Култура

Дебати за владиниот пиар, социјалните медиуми и состојбите во македонското истражувачко новинарство на вториот ден на ИФФС

Објавено пред

2 години

- 26 октомври, 2018

Од

Мора да ги поучите младите и возрасните како да разликуваат лажна вест од вистинска. За почеток научете ги луѓето за новинарството. Кога ќе прочитате некоја вест, најпрвин проверете ја нејзината веродостојност, на пример, на „Гугл“, па подоцна споделете ја, ова се дел од искуствата што со публиката на Истражувачкиот филмски фестивал Скопје ги сподели новинарката Џејн Литвиненко од „Базфид њуз“, синоќа, на отворањето во киното „Култура“.

„Ниеден ден во ‘Базфид њуз’ не е ист на друг. Мене ме радува што не морам да се објаснувам многу со мојот уредник. Сите статистики покажуваат дека лажните вести денес имаат повеќе следбеници од вистинските, особено во време на политички избори“, рече таа и додаде дека една од поинтеренсите теми што сака да ги работи е разоткривањето измами со криптовалути.

Првиот ден на фестивалот го отворија Кристина Озимец, главен координатор на ИФФС, и Милан Живковиќ од „Фридрих Еберт Штифтунг“, партнер на Фестивалот.

„Владиниот пиар и социјалните медиуми: влијание, присуство или преголемо присуство“ е темата на која ќе се дискутира денеска во 11 часот во киното „Култура“ во Скопје, на вториот фестивалски ден на Истражувачкиот филмски фестивал.

Гости на дебатата ќе бидат: Бранко Героски, Божидар Божиновски, Марјан Забрчанец, Бојан Кордалов и Васко Маглешов, кој ќе ја модерира дебатата.

Во 12.30 часот ќе следува презентација и работилница на дигиталниот медиум „Види вака“. Мите Кузевски, еден од основачите на овој медиум, ќе зборува на темата „Како да ја продадеш твојата приказна со помош на едноминутно видео?“

Два документарни филма на македонски автори ќе бидат прикажани како дел од програмата на фестивалот. Во 17.30 часот ќе биде проекцијата на „Случај ‘Дрисла’: Не смрди само ѓубрето“, истражувачки телевизиски документарец на SCOOP. Половина час подоцна ќе следува „Водомила“, во режија на Јордан Дуков, а во продукција на „Кадар“.

„Длабоко во 21 век, во центарот на Македонија, долгогодишната негрижа на властите предизвикува апсурдна ситуација, каква што веројатно нема ниту во земјите од третиот свет“, велат организаторите во краткото сиже за овој документарец.

Во 19 часот е закажана дебата на темата „Истражувачкото новинарство во Македонија – предизвици и како понатаму“.

Ќе дискутираат новинарите: Александра Денковска, Фуркан Салиу, Владо Апостолов, Елида Зилбеари, Петар Клинчарски и Васко Попетревски, кој ќе биде и модератор на дискусијата.

Краткометражниот филм „Бајка за лажните вести“ на Кејт Стоунхил во 20.30 часот ќе нè одведе до еден неверојатен епицентар на лажни вести – Велес. Додека, пак, „Дафне: Егзекуцијата“ во 20.45 часот ќе го отвори прашањето која била новинарката Дафне Каруана Галиција и зошто била убиена?

Истражувачкиот филмски фестивал Скопје го организира Платформата за истражувачко новинарство – ПИНА во соработка со ФЕС Скопје.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

„Види ја ти неа“ во официјалната програма на Солунскиот филмски фестивал

Претходно

Изложба на Жанета Гелевска-Вељановска – Жани во Скопје

Култура

Завршува вториот дел на КРИК, фестивалот за критичка култура

Објавено пред

7 часа

- 18 септември, 2020

Од

Макфакс

Програмата на вториот дел на петтото издание на КРИК – фестивал за критичка култура, завршува вечерва во Музејот на современата уметност, во 19.30 часот, со премиерна проекција на краткиот фотографски филм на Иван Блажев, „Сето време е сето време“, инспириран од литературното дело на Курт Вонегат, „Кланица 5“, за контроверзното бомбардирање на Дрезден на крајот на Втората светска војна.

Веднаш потоа следува предавањето на Небојша Вилиќ со наслов „Пролегомена за една комунитативна ангажираност“, проследено со излагања на Натали Р. Павлеска и Јованка Попопова и разговор помеѓу тројцата учесници.

