниот правобранител Насер Зибери јавно им одржа лекција на извршителите и судиите, кои седум месеци одбиваат да ги применуваат измените...

Македонија16 часа

Пендаровски: Ако бев избран во парламентот во 2019, ќе бев сменет истото попладне кога ѝ се спротивставив на власта за „Рекет“

На денешната прес-конференција претседателот Стево Пендаровски рече дека не може да знае дали некои од неговите поддржувачи ќе го дадат...

Топ19 часа

Расчистено убиството на 14-годишното момче во Прилеп, приведени двајца

Денеска, во 4 часот, во село Сенокос, општина Долнени, полициски службеници од ОВР Прилеп ги лишиле од слобода малолетник и...

Топ19 часа

14-годишно момче убиено среде Прилеп

14-годишно момче, вчеравечер, околу 19.30 часот, е пронајдено без знаци на живот со повеќе убодни рани и надворешни крвавења во...

Македонија19 часа

ДИК со нов пресек: Ванковска собра 9.722, Јакимовски 9.265 потписи, за Томе Николоски сè уште никој не се потпишал

Професорката Билјана Ванковска, која е предложена од политичката партија Левица, заклучно со вчерашниот ден има собрано 9.722 од потребните 10.000...

Економија19 часа

Нема повеќе гарантирани цени во маркетите, секое нелогично зголемување ќе биде санкционирано

Од денеска нема повеќе гарантирани цени на производите во маркетите. Како што порача претходно вицепремиерот за економски прашања, Фатмир Битиќи,...

Македонија20 часа

МНР го осуди нападот во Газа: Ваквиот чин претставува сериозно кршење на меѓународното право

Министерството за надворешни работи најостро го осудува нападот во Газа, кој однесе животи на голем број невини луѓе додека чекаа...

Македонија20 часа

МВР воведе нова секција на веб-страницата за побрзо закажување термин за лични документи

Министерството за внатрешни работи информира дека од вчера е воведена уште една нова секција на веб-страницата https://termin.mvr.gov.mk/, која има цел да...

Свет21 час

(Видео) Пожар зафати зграда во Бангладеш, загинаа најмалку 43 лица

Најмалку 43 лица загинаа, а десетици се повредени во пожар што вчера уништи седумкатница во Дака, главниот град на Бангладеш,...

Свет21 час

(Видео) Не стивнуваат реакциите за масакрот во Газа; сведок: Камиони со храна газеа луѓе

Според последните информации од Газа, најмалку 112 Палестинци се убиени, а 760 се повредени додека очајнички се обидувале да ја...

Македонија2 дена

(Видео) Бунарите пресушуваат, изворите се повлекуваат; наместо над 400, УХМР има 40 станици за следење на подземните води

Секнати кладенци, пресушени бунари, повлечени изворишта на вода и суви поила за стока станаа главна мака во речиси сите региони...

Европа2 дена

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави...

Македонија2 дена

Демири: Ќе најдеме решение да му се помогне не само на Лео, туку и на секој друг пациент што има потреба

Владата и Министерството се комплетно посветени и ќе се изнајде решение со кое ќе му се помогне на Леонид Индов,...

Македонија2 дена

Во дел од општините ГУП-от не е сменет над 20 години, има голем број дивоградби и неефикасен инспекциски надзор, објави Центарот за граѓански комуникации

Центарот за граѓански комуникации го објави истражувањето на тема „Застарени ГУП-ови, често менување ДУП-ови и голем број дивоградби“ и ова,...

Македонија2 дена

Ванковска на чекор до претседателска кандидатура, собра 9.085 потписи

Професорката Билјана Ванковска која е предложена од политичката партија Левица, заклучно со вчерашниот ден има собрано 9.085 од потребните 10.000...

Македонија2 дена

Пендаровски: ВМРО-ДПМНЕ продолжува да се служи со уличен жаргон и излитени фрази

ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази,...

Топ2 дена

(Видео) Полицајци истепале лице вработено како обезбедување во казино во Куманово

Одделот за внатрешна контрола, криминалистички истраги и професионални стандарди при МВР поднесе кривична пријава против Д.П., полициски службеник во Полициската...