„Ако нормалноста на тековнава стварност ја определиме како комунитативна, тогаш и ангажираноста би можела да се определи како комунитативна, односно да се воспостави ангажман на уметникот кој во себе ќе ја содржи и состојката на комунативното и онаа на комуникативното. Поточно, културата и уметноста преку ваквата ангажираност би можеле да станат поттикнувачка, дејствувачка и остварувачка алатка за постварување на намерата, потребата и нужноста за промена на тековнава општествено-економска формација во некоја друга поинаква, а зошто да не и – нова. Во оваа пригода ќе се обидам да го определам поимот на комунитативната ангажираност имајќи го на ум, пред сѐ, ставот на Жак Рансиер, според кој: „Не постои ангажирана уметност, постојат само ангажирани уметници!“, вели професорот Вилиќ најавувајќи ја вечерашната дискусија.

Во рамкие на програмата на вториот дел на КРИК 05, вчеравечер, Станимир Панајотов (Бугарија) и Артан Садику (Северна Македонија), преку перфомативен теориско-поетски разговор, кој вклучуваше и музика и учество на публиката, говореа за поимот на сексуалноста во услови на посткапитализам, за личните искуства поврзани со смртта и теориските и политичките концепти во пресрет на актуелниот историски момент.

Како дел од овој настан со наслов „Сексуалноста и смртта“, Панајотов и Садику ги читаа своите песни посветени на „оваа изопаченост наречена љубов“, на сексуалната „жед за анихилација“ и други „грандиозни неправилности“. Песните се дел од заедничката книга, која се состои од нивна поезија, заедничко читање и меѓусебно креативно уредување.

Прикажи повеќе...

Култура

Концерт по повод 1.000 години од основањето на Бигорскиот манастир

Објавено пред

9 часа

- 18 септември, 2020

Од

Макфакс

Филхармонијата организира свечен концерт по повод големиот јубилеј на Бигорскиот манастир – 1.000 години од неговото основање.

Концертот ќе се одржи на 23 септември (среда) во Големата сала на Филхармонијата, со почеток во 20 часот.

Со оркестарот ќе диригира Борјан Цанев, а како солисти ќе настапат: Кристијан Антовски (баритон), Игор Милевски (виолина), Петар Христов (кларинет) и Тимко Чичаковски (канон).
На концертот ќе бидат изведени стари македонски изворни композиции.

Прикажи повеќе...

Култура

Седум филма поддржани од Агенцијата за филм се селектирани за програмата на Синедејс

Објавено пред

1 ден

- 17 септември, 2020

Од

Макфакс

Во рамките на Фестивалот на европски филм свои премиери ќе имаат 7 филмови кои се поддржани од Агенцијата за филм. Филмовите се во категоризација на мнозински копродукции и филмови со македонско малцинско учество.

Македонскиот филм „Стела“ во режија на Стојан Вујичиќ ќе го отвори Синедејс на 18.09.2020 со почеток во 20:30 во Градскиот Парк. Додека, македонската премиера на филмот „Хомо“ на Игор Иванов Изи ќе се одржи на 24.09.2020 со почеток во 20:00 часот на локација кровот на ГТЦ.
Останати филмови со македонско малцинско учество се:

• Премиерата на „Сирена во Париз“ во режија на Матијаз Малзиу (Франција) ќе се одржи на локација Парк Ибни Пајко на 19.09.2020 со почеток во 21:00 часот
• „Летечкиот циркус“ во режија на Фатос Бериша (Косово) ќе биде прикажан на локација Парк Ибни Пајко на 20.09.2020 со почеток во 20:00 часот
• „Моето езеро“ во режија на Ѓерг Џувани (Албанија) ќе биде прикажан на локација Парк Ибни Пајко на 21.09.2020 со почеток во 20:00 часот
• Премиерата на „Малмкрог“ во режија на Кристи Пуиу (Романија) ќе се одржи на локација Парк Ибни Пајко на 21.09.2020 со почеток во 20:00 часот
• Филмот „18% сиво“ во режија на Виктор Чучков (Бугарија) ќе биде прикажан на локација МКЦ парк на 22.09.2020 со почеток во 20:00 часот

Агенцијата за филм го продолжува трендот на „Нов бран” кој ја гради перцепцијата за македонскиот филм со автентичен и препознатлив израз, и каков таков ќе биде прифатен во Европа и во светот, се вели во соопштението.

Прикажи повеќе...